群記牛肉圓豬手

营业中

休息中

午餐時段只係等咗15分鐘位😗因為上菜速度超快。餐牌只有幾款食物：豬手，牛腩，牛牛同特色炸卷🤣所有麵都可以揀大細，不自量力嘅我揀咗大碗🤣🤣 豬手份量好多，食到超飽! 建議想試其他餸可以叫雙拼 或者 單拼細碗+一個淨餸!一定要試辣椒油🌶️ 超香，唔太辣😁😁特色炸卷係腐皮包牛肉，分量亦很多，建議2人以上先好叫🤣🤣唔係食唔晒😂 炸卷喺其他餐廳搵唔到，但食落冇咩特別🙈🙈如果你好鍾意食豬手可以特登嚟試😋 如果唔係，唔使特登入粉嶺食🙈🙈

第一次嚟，下晝1:30食飯時間，有成20幾人等位等外賣，二人堂食等咗大概15分鐘，好簡單嘅餐牌，又有咁多時間俾你諗，一坐低即刻落單，唔夠2分鐘就上枱有嘢食！麵質唔錯有口感；牛丸彈牙有肉汁但味淡，比起傳統嘅牛丸細粒好多，質素相對有級數嘅潮州牛丸有一段距離；簡單嘅豬手雖然看似冇乜特別，肉多皮脆，鹹鹹地幾好食；牛腩只係得頭頭尾尾，又韌又痴牙，有啲失望；炸卷份量夠，真材實料，牛肉味濃，不過有啲乾身，好似食緊over cooked漢堡扒，食緊嘅時候已經聽到話賣晒；一分錢一分貨，整體都OK嘅⋯⋯

呢間粉嶺聯和墟名物基本上食親都要排隊，如果無人等位即係代表佢嘅豬手已經賣晒。不過除了豬手牛丸牛腩同炸卷之外，其實佢嘅秘製辣椒油都好正，仲可以成樽買走，我覺得點豬手牛丸都好好食。

幾年沒有去粉嶺，今天專誠去仁利買雞仔餅，回程順路去群記吃豬手。12点到，等了3分鐘可入，量體溫入座。幾年沒有來，桌椅換了新的，幾款食物和價錢用紅紙貼在牆上，簡單有效。天花的古吉吊扇特顯了這老店的歷史。店外等食和買外賣的人龍不斷，疫症對這店好像一點影響也沒有。坐下即点了三個招牌菜。豬手米粉米粉正常，那白烚豬手依然十分好味，軟硬合到好處，沒豬騷味，不黐牙。清淡平凡的材料顯現出不平凡。牛丸米牛丸沒有潮州的牛丸爽，但也很細緻，有牛肉味，湯也是淡淡的沒味精。麵底一般。炸牛肉卷這小食用單張腐皮包裹著碎牛肉，沒吃到其他配料，外皮炸得微脆，配喼汁，入囗很香，一口濃濃牛肉味。我也沒有在其他食店供應這菜式。來群記便一定要試了。

專登冒名由而來。見到門口大排長龍諗住實好食。見到門口派飛仔位小姐黑口黑面，粗聲粗氣冇禮貌兼不停背後鬧客人已經難頂，心諗試完今次好食都一定乜冇下次囉。間野冇野揀，得豬手、牛腩、牛丸同炸卷4樣。豬手係好食嘅，又炆得淋、唔痴牙又夠入味。但可惜其他4樣都唔掂囉。牛腩痴牙，痴到唔想食；牛丸細粒到呢，完全冇牛味，以為自己食緊豬肉丸。至於炸卷，凍到腥😑我唔明點解炸卷會腥。但有一點可以讚嘅，就冇乜味精。食完唔口渴。如果專登黎食，勸大家無謂浪費時間過黎喇😑

聽人講呢一間位於粉嶺嘅牛丸豬手好出名， 要早d黎，如果唔係好快賣晒。既然咁講，就一早入嚟會一會佢啦，點知，豬手都係賣晒🙃。外面裝修就係一般舊式粉面店嘅樣，配上綠白色瓷磚，加上紅紙白字餐牌。究竟有幾多人仲識睇🤭喺出面等咗一陣，入到去先知冇咗出名嘅豬手，咁唯有試吓其他嘢啦。牛丸河- 牛丸就唔係好彈嘅，但係份量好多成個碗都係牛丸，一定飽，開埋呢隻辣椒油，一定食得晒。牛腩河- 牛腩都好淋，都幾入味，細個食牛腩麵嘅味道。可惜太遠，冇機會買返去比屋企人食，因為攞返佢已經淋哂。呢度間鋪細細，如果想試豬手要係喺開鋪之後冇耐就要嚟食，如果唔係嘅話就食唔到佢哋出名嘅名物㗎啦。

群記本身店內環境已經好似打仗咁款，而且冇得揀位坐，全天候所有客人清一色要喺門口攞紙仔等叫號碼安排入坐，其餘食物方面～牛丸真係好細粒，唔係講笑～真係好似波子咁細粒，而且欠缺牛味，豬手肉質軟淋，辣椒油好香，但香而不辣，份量都的確係少，盛惠每碗$42

今日心血來潮想食群記豬手，今日終於的起心肝搭專登坐車去食，但我去之前先確定仲有冇豬手，因為佢成日都會賣晒！所以先打去問一問，有個女人聽電話，佢態度真係麻麻，不過呢間野都出名冇服務，最主要係想食佢嘅食物！去到嘅時候已經滿座，等咗5分鐘左右！叫咗一碗豬手牛腩米粉，另外再嗌左一碗浄牛丸拎走！佢嘅豬手的確幾入味，我覺得牛腩就一般唔需要特登喺度食，牛丸細細粒都幾好味，湯底濃郁！最正係佢嘅辣椒油，蒜香味好重，好開胃！所以佢嘅辣椒油都好出名！未試過嘅人，值得一試！

