翡翠拉麵小籠包 (已搬遷) 新店位置

$138任食，款式不多，味道一般，最離𧪽係第一round後，出菜超慢，又經常出錯，侍應根本唔會跟進，超級失望！！！！！！！！！！！！！！！！！！！！！！！！！

環境不錯，重點不用等位，就上菜速度稍慢，江浙菜來說口味一般，牛肉湯不錯，牛肉軟而不爛，味道很濃郁，鮮肉鍋貼皮略後，四式小籠包味道也一般，價錢稍貴，冷盤鎮江肴肉水準一般，不夠濃味，有待改善，值得一試的是椒鹽小黃魚，外皮香脆，魚肉鮮嫩👍🏻👍🏻👍🏻！

自從商場執左之後，我都好耐無黎過瓊華。咁岩今日路過就上去睇下啦！翡翠拉麵小籠包其實我係其他地方都食過好幾次，呢間最令我impressed既就係佢modern既裝修！其他分店既裝修就似一般既酒樓，但呢間絕對係將現代同傳統fusion既成功例子；由其佢位於遊客旺區，信相單靠裝修外觀已經可以吸引到好夠遊客！唔係十分肚餓，所以就只係叫左一個醉雞，雞絲粉皮同一個牛肉拉麵。醉雞既花雕味好濃，聞到都覺得有d醉意，但食落又唔會有太強烈既酒味，超正！雞絲粉皮就係我個人既最愛，簡單的幾樣口感不同既食材，加上香濃麻醬，絕對係天衣無縫既配搭！ 拉麵方面佢有8種口感／粗幼不同面種可選，但我呢d有選擇困難症既人就真係好難揀，樣樣都想試Y(^_^)Y

小貓3隻食晚飯，就來了這裡，早吃不用等檯，太好了，最討厭等🙊環境不俗，安排了卡位給我們，聊天最方便，就是有點冷，女士可準備外套☝🏻️冷盤要了個鎮江肴肉（$58），水準一般，高湯Jelly不夠濃味，有待改善。吃上海野點客小籠包是常識吧？$36/6粒，價錢正路，瀉出來的湯是暖暖的，清甜的肉味，皮也夠薄，可以。 鮮肉鍋貼，$37/4隻，遲遲未到，以為跟它緣慳一面。好味，鮮味多汁，一咬下去汁就瀉出來了。奶油律白（$58）非常失敗，大廚忘了調味？鮮茄蝦仁鍋巴（$82），開胃菜，蝦仁不算多，番茄就很多🙊好吃👏🏻👏🏻

父親節既星期日夜晚行左好耐 又唔知食咩好同男朋友兩人黎到瓊華中心 是但揀左翡翠一黎到唔洗等位 個場都冇咩人 得幾枱黎到一定必叫小籠包啦 男朋友話年幾前食過係幾正 睇下仲有冇水準先叫左一籠$36 入面有四隻 多汁皮都唔厚 果然唔錯如果一人一籠 都應該食得落😂另外 男朋友叫左紅油牛肉麵都幾伏 得辣味牛肉都好淋我就叫左擔擔麵幾香花生醬 但成碗都勁酸又好辣 好大陣醋味翡翠既麵可以揀唔同麵種 我地就揀左最原始既細麵兩碗麵都好辣 食到出哂汗

Happy Friday...好怕星期五約朋友食飯，大部分餐廳都得90分鐘用膳，想同朋友傾多陣都唔得。咁啱連續兩個星期五都約左朋友食上海菜。有感而發想將呢兩間餐廳比較一下小南國 - 旺角新世紀廣場分店訂左枱7:00 -2位 (坐低冇同我講要還枱，8:15迫我埋單) 叫左小籠包，糖醋骨，火腿津白…後加上海粗炒 埋單$379 (服務 2分 食物 2分 ) 小南國- 食物份量小，上海粗炒炒到一pat 嘢唔想多講四個字--貴夾唔飽翡翠冇訂枱，7:15坐低-2位 (食到10:15)叫左四國烤麩，煎素鵝，煎鍋貼，回鍋肉併薄餅，上海炒年糕 埋單$330 (服務 4分，食物 4分)兩間餐廳比較下個人比較喜歡翡翠食物 -四國烤麩同出面食到的不同佢係熱的，之前食過多數係冷盤。煎素鵝-裏面夾冬菇煎得好香唔油。煎鍋貼4只-皮有小小厚，但味道好食嘅。回鍋肉併薄餅- 薄餅厚左D，回鍋肉唔會好喊，兩者夾埋一起味道適中，上海炒年糕-年糕好Q唔痴牙(咸味適中)呢坐大廈有好幾間餐廳，選擇多所以今日星期五呢度都唔爆，入坐率7成。旺角星期五咁的入坐率算差。但食物出品每個菜上枱都熱辣辣，服務員有禮貌。值得讚下他們的員工有人覺得

