翠華餐廳 (欣榮商場)

营业中

休息中

翠華呢個名字，相信香港人都唔會感到陌生，最近經過土瓜灣見到佢地分店經過大規模裝修，餐廳環境變得更舒適和時尚，讓人一進門就感受到一股清新氣息，決定再來重溫。。首先，我點了招牌的冠軍焗豬扒飯 ，豬扒外焦內嫩，肉質鮮美，搭配上特製的蕃茄焗醬，香氣四溢，每一口都能感受到豬扒的多汁與醬汁的完美融合，好食！。另外，我點了神之叉燒飯。叉燒色澤誘人，肉質軟滑，甜中帶鹹，口感極佳，炒蛋鮮黃香滑，搭配白飯，甜豉油另上，每一口都是幸福的滋味，翠華叉燒果然名不虛傳，絕對有神級。。除了主菜，我也點了一份冰鎮秋葵配芥辣豉油，秋葵清脆爽口，搭配上微辣的芥末豉油，味道相得益彰，既開胃又健康。。最後，我點了一份芝士奶蓋x阿華田西多士，因為見到有好多人都有點，賣相吸引。西多士外脆內軟，搭配上濃郁的芝士奶蓋，口感格外豐富。阿華田的香甜味道與芝士的鹹香完美結合，令人忍唔住，秒殺！。整體而言，翠華食物不僅美味，更是充滿了家的味道，無令我失望。。翠華餐廳 (欣榮商場) (土瓜灣) @tsui_wah_hk土瓜灣馬頭角道33號欣榮商場地下8-10號舖。#hkfood #hkfoodblogger #hkfoodie #hongko

講起茶餐廳，相信好多人都聽過翠華～間唔中又想食下茶記，行過土瓜灣呢間翠華見到座位闊落，環境乾淨企理，於是去試試佢最近質素如何😼見到有限時優惠，芝士奶蓋阿華田西多士+芝士奶蓋翠華奶茶都只係$46，咁嘅價錢真係抵到爛🥹西多士勁大份，芝士味唔係好食得出，但阿華田同奶蓋嘅組合已經好出色，出奇地唔會覺得好漏🙈翠華奶茶本身印象都唔差，今次再加上芝士奶蓋，奶香味更加濃郁，口感亦更加醇厚👍🏻鐵板選擇多樣，午餐鐵板薄牛扒拼牛仔腸只係$73，本身仲諗緊薄牛扒係咪同大家x早餐一樣，估唔到原來咁厚咁大塊，仲要有兩塊！抵食到呢🫣熟度恰到好處，牛香味重，冇咩油邊，啖啖肉🥩神之叉燒飯作為翠華招牌都係必食，叉燒外皮微焦、肥瘦均勻，厚切嘅口感好正，醃得非常入味～滑蛋蛋香味濃郁，配上秘製豉油真係食過翻尋味😋瑞士雞翼撈麵茶餐配埋嘢飲盛惠$50，雞翼有三大隻，肉質嫩滑飽滿且好入味👍🏻撈麵裹滿秘製醬汁好惹味～加$20轉特飲，試咗新出嘅荔枝紅莓沙冰，應該落咗唔少新鮮生果，冇咩藥水味，沙冰口感綿密、味道清爽可口，解暑一流😄

位於土瓜灣馬頭角道33號欣榮商場地下8至10號舖的翠華餐廳，主打港式茶餐廳食物。當天為佛誕（公眾假期），筆者與家人於晚上七時入座。當晚入座率約為六成。翠華的燈光明亮，而且店舖環境和桌面也頗為乾淨整潔。店舖採用手機掃描二維碼下單，下單約十分鐘，食物便陸續上桌了。。📌神之叉燒飯 套餐 - $90配熱飲及時菜Chef's Specials - Steamed Rice with BBQ Pork & Scrambled Egg With Coffee/ Tea / Soup & Selected Vegetables神之叉燒飯是茶餐廳的其中一款熱門菜式。半肥瘦叉燒約有四至五件，口感鬆化。用蔥油炒的炒蛋的口感也頗為滑溜，味道香口。整個叉燒飯的醬汁也充足，感覺不會「乾爭爭」。飯的份量充足，男士也夠飽，同行父親吃這碗飯吃得不亦樂乎。。📌時菜Selected Vegetables是日時菜為菜心，色澤翠綠，熟度剛剛好。點一客時菜令是次晚餐更為營養更為均衡健康。。📌升級為凍檸檬可樂 +$13 套餐除了可選擇熱咖啡、熱奶茶外，還可以加錢轉配特飲。父親則點了冰爽醒神的凍檸樂，侍應送來了一個冰底及一罐可樂。

