翠華Eatery

营业中

休息中

今次復活節我哋定咗去珠海玩吓樂園食吓海鮮，其實港珠澳大橋係一個非常之方便過關嘅地方。所以我哋決定約埋晒朋友復活節假之前一晚就出發啦。但係佢哋未到我又肚餓成個港珠澳大橋口岸原來得一間餐廳就係翠華唯有食個早飯，款式一啲都唔多，所以簡簡單單食咗兩個潛艇一個叉燒雞蛋飯嗌咗杯飲品。跟住就等到隊友一齊過嚟過關啦。可能平時唔多人叫潛艇，所以潛艇足足等咗20分鐘先有啊。好彩我哋嘅時間好充足，慢慢等都仲有時間。下次都係過咗珠海先食啦。

翠華前幾年係香港一時無兩，分店偏佈港九新界，梗有一間係左近，甚至成為上市公司，到今日分店銳減到得幾間。今日如果唔係過珠海前想食嘢都未必食到翠華，望下餐牌個價錢都幾嚇親人，普普通通一個咖哩飯都成百蚊，睇到個生滾煲仔沙爹牛肉麵幾特別，同比較平，不過都要68蚊，決定食佢。來到個麵唯一特別之處係用煲仔裝住，成個麵同平時沙嗲牛麵係無分別，質素就一般般，價錢取勝，夠哂貴。

去到機場見到翠華走去食早餐, 翠華食咗咁多年， 食物已經越嚟越差， 機場所有餐廳都越做越好, 而翠華價錢絕不比其他餐廳平， 一份早餐正常60蚊以上！ 但真係越嚟越難食！ 早餐跟餐包問佢攞牛油要加兩蚊， 請問這是 一間什麼餐廳！！凍飲加錢就正常！ 喺香港你有餐包就要跟牛油， 這是常識吧！ 究竟你係想呃遊客錢定係覺得個牛油真係好貴 要咁樣收費！ 下次嚟食會唔會刀刀叉叉紙巾都要收費！ 不過絕無下次！ 一間咁大曾經成功過嘅餐廳可以做到咁失敗！ 簡直失敗之中嘅失敗！Bye 翠華!

今日經過翠華，又未餓，唔想食佢既飯，最後叫左個奶油豬！$20 😬😬😬唔算貴，不過味道真係好一般，個包又硬，而且佢又唔算焗得熱！成件事似自己買左個厚身既麵包，再查練奶同牛油。😂😂😂只能說無咩特別。不過係港珠港都無其他選擇食咩啦

翠華...呢個名我細細個就聽過啦...呢句野絕對唔誇張....今時今日香港....18區..一定最小一間翠華旅遊區...例如尖沙咀有3-4間都唔出奇今次被安排到港珠澳大橋呢面見客...成個大堂....除左7-11..就係翠華係餓既情況..好啦...翠華我來啦...食香港人最愛既焗豬72蚊...等左30分鐘...好新鮮...熱辣辣味道好正常...但係...D汁實在太小太小...下面D飯完成無可能有汁拌到....塊豬扒算大但唔夠厚身..以呢個價錢黎講..算係失望由於成個大堂得一間餐廳..所有要食野既遊客都集中係到..環境都偏向嘈雜..食完都唔想坐多陣休息了

15-6-2019 (Sat)晚,同老公返到香港,由於大家都唔肚餓,但都要食少少嘢,過晒入境關到出口附近,原來有間翠華,佢話不如喺喥買一份餐兩個人食.啊.咁佢買咗$60.00嘅XO醬海蝦球撈麵同$20.00一支嘅凍奶茶.等咗4分鐘,職員將XO醬海蝦球撈麵拎出嚟,睇見份量唔多,海蝦球就大大隻,我飲啖湯,好重味精味,之後都飲到魚味,但胡椒味更重,最後重見到有好多胡椒.撈麵味道好濃,但好彩唔太鹹;海蝦球爽口但冇味,靠加XO醬食,但XO醬莫講話唔辣,就連惹味都冇,想點?味道: 0.78分凍奶茶就好正,茶味夠同滑,不過唔夠凍.味道:5 分

唔掂我用自助點餐，去完旅行，好攰，諗住點完餐等下有得食我點海南雞飯，坐低果刻仲清晰聽到取餐既員工開咪叫收銀海南雞飯仲有三份。咁寫得，就知道劇情話之後就緊係冇啦，但點解我等佢取餐等咗十幾分鐘，然後仲要佢出冧巴啦，我諗住去攞海南雞飯啦，先同我講「冇」呢？請問我可唔可以俾零個星代表佢唔得呢？還是會有人以為我唔記得俾呢？真係俾一粒星都俾多咗。跟住係我個 4 歲仔要飲佢個紅豆冰啦⋯⋯紅豆唔夠林，唔夠大粒，椰汁味多咗少少，冇冰，呢啲係我既感覺，而我個仔就冇話唔好飲，只係飲咗兩啖（為解喝），成杯我飲晒。所以我既評論係冇話我個仔講既，係我講既。返返去個飯，結果換咗豬軟骨飯，賣相唔吸引，冇需要吸引你啦，抵步香港得佢一間。啲豬軟骨係林既，但味道好三尖八角。係唔係真翠華黎架？我有係荃灣食過，唔係咁架喎⋯⋯