星期六晚飯時間上去無乜人以為好好彩，點知原來又中伏！酸辣湯50蚊！哇！同幅圖完全唔同叫嗰時又唔講聲係一位位計，問侍應就同我講張圖係放大咗！牛肉麵個拉麵就搞到痴住晒！你同我講係龍鬚？火腿雙方啲火腿勁乾，舊皮重要超薄！放係底嗰塊一拎就爛！上海粗炒個味還好，我但份量同樣勁少唉！轉場食其他

這次預算有一百元，去了旺角位於樓上八樓的翡翠拉麵小籠包,怕麻煩的我很少自己弄魚,所以叫了清蒸小黃魚(圖)來吃.等了約二十分鐘, 魚已去骨完全不用擔心,由於是加上䓤清蒸完全沒有腥味,份量足夠而且美味非常,一百元可以落樓了.此店是近期新開，環境以旺角為風格，此外地方大可以一大班人一齊開餐，非常不錯。

再次來到這間設計風格與其他分店截然不同的「翡翠拉麵小籠包」旺角店，與老婆仔一起撐檯腳。這次沒有吃店中的招牌菜，只是隨意點了一些其他菜式。一客兩個的「百步香蔥油餅」（$32）蔥香四滋，入口鬆化，味道也好，是自己甚為喜歡的餅點。「茶香燻乳鴿」（$88）是自己上次來時吃過的菜式，這夜依然保持水準，乳鴿散發出陣陣馥郁茶香，鴿肉早已燻得鬆軟，而且滿有茶味，絕對是豉油皇乳鴿和紅燒乳鴿以外的另類好選擇。「火朣片津白膽」（$65）一向是自己喜歡的上海菜，腍甜的津白配以鹹香的火朣片，是保証美味之選。「清燉牛肉湯拉麵」（$65）的清燉牛肉湯湯味濃郁，喝得出是真材實料燉製，配以白滑的上海拉麵，都不錯。雖然這夜我倆吃的不是店中的招牌菜，都吃得幾滿意呢！

喺旺角食開都係啲cafe,西餐，想食下上海菜，上openrice一search就見到翡翠小籠包喺瓊華開左分店，太好啦～起碼地點就腳，又係友人間嘅中間點丫裝潢同其他分店唔同，好時尚，好舒適，啲座位都幾舒服，可能因為新開，人流唔算多先黎前菜先，陳醋木耳，陳醋嘅味道真係夠特別，配搭木耳爽囗又夠清新，木耳好有益，多吃對身體好好，仲有小量嘅西芹，陳醋味入晒西芹度，自己整都無咁好食青瓜簾，呢個係小妹去翡翠必叫嘅，雖然佢只係青瓜嘅皮，但佢超級脆同爽身，酸合佢獨有嘅半透明酸汁，真係好開胃嫁呢個酸辣湯拉面，酸辣湯唔會好辣，材料又足，唔會裝貨就價，拉面底唔會太稔，两個人食岩岩好呢個小黄魚都係友人介紹，外面煎得脆脆，內裡肉質嫩嫩，仲加埋面頭嘅到甘香

一向都有去翡翠拉麵食飯，但到旺角呢間真中伏。點了四樣野，一一為大家介紹：1. 酸辣湯(例牌), 份量只夠一人享用, $50, 味道無乜特別，但點解咁「驚」貴？2. 口水雞, 62蚊, 做好的雞放入雪櫃, 當有人點時加汁, 普通做法. 3. 不是炒飯, 千奇唔好睇相, 裡面真系無飯架, 蛋絲炒牙菜, 都算有點創意, 味道還不錯. 4. 雙辣小籠飽，四川麻辣味, 皮厚. 味道夠創意, 但未能接受.

