義達食堂 光記點心

营业中

休息中

叉燒腸好食好多叉燒 皮比較煙韌唔厚👍👍👍👍粉果 覺得有別於出面酒樓 佢比較多主要係粉葛 唔見有花生, 但因為自己本身鍾意食粉葛所以覺得ok 蝦餃 非常一般 味道普通 酒樓好啲馬拉糕 傳統馬拉糕 比較鬆軟同埋有彈性 佢呢個比較 唔似傳統中式鬆嘅感覺 不像我童年吃的 佢嘅孔比較密同比較實 不太推薦銀蘿腸粉即係蘿蔔絲腸粉 我本身係蘿蔔控 見到超級多蘿蔔絲喺入面 但味道不過不實啦 ..墨西哥叉燒包 麻麻啦, 覺得添好運好食好多......暫時我會encore 叉燒腸下次一定會再嚟食 到時會再叫下其他嘢食睇下有乜嘢ok 仲有佢嘅枱面有 腸粉嘅豉油自己加 唔錯因為我鍾意多豉油🤣比較速食嘅一間 點心店 食得需要比較快有少少壓力 因為阿姐會問 仲有冇嘢叫隔一陣 啲嘢到齊未 再隔一陣 啲嘢係咪全部收得.. 因為出面有人排隊間舖 嘅枱唔算多. 如果打算要慢慢坐嘅人或者傾下計 建議去返酒樓

當日三人入座, 因為其中一位唔飲茶葉茶, 所以先叫O左一壺滾水, 一壺普洱,  之後我想叫多一壺鐵觀音, 接應O既伙計(男工), 回應:嘩你叫O甘多壺, 會俾老闆鬧, 當時同座的屋企人, 馬上答咀問 : O甘可唔可以將壺普洱(我地已經飲用過)換壺鐵觀音呀? 其後有作配合(好奇怪咯, O甘呢壺普洱系倒O左佢定系俾下一個客呢?), 當時我心裡疑問(沒有收我茶錢嗎? 假設我自己一人入座, 不是也要個別開茶壺俾我嗎? 何況我3個人叫2壺茶, 1 壺滾水不合理?) 不過未有說出口,  心裡已知道香港的服務性行業就系變成O甘, 所以都沒有當場爭論, 心想都系想嚟食下O野, 同屋企人見下面傾下計, 唔好俾呢啲劣質伙計影響自己心情.分享埋當日仲有一女員工表現(長髮)工作表現, 我地後加點心, ORDER 紙交俾佢, O甘佢將ORDER入完機後, 出O左張新O既飛仔(列出客戶已ORDER O既點心清單), O甘我地發現佢入錯O左, 跟住立刻同佢講, 佢對完手寫ORDER同飛仔後, 仲大聲O甘回答我地, 你地要改返蝦腸呀, O甘我重覆一次俾佢聽, 我系話你落錯脆皮腸, 系你要改返, 大家有無留意到, 員工

番工時lunch time想飲茶, 但附近無咩好食的酒樓, 好彩畀同事搵到附近有間隱世飲茶食點心的食堂, 每逢大家想飲茶就會黎到光記!聽講D點心全部都係即叫即蒸!! 而且粒粒都份量十足，我地照舊都係叫蝦餃、燒賣、腸粉個D, 另外見到有期間新年限定 – 韭菜餅同生炒糯米飯!!!一如既往燒賣都幾乎係拳頭size, 應該等於出面酒樓的2粒!你可以逐2粒咁樣叫! 豬肉不肥, 實淨, 上面有隻蝦, 十分足料!韭菜餅外皮煎到酥脆, 韭菜應該係非常新鮮, 韭菜味濃! 鐘意食韭菜的人應該會好like呢個餅!生炒糯米飯份量都充足! 同埋都算多臘味!食落暖立立好滿足! 其他食物都好食! 雖然環境有D逼, 但重點係平又好食, 埋單先每人60蚊!!! 遲D再encore!