翠華相信香港人一定唔會陌生，不過近年都好多分店結業，難得土瓜灣仲有得食，今日黎開呢度就入去食個飯睇下依家變成點😎晚餐A黑椒牛肩扒（$93）呢個晚餐就犀利，有餐湯，有牛油豬仔包，仲有野飲，唔洗$100有齊，好抵食，塊牛扒仲要勁大件，質素都唔差，用鐵板上，提供埋圍裙以為落汁滴污糟件衫，餐可以配飯，意粉，薯菜，我就揀左意粉，係茄汁意粉，呢個餐真係好豐富😍冠軍焗豬扒飯（$75）焗豬扒飯size都唔細，豬扒都唔韌，味道比平時快餐店既好😉芝士奶蓋 X阿華田西多（$35）呢個西多幾有驚喜，d芝士奶蓋醬同個西多好夾，有d好飲手搖飲品既味，佢勁多醬，好正😋白灼菜心苗配 海鮮豉油（$25）見佢個菜唔算貴就嗌左碟，佢係用豉油唔係用蠔油，但又唔會好咸，合格🥬凍檸茶（跟餐+$3）凍奶茶（跟焗飯+$15）飲品跟單點食物要加$15，晚餐就+$3，差好遠，所以我覺得晚餐好抵食🤣翠華算係高級茶記，我都覺得比一般茶記舒服，食物都可以，但又做到抵食，唔明點解得番咁少分店，有d可惜，佢值得更多😗

這天中午到附近的茶餐廳吃午餐，看到翠華的餐牌有些特別的菜式，不只是普通茶餐廳的碟頭飯麵，還有很多花款的食物和飲品呢～尤其飲品有我喜歡的粉紅色主題唷，滿滿的少女心～♡芫荽蕃茄牛肉滑蛋魚湯飯$68 🥢必點🥢看到是期間限定所以就來嚐一下，熱騰騰的吃起來很有溫度啊！用上寧夏芫荽配鮮茄魚湯，魚湯有蕃茄、牛肉、滑蛋和菇，味道很鮮甜，不過芫荽控的朋友表示芫荽可以再多一點呢！哈哈～♡秘製海南雞飯$75配上油飯、湯、前菜和醬汁。前菜有開胃的醃製蘿蔔，醬汁是薑蓉和甜豉油，而湯裏有紅蘿蔔、豬肉、南北杏，煲湯的豬肉來說肉質也頗軟腍。海南雞已經去骨，可以啖啖肉吃，配上香氣十足的油飯，不錯。♡公司三文治伴薯條$60附有薯條更飽肚，三文治皮經烘過，外皮香脆，餡料非常豐富呢！有雞蛋、午餐肉、蕃茄、生菜、芝士、火腿，加上沙律醬，豐富的滋味。🍹看到粉紅「夠冰」系列飲品粉紅色控的我，當然點了兩杯唷～♡忌廉鮮奶花茶 單點$35 單點加配$25 跟餐轉配$20美美的粉紅色，表面有雪白的忌廉和花瓣。♡荔枝紅莓沙冰 單點$35 單點加配$25 跟餐轉配$20🥢必點🥢 夏天非常適合，冰涼透心帶點荔枝紅莓的果味。✖️餐廳不設加一服務費

「茶記，總有一間系附近」今次小編帶大家黎到土瓜灣，同大家介紹一間水準吾錯既連鎖茶記 一 翠華🌟神之叉燒飯 $83叉燒食得出系用梅頭，肉質軟腍，搭配埋蛋香十足既滑蛋🤤👍🏻👍🏻🌟冠軍焗豬扒飯 $75豬扒啖啖肉，搭配洋蔥、蕃茄、茄汁焗飯，酸酸甜甜好開胃🤤👍🏻🌟皇牌馬來咖哩牛腩飯 $80(+$10炒底)炒飯炒得夠乾，馬來咖哩香氣十足，質地濃郁，牛腩牛味濃，搭配埋薯仔，好好餸飯🤤👍🏻👍🏻📍翠華餐廳 (欣榮商場)地址：土瓜灣欣榮商場地下8-10號舖#土瓜灣 #翠華餐廳 #翠華 #白酒 #茶餐廳 #留港消費 #叉燒飯 #香港味道 #瀘州老窖 #港式奶茶 #香港美食 #香港必吃 #香港打卡 #為食關注組 #覓食土瓜灣 #食在土瓜灣 #香港茶餐廳 #神之叉燒飯 #咖哩牛腩飯 #冠軍焗豬扒飯 #土瓜灣食乜好 #香港美食攻略 #香港美食地圖 #九十後行到邊食到邊 #皇牌馬來咖哩牛腩飯 #HKIG #HKIGER #HONGKONGFOODIE

