老夫子餐館 (已結業)

想去好耐既老夫子餐終於去到啦....但超級失望囉🙄🤷🏻‍♀️首先我地睇Menu，先得果7:00pm.佢就貼住話甜品賣晒（已經覺得好奇怪）咁好啦我哋睇其他嘢食點知諗住落單嗰陣佢先話無，仲要係好多款都冇🙄最終我哋好辛苦先揀到兩樣嘢，一個係千層麵一個係白酒煮青口（menu 專登括住話有8隻）點知個青口嚟到嗰陣得四隻有薯蓉喺底同埋面頭應該係有白汁嘅，所以我地完全覺得唔係我地叫既野，咁就叫個侍應過嚟啦，點知有個疑似未瞓醒嘅侍應行過黎過話改左meun，話細隻青口先係8隻，大隻得4隻，大家可以睇返張相隻青口同兩蚊差不多大，我真係好想知細隻果啲係幾細🙄咁我哋咪話點解我哋落單你唔同我地講，佢話唔記得🙄仲要講左句，咁整左啦喎，我地真係太好人🙈竟然就咁就算照要🙈跟住果千層麵又好咸喎🙈搞到我連影相嘅心情都冇🤦🏻‍♀️咁鍾意睇老夫子既我竟然只係影得4張相🤷🏻‍♀️#老夫子餐廳 #一晚內講咗無數次唔會再黎 🙄

老友記生日聚會， 揀咗太子一間餐廳名叫 "老夫子"，嘩!老夫子是兒時最喜歡嘅漫畫，餐廳好有懷舊feel, 每一處擺放各款老夫子，大蕃薯等模型像，畫報，連牆上佈置全是各款卡通人物，非常有特式。地方寬敞，我地一行15人安排坐咗個半開放式廳房都唔覺擠迫，啱晒大家閒談。每人選咗不同款式套餐，有咖喱雞飯，焗豬扒飯，炒飯，三文魚意粉等，侍應端上各款套餐都用唔同款式嘅餐具，真的好有心思。各人大讚套餐嘅味道唔錯。各人都覺地點適中，有機會再來聚會。

今天約了友人來老夫子餐館，一起享用生日午膳。這裡地址很容易尋找，面包店旁邊就是了。上了樓梯後，映入眼廉的就是老夫子了！走入餐廳，由天花板，牆壁至餐椅，都是老夫子，很驚喜。叫了一個青醬意大利麵，非常美味，超出預期。抹茶黑鑽石很特別，是將紅荳容冰凍了。熱的抹茶黑鑽石也很好喝，充滿濃香的抹茶味。瑞士雞翼是送的，但超乎想像的美味，而且體型很大隻。公司三文治有心思，沙律醬味道很配合。總括來說，食物質素超過了我的預期。餐廳環境也很好。下次會再來光顧。

說句發自真心的說話，我小時候的而且確是漫畫「老夫子」的忠實粉絲。三十年前的「老夫子」在香港，是有分開彩色的薄裝版本，以及黑白色的厚裝合訂本，一到星期日飲茶時，我幾乎兩款「老夫子」都必定會購買。等到我開始讀中學以後，雖然已經沒有再購買「老夫子」，但是我還會經常在政府的圖書館內，不斷追看最新出版，以及過期館藏版本的「老夫子」。直到今時今日，「老夫子」原作者「王家禧」雖然已經仙遊，但是「王家禧」當年以他兒子名字「王澤」作為筆名，創造出一系列的「老夫子」。即使「老夫子」也曾經出現爭議，但「老夫子」仍然有它的漫畫界地位。在「老夫子」原作者王家禧逝世後，兒子王澤現在都已經繼承了父親當年的遺志，繼續有創作「老夫子」的漫畫，以及與「老夫子」有關的相關動畫。至於曾經跟「老夫子」有關的動畫，以及真人版本港產電影版本「老夫子」，我也曾經觀看，但是心態已經以前那麼狂熱。所以當我知道「老夫子」在太子開設了主題餐廳，我還未有立刻前往拜訪。「老夫子餐館」位於太子「彌敦道」「安寶樓」的一樓位置，食客可以從「彌敦道」街道門口進入，然後沿着樓梯一路徒步直上「老夫子餐館」的位置。由於當年「老夫子」漫畫作者「老王澤」，「王家

之前坐車經過太子彌敦道，見到老夫子餐廳開左，今日去完花墟就去試試！一入門口已經見到一個個漫畫人物模型公仔、好有童年回憶感覺，入到去D窗，椅子，天花板都係漫畫餐牌都係老夫子個樣菜名全部都係漫畫中嘅四字成語同人物，好回味羅宋湯足料，夠味，略嫌唔夠熱焗豬扒飯必吃之選！未食已經聞到好香芝士味，炒飯底，內有西芹菠籮紅蘿白，個汁唔會太酸，豬扒鬆軟雞扒煎得香脆，加埋磨菇汁，好味。薯格炸得脆口，唔會淋pat pat瑞士雞翼，雞翼嫩滑juice配合瑞士汁，好味

