翠河餐廳 (青山道)

营业中

休息中

今日想食齋。係翠河餐廳點咗個羅漢齋脆脆麵餐。$60包埋老火湯及熱奶茶。個麵好足料。好脆。菇類好鮮甜。小棠菜好爽口。杯熱奶好地度式香港茶記風味。正宗港式奶茶。好飲。

今日嚟到翠河餐廳食下午茶。冇食午餐嘅緣故，零舍肚餓，叫左個沙爹牛肉公仔麵、炸脾，加杯熱咖啡。沙爹牛肉味道香濃，而且肉嘅份量好夠，公仔麵硬度適中，唔會太硬或者太淋。炸脾炸得好香口，有少少辣，肉質唔會話炸得太鞋。咖啡就一般。餐廳嘅姨姨同哥哥仔好好禮貌、有笑容。食飽埋單$47，值得再次幫襯。

晚上9時多到翠河餐廳用膳，門口的收銀員已西口西面，好似阻住佢收工。點餐後等了20分鐘仍未有(只是碟頭飯)，向一位中年女待應查詢，又被佢罵，終於食物來到了，卻比錯餐款我，還屈我要，我堅決拒絕。中年女待應和收銀員就單單打打，話我沒同理心。證實係佢落錯單，才不情不願去換比我，態度十分差，做錯就屈客。永不光顧翠河餐廳(青山道)

今次重點想講杯檸檬茶唔係講笑 真係難飲到極致未試杯檸檬茶咁難飲🤮飲左一啖就飲唔落🤮🤮呢d連鎖店餐飲都預左無乜特別普通茶加檸檬然後我地買外賣翻到屋企打開杯檸檬茶我真係未見過有💩色嘅檸檬茶💩💩杯檸茶極濁 完全見唔到底嘅檸檬💩然後佢嘅味道有兩個層次有兩種唔同嘅超苦澀感係我個口入面💩仲要好唔自然嘅味好似有陣洗潔精嘅澀味🙃總之呢杯檸茶真係好難飲然後個Xo醬叉燒炒飯炒飯無穫氣叉燒又少又肥 可以成粒叉燒都係肥肉重點係完全無XO醬味😡😡我懷疑我食緊白飯結果我要係屋企自己加黑椒先食呢間餐廳真係不得了嘅差🙂🙂以後永遠唔會再幫襯🙂🙂🙂👎🏻👎🏻👎🏻👎🏻

呢間翠河開左好耐，不過我食既次數唔多，3次都唔知有無，因為我覺得佢幾貴，又唔係好食，長沙灣有唔少餐廳🍴選擇，要揾性價比高過佢嘅大把有得揀，所以我都好少食！🤣🤣🤣直至星期日，一家食去食lunch ，完全唔知食乜好，呀媽話咁食下翠河囉🤨🤨好！再試你一次！打開餐牌，午餐$46個，都唔係貴喎！再睇睇，原來仲有一個超值午餐-蔥油雞飯$39個，仲包熱飲/湯！😱😱😱其實真係好超值。👍🏻👍🏻我同我爸爸就決定叫呢個試下啦，我呀媽就叫左個牛腩餃子烏冬，佢話佢無乜胃口喎！🥺🥺個飯好快來到，睇睇碟頭都𠸝唔細碟㗎喎，雞都有好多件，又大件喎，食起上來係幾好食喎！唔錯唔錯！ 至於我呀媽個烏冬，佢話麻麻地同好細碗(無相) ，好細碗Vs無胃口😅😅😅 值得一題係我覺得佢個凍OT個茶底好濃，幾好飯！估唔到一個餐飯令我再次對餐廳改左觀，未必係最好，但至少無我想像中咁差呀！😂😂😂

今日放假，嚟到長沙灣買餸，順便嘆返個休閑早餐，所以去咗翠河餐廳，店面人流唔多，可能係上班時間，睇完個餐牌，最後點了沙爹牛肉公仔麵加熱奶茶，公仔麵煮到岩岩好唔會太淋，仲有少少爽口，牛肉味道香，湯底係清湯底溝埋沙爹岩岩好，食完仲有個多士和火腿蛋，啱啱好夠哂飽再慢慢嘆埋杯熱奶茶，相當悠閑的早餐

收工太晏 好彩依間收好晏，可以醫肚。叫左生炒骨和通菜炒牛肉。兩樣都係即製。比想像中好食。生炒骨d肉好嫩。通菜都冇咩渣。算係中價小菜中做得幾有誠意。服務態度都好好。值得再幫襯

今朝早上又係踢完波同個波友兩個人喺長沙灣，諗住搵間茶餐廳食嘢，點知經過呢間就入去試吓啦，我哋一行兩個人佢叫咗個咖喱雞飯，我叫咗個美極肉鬆飯，大驚喜嘅係個咖喱雞汁超級好味，我個美極肉鬆飯都唔差，都係套餐有例湯有凍飲，環境就算係舒服乾淨，但價錢我就不詳了😂因為朋友攞咗張單俾錢我都唔知幾錢😂但係我覺得呢間茶餐廳算係正嘢，最緊要員工態度有禮，環境清潔乾淨，坐得舒服食都食得開心啲😉大家經過開長沙灣可以去試吓！