中午同同事黎飲茶，鋪面較細，大約7張四人枱到。自己畫點心紙，牆上面仲有冬季精選可以點。我地叫左冬季精選既臘味糯米飯，鮮蝦韭菜餅。兩樣都好食又大份。其他點心方面，我哋叫叉燒腸粉，燒賣，蝦餃， 蘿蔔糕，春卷，雪山叉燒包。全部都唔輸出面酒樓！我地多人share，仲可以問佢拎鉸剪添，好方便！另外，值得一提嘅係佢哋嘅辣椒油，好香！記得問姐姐拎黎點啦！最後除返都係每人$60，抵啦👍🏽

隱藏喺紅磡小巷裏面嘅點心食堂絕對係紅磡街坊，知道嘅隱藏寶藏呢度啲點心全部都即叫即蒸而且粒粒都超級足料蝦餃菠菜餃潮州粉果，全部都超級巨型食一粒等於喺出面茶樓食緊兩粒嘅感覺所以普通如果兩個人食，其實嗌四碟已經非常飽大大推薦牛肉球唔單止因為佢體型夠巨大而且因為整得啱啱好而且有牛肉味(明嘅人就明)另外都推薦雪山叉燒包雖然冇影到但係雪山叉燒包喺其他酒樓食係會比較貴嘅呢度係價錢非常之相宜而且好味雖然好多人覺得有啲甜但係我自己都覺得啱啱好.食物質素係非常之好嘅而且好抵食不過環境就真係有啲迫絕對唔係可以舒舒服服坐好耐嘅但老闆娘同員工服務都唔錯會同你有講有笑值得推薦

逢星期六帶小朋友嚟紅磡學魔術，每次經過都滿座，今堂改咗星期日，終於見到有位。裏面裝修比較舊，我哋兩個點咗八款點心，點心質素好有驚喜，全部都大大件好足料，每件點心都比平時食開嘅點心大三份一，而且味道亦非常唔錯。流沙奶黃包，第一次喺出面食點心見到全手工搓嘅包，雖然甜咗啲，但真係夠大個，流心效果亦唔錯。光記蝦餃皇，好大粒，裏面好多蝦肉，好滿足。原蝦燒賣皇，上面嘅蝦仁唔細粒㗎，可以睇得出好大粒燒賣，裏面包住嘅肉係一塊塊咁組成。沙律雜果鮮蝦雲吞，又好大隻，上面好多雜果。鵝肝醬鹹水角，食唔到鵝肝醬味，不過裏面嘅肉醉亦同平里食開嘅唔同，紮實啲同埋蔥都新鮮啲。銀蘿脆皮腸，好新鮮，裏面仲好脆。山竹牛肉球。四寶雞紮。

一家五口叫好多野食，加單仲俾老闆娘話出面咁多人排隊，唔想加俾我地…….！咩料？我地加完食完，一齊入嘅隔離檯都未走，憑咩趕我地走？真係過份，星期日開開心心食飯，搞到心情極差，差評，唔關味道事，態度有問題.0

店門的推介點心，年藕餅，當我想放入口之際，突然間發現年藕餅內有毛髮，好嘔心，點解呀？推介點心都咁？通知食店但冇回覆冇反應。這是我的問題嗎？作為食店，不應是這樣吧？失望，真心不會再去，祝各位好運！

炸物出色 推介炸蓮藕餅每次幫襯 都會叫炸蓮藕餅😀小店經營 地方唔大,但好多人幫襯好多時都要喺門外排隊等位啲點心大大件 分量十足, 好似燒賣咁 比一般燒賣嘅size大咗20-30% 好足料除咗蓮藕餅之外,其他炸物都好味,例如鮮蝦腐皮卷,炸雞翼,炸春卷; 點心方面…鮮蝦菜苗餃,蝦餃,燒賣…仲有老闆娘秘製嘅辣醬啊好好味呀🌶️但可惜 佢話唔賣架😂因為製作工序繁複,只可以堂食小店雖然地方唔大,但幾有人情味,做街坊生意,而且足料好食,價錢亦都好貼地 親民, 所以好多人幫襯推介👍🏻👍🏻👍🏻

放假想飲茶，三口子搵吓附近有咩好食，見到工廈區有間特色點心評價唔錯，一於黎搵吓好嘢食。位置唔起眼都搵咗一陣先搵到邊度係入口，環境就比較迫。點心拼盤，可以一試，樣樣都大大件，味道都幾好。腸粉好滑，份量又多。鳳爪排骨飯份量多，味道正常呢個釀尖椒茄子，味道一流，個醬汁應該加咗孜然粉，香口好多。好想叫多碟。最後加多個鮮蝦豆苗餃，味道好大大件，可惜個皮唔夠煙韌。整體點心有水準，絕對可以encore再encore嘅食店