今日黎開太子， 諗住試一試。點知除左裝修設計叫做吸引之外， 其實食物同茶餐廳分別不大。 環境比元朗闊落， 但感覺舊。士多啤梨奶昔， 好重士多啤梨香精味， 唔太真實。炸蝦豬扒飯還可以， 蝦有d燒焦， 豬扒就幾林。餐牌

今日有個舊同事生日約咗個生日飯局咁搵邊到食就係另一個舊同事搵嘅 咁就搵咗呢間老夫子餐廳嘅係太子 好近地鐵站 好易搵嘅我地book咗位去嘅點知原來都冇乜人好少客全晚都唔會坐滿門口餐牌有呢啲嘢食揀嘅入到去都係影下相 慢慢揀下食咩忌廉湯個晚唔錯嘅都算ok過得去蒜蓉包個賣相幾靚呀食落都唔錯呀脆脆地口有陣蒜蓉香味又唔會話好乾好味嘅大蝦拼黑椒牛柳好失望嘅晚餐個牛柳 無味得黎唔好食切落好似粉粉地咁肉質好差又有啲咬唔開唔好食嘅雞翼酸酸地咁調味唔太好啲汁太酸整到Bbq醬燒豬仔骨呢個都係唔好食冇調味個汁唔掂肉質都唔掂唔好味熱檸茶連熱檸茶都冇乜味架喎整體係唔好食嘅呢餐走個陣門口影下公仔咁

由於在太子食晚飯的餐廳 <聚興家> 太嘈吵又逼夾！因此有姊妹建議轉場食甜品，才想起附近太子彌敦道的 <老夫子餐館>！以前這裏的人氣，現在已風光不再！今時唔同往日嘞！以前也許要在門口等上半小時，才可安排入座 ！現時我們可以直接入座，除此之外這裏變得很冷清，我們在晚上 8:30 入座，只有三成食客，零零落落！眼見舖面的店員不足五個，他們也很悠閒，由於小食客的關係，而顯得很勤快！意想不到現時增添甜品，令我們很驚喜呀！單是門外已見到一個甜品櫃！我們分別點了飲品及甜品，給大家開心分享！餐具設計獨特，方形膠杯懶係型咁，用過就知唔好用！蜂蜜玫瑰果茶 (熱) $46至於飲品的賣相卻是不錯，用上的茶壺很有型格，而且份量不少，起碼可沖出兩杯！玫瑰果茶散發玫瑰清香，水果帶出果酸，兩者配合得宜，入口有不同層次感！熱情鮮果茶 (熱) $46店方認真週到！新鮮水果另上，可保持其爽脆口感！熱情鮮果茶果香滿載！既清新又暖胃！甜品由 $32~$36香梨乳酪慕斯蛋糕 $32口味清新怡人，乳酪慕斯尚算軟滑，甜度剛好！特濃朱古力蛋糕 $32朱古力的可可味濃郁！剛剛夠甜！不過不失！甜品的質素認真

環境：老夫子主題的餐廳，裝潢當然少不了老夫子先生的身影，餐廳的牆身、天花、椅子、餐牌等等都佈滿老夫子不同角色人物及其漫畫內的情節，是拍照的好地方。服務：我們一行八人於12:52入座，還不算午餐的高峰期，餐廳人流不多，只有4-5枱。 落單後餐湯和餐包很快到，之後追了兩次主菜，一直等到1:35還是沒到，由於我們今天下午要應付考試，我們第一輪考試的3位同學唯有先行離開，同時間通知服務生將在我們幾位的午餐押後上菜。（因為已經喝了餐湯，也不能夠取消了）食物：等到考完試，再回去餐廳，已經到了下午茶時間，我點的排骨配炒飯已經涼了、排骨也變硬了。 因上菜時間問題，已沒有心情叫服務員加熱，純粹只想填飽肚子盡快離開。價錢：午餐收費$60-100不等（沒有加一，凍飲亦不需要加錢）總結：這是一頓不愉快的用餐經歷。

屋企長輩中意睇老夫子漫畫，所以終於帶咗兩老過黎，算係了咗個心願😌在門口有好多影相位，等位既時間可以瘋狂影相，不過人多位窄，要好有技巧先至無路入入鏡。野食方面就比較份量少，但價錢就略貴，好彩兩老胃口唔算太大，所以唔駛清空銀包落樓。味道老實講又唔錯喎，可能一早做定心理準備凡係主題餐廳啲野食都唔會特別好食得去邊，所以一食完覺得又比想像中好食喎😂好想繼續order！（不過堅係性價比唔高）如果中意老夫子既，的確黎朝聖一下係無壞既～記得影多啲相去補數就得😆