同朋友行過土瓜灣找野食，見到翠華，很耐未食過就入去試下，這間舖幾大間，坐位幾寬敞。 最想食番就是佢地個鹿兒島豬軟骨米線，每次都會食到同一款味道，豬軟骨都是很沐身很入味。 👉冠軍焗豬扒飯，豬扒很厚身，很沐，碎上方便食用。 👉炒蛋咸牛肉潛艇，大量炒蛋，蛋味很濃，但牛肉味就冇咁出，配有芝麻在面嘅麵包，原來會有另一款口感。 👉奶油脆豬包，新鮮熱辣辣食，就很脆口，最好味。 👉白灼芥蘭苗，配特制豉油汁，很爽脆，還原了家的味道。

一直都幾鍾意食翠華，茶記嚟講質素幾高，水準亦保持得好平穩，今日晏晝又嚟醫肚神之叉燒飯 - 叉燒少少燶邊好香口，半肥瘦口感軟腍，炒蛋好滑，蔥油夠多，白飯粒粒分明，蜜汁流落啲飯度，撈埋食好正；配清脆嫩綠菜心，健康之選瑞士汁雞翼 - 瑞士汁甜甜地好開胃，雞翼醃到勁入味，肉質嫩滑，好食冠軍焗豬扒飯 - 炒飯底夠晒多蛋勁香，豬扒大大件啖啖肉，調味適中，濃而不膩奶茶檸茶茶底夠濃，奶茶口感順滑餐牌提供嘅選擇好多，環境同座位都幾闊落幾舒服，侍應姐姐又殷勤，值得推介

👩🏻‍💼放工約咗舊同學攞番本書，順便一齊食埋個飯先。🍳神之叉燒飯：我哋本身係好鍾意食半肥瘦叉燒🔥呢個叉燒上面瘦下面肥美✔️撈埋蛋、秘製醬油同埋飯一齊食就最啱啦。🦐珍寶蟹柳吉列蝦海鮮雜扒：呢個鐵板大份到不得了呀🔥條蟹柳又長又大條🦀仲有隻炸到脆卜卜嘅吉列蝦🍤今次揀咗跟意粉🍝好飽好滿足呀🉐🥪芝士奶蓋 X 阿華田西多：食多個芝士奶蓋 X 阿華田西多就圓滿喇😍切開份西多🔪d 芝士奶蓋同埋阿華田慢慢流曬出嚟😍即叫即做🔥夠曬邪惡👍正呀😋🫕羅宋湯+牛油豬仔：勁多料嘅羅宋湯✅啖啖都充滿蔬菜同肉嘅甜味💯加埋脆卜卜嘅牛油豬仔🐽唔錯噃🉐☕️香滑奶茶：奶茶控嘅我就好喜歡佢哋嘅奶茶😍無得輸💯

🌸鐵板洋蔥薄牛扒配意粉（洋蔥汁）熱辣辣上枱，薄牛扒嘅份量都幾多，大大塊！牛扒好軟腍，都好有牛肉味！配埋彈牙同埋入味嘅意粉，真係好飽肚🌸冠軍焗豬扒飯份量好足夠，豬扒厚厚又大件，炒飯底好香蛋味，飯粒粒粒分明🌸吞拿魚蛋沙律潛艇，長長嘅潛艇，夾住超滿嘅吞拿魚蛋沙律同埋蔬菜做餡料，鹹鹹香香，一齊食落口都幾清新！🌸芝士奶蓋阿華田西多幾特別！厚厚嘅西多脆邊，外酥內軟，上面鋪滿大量嘅阿華田脆脆仲有芝士奶蓋，甜度適中唔會太甜！🌸粟米雜菌忌廉湯好creamy!🌸芝士奶蓋翠華奶茶，啖啖奶蓋香味，甜度適🌸熱桂圓紅棗杞子茶好足料，暖笠笠幾好飲！餐廳舒適寬敞，好多卡位！上菜速度快

踏入秋冬，好想食鐵板餐~～近近地就黎到翠華食! 同家人點左個鐵板西冷牛扒拼帆立貝, 揚洲炒飯, 白灼菜心苗，炒滑蛋三文治～鐵板西冷牛扒拼帆立貝～西冷牛扒肉質嫩滑，配埋薯菜，真係好正，薯條脆卜卜。個餐配埋羅宋湯，味道濃郁，酸酸甜甜好開胃，另外仲送埋牛油豬仔包，好香口。揚洲炒飯賣相金黃，炒飯炒到乾身又粒粒分明，食落好彈牙，唔錯。白灼菜心苗菜心好靚，食落好爽脆~炒滑蛋三文治滑蛋炒得好香好滑，食完好飽肚~

