影片
星期日我哋同行四个人，做完喜事谂住开开心心中午过去食晏！呢间嘢我哋唔系第一次过嚟帮衬，做嘅都系街坊生意，咁耐以来我哋都系食夜晚为主，今次系第一次食下午饭！我哋系C飞，C033⋯等咗大概半个钟，我阿妈拎住张飞入去问佢点解你冇叫33反而叫咗34 ，我阿妈系好声好气好好态度去问𠮶个职员，之后个女职员着西装既再三强调佢有叫过33号飞，但系冇人应，我见到我阿妈喺度同佢扰攘咗一阵我就行过去问咩事，我阿妈同我讲，我就询问𠮶个职员你叫完飞之后等几奈先跳下一张？个女职员同我讲头先唔系佢叫嘅，佢都系啱啱接更，咁我话冇问题，你可以叫刚刚叫好嘅职员出嚟，佢就叫左个声称系「主任」既女人出嚟！𠮶个女人一嚟就话佢有叫过33系我哋听唔到，之后我哋就话如果两个人听唔到可能系𠮶两个人倾紧偈，但系我哋另外两个后生都冇听到，个人都冇听到唔通四个个人都系有问题？ 仲要系你揿咗飞号你有冇叫多几次又或者等人行过嚟？𠮶个女人态度劲恶劣，坚称系我哋问题佢系冇做错嘅！我忍唔住爆粗喇….我话「无x野呀嘛？你口口声声话自己有叫过筹号，其实件事已经过咗去，你唔系应该谂吓点样去解决件事嘅咩？而家系边个错边个啱已经系无从稽考，有冇证据话你一定系有叫过筹号亦都有冇证据去证明我有冇听错或者我有冇听漏？冇呀嘛……你作为前线你唔系应该去安抚个客话有筹号或者系有下一张枱会安排返俾我哋吗？你而家竟然同个客对骂？」𠮶个女人一听口音就知道系大陆新移民，原本𠮶个黑衫女人已经即刻安排我哋，我哋已经入咗去坐低，但系越谂条气越唔顺，我俾钱过嚟消费，今次餐饭点都有四位数字，如果谂住开开心心嘅一日点解我要喺度受气食饭？食咗都背脊骨落啦⋯⋯仲要我系一个大肚婆，竟然同我系度对骂…. 虽然我都知呢间嘢系做街坊生意唔忧我哋呢啲生客，人哋有利是俾你，我哋冇自然当你哋地底泥！！唔怪之得家啲人返深圳消费，香港比呢啲新移民搞到七国咁乱…. 唔知大家有冇类似遭遇啦⋯⋯有嘅话可以一齐报东张，睇吓系唔系黑社会酒楼？！！
继续阅读
第一次留评论，因为实在太受气，而且投诉无门。希望其他食客见到可作为警惕之用。星期日早上未够11点，一行4人 (3大人+1BB)到访翠湖海鲜酒家观塘店饮茶。等待咗至少半个钟先有位置入内坐低。而安排比我地嘅枱位置非常狭窄，本身推住BB车已经好难行到入去，勉强先入到去坐低。点知之后附近不停加枱及有其他客人坐低，周围总共8张枱围住我地张枱 (其中几张更坐咗6人以上)，上菜嘅通道都完全无，侍应系完全行唔到入嚟我地张枱附近。落咗单后，等待咗至少15分钟都未有食物，其后我哋要求加热水亦一直未有人理会。几翻催促之下，终于有职员尝试帮助，但佢地根本行唔到入嚟我地张枱附近，而上菜嘅职员因为无办法将𩠌菜送达我哋张枱，更宁愿一直将我哋嘅食物放喺手推车上，先派其他枱都唔派到我地枱上。及后我地向传菜职员反映，更被骂，话我地点解要坐张咁难行入去嘅枱.. 讲真其实坐呢张枱系我地想嘅咩，有得拣都唔想咁样比人围住食嘢 😅最嬲嘅系，隔离枱两位老人家，明明只有两个人，但坐咗张四人枱，仲坐得好开。我地好声好气问佢哋可唔可以坐过少少让返条通道出嚟比我地上菜，但系比佢哋指责返转头.. 重点系佢地睇落同职员好熟络，应该系常客，一坐低几个职员围住佢哋张枱招呼佢哋逗利是，相反我地叫天不应叫地不闻。后来我问职员可否叫经理出嚟帮忙解决事件，因为真系上唔到菜。点知无人帮我揾经理之余，亦无人愿意帮忙解决及传达讯息。后来见一位着西装看似部长嘅女职员，我向佢表达想经理帮忙一下处理我地张枱上菜嘅问题，但此位职员反应激动问翻我: 咁帮你地调枱得唔得，我话可以，但想确保已经落单嘅食物可以按时上菜到新安排嘅枱上，如果可以咁我地调枱ok. 但一直未得到佢答覆，佢只系反覆问我可唔可以调枱，而且态度奇差又激动，怀疑精神有问题。后来幸得另一位职员帮助，先可以暂时清空到一条狭窄嘅通道，勉强比侍应上菜。第一次帮衬呢间酒楼，绝对唔会再有下一次 🤬我地系比紧正价光顾，但却从坐低个下开始受到不公平待遇，呢个系我去其他任何地方食嘢，都从来未试过嘅恶劣经历。最后埋单嘅时候有成功揾到酒楼经理，但佢只系安静地听咗我地嘅反映，但未知有否跟进行动。如果有此酒楼管理层睇到我呢个post，麻烦重新审视贵公司员工的工作情况及酒楼环境，希望日后可作改善。如果你系观塘街坊，同我地一样想假日开开心心同屋企人饮茶，可以唔使考虑呢一间。
继续阅读
平日2点下午茶 搭枱即入 唔搭枱要等半个中以上 有人走都系比搭枱既人 知客一句公司规定方枱先可以唔搭枱 问佢有几多张方枱 竟然答人得3-4张 （成日茶楼咁大 系米即系唔比2人去饮茶）去咁多地方饮茶都未试过等到咁激气
继续阅读
不是第一次帮衬， 然后介绍朋友来食 ， 怎知道她遇到了不好的经历， 我说服她多给他们一次机会。 同朋友早上十点九嚟到， 开始叫咗好多点心， 当中一个点心拼盘只售19.8元， 如果一个人嚟食，真开心大满足， 一次过满足你五个愿望 一个粥孖宝 拣咗一碗 鲜牛鲮鱼球粥 并一个点心， 粥底好绵 牛肉新鲜鲮鱼球都好新鲜， 炸云吞热辣辣， 最推介系 川椒猪手，只售60元。 茄子上面的鲮鱼球都好丰满， 山竹牛肉忘记影相 ， 茄子跟牛肉都各有四件，两个人真的食唔晒 ，川椒猪手我预咗打包的，有下次。 推介。
继续阅读
最近网上介绍观塘开咗间新酒楼，下午茶大、中、小点一律$19.8，于是趁今日放假和太太一起来品尝下陈皮牛肉球，咸水角，潮州粉果都系一笼有4件，件件细细粒似迷你咁滞又话陈皮牛肉球，连陈皮味都冇，4粒加埋都冇正常3粒咁大，潮州粉果就唔想食肥油油嘅朋友就最啱，唔多有油感觉表情流沙包～都感觉唔到系流沙包，仲竭达达过麻蓉包脆皮鲜虾馄饨～得粒虾米仔咁细嘅虾肉(好过冇虾肉)窝烧生煎包～就肉小皮厚，还可以**注意佢哋入点心单时会搞错隔离枱啲单比埋他**
继续阅读