搬咗過嚟粉嶺幾個月，當然要上網search下粉嶺名物，網上面大家都推介群記豬手，我馬上就慕名而去，我估計我最少去過10次都食唔到，首先佢冇固定嘅開賣時間，亦都唔一定會開門，一開始賣大概15分鐘左右就會冇晒，今日終於覺得自己行運 去到剛剛好有得食，結果非常失望..... 我叫咗一碗豬手麵，其實豬手本身都炆得幾霖，但係味道非常之普通，完全唔明點解日日都有人排隊，而且店舖內沒有冷氣只有風扇，結論冇下次！

街坊小店💁🏻‍♀️十一點幾黎都已經要等位不過人流好快 等左一陣就有位落單上菜都好快 所以人都清得好快 但可以見到好多街坊不停咁黎 非常旺✨豬手牛丸米豬手份量好多 肉多骨少 煮到好林 唔會好難咬牛丸都唔錯幾陣牙有牛味米粉份量唔多 湯底都幾清甜食晒成碗份量岩岩好✨牛丸牛腩米份量都係好多 牛腩都好入味✨炸肉條成條都係牛肉 外皮炸到脆卜卜不過食落口就覺得有啲乾身 冇咩肉汁 普普通通✨辣椒醬一坐底就會有碟仔辣椒醬係度 幾香既 不過唔夠辣 整體黎講 係有特色

好多地方都有清湯豬手食，不過食黎食去，都係覺得呢一間好好味，雖然成日都要排長龍等，不過都真係值得嘅。用清湯煮豬手，唔落濃味的醬汁，表示佢對自己嘅豬手新鮮程度非常有信心，而事實亦都係咁。最可惜係食唔到炸卷，印象中如果星期六日同公眾假期要頭圍用僐先至有機會食到，如果真係想食，可能真係要平日先至食到。

成為粉嶺居民之後好多朋友叫我試呢間竟然呢間豬手可以出名到港島人都知不過佢日日都6點前就收舖 難得星期日放假就去試下我地4點去到 唔洗排隊 但只得番淨豬手（大）可以叫後尾再入尼個一枱已經無得叫豬手 我真係好好彩豬手用清湯煮 先試左一啖湯 都幾咸 本身以為係清甜再試下個豬手 豬皮爽口彈牙唔油膩 啖啖骨膠原 肉質軟淋易咬開個味都剛剛好 唔似個湯咁咸淨食個豬手我覺得唔算好WOW之後再點辣椒醬尼食 就即刻好加分！辣椒醬係佢地自家製 唔太辣但好香 令我胃口大開 一件接一件咁食下次放假有機會 我都會為左佢個辣椒醬再尼食既~

疫情之下不能外出，收到遠度而來的群記豬手as a surprise 好開心呀！話說好多食神介紹，一早將他放在want to go list 湯很咸香，my style, 豬手處理得好乾淨，辣椒醬不辣，但出奇地和豬手夾。牛丸冇乜特別牛根腩冇乜特別炸卷都唔識欣賞 總括來說 ok 啦都係鐘意坤記骨煲多啲

要數起上嚟都有近十年沒有來過，入開嚟做嘢帶埋同事嚟試下。老店位置並沒有改，老店裝修亦依舊，當然冷氣空調依然未有裝置，靠幾把吊扇，🥵夏天來大家都會食快啲，咁就自然唔使等咁耐位啦🤣🤣懷舊餐牌，同事都唔識睇銀碼價錢，當我要扮專家教路時，又唔覺意顯露在自己年齡嘅秘密了。🤪自家製嘅辣椒油，夠香但不辣。淨豬手（細）$37-用上上湯白烚，罕有嘅煮法，但帶出豬手嘅爽口清甜， 就算肥膏亦不覺肥膩加上豬手嘅骨膠原，口感令人回味。牛腩幼麵 $42- 普通碎腩，炆得都算冧，但炆牛腩汁料唔算特別香，麵爽口彈牙一般鹼水麵，湯底正常嘢，有種傳統嘅味道。牛丸米 $30-有牛肉味但不濃，略帶一點點彈牙口感，但內裏沒空氣位，可能機打關係，但肉汁亦欠奉，可能而家嘴刁咗，覺得同以前相比，沒以前那種感覺，反而帶點失落。PS. 呢度無論你嗌淨食定係跟粉麵，價錢都一樣，份量比較少，如果大食嘅男士可能要加底，價錢就真係算貴咗啲。 家鄉炸卷三點半左右到已經賣曬，下次有機會再試，不過都應該要等一段長時間。食物賣相＝(滿分20) 12食物味道＝(滿分20) 15服務質素＝(滿分20) 14裝修整潔＝(滿分20) 10（已加懷舊分畀佢）性價

呢間豬手我一兩年前已經聽過，嗰時已經好想試，但係一直冇機會，因為佢收好早唔做晚市，好難食到，終於搵到機會平日同屋企人去食午餐。佢係一間好傳統嘅店舖，冇冷氣冇裝修，七月去食都幾係野，食到成身汗，佢價錢牌仲係用好古舊嗰種字體，相信新一代都冇乜人睇得明佢食物款式唔多，豬手、牛丸、牛腩粉面，炸卷。我就叫咗豬手牛丸米，同一份炸卷，豬手好爽好入味，牛丸亦有牛香彈牙，重點係，佢份量超多，餸仲多過面炸卷係一個包住鹹牛肉嘅卷，好睇個人口味，我覺得唔錯，但我屋企人就覺得普通。我特別要介紹呢度嘅辣椒油，我覺得全間店舖做得最出色其實係佢辣椒油，佢個辣味好特別，撈落個面度非常之香，真心推介