翠苑餐廳小廚 (已結業)

頭先去呢度食早餐，想試吓佢嘅招牌叉燒意粉通粉，點知食落個麵包好酸同埋濕晒🥴，有種好嘔心嘅口感同埋覺得唔知食緊啲乜嘢，食完換過第二個都仍然係好酸同埋濕嘅餐包，完全係好混亂同埋荒謬而且職員嘅態度好差，覺得完全唔係佢哋嘅問題同埋冇問題，整體來講職員同埋廚房都冇基本操守嘢食等咗成半個鐘竟然係呢種惡劣嘅質素，絕對唔會幫襯第二次到收嘢食嘅時候，我人都未走職員坐埋喺我個位度執嘢，超級唔尊重！！真係個好差嘅食物體驗

好多食品都好味，尤其晚餐蒸魚，小炒類也好味。西式三文治，扒餐也相當不錯。最重要還有牛腩，水餃粉麵類，很多選擇！而且環境舒服有日光，價錢便宜抵讚！但最弊係老闆太煩，太擾人，處事失準無記性，只得把聲只管理無聊東西，令樓面員工日日換人，無個做得長，我次次去都係新人，多多甩漏，使食客覺得好混亂，常常要催促，身為熟客的我，直情要教d伙記怎做，提示落單，及遞送久等之食物！曾經見有過熟手伙記，但很快已經不再續工！希望老闆警醒，唔好貪平請人（炒散）！及善待員工，用心的好伙記係好幫得手架！！

帶住小朋友想去食個下午茶搵間試試入去好乾淨 態度勁好叫左個雪菜肉絲炆米 厚西多士勁好食！！！！！！我食過啲炆米會好硬又無味佢相反佢熱辣辣拎岀嚟 又夠味 真係好好食 又多料個西多士有3層！食完成餐又唔會覺得好油膩 好正呀

走過店門外，看到推廣優惠，雞翼下午茶連紅豆冰$18，推門入去。坐下點餐，侍應說雞翼下午茶只剩一份，沒問題，加點了水餃米粉。點的是水餃米粉，送來的是水餃麵。侍應問我可不可以改吃麵，我因中午剛吃過麵，就說還是想吃米粉，她說不要緊，替我換。水餃米粉很快送上，湯頭很淡，沒什麼味道，米粉很多，但湯的味道太淡，不太好吃，水餃則不錯。水餃米粉吃完了，雞翼下午茶仍未上桌，追問了一下，還是要繼續等候。千呼萬喚始出來，雞翼好吃，沙律也好吃，就是等得太久了。紅豆冰則一般，味道較淡。等候期間，看到店舖的運作有點混亂，例如食物錯送枱號，侍應要大聲問，是誰點了某某食物，要顧客回應，又例如一侍應突然慌張地大聲問其他侍應某桌客人離開前是否已結帳，慌亂一輪後另一侍應說已收錢，那才鬆一口氣。看來這店在運作上要多作改善，否則性價比再高也難以令人回頭。

唔好睇落佢似普通茶記冇乜特別其實佢啲小菜真係幾好食㗎第一次嚟係因為仙桃島執咗笠冇得揀而食佢但係又好有驚喜喎所以而家一想食小菜就會諗起佢講真一個餸一個湯一碗白飯再配飲品都係60幾蚊 其實真係好抵講返今次叫左啲咩餸先我叫咗柚子骨同埋葡汁雞扒飯葡汁雞扒飯正正常常啦啲雞扒都好滑嘅柚子骨先係重點食得出佢應該係先炸左啲排骨再落鑊炒撈埋啲醬 佢炸出來啲排骨都仲好有肉汁唔係乾爭爭 同埋好有豬肉味 有種大排檔嘅風味茶記做到呢個水準的確係好唔錯👍🏼

今日到港灣豪庭見客，客人介紹我去屋苑商場的翠苑餐廳食晚飯，好少過來這邊，有介紹便去試試。胡椒豬肚雞鍋 $88看到牆上宣傳有新推廣，好耐冇食過胡椒豬肚雞鍋，上桌時有驚喜，份量材料足，滿鍋的雞和豬肚，胡椒香氣撲鼻，十分吸引。雞肉嫩滑入味，豬肚炆得十分腍軟，整體不錯。豉汁蒸黃花魚 $75送例湯、白飯及熱飲蒸魚又一驚喜，十分大條，二人份量都有多，十分抵食，更有例湯白飯連飲品。蒸魚火喉得剛剛好離骨，肉質嫩滑，蘸點豉汁下飯一流。牛筋河 $32朋友見餐廳牛湯河也是招牌之一，於是也點一碗Share，湯底清，牛筋腍身。最後還送糖水，真窩心，好濃好蓉的綠豆沙，滿足。餐廳一點不馬夫，性價比十分高，出品水準高，我下次也會過來光顧。

