影片
营业时间
今日营业
12:00 - 23:30
星期一至日
12:00 - 23:30
以上资料只供参考，请与餐厅确认详情
食家推介
因為喺附近工作關係，我間唔中都會嚟呢度食甜品。因為公司附近冇乜甜品舖，都會貪方便去翠苑度食。每次見到廚房嘅一位女士，都會見到佢黑晒面，態度惡劣，對客人極度唔友善。琴日8號風球落波，我趕返公司做嘢，放工後又貪方便去翠苑食。又見到黑面神，加上發現食物質素每況愈下，我決定以後唔會再幫襯。
继续阅读
今日同同事食完飯就嚟咗呢度食甜品，門口望落去都似係傳統糖水舖，我自己對於傳統糖水都幾鍾意👍🏻今次揀咗芝麻糊食，佢係一個好濃郁嘅芝麻糊，未試過好似接近啫喱咁口感😂感覺都幾特別，味道都不錯😋
继续阅读
已經好多年冇食翠苑，估唔到咁多年都冇進步過。我想食芝麻糊，又想加粒湯丸，點知得芝麻湯丸，我就只係加一粒試味算。點知呀姐叫我加兩粒，我就估到湯丸一定係伏啦。殊不知芝麻糊同粒湯丸都好普通，我是但食完就起身走人，不帶走半點雲彩。我都好聲好氣問店員有冇得比八達通，點知呀姐話「都話咗只收現金落！」我心諗，幾時有講？加上佢講野口音太勁，好難聽得清楚呀！我諗黎緊日子都唔會再去翠苑任何一間分店啦，都唔明點解架店仲生存到！
继续阅读
有一位女士態度好差，問咩講咩都語帶晦氣，得罪佢咁。嚟到叫嘢食，幫外國朋友一次過叫埋，朋友突然轉呔，我都講咗唔好意思，個女士啲語氣仲要單單打打，惡到我都疾一疾。叫咗海帶綠豆沙係融到一粒豆形嘅豆都揾唔到，成碗係一pat綠豆泥湯咁，唔係有啲海帶我會以為佢畀錯嘢我，賣相好難睇，食稀嘅糊仔咁，一啲豆嘅口感都冇。朋友嘅楊枝甘露亦唔好食，冇乜芒果味，同埋食得出係唔新鮮。真係唔建議去，唔好食又盞去俾佢鬧。同行幾位外國朋友，佢哋聽到佢啲語氣都問佢做咩咁嬲。佢真係好失禮。
继续阅读
我每次幫襯佢，都會講到明係要凍嘅，但係佢仍然係會畀熱嘅我有時我會要加蛋，而佢為咗放到隻蛋入碗糖水度，會將我碗糖水倒咁啲先頭先我卒之忍唔住口，問佢係咪又係倒咁啲糖水先至放隻蛋入去，佢起初扮聾，我質問咗佢幾次，佢卒之答佢有我唔放過佢，就話「咪就係囉，食得嘅嘢做乜要倒咗佢呢？」佢又唔答我
继续阅读