老川皇

营业中

休息中

從朋友得知旺角登打士街32號歐美廣場1樓老川皇，有辣有唔辣的選擇. 最岩一大班朋友。點左野菜豬肉菜水餃 $38有六隻，大大隻肯是人手包，餡料多有肉汁香味，餃子皮厚左小小，食落煙韌，真不錯。酸菜魚，魚片很滑好惹味、可惜有魚刺骨要小心慢慢吃。四川名菜必食—樟茶鴨，茶薰香味濃，皮色亮澤，肉質嫩滑，超級美味可口。四川担担麵，麵很滑。紅糖糍粑，煎得香脆可口又美味。真不錯。芒果🥭珍珠奶茶，有椰香味又芒果香味又有珍珠，很滿足。橙汁有些酸，不太喜歡這個飲品。

第一次和朋友來到老川皇，一早就很想吃了，聽聞這是香港難得一見的特色川菜，果然不負眾望朋友都連連誇獎，而且地理位置方便，近於佐敦。我們叫了很傳統的川菜，泡椒鳳爪，鳳爪酸辣酸辣的，十分夠味。第二碟是涼拌土豆絲，我覺得越辣越好味越刺激！食得辣野多當然要整翻碟清炒菜心，菜心份量足，拌上辣味食品，可減一減辣味！講到川菜，要食啲咩？梗係辣子雞，唔辣唔好食，所以我地又叫了中辣，辣度適中，食得辣既人都可以試一試！ 呢間店值得推薦！下次都會同fd再黎食

初來佐敦工作，人生路不熟，便上openrice搜尋附近的好西，發現老川皇好評如潮，而且餐牌上亦有不少特價午餐。故此，是日中午，便與友人結伴一試。Lunch time前20分鐘，我先致電老川皇點了一個52元的「雞煲餐」和一個52元的「酸菜魚片餐」，要求在20分鐘後準時做好，以供我們堂食，跟店員再三確定下，得知特價午餐會跟白飯，我要求多白飯，店員卻不置可否，只說該餐不包飲品，如欲加罐裝汽水則需加收8元，真的是九唔搭八！Lunch time一到，我和友人便出發前往老川皇，一進門馬上看到我們的午餐蓋著鐵碟，置於桌上，隨後，我環視了店內一圈，發現午市期間，客人竟然只有寥寥一兩個，不祥的預感驟生，但我們依然抱著期待，翻開蓋著我們午餐的鐵碟，可是奇蹟沒有發生，連一絲熱騰騰的蒸汽都沒有湧出，我心中暗罵了一聲「幹你老師」，這很明顯是店員在我下單後，馬上就叫廚房做菜。如此一來，我致電下單，並預約時間上菜的苦心何在啊？「OK, fine. 食物凍了就算了，至少店員還是蠻細心的，至少白飯還是有等我們來到再上。」正當我邊抱著這想法，邊要求店員送上白飯時，卻發現又是我自作多情了，店員跟我說特價午餐沒有跟白飯，白飯

今晚去咗佐敦老川皇分店食晚餐，兩個人點咗三個餸，超飽超滿足！鮮椒水煮魚，魚片厚身鮮滑又唔腥，我叫咗138蚊最平哩款大魚，都唔算好多骨，而且份量好足👍干鍋肥腸有火一直慶住，可以慢慢嘆都唔洗擔心肥腸凍咗會好膩，中意飲啤酒嘅朋友一定要叫一款干鍋類小菜慢慢嘆！到最後一定要推薦哩碟我好中意嘅鐵板黃蟮，超級好味！！蟮肉無骨又彈牙又鮮香，下次我都一定會再點，中意食黃蟮嘅朋友一定要試下，真係好正。最後買單都係三百幾蚊，CP值幾高！

假日晚上想和朋友一起吃點香辣惹味的東西，便想起佐敦吳松街的川菜小館「老川皇」📍水煮牛肉$156牛肉份量稍為少了一點，但辛辣味足，打底的是大豆芽，爽脆入味。📍鐵板魷魚鬚 $90魷魚鬚十分惹味，肉質不會過硬，炒透了的洋蔥鮮甜味美。📍麻婆豆腐$68味道是不錯，但豆腐稍欠軟滑，下飯菜。餐廳面積雖小，但感覺乾淨企理。食物上菜速度比較慢，可作改善。👅 味道：3.5/5💰CP值：3.5/5🕴🏻服務：3.5/5🔰餐廳環境：3/5🍽 餐廳：老川皇🌐地址：佐敦吳松街45號

第一次來老川皇，個場地好懷舊咁d 燈好有特色。多謝好友帶我來一齊食好野。首先點食了我最愛的水煮牛肉~好嫩滑好多芽菜在底岩哂我《小辣版》。第二點了乾扁四季豆~夠哂入味和夠乾身《小辣版》。第3點了清炒萵筍~估唔到佢切得咁幼身來清炒會咁好爽甜的。 (但就多油左小小)第4點了泡椒鳳爪~好刺激的辣味，一食要即入可樂解辣，最後食唔哂呢個太辣了我們還是打包了。第5點了鐵板黃鱔~黃鱔夠新鮮熱辣辣鐵板上好正 但就切得細粒左dd, 如果切大件小小會加分。