今日跟老公去大角咀千色店行街肚餓就去茶餐廳食個小炒小菜都足夠餐廳當晚人流不算多，不需要等位，窗邊貼了餐單，港式餐廳的特色。我們點完餐後，飲中湯，是日餐湯是青紅蘿蔔粟米豬骨湯，無加味精，很清甜，我食了湯料，豬骨都好滑，紅蘿蔔很甜，原來中湯都可以甘好味薑蔥蠔煲 蠔煲是要時間等待，當店員送上枱時，已經聽到滋滋聲，很香的醬汁味，蠔呀，好大隻，份量夠大份，蠔經過泡油，很肥美又鮮味十足，薑片蒜粒青蔥都爆得好香，我食蔥，老公食蒜粒，好美味西蘭花鮮蝦球擺碟時都見到好多蝦仁，蝦仁很美味可口，吸收了蒜汁,蝦仁都大粒，爽口，西蘭花很綠，廚師爆香蒜茸，大火兜炒，食得出鑊氣，而且口感不錯加了$12轉套餐，有湯有飯，白飯常滿，一定飽肚加多$3嘆杯凍奶茶，奶色唔錯，奶味茶味岩岩好，滑口而不澀。大角嘴其實有好多好正的餐廳，下次再幫襯

朋友家新養左小貓貓, 探完小cat cat後就在佢家樓下附近搵食, 見呢間店鋪都乾淨企理, 而且款式都多, 咁就入去開餐lu.-炸榴槤球榴槤是我至愛的食物，雖然非常邪惡，但都會叫😛，咬落很脆，榴槤肉又爭住出嚟，很有滿足感。 -豉汁蒸排骨排骨肥瘦適中，豉汁鋪滿排骨上面，好惹味，正啊😘-叉燒意粉煎蛋餐因為唔想食飯，所以就叫左呢個食，輕盈些唔使咁肥。-海南雞飯餐呢份師傅切左雞髀🍗😉，黃油飯加埋啲汁，有飯有湯，幾十蚊覺得十分超值。飲後還有綠豆沙送，飽飽😙每樣小菜只需幾拾元，家庭小炒，抵過自己煮🤪另外仲見到有一人一鍋 : 龍蝦海鮮鍋, 花膠鮮雞鍋 & 肥牛雜錦鍋, 價錢都是抵食之選。 

今日去大角咀食飯，見有啲凍就入咗翠苑小廚餐廳食雙冬羊腩煲，同埋"一人一鍋"火鍋，揀咗龍蝦海鮮拼盤打埋邊爐， 有半隻超大嘅波士頓龍蝦，入面超多膏，隻龍蝦超鮮甜，另外仲有扇貝、青口、蜆肉、魷魚，超多海鮮仲有津白同埋公仔麵 ，個餐都唔使一百蚊超抵食，而且個湯底超有海鮮味， 淥出嚟嘅公仔麵係非一般嘅公仔麵。 雙冬羊腩煲入面超多羊肉，半肥瘦唔會話太肥或太瘦，個羊腩煲嘅汁好濃，淥生菜食時索埋啲汁又係好好味，而佢哋秘製嘅腐乳醬點埋羊肉食，食到個人暖笠笠，冬天都唔怕凍。 飯後仲有椰汁西米露糖水送添。正！其實呢度仲有好多中式小菜、粉麵、雞煲、烤魚、酸辣魚、焗龍蝦、牛腩牛雜、同埋招牌鹵水食品，真係好多選擇，如果下次離開大角咀我會再嚟呢度食。

講食，香港真係冇得頂，貴有貴食，平有平食，遠又遠食，近有近食，豐儉由人，任君選擇。街坊小廚更是香港特色，喺大角咀福利街港灣豪庭廣場，雖然位置比較吊腳，一樣有間出色街坊小廚，方便街坊。講嘅就係港灣豪庭地下翠苑餐廳小廚，一百幾十就有個靚靚小菜，好過自己煮。翠苑餐廳小廚，麻雀雖小，五臟俱全。食物款式選擇超多，餐廳除了出色小菜外，還有牛雜牛腩粉麵、各款中西小食、常餐、套餐、鮮茄濃湯系列、蠔仔泡飯、海南雞飯、鐵板餐、各式炒粉麵飯、中式小炒、廚師海鮮推介、皇牌咖哩餐、特色焗飯、各類飲品、連一人火鍋都有供應，真是應有盡有，梗有一款啱你口味，而且價錢親民。小弟偏愛中廚，今晚就叫了豉汁蒸黃花、西蘭花帶子、飲品紅豆冰和凍奶茶。套餐還可以追加蒜蓉多士，呢度的蒜蓉多士做法比較特別，不是一般做法把蒜蓉加在多士上面烘焙，而是將大片蒜蓉夾在多士中間，蒜蓉味非常濃郁，帶點辛辣，口感特別。例湯是老黃瓜紅蘿蔔豬骨湯，滋潤清甜好味。西蘭花帶子，帶子唔算大粒，勝在肉質柔軟，而且食落還有些彈性。西蘭花炒得爽口，外觀保持翠綠，食味不俗。豉汁蒸黃花，黃花魚有12兩重左右，都幾夠睇頭，幾新鮮，蒸的時間拿捏得很好，肉質挺嫩滑，再蘸少許

