翠園雲吞麵店

营业中

休息中

大角咀翠園 中下 🤣比一般水平差唔知係咪期望過高……關注組評價係好壞參半所以要親自試下，先知啱唔啱口味🧐🧐真心唔好食，湯頭亦淡仲比錯葱，✖✖✖蟹子冇令佢好食左，或惹味啲， 可以唔洗專登去試嘥quota 可以唔洗試可樂係玻璃樽，好似可以揀罐裝仲可以揀紙包飲品大角咀昌興好啲仲有其他選擇環境細，似係老闆2公婆生意約10個位所以可能預左要等下位冬天經過可以諗下，夏天喺門口等都幾甘🤣男仔未必夠飽可一不可再返食指數：（10個為滿分）

this is hidden noodle with their tailor made wonton.(dumpling)wonton shirmps fresh, very strong sesame oil, wonton skin is thin. very good. 30$ not very full to boy, but enuf for girls.seat is small, not very comfort.place is clean. not smellyu cant expect too much.#food #hkfood #hongkongfood #hongkong #hongkongdessert #hongkongcrusine #omicron #foodig #hkfoodpoet #閃電五連鞭

今日唔舒服睇完醫生😷，無咩胃口😔，打算求其叫個雲吞麵返屋企食就算。屋企附近有間都幾出名嘅雲吞麵小店，舖頭好細，全店只有2個職員(包括煮麵)，麵嘅選擇亦都唔多，但就非常好味😋。鮮蝦雲吞麵 $32+$1外賣同堂食一樣都係有4️⃣粒雲吞，雲吞大大粒，饀料足，鮮蝦🦐爽口彈牙🥰，鹼水味唔重，大地魚湯味濃；而且麵質彈牙，整體十分好食😋。蟹子雲吞麵 $32+$1大大粒蝦🦐入面加埋卜卜脆又略帶鹹香味嘅蟹子，而且蟹子超多，所以口感非常豐富😋。總括而言，簡單嘅裝修，簡單嘅Menu，做出一啲都唔簡單嘅美食，大角咀其中一間必試小店👍。

睇食評比較多人讚既就係翠園同昌興麵家，之前已經試過昌興既水餃麵，今次就黎試翠園既雲吞麵。果然不負所望，大地魚湯底濃，有我最愛既韮菜，麵夠彈牙夠爽，雲吞料足，一粒入面應該有3，4隻蝦，蝦又夠爽又有鮮味，雖然食到後面麵沉耐左沉出左d鹼水味，但已經差不多食完，影響唔大。小店只有2個人營運，所以唔似快餐店咁30秒出餐，都要等5至10分鐘，剛剛煮出黎非常夠熱，呢個係湯麵既必要條件；又搵到間好食雲吞麵，非常滿足。

今日要介紹哩間係蚊型家庭式粉麵店，唔識佢嘅平時一定唔會留意到，但系街坊就知佢絕對系hidden gem嚟👍🏻。店內得寥寥幾個座位，不過平時買外賣嘅人排曬隊，唔一定系買煮好嘅粉麵喎，好多人系買新鮮包嘅餃子、自家秘方魚蛋等等。📣嗱嗱嗱，記得喇，第一個隆重推介嘅絕對系今次冇入鏡嘅白魚蛋，因為系買返屋企煮食，但系超超超好味，無論系白烚、蒸、煎甚至系BBQ都有驚喜。因為日日新鮮即製，絕無防腐劑，所以只可以擺一日左右，想買多d都唔得啊😂😂😂。雲吞麵($34)，傳統的味道，麵底彈牙，雲吞餡多，成粒鮮蝦加上卜卜脆嘅蟹子，真系非常正！話時話哩間食到都系靠緣分，因為成日經過都唔知點解唔開門😂😂，可能老闆開鋪系睇心情。

44蚊套餐，有蟹籽雲吞麵、菜心一碟汽水一罐，抵食呀🍜我喜歡蟹籽雲吞，但朋友話原味好味啲。雲吞皮薄餡靚，蝦🦐爽口彈牙，蟹籽增加幾分鹹香味，仲有四大粒雲吞，整體勝價比高呢！💆🏻‍♂️環境衛生，老闆好好人。已經光顧左幾次

翠園雲吞麵係大角咀最好味嘅雲吞麵！！！！！舖仔細細, 得幾張枱, 但係勝在衛生! 最重要嘅係老闆同老闆娘都好好人， 超級有人情味！！ 永遠都會記得熟客仔鍾意食啲乜！！20幾蚊一碗嘅雲吞麵仲喺邊度有得搵😏😏😏 雲吞新鮮，仲有牛腩牛筋，全部都好好食！！ 我最鍾意就係食套餐， 一碗麵加一碟韭菜花， 加嘢飲， 都係40幾蚊！ 超級抵！！！絕對係大角咀嘅隱世小店！ 每次出完trip返嚟一定要食返碗！ 超級贊！！！！！！！！！！！

呢間餐廳響大角咀Facebook Group備受好評，一直bookmark左好耐，呢日下午經過，咁岩見佢開，就黎試下。4點幾下午茶時段，唔太多人，直接就入得。因為唔太肚餓，咁我只係點左蝦子雲吞面。落單後，等左10分鐘就有得食，幾高效率。碗面唔太大碗，有三粒雲吞+生面，細食既朋友仔可能要加多碟餸。不過佢包既雲吞好足料，每粒都有蝦，見到入面有超多蟹子，個雲吞皮好薄，個餡料食落味道鮮甜。28蚊有咁既質素，真係幾抵食

