老厝邊

营业中

休息中

今日過嚟荃灣廣場買麵包🥯，順便過嚟食呢間位於荃灣廣場附近嘅台式餐廳。🥣絕對真愛雞滷大碗公呢個大碗飯用料真係幾豐富，入面有菜🥬又有肉。其中包括：🥦西蘭花、🥬菠菜、🌽粟米、🐔雞肉、滷水蛋🥚同🍖滷肉。配菜全部都好夠味，雞肉🍗同白飯入口軟腍，滷肉都滷得好入味。🧋經典珍珠奶茶+愛玉最鍾意飲佢呢度嘅珍珠奶茶，因為佢啲珍珠真係好新鮮彈牙，而且份量好多。套餐加錢仲有小菜+$12蒜蓉時蔬（小菜）- 充滿蒜香嘅西蘭花🥦+$15花雕醉雞（小菜）-有三塊醉雞，酒味都幾濃郁

屯馬沿線🚈找美食 ⇒ 荃灣西🚏C出口經如心廣場步行約6-7分鐘🚶‍♀️@laocuobian樓高兩層 懷舊風裝橫 非常舒適👍#牛三寶大碗公 💰68好大份量 啱曬大胃王😚牛筋Q軟有嚼勁 半脂肪牛展同金錢肚軟腍入味 ➕️ 半隻鹵蛋 蒜蓉炒蔬菜 有營又豐富😋#香蔥油乾拌麵 💰42 蔥油控必點 香味撲鼻而來👍 麵底Q彈有嚼勁 ➕️ 台灣特製惹味醬汁😋 #香酥炸排骨 💰38心水推介 即炸🔥 外皮酥脆香口 內裏肉軟 油膩 有肉汁😋#珍珠黑糖鮮奶 💰28少糖 ➖️低熱量 冇咁heavy😆#百香雙響 💰28酸酸甜甜 一次食均Q彈珍珠同椰果😚

收工又攰又餓，自己一個人食當然要平靚正。今天來到老厝邊，這間隱藏在荃灣的小店，性價比真係好高，$56就有大大碗的餐，正。首先點了他們的招牌菜:台式香腸滷肉大碗公色香味俱全，香腸香氣四溢，滷肉醬汁濃郁，香口又惹味，好地道台灣的口味超濃芋泥肉鬆起司蛋餅必試！蛋外皮焦脆，內餡卻是濃郁的芋泥與肉鬆，還有融化的起司，口感層次豐富，讓人吃了一口就停不下來！幸福的滋味，滿口芝士和香芋的creamy🥚🧀環境也很悠閒，服務人員熱情友好，讓人感受到滿滿的台灣溫暖和人情味，千萬不要錯過！❤️

🍗海陸鹽酥雞拼盤一次過滿足多款炸物願望😘四季豆、粟米仔、鹽酥雞、花枝丸、魷魚鬚和甜不辣，還有九層塔葉片。香口之餘，椒鹽味粉不會過鹹，很出色，三五知己來必點！🍝香蔥油嫩雞乾拌麵嫩雞即是水煮雞胸肉，低脂而嫩口。乾蔥頭切絲炸香，蔥油香氣滿溢，加入台灣幼麵中很滋味！強烈推薦隱藏食法🤣😍😍必須要問阿姐取秘製辣椒油🌶️加入拌麵中，美味提升到更高層次！🍚香煎豬扒滷肉大碗公很久都沒有聽過「碗公」這個古舊的字詞🤣🤣意思即係大大大碗呀🤭下單時貓太太驚喜發現就算是「多飯」，餐廳也不會額外收費，絕對適合你家的哪位大胃王。🥩嫩煎豬扒有三大。滷肉是角切豬腩肉🥓，肥瘦口感分明。半隻滷蛋🍳、炒西蘭花🥦、紅椒和芽菜。有菜有肉，豐富又有營養。台飲☕熱冬瓜茶，純粹的香甜。🧋芋頭仙草鮮奶❤️大推！仙草爽滑。芋頭極之綿密，甜絲絲，勝過其他專門店的芋頭糖水🤤