翠華真係個個香港人都識，水準一直保持得唔錯鐵板京川蝦球炒雙黃麵 - 鐵板上熱辣辣，麵好夠脆，汁夠得嚟唔會太多，大蝦同洋蔥都爽口彈牙印尼炒飯 - 炒得好香，調味好好，粒粒分明，蝦片脆卜卜，串燒有咬口阿華田奶蓋西多士 - 好邪惡，阿華田同奶蓋嘅組合勁夾，又香又甜，西多入邊仲有兩層蛋黃，好特別辣椒腐乳通菜 - 大大碟又翠綠，腐乳好夠凍奶茶 - 香口順滑，茶同奶嘅比例啱啱好環境好光猛好闊落，又乾淨，完全唔迫，好好餐牌提供嘅選擇好多，應有盡有，圖文並茂咁好吸引，用QR code落單又方便，真心唔錯

敝人大陸人，但已在港生活4、5年。向來知曉茶餐廳的基本規矩，也瞭解服務態度。但今天這家翠華仍然是突破我的三觀，令我痛罵自己沒有出息花錢遭罪。坐下舉手點單，男服務員直勾勾看了我一眼，然後就忙別的去了。您哪怕說一句等會都行啊。又看到一位女士我舉手。一句話沒理我，把我桌子上上一位留下的殘羹剩飯收走。幸好她沒把我忘了，過來點單。期間問我什麼湯我立即答中湯。然後哇「冇中湯我問你羅宋定餐湯！！！」聲音又大又兇嚇得我差點一哆嗦。可我只是正常聲量說錯一次而已，好像小學時被老師叫到前面當著全班被罵一樣。本來我今天心情很好，一直也是心平氣和。但各位服務員充斥到整個店的怨氣和憤怒情緒已經完全改變我的心情。後悔又失望下寫下此篇。翠華已不是低端便宜的連鎖品牌，但給了我超越普通茶餐廳的心理陰影。以後絕不會再來，謝謝。

相信大家對翠華唔會陌生香港家喻戶曉的老牌餐廳經過土瓜灣分店好大間一於探店試下質素如何❣️鐵板照燒牛扒配薯菜牛扒上盤約七成熟，有兩大塊份量十足，咬下去非常軟熟，口感柔軟而且多汁，肉味濃厚，配上黑椒汁一流；薯菜有薯條和西蘭花，薯條炸得脆口食到不停～❣️芫荽牛肉滑蛋魚湯飯牛肉和滑蛋身為最佳配搭，配上湯飯同吃不得了😋芫荽的清新味道，令湯飯增添色彩和纖維素，更可用來消除牛肉的油膩感⋯⋯❣️清湯海蝦球米線清湯呈奶白色，湯底鮮甜唔會太鹹～蝦球大大粒，肉結實又彈牙，用料新鮮👍米線腍滑適中，吸滿清湯的香味好掛汁❣️沙嗲牛筋牛腩河粉牛腩牛筋，份量很大一個人未必食得晒😆牛腩好爽好香，可以食到牛嘅肉香，而且咬落爽口又唔韌；牛筋煮得好腍，河粉又滑配香濃的沙嗲湯底，好滿足的午餐～

叉燒肥瘦相間，舊舊厚切，燶邊焦香，蔥花滑蛋蓋飯，配個濃稠蜜汁豉油醬，賣相同味道都相當岀色。碗飯上枱個樣係靚過餐牌張相，怪唔知個名叫神之叉燒飯。 記住加碟菜，翠華油菜係我係茶記食過最高質素的！白灼菜心苗配蒸魚豉油，認真說比酒樓做的高幾班，色澤同口感都一流，豉油調得好好味。焗芝士西蘭花小朋友會喜歡，有拉絲芝士、車厘茄、粟米、白汁。甜品：超感應芝士奶蓋阿華田西多，完全冇過甜，奶蓋微咸，西多士脆邊入面係蘸滿蛋汁金黃色，華田粉有混合脆脆唂咕味勝於甜味，未切開奶蓋已經「感應到」要像熔岩般流動～高度推薦。翠華經典：生磨蛋白杏仁茶，每次都會飲，蛋白份量足料，杏仁茶底味道天然，濃淡適中，入口舒服。