大角咀有好多有人情味嘅小店，呢間雲吞麵舖由兩公婆經營，最鍾意食佢地嘅蟹子雲吞，食雲吞麵先品嚐一口湯，呢度嘅湯底好重嘅大地魚味，次次忍唔住一大匙一大匙咁飲雲吞一咬落口好香麻油味，份量唔少，蝦同肉嘅比例啱啱好，蟹子咬落卜卜脆，至於個麵，煮得時間恰到好處，好彈牙，最怕雲吞麵嗰浸鹼水味，呢度個麵同湯一啲都冇鹼水味！雖然裝修比較簡單，但很親民，都好多街坊入嚟幫襯，大大話話開業已經好幾年，證明食物有質素，無返咁上下水準，都唔會到而家都屹立不倒！

逛街逛到餓餓地，姊姊說要吃碗麵，睇到的依間都唔錯，所以就入去食下。店面很乾淨，好像定期有人打掃咁，店員服務很好。我地麵點左碗碗鮮蝦雲吞麵，食左粒試試，味道幾好雲吞內料很足，蝦夠大隻，湯底清清地，很好吃。唔知係咪太肚餓，所以好快就食晒食完碗麵想食碟菜健康下所以點了蠔油生菜，味道也不錯，生菜夠爽口食完碟菜感覺很飽，所以埋單走人總體都唔錯，在旺角能夠找到這間店，真的不錯姊姊說這間唔錯，食物都幾好味!!

鋪面叫雲吞面店，雲吞一定係主打好食，今日食埋雲吞➕水餃面，又係好好味😋😋雲呑—-皮夠薄，🦐夠大隻又爽口😋水餃—-皮夠薄，木耳同🦐夠多夠爽口✌️👍生麵—-保持到水準夠爽夠彈牙，又吳會有梘———-水味，認真好食✌️✌️湯底又多韮王，湯🥣味道又夠清甜，好味✌️加埋呢度既辣椒油同腊一齊食，辣椒油夠香夠辣，真係食多左都吳覺😀入親去都坐滿人，做得夠出色，一間細細的雲吞面檔都可以做得甘出色✌️👍✌️👍

今日又好有緣就走左入去昵間麵舖，叫左一個套餐（🐟片頭面）一碗🍜➕一碟🥬➕飲品🥤=$40.👍好多面檔我吳敢食面，因為好多鋪頭整D面好大浸梘水味，我就好怕食到呢種味，昵間係大角咀出名好食所以我就夠膽叫面食，wow，一食真係超正，隨左無梘水果浸難食味之外，仲係爽口彈牙好味😋😋🐟片頭又夠🐟味又爽口湯底放左韮王——-🥣不但只清甜，仲好香韮王香味，全無味精，夠曬清甜😋😋其實呢道最出名應該係雲吞，不過我好鐘意食🐟片頭，所以下次再去食雲吞

今天和朋友係大角咀打完波，朋友提議食雲吞面，介紹去幫襯翠園。到了店面，仲諗住係超普通的粉麵舖，坐低後，見到個套餐幾抵，$40有一碗麵，一碟菜，一支汽水。落單叫了一碗雲吞粗麵，驚喜來了，當我問有哪些菜時，除了菜心，芥蘭，生菜和川通菜，還可是叫韮菜花和豆苗!!! 於是我便叫了韮菜花 !雲吞麵來了，湯底濃而清，雲吞大大粒，有蝦 ! 這個水準絕對可以與某些連鎖麵店較量較量 ! 另外辣椒油也很辣的，很喜歡呢！要注意麵店星期日休息，免得摸門釘。翠園雲吞麵會成為我的飯堂之一了!

翠園，位於大角咀一條唔起眼的小街上，純粹經過行過路過的話，好大機會錯過的店。但一旦試過，就返唔到轉頭，我相信是在大角咀區內，全無對手，絕係我心目中大角咀最最最佳雲吞麵店（沒有之一）！更甚者，可能已經超越了太子新興麵家，唯一可惜的是沒有供應“炸醬撈麵”。今天點了，柱侯牛筋腩麵（幼麵）+ 柱侯牛筋腩河粉 + 雲吞粗麵 + 雲吞幼麵 + 韭菜花 + 腐乳通菜 + 一枝樽裝細可樂。埋單共銀 $132（4麵2菜1可樂）我就認為無得輸啦，如有更佳歡迎話我知去試下。*每款麵都可以搭配套餐，任何粉麵一碗，加油菜一碟 + 細樽裝汽水，等於四十蚊。

以前係大角嘴返工，一星期總有幾日係到食Lunch，只從轉左工，年幾都無返黎食過...估唔到老闆仲認得我都係依舊午餐時間常常滿座黎親通常都係叫套餐，而我最鍾意食既係蟹子鮮蝦雲吞鮮牛肉麵(雙拼)款色雖然不算多，但價錢合理套餐有單拼和雙拼選擇份量尚算適中，不過麵餅比較少，很少有油菜可以免費選擇豆苗（季節性呢）麵彈牙，完全無鹼水味鮮牛肉，雖然醃過，但牛味還在同埋"淋"得黎都有口感蟹子鮮蝦雲吞，呢到係即叫即煮，唔會好似其他店咁一早煮好左擺到凍晒，好新鮮蝦好新鮮，彈牙，豬肉份量比例適中...我揀呢個雲吞有蟹子係入面，令到更彈牙更有口感