翠林園餐廳

营业中

休息中

所有嘢都安排失當（1）諗住今日媽媽去照CT做個乖乖女陪佢去請咗成日假，原來照嗰15分鐘就走得，心諗早知請半日就算啦⋯⋯嘥咗半天假（雖然我啲假都唔知做乜）（2） 又一心諗住睇完同佢去飲個茶去舒服少少嘅地方，點知佢又話約咗人又講到含糊到死 神神秘秘（3）好啦，諗住冇辦法啦自己去搵間想食嘅茶餐廳Hea下都好丫，又唔想專登搭車出去 點知行到去又冇開門 😵‍💫無處容身，唯有求其搵間好少少嘅茶餐廳啦費事買嘢返屋企食阿媽見到 終於食咗一間蛋牛治烘底$41嘅茶餐廳 $25 食過，$56都食過 ，究竟有咩分別呢？$25 係外賣平台買嘅 ，啲蛋唔係嫰旦，烘底變咗冇意思 論服務態度：好似唔係好想做我生意 嫌我嗌啲咁平嘅嘢？ $56 牛肉係鮮牛，烘底脆脆的（當然堂食同外賣有分別啦） 呢間貴得來服務態度都好一般㗎乍，好有個性，老闆又鍾意鬧人 。好多規矩，如果你係第一次去一定嚇親但係又吹咩？好啱我口味喎😮‍💨呢間$41 正正常常，旦係嫩滑嘅 ，我揀呢間係因為佢門口真係仲有熱辣辣出爐嘅麵包 所以豐儉由人 到我退休一支公可能都食唔起$56個間 所以成日話要活在當下囉

今日放工黎左翠屏呢間舊式茶餐廳食個下午茶。唯然呢間餐廳食物味道質素一直都係麻麻地，不過我覺得唯獨佢既豬扒蛋麵既味道係可以接受，所以我黎親都只會叫佢呢個茶餐既。豬扒唔會過咸，味道適中，亦唔會太過軟腍，份量都足夠。 麵底一樣整得唔會太過腍身，會有少少彈牙。環境方面，呢間餐廳有好多卡位，卡位都幾寛闊，裝潢好懷舊，係傳統舊式屋邨茶餐廳既味道同情懷。幫襯既大部分都係屋邨入面既街坊。食既係懷舊既味道。檸檬茶唔會太過甜或太過酸，可以接受。

間唔中都會去翠屏探朋友，經過見到呢間茶餐廳門口有麵包賣，賣相都幾靚，就打算賣上去同朋友分享，每款一D咁，D麵包好新鮮軟熟，朋友話最近呢間D麵包好食咗，唔知係咪轉咗師傅，仲話唐餅都好得，臨走再去買咗D老婆餅同合桃酥回家，連我媽媽咀刁都大讚老婆餅好好食，佢仲話好多年冇食到咁好味嘅老婆餅，值得推介

街坊茶餐廳，午市送餐極快，食物質素頗低，趕時間者可考慮。之前叫咗個快餐 蒜蓉雞扒飯，蒜蓉汁係嘅凍嘅只有少少餘溫，顏色黯淡，食落味道亦奇怪，冇蒜蓉味，而且比較穊（杰），相當恐怖。雞肉質感一般，飯嘅口感一粒粒，而且係唔太熱嘅。快餐星期一至日各有不同，星期二嘅免治牛肉飯相對而言尚可接受。茶餐各款麵亦同樣，相對而言尚可接受。另外之前單嗌過乾燒伊麵，勁濕勁咸。

當日食左沙嗲牛麵下午茶，坐得舒服，空間十足，鋪內裝修有details 。💯🍜門外有麵包🍞買，新鮮熱辣，走前我買左個老婆餅，好食，好多芝麻，仲有糖冬瓜，呢啲先係老婆餅👍🏻👍🏻，兩個人先食得哂，偏大同甜左少少可能太多糖冬瓜，我平時口味偏向少甜😂。經過就算唔入去食都可以買走。而且呢到翠屏邨都好值得去行下，好大，又有好多打卡位。🏙️📸📹🎥📽️🌆🌅🏞️🗾🛣️🌁🌄🏢🏡🏠🏘️🏗️