青山道都算多小店選擇, 不過是日唔想周圍亂入所以行左入翠河 ! 諗住連鎖一定有小小保証, 誰不知今次午餐伏左點左午巿套餐沙薑雞飯, $45 價錢公道嘅, 不過比唔到食物質素客人 ~首先配菜好寡唔鮮甜.. 算啦反正唔係重點..雞件好失望呀 份量少左D之餘雞骨多過雞肉, 個沙薑汁唔惹味白飯又淋過頭.... 真係好勉強先食得完碟飯簡簡單單如熱檸茶都做得唔好, 茶底苦澀... 雖然開得喺街角人流一定有, 但食物質素有待提升, 相信都未必會再幫櫬

翠河早餐之選，沙爹牛肉，漢堡排火腿絲公仔面，29蚊個飽肚早餐真係好少架啦，雖然同其他茶餐廳一樣，都係自選面，但係呢度可以揀到3款，而且碗面都算大，當brunch都唔錯，奶茶都有水準，而且朝早人唔多，2個人去都可以坐4人卡位。

昨晚於此分點店食晚飯叫了3款餸菜，第一樣“金銀蛋莧菜”一食咔咔聲有沙，碟底好多沙，都唔知點食！第二樣“黑椒牛仔骨”食落一陣血水味又韌咬極都唔爛，。第三樣“西檸雞”只得炸雞味同得個酸字，而所謂“汁”根本唔係汁，只係檸檬水，。另外送的餐湯“木瓜雞腳”簡直令人作嘔，雞腳冇脫皮以後免費請都唔會去

翠河的早餐供應時到中午的。 早餐選擇種類也是十分多。 早餐的多是也是用蒜蓉多士下午茶比較喜歡的是五香肉丁麵加奶油豬。他們的服務，其中最欣賞的是，你一進門，他們便會把一杯茶遞到你檯面上，其他一般茶餐廳可能叫了很多次也沒有茶飲。那個辣炒豬扒公仔麵也是十分惹味，只配中湯，如果希望有杯凍飲就要另加錢。

年初二, 青山道小店無咩點開,如果比著平時, 我係唔會入黎, 始終唔想係青山道都幫襯連鎖。 有小店有整得更有心機的食店, 點解我仲要入黎?而且, 都曾經聽過同事話呢間野好難食, 今次聞名不如見面, 今次就襯揀無可揀的情況下試下。來到時大概兩點, 是處於午餐與下午茶餐之間, 午餐係下午菜可以平5蚊,老豆就叫左個梅菜扣肉飯。唔知係唔係下午茶關係, 個飯其實好細個, 唔會夠一個男人食。而我叫左下午茶餐魚香茄子肉鬆炆米線, 咸左D, D 粉又碎。不過我覺得最差勁的是那收收15%附加費再4捨5入食埋你D 毫子收15%附加費唔緊要, 但你無講明要4捨5入囉。結論: 一次就夠

依家D後生仔下下要食西餐，食貴野，食自助餐簡單黎講，就係又要多，又要食得威，食得招績。其實真係咁好食咩? 要食咁多咩?又唔係。聖經七大罪其中一罪就係暴食，真係意味深長。食野唔節制，犯罪又無埋健康，呢個道理好多人都年紀大左周身病痛先體會到言歸正傳，呢餐就叫咗呢個餐：牛扒火腿扒意粉賣相都唔錯，牛扒有兩塊，而且無偷工減料肉質軟硬適中，肉質中中挺挺，火喉都夠意粉無甚驚喜，但不過不失簡單又一餐，環境都坐得舒適，而且都可以坐得耐，無比人趕。同朋友吹下水，岩我呢D阿叔

老實說我試過哂翠河既中餐 ;午餐 ;下午茶同晚餐,係佢個早餐A吸引我再去幫襯,因為佢個通粉係有質素既通粉,有咬口唔係林滋滋,幾正~!相反佢既午餐,下午茶同晚餐都無俾過好印象我,午餐食過魚香茄子燘米配例湯,碟野油到哩,渣得出油呀⋯⋯啲燘米仲黏埋一舊舊,下午茶我叫左炸魚薯條配熱奶茶,薯條就正常味,個炸魚薄ee,炸後無咩肉感,好乾!我諗住加多啲茄汁就無咁乾,真心覺得支茄汁勁奇怪呀⋯⋯一吱出黎好似水咁,食落仲拿拿地喉,佢一定唔係用地捫牌茄汁,(我試過2次,支茄汁依然係咁既味,真心想佢地檢查吓先俾客人用)晚餐同寶寶食過,咸魚雞粒炒飯;星洲炒米配例湯及熱奶茶咸魚雞粒炒飯完全零味道星洲炒米就香味撲鼻但勁辣......一碟辣味,一碟無味,相映成趣!!!嚮長沙灣下午茶時段,見到好大間翠河,諗住再試多次,心諗可能唔同區會有分別,就叫左豉油皇午餐肉炒麵配熱檸茶個餐肉外面燶,內裏油,係成個麵都好油!!!個熱檸茶仲要濁同澀...無論我加左幾多糖,佢個味依然濁苦澀,我成杯無飲過,所以我自製左熱檸水去麵既油,茶既苦......