翡翠拉麵小籠包

营业中

休息中

這店開業已久，之前都覺得好好吃的，但近日發覺有點退步了。周六中午喺新城市廣場，竟然唔使排隊，立即有位，店內約8成客左右。我們兩個人不是太肚餓，所以只點了一碟糖醋骨，一碗陽春麵及高力豆沙！前二都好味，但糖醋骨份量少得可憐，我還以為是“一人前”的份量😱！ 高力豆沙，個皮太厚，麵粉多，口感不好，有待改善一下。店舖坐位舒適，每張枱分隔也不覺得迫👍 服務態度不錯，奈何人手不足下，叫侍應也要叫兩三次，幸好侍應們有笑容😊總括來說，份量少，價錢足，不過不失的一間上海菜餐廳。

呢間係食完會想再食嘅舖頭，味道平實幾好食，唔算重口味。最鍾意食紅油炒手，仲可以蔥、辣油另上，自己調節想要嘅辣度。賽螃蟹，配醋同白飯，正。金沙蝦都好好食，不過好貴，$168得6隻 坐落環境都舒服，有茶位費，又有加一。

強烈推薦大家幫襯沙田翡翠小籠包！呢度有好好味嘅上海菜，service好好，尤其有阿Ling姐在，佢服務態度好，好親切，好有效率，次次嚟都有種賓至如歸嘅感覺。我個人吃左十幾年，服務一路都保持得好好。原有菜式質量保持得好好，近呢幾更加會主動嘗試許多新菜式，改善餐牌，是一間美味抵食嘅上海餐。

翡翠拉麵係沙田應該有十幾年，小朋友由細細個已經開始幫襯，最鍾意食葱油幹撈拉麵，小籠包，我最喜歡食酸辣麵😍，每次來必食，服務員個個好有親切感🥰，今日Zhen姐仲介紹我飲左杯柑橘柚子梳打，味道唔錯，好適合夏天飲👍👍👍，希望你們繼續保持落去，我們一家都會繼續支持你們，加油

幫襯20年的翡翠拉麵小籠包，一直保持水準，但偶然都會有人手不足而水準下降，幸好水準好快上升保持返以往的水準。#小籠包，海蜇燻蹄，雞火炒飯，水煮牛肉，烤雙方，必食👍🏻

早兩年食呢間餐廳覺得水準都可以，冇食一排，嗰日兩大一小去幫襯，叫咗平日午市一人套餐+小籠包+嫩雞煨麵。個套餐有一個小食，一個主食，同埋一杯豆漿。小食要咗鎮江骨，一食落去好大浸雪味，肉質又靭，啲糖醋味完全入唔到舊排骨裡面。主食要咗酸辣湯麵，叫做正正常常。上海店小籠包應該係精粹，但個肉餡做得比堅x號同其他小店更差。至於個嫩雞煨麵就仲離譜， 人哋通常有一湯碗，佢$83仲要細細碗，雞肉都唔多一條，好過份！真係好難再幫襯！

行行吓突然之間想食上海嘢，經過翡翠拉麵小籠包，唔算太多人等位，就呢間啦😉 雖然唔算好多客人，但係服務又真係唔算太好，唔知係唔係唔夠侍應，上菜速度都比較慢 🥹🥹 希望下次嚟可以改善吓 乾煸四季豆 $85一上菜，其實好香，但係食落口唔係好熱，應該係擺咗喺度一輪，但係冇侍應拎過嚟，味道都尚算好食既 糖醋魚柳 $95酸酸甜甜既魚柳，大大啖食落去都無骨，啱晒我呢啲懶人唔使擔心啃骨 🤣🤣 京蔥爆牛肉 $118牛肉份量都算多，好夠鑊氣，味道勁香濃，送飯一流 👍🏻👍🏻 桂花酒釀丸子 $36甜度適中，丸子煙煙韌韌，有淡淡的桂花清香，好食 ❤️白飯 $16唔算好大碗，啲飯有啲爛

沙田其實好多野食，但我食嚟食去，朋友都好鍾意食翡翠拉麵小籠包多嘢揀得嚟，又有前菜又有主食又有甜品主打小籠包，真係食極都食唔厭！會經常嚟幫襯甜品以前鍾意食豆沙鍋餅，而家鍾意食高力豆沙

這是回頭率高的連鎖餐廳聽說翡翠是新加坡過江龍，在香港好說有十年八年歷史，分店越開越多，質素有一定程度保証。這天晚上我和好朋友去沙田新城市分店吃晚餐，點了小籠包，菜肉雲吞，素菜麵，和小食3味醉豬腳，烤麩，淆肉。小籠包湯汁充足，跟醋汁很配合，一如既往的好吃，個人覺得比某台灣連鎖集團的香港店更好吃。素菜麵和菜肉餃清而不淡，吃完不會口渴。小食3味也不錯。總體比同類餐廳平均質素高，如果午餐或晚餐想不到吃甚麼，翡翠是理想選擇。#翡翠拉面小籠包

呢間嘢絕對係我其中一間最常去同最鍾意去嘅食肆，我諗我冇去咗50次都應該有30次，呢間食肆主打就係上海菜。食物款式都真係好多，我個人嘅至愛就係酸辣湯拉麵。除此之外，仲有好多其他值得推介嘅食物，包括經典嘅小籠包、松子黃魚、雪菜毛豆柏葉、烤雙方、乾燒明蝦球、紅燒獅子頭、乾煸四季豆等等，保證有一款會令你滿意。我平時都會有去其他食上海菜嘅餐廳，但係我覺得佢哋嘅食物質素都冇呢間咁好。服務我覺得都幾好，上菜速度符合預期，價錢亦都唔會太貴。所以整體嚟講我非常推薦呢間食肆。

