影片
港铁马鞍山站 B 出口
继续阅读
电话号码
25915988
开饭介绍
餐廳以現代少鹽少油的烹調，重新演繹京、川、滬，三地特色傳統菜，選用新鮮食材，同時亦講究烹調，美食均是現場製作，以保質量。主打菜式有蘭州手工拉麵，拉麵由拉麵師傅現場即點即拉。招牌上海小籠包全鮮肉製造，皮薄餡靚。
继续阅读
营业时间
星期一至日
11:00 - 23:00
以上资料只供参考，请与餐厅确认详情
我一家九人相約5:30pm去翡翠拉麵小籠包吃晚飯，我和兩位長者先早到十五分鐘（5:15pm），客服話只有90分鐘堂食。當時全場清空，只有一枱四人客人，我想先坐低，等至5:30pm才計90分鐘。客服話不可以，叫我先在門外取票，在門外等齊人才入。我明白現在香港飲食業界艱難，分分秒秒都是錢，我希望咁大間連鎖店能夠捱得住近期結業潮。馬鞍山好少有咁高級嘅上海菜餐館，我以後寧願去啲地道嘅餐廳，嘆正宗的香港菜！
继续阅读
馬鞍山冇野好食，所以去到邊都好多人，今晚係到食飯唯有搭枱先吾洗等甘耐。呢個所謂既2人餐，計過數全部叫最貴既都只不過平左小小，而且本身有茶介，所以其實包野飲係一啲都吾抵，所以最後決定散叫算數。小龍包38蚊4隻，皮吾會太厚，食落去有肉汁，不過吾會有爆汁既感覺，整體吾差但吾係我食過最好食既小龍包。回鍋肉吾會太肥，所以可以好放心大啖食，配埋餅皮一齊食，吾會太咸又夠特別。煎素鵝入面包住好多菇，食落脆卜卜而且一層層好有口感果然圖片只供參考，拉麵黎講呢個算做貴，完全有海鮮味，又冇蕃茄味，仲要只得3薄片蕃茄，講真蕃茄吾係貴，比得呢個價比大舊啲都吾得，真係好失望。蝦都冇期望過會係鮮蝦，但真係少得可憐，魚肉得3小塊，海參得2小舊，真係食返普通拉麵冇甘嬲
继续阅读
老公突然想食小籠包，平日晚餐竟然唔駛排隊就有位。餐廳光猛，唔算闊落，店員有禮貌，會自動自覺加茶。想清清地，試下夏日限定菜式就啱啦～芙蓉蟹肉扒冬瓜($88)。蟹肉唔算大舊，冬瓜煮得夠透，清清淡淡好啱夏天食。麻醬青瓜拌粉皮($50)。不過不失。嫩雞煨麵($65)。湯汁鮮甜，略嫌雞粒太細，差啲搵唔到。相中係菇絲同菜絲。上海小籠包($38)。包皮厚薄適中，裡面充滿肉汁，一啖一個啱啱好。豆沙鍋餅($50)。豆沙餡充足，但一上枱就發覺同我食開嘅質感完全唔同。皮脆似餅，一啲都唔煙韌。皮太薄，而且炸過。皮應該厚返啲，用煎就會傳統啲。總結係，食物種類多，食物質素唔係差，價錢唔係貴，我好快又會幫襯你~
继续阅读
星期日搵位食午餐點都要等下呢不過為左食小籠包 等一陣都接受到既~今日既主角 上海小籠包 ~~跟住係鮮肉鍋貼 都唔錯呀~下次可以再食!!!之後再黎上海生煎包 其實食完一個都飽飽地雖然食左幾碟 但係最後都要落返碟上海炒粗麵~如果唔係好快肚餓啦放合假最開心 有好滿足既午餐呢!
继续阅读
各位，又係我啦。都有一段時間都沒有寫評語啦。眼見近排有空，就繼續尋找好食處。於是繼續在食物中的沙漠區尋找好食處。不斷行不斷找，終於搵到一間啦。為什麼會找這間呢？這就是因為它的名字叫翡翠拉麵小籠包。除此之外，亦見到HSBC信用卡同佢做咗一個優惠，逢星期一至星期五，食滿250蚊就有9折，另外逢星期一至星期五，亦有低至7折起嘅2人套餐。見到咁吸引，就一賞連鎖經營店舖啦。首先翻開menu，就覺得價錢唔平，咁就一於直接食2人套餐啦。首先揀咗頭盤-涼拌海蜇。炎炎夏日，選擇它是明智選擇，既不辣，又涼又夾口。再者飯前小食就選擇了紅油抄手。Menu 上寫3隻辣椒，開頭都擔心會很辣，但食落又不差，唔辣又好味。到主菜，就選擇了糖醋青衣柳，京蔥爆牛肉。當初都怕配菜多過肉，但小菜到檯後又不是，配菜與肉各佔一半，唔太覺得呃錢。仲有味道很好。糖醋青衣柳好香，炸得恰到好處。又唔會太酸，又唔會太甜。至於京蔥爆牛肉就超正，京蔥不辣，帶點甜。牛肉很嫩滑，不老。到飯食就選擇櫻花蝦炒飯。感覺櫻花蝦很像蝦乾，但又不像蝦乾咁乾身，炒飯就一粒粒咁。口感不錯。到最後就叫了2杯豆漿，用作解渴之用。
继续阅读