呢間點心真係好抵又大件同好味‼️😲😲cp 值真係好高。。雖然是小店～但係相當有水准👍🏻👍🏻而且款式選擇都好多～.蓮藕煎鯪魚餅+蝦腸+叉燒腸😀😀.蝦餃都超大粒😲😲$23/2粒雖然皮唔算好薄，但入面好足料加蝦肉都好新鮮彈牙～好好味😋😋👍🏻.鮮蝦菜苗餃 $19...三粒都好大粒，而且好味‼️..沙律雜果鮮蝦雲吞推薦‼️ 個人好鍾意食呢個。。因為呢個飲茶好少見，雲吞炸得好香脆，之後再食上面什果沙律，即時refresh 返😊😀👍🏻👍🏻.馬拉糕👍🏻👍🏻😌😌.高湯鮮竹卷😀.燒賣都好大粒👍🏻👍🏻.鮮蝦腐皮卷😋😋.蘿蔔糕.好多野食真係，多到擺唔落😆🙈.6 個人食，叫左好多野，都係$595😁超抵呀！！！😲😲😲

今日經開紅磡就走咗去呢間光記點心試一試佢手勢，其實之前已經買過一兩次叉燒包外賣都唔錯，所以今日就想坐低試吓佢其他點心，我哋叫咗叉燒腸粉、蒸鳳爪、叉燒包、山竹牛肉球，總共四款點心由於今日係農曆新年，所以每樣點心都要加多一蚊，相對來講我覺得都係屬於平。首先講吓個蒸腸粉我覺得佢個皮做得非常之好彈牙，只係個叉燒饀比較肥同個淡味，而個义燒包同埋個牛肉球都做得好出色至於個鳳爪就視乎個人喜好，如果你鍾意有咬口嘅就不錯，但我個人比較鍾意食淋身嘅鳳爪，不過個味道是豉汁蒸鳳爪味。兩個人都係106 元，喺今時今日嘅香港來講真係超值，仲有一樣值得讚嘅係店內嘅侍應個個都態度非常之親切。

睇youtuber 介紹黎到呢間隱世點心店嘆個下午茶☕️全日茶錢$5 免加一下午茶有特價點心紙，真係幾抵食所有點心即叫即蒸呢度既茶係用茶包沖既，比較衛生😉==========🔹光記蝦餃皇（2粒）$19黎到時好驚喜，每粒竟然有接近半個拳頭咁大粒，真係大粒過乒乓波架🤣有一隻個皮穿左少少蝦餃皮略嫌少少厚，唔漿口唔會好粉既感覺，乾濕度適中仲有少少煙靭感🙂蝦方面最少食到有4-5隻，蝦係爽口彈牙帶點鮮味，呢度既蝦餃係冇加荀既😄推介指數：8/10==========🔹原蝦燒賣皇（2粒）$19同蝦餃一樣好大粒，鋪面既原隻蝦同樣爽口彈牙😋燒賣食落口感係絞肉，不過肉冇雪味而且仲有少少咬口🙂同蝦餃比較就遜色少少推介指數：7/10==========🔹溫泉蛋牛肉飯 $26呢個絕對係必點之選，性價比極高😍如果細食既人淨係點呢個飯已經可以埋單😆牛肉份量好多，有d 似山竹牛肉既口感，肉係非常彈牙仲好有牛肉既香味，加少少豉油撈埋d 飯食係一流個蛋係流心既，飯最少有一碗份量，飯粒粒分明，唔過硬👍🏻推介指數：9/10

估唔到在紅磡工業村那裏有一間點心店“光記”，店鋪位於 義達工業大廈後門， 那裏的點心又大件，又好食，價錢平民化。我個人覺得，那裏的品質比很多有名氣的茶樓更好食。 那裏的蝦餃燒賣，雖然一籠是有兩粒，但是超級大粒， 蝦餃基本上裏面有3-4隻蝦， 口感彈牙，皮薄餡靚！本人最喜愛它的鵝肝鹹水角， 餡料豐富， 皮炸得脆之外，還不會覺得油膩。 還有煎釀矮瓜和辣椒，我從未見咁厚料的煎釀辣椒和茄子， 啖啖都是煎香的鯪魚肉！ 最值得一讚是他的瓦煲蒸飯， 米飯粒粒清晰，不會太濕，好食！👍👍

點了蝦餃，燒賣及銀蘿脆皮腸及芒果布甸。感覺上即叫即蒸已經勝過千言萬語，配上新鲜的食材，便絕對不會失望。值得一提的是的銀蘿脆皮腸，不單是炸兩還配上蘿蔔絲，感覺清新爽彈