今天晚上去沙田新城市广场的我第一次吃饭被服务态度恶劣的经理 叫了警察来赶客户翡翠拉面吃晚饭点了一个二人套餐 本来套餐是汇丰特价活动 需要用汇丰结账 但是不知道什么原因 餐厅没有办法把我的汇丰信用 结果要按原价收费 本来4百多的晚饭 变成了7百 后面又变了5百 不太清楚 原因 最终还是买了单 跟他们经理问为什么多收那么多钱的时候 也没很好回复 态度也非常恶劣 我们要求跟其他的经理沟通的时候 被拒绝 最神奇的是 经理打电话报警 说我们打扰他们 结果警察 来了两位警察👮👮不建议来这家店

翡翠拉麵小籠包位於沙田正街的新城市廣場，提供多種美味的中式料理。以下是我的食物評價：🥟 上海小籠包（四隻）這份上海小籠包絕對是值得一試的。外皮薄而Q彈，內餡多汁，而且足夠熱，一口咬下去，湯汁四溢，讓人回味無窮。🍲 椒鹽黃金豆腐這道椒鹽黃金豆腐外脆內軟，口感極佳，是絕佳的開胃菜。每一口都充滿了豆腐的香氣和椒鹽的香脆，令人愛不釋手。🍜 雞絲粉皮雞絲粉皮的粗粉皮質地正常，味道也屬於平均水準，沒有太多驚喜，但作為一道配菜還是相當不錯。🍜 酸辣湯拉麵這碗酸辣湯拉麵真是開胃。湯的酸辣恰到好處，配上豬紅，更加提升了湯的風味。面條煮得剛剛好，非常美味。總結來說，翡翠拉麵小籠包的料理都值得一試。無論是上海小籠包還是椒鹽黃金豆腐，都能夠帶給你愉悅的用餐體驗。📍 地址：沙田正街18號新城市廣場三期2樓A238號舖

初六開工同teammate食個團年lunch，揀左新城市廣場三期既翡翠拉麵小籠包。因為人多，有得坐最入面個張大枱，落地玻璃好光猛好闊落，坐得幾舒服。無影晒所有菜式喇，只是影左啲印象深刻既菜式。質素唔錯，做團年飯黎講幾開心，佢仲有新年menu。可能當日午餐好多枱，出餐速度有啲慢，不過尚算接受到，過時過節大家開心食飯嘛。同埋啲員工態度都好好，食到中間仲比多啲黑糖糕同芋頭糕我地試食，每人有一兜仔。芋頭糕好香口，食得出無味精；黑糖糕都甜度適中，味道同平時食開個啲蔗糖年糕唔同，好好食。最後我買左2底黑糖糕，有幾個同事都有一齊買。

4年沒見的好友一家從外國回港探親，只留港數天便到國內到處旅遊和探親。預留了時間和我們聚舊，大家不知何時再相聚？特別珍惜這次相聚時刻。好友特別懷念上海菜，訂了翡翠拉麵小籠包，一於吃個痛快談個暢快。🌻炸銀絲卷🌻好友特別懷念的食物成品熱呼呼內脆外軟配上甜甜練奶很可口🌻百步香蔥油餅🌻餅皮鬆化不油膩內裡滿滿的蔥花陣陣蔥香很惹味🌻紅油抽手🌻雲吞皮簿肉餡鮮甜紅油惹味恰到好處🌻菜肉雲吞湯拉麵🌻手工拉麵有品質保證菜肉雲吞肉餡鮮而甜🌻黑虎掌小籠包🌻一貫的水準無得輸黑虎掌濃濃的菌味從小籠包隱隱滲出不錯的新滋味選擇🌻火腿烤雙方🌻甜的蜜糖和咸的火腿脆的腐皮和爽的青瓜層次感豐富吃得滿足🌻京燒羊腩排🌻新鮮出爐的羊腩香氣撲鼻很吸引羊皮燒得很脆口羊肉軟入口即溶🌻老干媽什菌炒牛肉🌻陣陣什菌香氣配上鮮嫩牛肉配惹味老干媽🌻糖醋雞球🌻雞球軟滑啖啖肉糖醋醬酸甜清新🌻高力豆沙🌻甜品必選高力豆沙熱呼呼的成品一口軟軟糯糯豆沙餡不太甜外皮灑上糖霜滋味無窮出色

香港嘅小食檔次雖然天差地遠，但講真，呢間俾我嘅味蕾跳左支華爾茲🍴🎶。一入到呢家店，就俾啲香噴噴嘅小籠包味給吸引。一啲都唔掉轉頭嘅蝦餃，皮薄餡多水靈晶瑩，入口後個蝦味清甜彈牙，真係揭頂🦐！炸銀絲卷外脆內軟嘅對比，咬落去嘅「嘶嘶」聲夠晒過癮，配杯港式凍檸茶，真係正！講到招牌，四川擔擔拉麵就好似大熱天嘅清泉，辣中帶鮮，撈勻每一條麵條，個辣椒油簡直夠晒嗆，肚子有火都值得一試⛅️🌶。但稱心滿意嘅非得嗰小籠包莫屬，瑤柱蟹肉，一籠蒸得熱氣騰騰，咬一口湯汁四溢，實在係揭晒瀑布，呢一味，真係令人心花怒放💥！鍋貼鮮肉汁多得嚇死人，外邊金黃香脆，內裏肉汁湯汁，一拼成詩，叫一叫，心都甜👍。話說返來，呢度嘅服勓半憎唔憎，笑容親切，態度打得招呼，真係幫倒忙，食到飽仲想再點多輪。總括，滿足得嚟又滿足得價，俗話講得好，食貨滿腹，人生已足夠，下次再同三五知己攞場位，攪下小聚，傾下偈，食下茶，呢個香港味，靚絕！🇭🇰🍽