老厝邊 (荃灣)荃灣大壩街25號地舖鹹酥雞滷肉大碗公鹹酥雞幾香，而且好脆口，忍唔住吃完一口又一口。個滷肉好好食，入味之餘又淋又滑，係飯腍咗少少，唔係就完美啦🤗香煎雞扒滷肉大碗公雞扒好入味，而且煎到啱啱好，份量都算幾多。同樣配以滷肉飯，再加滷蛋，性價比超高！超濃芋泥起司蛋餅芋泥同芝士好夾，餡料超多，爆出嚟咁，又有微微嘅蛋香。搞到我朋友唔喜歡食蛋餅都要同我爭食啊！😋百香雙響加愛玉，走甜少冰呢杯上枱時，嚇我一跳，點解咁多料嘅？😂😂😂因為啲愛玉、珍珠、百香、椰果太多，我係食料多過飲茶，😂大癲。第一次想講可唔可以俾返多啲茶我？😂😂😂我覺得走甜啱啱好，本身啲料都有甜味，超豐富好飲！冬瓜檸檬，走甜大大杯，清新爽口，配滷肉飯一流。

今日同朋友出去食飯，過嚟呢間台灣野撐枱腳👍🏻入到去店員比左個籃我地放袋，同埋QR code落單😗叫左個火腿起司蛋餅（$35）share😼蛋餅新鮮煎起，汁另上，可以按自己口味去點👍🏻芝士好拉絲，同火腿蛋好夾，餅皮冇好重麵粉味，係我啱啱好鐘意嘅口感😋紅燒牛肉麵（$70）牛肉咬落好淋唔油，紅燒湯底濃郁唔咸，唔錯💖可惜麵條唔係我想像中嘅油麵麵條，係我麻麻地嘅口感😢柳丁紅茶（$24）叫左無糖，以為會好淡，但都有清新橙香味✨唔錯👍🏻整體嚟講，下次再嚟會叫多次蛋餅食🥰可能都試下其他飲品😼

今次嚟到荃灣食嘢而我係上咗OpenRice先睇吓荃灣有咩食最後揀咗呢個老厝邊佢裝修都幾靚嘅仲要有兩層，我哋上咗樓上嘅樓上雅座食嘅有你係兩個人叫咗兩炸雞扒，變到另一個係炸醬撈麵炸雞都幾大塊，揸得都幾趣，我覺得幾好味嘅雞扒都有啲肉汁炸落去最後爽口食落都幾爽嘅而家炸醬撈麵呢睇價錢40幾蚊，原來好細碗嘅一個炸醬撈麵嚟過下口癮嚟講都係一個唔錯嘅選擇但係我哋係食晚餐嘅份量覺得有啲少囉但係味道都算唔錯嘅，可以值得一試嘅

今日係荃灣廣場對出大壩街見到一間台式餐廳, 入去食個一人午餐等小朋友放學🍜炸雞排沙茶麵麵一到, 即刻呷一口沙茶醬湯底, 味道非常濃郁, 炸雞排好大塊，而且厚身，加上外層酥脆, 肉質滑嫩啖啖肉, 食肉獸大滿足。 配埋沙茶醬份外鮮香滋味, 麵條用上油麵，口感滑順, 掛滿濃濃沙茶醬, 入口每一啖都非常滿足😋🧋綿密芋頭鮮奶芋泥綿密濃厚與鮮奶奶香融為一體, 淡淡嘅天然芋泥甜味, 口感清新又唔會過於膩口, 飲後心情都有夠暢快😆

今日放咗工喺荃灣搵晚餐食， 行到去荃灣廣場附近， 又想食特色嘢， 見到呢間老厝邊， 裝修好有台灣古早味風格， 就入咗去食飯。 餐廳裝修藍色色調， 有好多台灣風景相， 好特別。 點餐用qr code掃， 好方便！ 餐廳食物種類甚多， 主打台灣牛肉麵、便當、大碗飯， 仲有唔少特色小食， 我哋叫咗幾樣餸， 質素都唔錯！ 1）眷村牛肉麵（紅燒湯)： 牛肉同粉條份量好多， 湯底濃郁 2） 超濃芋泥起司蛋餅： 芋泥澎湃， 配上溶溶地既芝士， 好滿足😚 3） 香酥炸排骨： 排骨外皮鬆脆， 好大塊，啖啖肉 4） 蜂蜜麥仔茶： 我哋叫咗小甜， 好清新，好解腻 呢間餐廳環境好打卡， 食落去有好傳統既感覺， 值得讚！

荃灣大壩街不嬲都有好多野食，今次去到食台灣野嘅老厝邊試食。店鋪比較細，不過幾有台式懷舊feel，野食嘅價錢都幾親民。今次食左牛肚麵，加左麻辣，個湯底唔錯，而牛肚亦都係金錢肚，肉質軟腍而入味，整體好大碗，非常飽肚！另外花雕雞都幾特別，雞去晒骨，口感好特別，清爽得嚟帶有酒香味，唔錯！燙青菜都正常，生菜好新鮮翠綠。而大腸麵線有得揀大碗或者細碗，口味比較酸，都幾開胃，而大腸都滷得好入味。飲品叫左麥香奶茶，個人認為唔算好夾，不過都算解渴，下次有機會試其他野飲。