前排已經好想試老夫子餐廳，今次終於都有時間約到朋友嚟試下啦！ 一入到門口老夫子就企響度歡迎你，真係好有童年回憶呀！ 我哋兩個人每人叫咗一個lunch set， 一份美國西冷牛扒配薯菜& 牛脷意粉， 再加多碟瑞士汁雞翼。主菜到嘅時候我哋都好有驚喜，大大碟仲要好好味！ 牛扒我哋係叫全熟， 開頭都驚會有啲鞋口， 點知食落非常之juicy一啲都冇好硬嘅感覺。 至於牛脷意粉方面亦都非常之有水準， 我第一次食牛脷意粉會有咁多塊牛脷， 真係食得好開心。餐廳佈置方面做得非常之好， 地方坐得舒服仲有老夫子陪我哋食嘢😍 服務方面亦都不錯， 店員都好樂意為客人介紹食物！ 價錢亦都好經濟實惠, 我下次會再嚟幫襯這間餐廳😋😋

5人叫了4份餐整體一般般 以$150頭計叫左一份魚柳豬扒意粉魚柳出奇地炸得好，粉漿不會太厚，砌時能好好的分成幾份，同時魚塊不會散晒焗意粉就真係普普通通因為芝士肉醬係面，但好難可以撈埋一齊食有個豬仔骨配薯菜，薯菜就真係一般了～佢既薯條 係有點淋但豬仔骨入味跟住都叫左野飲有幾杯都係普通野唯獨呢個水果茶，就賣相吸引，但係太甜！好似加左好多糖水咁最後叫左個甜品，火焰雪山淋時好睇，入面係雪糕蛋糕，正常雲呢拿雪糕味如果佢淋火酒既份糧少返啲，會同雪糕溶合多啲因為5人食落去，某啲地方好苦如果佢可以將餐廳主題原素整得啲餸菜得意，我會加分；但如果佢主題 同用餐既野 冇連繫，其實我未入再試呢～不過環境係okey 既，佢亦岩有啲多人既gathering, 6~8個都有枱俾佢自成一角。

好友今日打電話黎約聚餐, 話去多次喺太子既"老夫子餐廳"。我先醒起上個月去過, 但係冇寫出黎。上次其實係我第一次去, 去到大廈門口已有成個人咁高既老夫子像擺咗喺到, 咁就ㄧ定冇揾錯地方。沿樓梯上去, 已見到成間以老夫子漫畫人物作佈置既餐廳, 兒時回憶即時湧現。如果鍾意睇老夫子既, 果到直情係打卡既好地方。當日我見到既侍應全部係年青人, 服務態度謙恭有禮, 值得稱讚👍我地果日點咗兩份lunch set: (1)乾炒豬扒河粉, (2)卡邦尼煙鴨胸炒意粉。 Lunch set有湯, 主菜, 同埋飲品。乾炒豬扒河粉比想像中好, 河粉雖然唔可以媲美大酒樓既鑊氣, 但都可口, 豬扒好林滑。反而個卡邦尼煙鴨胸炒意粉較乾, 鴨胸切成條狀不夠香, 份量好少, 感覺唔係好值。聽講呢間餐廳既蛋糕幾好食, 叫lunch set加$20就可order1件, 可惜果日已食到好飽冇order到。今次再去就可以試下。

每次去都會帶埋囡囡去，入面有張桌以紅色車為主，我囡好鐘意坐，大時大節去都會好多人，要等好耐，平日去都還可以，都係等左陣就入得，入面既野食都好岩小朋友食，出面仲有老夫子公仔影下相留念。

 說到《老夫子》漫畫，相信香港人一定不會陌生，曾經陪伴不少人成長。我也是由小看《老夫子》長大的，是我的童年回憶，每期出刊都馬上去買，漫畫中好多情節很有趣，一説起回憶都湧上心頭。  展示了不同年代的《老夫子》封面，每本也讓人好回味  漫畫封面改製而成玻璃窗影相一流 門口有肥肥大番薯。  裝修和設計明顯花了不少心機！到處也加入了《老夫子》的元素！到處也有打卡位！  望上天花板還可以回味一下漫畫細節！  老夫子陳小姐的愛情故事情節  連椅子也有大番薯和老夫子。  餐牌是《老夫子》的形狀，而餐牌內的食物、飲品特色都是四字詞語食物  晚餐前菜伴碟非常漂亮  餐湯我選擇了「錦上添花 」羅宋湯  碟子跟碗全部都以純白色配上一個大紅《老夫子》LOGO  「百花齊放」是蒜蓉大蝦番茄汁意粉HKD108 意粉口感剛好，番茄汁令人開胃，蝦大又鮮甜，肉質彈牙配合上來非常惹味  晚餐精選「燒豬仔骨」 非常大份，不過骨頭比較多，味道非常惹味，另外還配薯角。 「十萬火急」是熱情果鮮果冰茶 十分有心思，生果另外分開上，讓你自己加入冰茶。另外冰粒也是有生果的！非常細緻！ 份量也很大，二個人一起喝也可以的。