翡翠拉麵小籠包一向是我的飯堂之一，以前曾在九龍灣工作時，甚至是指定的午飯地點，一味清燉雞湯麵是我喜愛的麵食。不過，從友人口中得知，原來旺角的分店與其他店不同，就即管去看一看。一來到，感覺新鮮，撇去舊有的精緻格局，改為甚有大排檔特式的風格，吊著紅燈罩的燈飾，以有香港特式的旺角招牌相片作壁紙觀賞，有點懷舊的味道，相當親切。精緻的頭盤無人不愛，實在少不了它們。先由【香煎素鵝】開始，外層煎得鬆脆，又包著飽滿的餡料，食味不錯。接著來一個濃香惹味的【蒜泥白肉青瓜卷】，論賣相勝過很多地方，以肉片捲著青瓜及蘿蔔條，吃來爽口美味，配上濃香的蒜泥醬汁，滋味滋味。之前也說過我很喜歡【清燉雞湯】，湯色清澈見底，入口醇和，有著濃香的雞味，喝後極為舒爽。喝過如甘露的清燉雞湯後，主菜陸陸續續送來，時間真的非常之好。有點意外地發現【焦糖龍井蝦仁】也會出現在小館上時，豈能不點上一嚐。雖然用上的不是河蝦仁，但價錢上吃到爽口嫩滑的蝦仁時，感覺也值回票價。平常也不會同時點那麼多大菜，今天就吃過痛快吧。與蝦仁有著同等性價比的還有【松子桂魚】，此等份量居然只是賣$188，實在超值。桂魚炸成一個繡球般，外脆內嫩，配合醒胃的甜酸汁，

旺角區食肆繁多, 有時真係唔知食咩好!!!今次跟朋友們就揀左係瓊華中心新開分店的翡翠拉麵小籠包~~新店的裝潢很有旺角本身的特色, 主要是吸引年輕人''*感覺較 causal 及舒適, 就連餐具亦是特別設計~~先點了飲品~~這裡的果汁全都是鮮榨的, 我就點了青蘋果汁, 味道不太酸而且很 Fresh；　而朋友們都點了凍檸檬薏米水, 味道不太甜, 既可美白又可排毒養顏!!!前菜有：蒜泥白肉青瓜卷 及 甜酸青瓜簾蒜泥白肉青瓜卷係香港很少見, 用白肉包裹著白肉及紅蘿蔔條；配上大量蒜泥, 味道辣辣地很惹味~~而甜酸青瓜簾我特別喜歡, 一卷卷的青瓜片很巧刀功；非常爽口的青瓜酸酸甜甜很開胃!!!另一款前菜是炸響鈴~~熱辣辣炸起上碟, 見得到響鈴炸的很乾身, 沒有多餘的油份；食落非常香脆, 蘸上甜酸醬食用, 真係食唔停口''*食上海菜通常都會飲酸辣湯, 今次就轉一轉口味~~~來個一人一盅清燉雞湯!!!好清的雞湯, 燉得很入味, 好香又冇乜油；熱呼呼的上台, 飲完成個人都暖哂''*仲好滋補呢~~~當然不少得小籠包~~特別地他們作了的創新的口味：雙辣小籠包全橙色外皮的是【口水雞小籠包】真係有口水雞的味道,

「翡翠拉麵小籠包」在旺角瓊華中心開了新分店，裝潢設計與其他分店大有不同，特別是部分牆壁以旺角砵蘭街引人入「性」的霓虹光管燈箱招牌為主題，更是色彩耀目又有特色。來到這兒當然要吃小籠包，不過這夜我吃的可不止只是普通的小籠包，還有特別的「雙辣小籠包」，當中全個外皮橙色的是「口水雞小籠包」，半橙半白的則是「辣蝦小籠包」。兩款辣味小籠包中，以「口水雞小籠包」 較為好味，辣度刺激適中，「辣蝦小籠包」的味道就稍有不如。各款前菜，好像「雞絲粉皮」、「水晶肴肉」和「川辣白肉」等，這兒也做得有板有眼，味道不差。至於主菜方面，「松鼠黃魚」、「龍井蝦仁」都有不錯的水準，但最好的還是脫胎自名菜「樟茶鴨」的「樟茶鴿」，茶香馥郁，撲鼻而來，多肉結實的乳鴿上沾上了茶香，色香以至味道俱佳。值得一提的還有特別的「不是炒飯」。這菜式的獨特之處在於它雖看似普通的蛋炒飯或揚州炒飯，但其實炒的不是飯而是芽菜，炒來不膩不油，感覺十分清爽，配料即使只是普通的雞蛋、鹹肉等，單是那份創意已值得加分。也需要點菜吧！一碟「蒜子上湯豆苗」爽嫩可口，正合愛吃豆苗的我的口胃。最後，來一碗「薑茶湯丸」，讓甜蜜得來又帶點辣度的味道滿足另一個甜胃，這滿