建議：茶餐快餐都係HK$39，聽講下午茶都唔差，有炸雞脾雞翼都只係HK$34 🐔一踏入餐廳已經聞到個種舊式茶記既水吧氣味😎 自從好多屋邨都變左集團式既物業管理之後，所有街坊野都加哂價🥹 作為#懷舊控 既#試伏專員 K君今日去左#翠屏邨 竟然仲食到HK$39蚊既快餐同茶餐(全日供應麵餐)😌 甘既價錢真係唔係好多地方有。今次試左：▫️沙嗲牛煎蛋通 (HK$39)▪️雞尾包 (HK$6) 價錢同質素正比，整體味道都正常，勝在堂食坐得舒服。麵包類既選擇衆多，例如有：提子辮包、菠蘿包、提子麥包、椰𢇁包…連依家多番人提起既港式忌廉包都有🍞 雞尾包食落都算鬆軟，不過椰𢇁餡算係偏甜。另外，如果店外既麵包櫃會加番度門/遮擋一下就更加好，始終近馬路既位置點都會有啲灰塵。其實#翠屏商場 入面仲有不少既集團式經營快餐/米線/西餐，但如果有得揀，#試伏專員 會繼續食#港式茶記 ☕ 一路食一路聽住附啲街坊同伙計有講有笑，人都未坐底已經落定單，知哂食客習慣，依種感覺真係買少見少。

放工咁岩要去翠屏邨附近拎野，不過又未到時間，天氣又凍凍地，個肚又有小小餓，行過翠屏商場有兩間茶餐廳，一間連鎖一間街坊，難得有小店就一於入去試試。價錢唔算特別平，叉燒唔鞋，煎雙蛋係荷包蛋，奶茶夠滑口，返完通宵飲完都精神晒

最近在觀塘附近工作，四周行完一輪，見一茶餐廳環境算寬落，而且好似唔少人幫襯，就試下呢間，比想像中好。下午茶麵餐價錢都算公道，叫左個豬扒前蛋烏冬，轉烏冬係唔洗加錢，加分。豬扒幾大塊，食落算係鬆軟，唔算油膩，配上太陽蛋，撈落個烏冬度味道又唔錯，整體份量都幾夠。另外，仲叫左個雞尾包，有驚喜，熱熱地，比岩岩出爐仲正，外皮香脆，甘甜軟滑，相當ok。凍奶茶，茶奶味適中香滑，比預期好。環境係算闊落，有點懷舊風味，服務都OK，正正常常。

今時今日$40以下又吃得飽的午餐/快餐真係少，翠林園快餐每日款式不同，今次老公吃的是粟米石斑飯跟鮮茄雜菜湯配冷奶茶，老公說奶茶有水準，食物亦沒有味精，清淡但好吃，份量夠。我自己則點了茄蛋治烘底和熱咖啡少奶（未有拍照），茄蛋治的麵包又薄又脆，蕃茄也比一般茶餐廳多，咖啡是正宗的港式味道，自己十分滿意。 餐廳舊式的格局加上這𥚃的食物，兒時的感覺湧上心頭，這才是真正的屋邨茶記味道。 PS：快餐供應由日至晚上

翠林園係觀塘既街坊茶餐廳不過都有拿手既出品茶餐一個$36 包一杯野飲 都算幾抵食！叫左雪菜肉絲米粉，落單起計一分鐘內上菜，果然係茶餐廳既速度！！！食落其實冇咩特別，都係一般茶記既味道同質素，但呢個價錢黎講算錢道！😶😶😶😶另一個茶餐叫左沙嗲牛肉煎蛋🍳麵，一樣係$36！但滿足到想食沙嗲牛同煎蛋既癮！相當唔錯既配搭！🥴🥴🥴🥴質素麵係一般茶記咁，唔會話好好好好食，但亦唔差。煎蛋麵係燶邊架，唔係hea煎！蛋tart係另外加既，牛油皮好香好食！真係香港既傳統味道，值得一試！！🥧🥧🥧最後要提嘅就係奶茶，呢度嘅奶茶都好出名，茶底濃，加埋淡奶，係好傳統嘅香港奶茶味道！雖然佢未去到好滑好滑，但是在這屋邨嘅茶餐廳，能夠搵到咁樣質素嘅奶茶，都可謂值得稱讚👍🏻絕對稱得上係觀塘隱世奶茶☕️加上呢一度價錢平民，$36就可以食到一個咁豐富嘅茶餐，真係值得一試！