位於荃灣廣場附近的台式食品店「老厝邊」店內裝潢簡約，透露出濃厚的台灣風情餐廳雖然分為上下兩層但地下層的座位已經座無虛席可見其受歡迎程度由荃新天地 chaterise 沿著天橋行去只需要5分鐘～- **半筋半肉麵 ($78)** 這碗麵的湯底是紅燒，湯底濃郁、有層次感搭配著 筋肉和嫩滑的肉片- **藥燉排骨湯 ($52)** 湯品的藥材味道相當濃郁排骨燉得恰到好處，肉質煮得很腍、鮮美- **藥燉排骨湯米粉 ($65)** 將藥燉排骨湯與米粉結合米粉吸收了健康湯汁的精華讓人十分滿足這道菜特別適合冬天食用，既暖胃又美味- **經典珍珠奶茶 ($26)** 可以選擇甜度珍珠有嚼勁

我和老公經常在荃灣搵食，今天周圍行吓就搵到呢間台式餐廳，有大碗公（午餐），我哋叫了：🌼 香煎雞排滷肉大碗公$58雞排煎得非常香脆，唯較細塊；滷肉好好味，配菜（大豆芽菜、半隻雞蛋、小棠菜、粟米粒）都幾好味，🌼 古早味滷排骨滷肉大碗公$64滷排骨沒有那麼熱氣，好入味😋🌼 冬瓜茶要加$3才配到，冷熱同價，可選甜度，ok🌼 鐵觀音奶茶 要加$9，選了走甜，好唔掂，完全冇茶味，好似飲水咁樣😓餐廳叫「老厝邊」，厝粵音讀「操」，是台語，老鄰居的意思，老闆想將台灣傳統味道帶來香港，同時帶出親切的感覺，故以此為店名。

台灣餐廳：老厝邊。環境幾唔錯，樓底高，仲有個閣樓，坐上去感覺舒服。入面嘅氣氛輕鬆，成個地方都好有台灣味。。我試咗幾樣嘢，第一道係肉鬆皮蛋豆腐。豆腐超滑，配上肉鬆同皮蛋，味道層次好豐富，真係開胃。。珍珠鐵觀音奶茶，香味濃郁，茶味同奶味剛剛好，珍珠嚼下去有口感。。大腸麵線，湯底濃，麵線十分足料，大腸煮得好入味，乾淨。。超濃芋泥肉鬆起司蛋餅，呢個真係驚喜！芋泥嘅不會太甜，仲有溶化嘅起司！古早味滷排骨大碗公，好大塊排骨！排骨軟嫩，外皮酥脆，好抵食！

早排食左銅鑼灣分店，今次就去埋荃灣分店試下佢其他野食😗主食就叫左個眷村牛肉麵 ($70)，佢可以揀紅燒湯、麻辣湯同蔥油乾拌，我就揀左乾拌😍佢個麵係幼身得黎都幾彈牙，配埋D蔥油食好香口💕成碗麵最正既就係個牛肉😎口感係勁軟嫩，而且煮得好入味😛跟住再叫左個鹹酥雞滷肉飯 ($58)，碗飯勁多配料，滷肉半肥瘦，撈埋D飯好好食🙌🏻個鹹酥雞都炸得剛剛好，外面脆，入面D肉都唔會好乾身🙊最後再叫左個芋泥起司肉鬆蛋餅 ($44)，佢D芋泥同芝士都落得好足，芝士既鹹香同甜甜地既芋泥好夾，加埋D肉鬆口感就更加豐富😻

今日係荃灣收工，又好想食台灣野，約左個朋友傾心事，兩個人叫左個🐔花雕醉雞卷，呢個小食係凍食，D雞肉都幾滑，花雕味唔算太濃👍🏻我叫左個🐮牛三寶麵配麻辣湯，我自己就最中意個牛腱，牛筋，炆得都好腍，同埋都夠入味，入口成舊啫喱咁，另外個朋友叫咗碗牛肉麵，佢就話同台灣嗰時食嘅味都差唔多，牛肉份量都幾多同埋個湯都好濃最後梗係一人叫返一杯台式飲品，真係超滿足！本身個朋友勁想叫多個小食，不過太飽🤣👍🏻👍🏻