今日黎開奧運既港灣豪庭做野，所以搵食就搵到呢間小店啦！估唔到呢度既一人一鍋都幾正，有龍蝦海鮮鍋、花膠鮮雞鍋、肥牛雜錦鍋，但食左幾日火鍋，實在太掛住住家飯啦餐廳格局就同一般茶記既裝修差唔多所以最後就叫左三款小菜，菠蘿咕嚕肉嘅材料有洋蔥、青椒、紅椒、黃椒同排骨，排骨有拎過去炸，所以食落係好香脆，喺平時茶餐廳食唔到嘅口感，而酸甜度啱啱好，呢個小菜真係值得一讚而沙嗲汁都唔會太辣，肥牛都好滑，一啲都唔鞋，仲有唔少粉絲係底可以索哂d沙嗲汁添

話說今日探剛生完bb 的朋友，走時肚餓打算是但食一間餐廳算，就咁就行左入翠苑。一座底睇完餐牌已經有驚喜，因為好多唔同嘅菜式選擇，岩哂每樣都想叫d 的我。龍蝦海洋鍋 ~ 有半隻龍蝦， 青口3隻， 鮮魷，扇貝， 蜆肉娃娃菜，公仔麵 ， 一鍋都好新鮮和豐富。鮮茄炆黃花魚 ~ 條黃花魚炸得香口配上鮮茄，小小甜甜酸酸好開胃。金牌牛雜 ~ 估唔到餐廳有咁入味的牛雜，d 牛腸牛肚點一點辣椒鼓油簡直正到暈。蠔仔煎蛋 ~ 大大碟仲要好多粒和大大粒蠔仔， 好豐富。川味辣子雞 ~ 雞炸得夠乾身，配上好多炸蒜洋蔥辣椒去炒夠哂野味。

身為牛魔王🐮有時候都有選擇困難症🤔餐牌上選擇之多😇想食火鍋，又想食小炒🙈朋友就話，why not all?😏又係喎，樣樣都想食，點解唔叫曬呢😂金牌牛腩🐄$80重牛味，腩汁夠香😚牛腩肥瘦均勻，份量都多🤤入口夠腍，仲要勁入味😌底下嘅菜吸收晒腩汁嘅精華👍真係好好食😛肥牛雜錦鍋🐮$68冬日至愛嘅肥牛鍋😍一人份量😎主角當然係肥牛啦😘配料都唔少😚肉類有牛丸、貢丸、墨丸、魚蛋同芝士腸😏菜類有金菇、生菜、娃娃菜同豆卜😉最後加埋個公仔麵就完美喇🍜唔夠食仲可以追加配料𠻹🥳乾炒牛肉炒河粉😘$48單憑外表，就已經知鑊氣十足😛牛肉夠大片亦夠多🥰河粉色澤均勻😏分量十足，好正😍翠苑餐廳小廚 (大角咀)大角咀福利街8號港灣豪庭廣場地下G09號舖

這陣子和男友在大角咀睇樓，附近食肆不多，見到有間茶餐廳生意不錯就入去吃晚餐。除了小菜外，還有火鍋和烤魚等，選擇繁多，因為做街坊生意，所以價位全都很便宜。點了一個花膠雞翅鍋，有半隻雞、花膠、翅仔、公仔麵和娃娃菜才$78！我們另點了雲吞、貢丸、唐生菜、廣島蠔打邊爐，非常豐富。雞湯味道鮮甜，難得的是花膠、翅仔份量都足，真材實料。廣島蠔一碟6隻，每隻都肥美新鮮，值得一試。其他材料雖然特色不大，但價錢不貴，點到滿桌都是亦不肉赤！小菜選擇很多，大概六十多元就有交易，價錢親民。點了菠蘿生炒骨（$60）配白飯。生炒骨份量十足，每件都啖啖肉，不會太厚粉。調味亦恰到好處，酸酸甜甜，很容易送飯！

小炒很美味， 地方很整潔，坐的地方很舒適， 飲品都好好飲，價錢亦大眾化，唔會好貴，仲有好多唔同嘅嘢食，極推介炸魷魚，鬆脆可口！服務態度都好好，入到嚟就問食咩 ！食過一定返尋味 ！