印象中上一次黎翠林園已經差唔多係三年前既事！初四到親戚拜年再度探訪。這間茶記保留老舊的裝潢和陳設！是好典型港式老餐廳的樣子！今日去親戚之前想食個早餐十點半, 唔算好多人有卡位坐下自己一個人點個早餐食啦...豬扒蛋公仔麵加熱奶茶都叫抵食$325分鐘全部都嚟哂，講份量都算多架！豬扒唔會韌，厚度適中。最喜歡豬扒邊位那陣脂方。煎蛋雖然得一隻...大家都見到隻荷包蛋煎得幾咁靚...麵係褔字麵。傳統茶記風味。奶茶都算香滑⋯⋯唔會太苦澀。最喜歡就是它用瓦杯裝。茶餐廳是香港傳統飲食文化。我對於這種老式冰室有一份親切感⋯⋯就算宜家再開既冰室都無左以前既懐舊味道！如果我要再來既理由都係為左佢地懷舊味道而不是食物!!

獨自去食晚餐，嗌左碟梅菜蒸鯇魚包白飯包一杯熱飲，揀左杯熱奶茶。夾埋50幾蚊。梅菜有點鹹中帶甜，正正常常算。曬左d 蔥花粒，有少少香味，亦有薑絲，拎魚肉冇咁腥。鯇魚正是魚尾部分，夠厚身夠大舊，唔老身但熟，都夠滑又唔腥。而熱奶茶算是不錯，幾夠滑，有茶香，亦有奶香，見到佢地用黑白淡奶，而奶茶既茶用好熱既水沖，亦用絲襪去拉奶茶，可見佢地用少少技巧去製造呢杯奶茶，一間普普通通的茶餐廳，50幾蚊算係咁。係咁就一餐啦。

翠坪村游完水，就在附近找地方吃午飯，見到這間，其實外表不太吸引，是街坊茶記因為午飯收街坊平價，所以午飯都只能是一般尋常廉價款式，像雞肉豬肉魚柳這些成本價較便宜的材料，幾乎就成為了午飯的主角。洋蔥豬扒飯，黑椒雞扒飯粟米班腩等都是尋常平民百姓會食的飯菜。黑椒雞扒入味，汁微辣好餸飯不稀也不杰忌兼湯味道可以，熱D仲好進入餐廳樓面，餐廳內的客人大多是翠坪邨一帶的街坊百姓，有人在看報，有人在默默無言在吃午飯，餐廳伙計在穿梭食客之間努力工作。

放假來到親友屋企相敍大家肚餓又吾想煮飯親友話附近有茶餐廰而且午餐時間又平又正於是就去試試環境就是茶記，一望就知道街坊店基本上係上了年紀的人居多午餐套餐有多款選擇A B C D E見到好多人都叫A餐粟米班腩飯於是就叫好快就有，飯餸的份量適中班腩肉夠鬆化，外層酥脆題外話粟米斑腩飯多數是一款茶餐廳的招牌碟頭飯，既有脆卜卜的炸魚，亦有啖啖清甜爽口的，粟米粒，吃起來特別津津有味。有啲茶餐廳的，粟米斑腩飯特別出位及搶手提早預備炸好班腩再淋汁上面就完成單係午飯時段，真係手快有，手慢冇，來遲左就要等明天再有得吃囉！來吃的客人，大多數貪佢夠方便，且仲係冇骨落地，重點係啖啖肉，有汁吃起來個口仲唔乾添，一般下午多數套餐，有茶啡跟埋茶錢都慳返，慢慢傾計認真划算吧！

一間茶餐廳的優劣是在於炒面飯好不好食，但這間的品質完全不合格。中午時份，我與家人到餐廳進食，叫了一碟肉絲炒面，開始的時候表面是沒有問題，但食到中心的時候，發覺竟然碟底全部也是油，一碟面要用那麼多油去炒嗎？這完全不合理，以及肉絲全部也是肥肉，這碟面是完全不吸引和不健康。肉絲炒麵是要用很多油去炒製，但他們不懂得隔油和肉絲的獻汁完全沒有，令到我沒有食欲。而我家人的是粟米石班反，這碟反的石班沒有問題，但是這汁是非稠，但沒有什麼粟米，為什麼不開罐頭而已，完全是差劣。希望這餐廳可以快點關門。