朋友話老川皇午市套餐抵食，味道夠正宗，今日就約朋友黎食下，順道當慶祝埋朋友生日。佐敦分店係永安百貨後面，位置算幾方便。卡位闊落，同朋友邊食邊傾幾悠閒。點了清炒窩旬，水煮牛，乾扁四季豆，鐵鍋黃膳同泡椒鳳爪。鳳爪幾辣，岩曬食得辣的朋友。水煮牛少辣剛剛好，適合我，牛肉嫰滑，份量不少。窩旬清清地得黎又入味，清新健康之選。四季豆脆脆地，香口惹味，黃膳麻麻辣辣，好好食。餐牌選擇豐富，每樣都有水準，呢餐有菜有肉真係夠曬均衡。

第一次喺香港食到咁好食嘅鮮花椒田雞！喺大陸食過好多都一般，呢度雖然餐牌上面張相影得唔係咁靚，但係店員都覺得呢個餸值得推介，佢話會有啲酸辣嘅感覺，所以我同朋友就即管試吓，都唔知道田雞好補身所以都蠢蠢欲動。果然沒有令我失望，鮮椒田雞用咗唔同嘅花椒、薑、指天椒、青椒同燈籠椒等等。個湯已經好香，充滿不同辣椒的獨有味道。而且田雞嘅數量真係好多，一路食一路啜，嗰啲肉好彈牙同埋滑身，食完之後個胃仲好暖！而且個湯裏面有唔同嘅萵筍同埋酸蘿蔔，令人特別開胃，真係要叫多幾碗白飯黎送㗎。之後仲有個紅油豬耳值得推介，佢有好多好多芫荽，啲紅油唔太辣，食落去豬耳又夠脆，而且切得好薄身，唔會覺得好痴牙。仲有個四川涼麵，可以走辣㗎，唔食辣嘅朋友可以試吓，好有四川嘅特色，上面有花生同埋麻油，真係香噴噴噢！

同朋友慶生，愛辣人士緊係食辣第一次食老川皇，朋友話佢的酸菜魚好食，我們叫左小辣，黎到，緊係試啖湯先！湯有很濃的胡椒味，酸味，一飲足夠暖胃，小辣感覺良好，我們接受，如果冬天食，可以取代雞腳湯呢！再黎食魚，魚肉厚薄剛好夠滑，一啲都唔過熟同鞋口，啲酸菜都好好味，酸而不喊，成鍋酸菜我們清乾淨😍😍😍 （但要記得熱食，我覺得凍左會感覺咸左）鐵板茄子，味道好濃郁，外少脆內軟，好夠熱，食落口係熱到辣嘴，愛熱食會愛上佢。但建議人多先叫佢，一碟都有六件，因汁味濃郁，一件都有點佔胃容量🤣🤣🤣四季豆，我本身都唔食豆，但壽星堅持要我試，吃貨精神，會一會佢，咦，好味喎，咸咸地，拖過油脆脆的，辣辣的，愛食豆可以叫黎送酒而我送酒良食莫過於： 炸肥腸！ 全晚最愛，決定每次都要點佢燈！ 食落口，脷會麻，外面好似椒鹽咁，入面無厄你，係肥腸，夠肥，juicy我一個人食一碟加一大支啤酒應該爽YY

一直話約朋友上深圳食辣野，但一直好難約齊人 。朋友介紹話佐敦吳松街有川菜好好食，近近地易約到，地鐵過來好方便。我地來到梗係要叫川菜必食嘅水煮牛肉🐂和酸菜魚啦🐟。果然無令我們失望，牛肉又嫩又滑，而且份量好多，好似夾極都仲有酸菜魚都係辣啲先好食，有兩個朋友不太食得辣,當然要照顧下佢哋,所以只好叫佐小辣。個樟茶鴨要特別推介好正。兩個小朋友都食得津津有味。連鴨骨都入晒味。香得來好送飯!口水雞又係必食的,睇落好多油，但係食落好好食，有雞味且肉質鮮美又滑口,皮下零脂肪可能太耐無食川菜，打開個餐牌樣樣都想食，不過太飽了，下次再來試下其他菜，仲有好多都想食

店仔細細但係食物種類好多， 老川皇我已幫襯10多年， 今日終於的起心肝寫食評😝😍 香辣鵝唇十分之好吃， 但唔係成日有貨到😓 睇下自己嘅彩數🎰🀄 通常我都會食中辣 🌶因小辣實在是唔辣， 而大多朋友唔食得大辣所以我會選擇中辣🥳😻 桂花酸菜魚也是我的至愛， 因沒有太多魚骨， 很適合不懂食魚骨的人士🐟🐟 而價錢又非常之平民化 確實每星期都可食一次 仲有水煮田雞🐸 干鍋肥腸 都係我嘅首選 再叫毛血旺+辣子雞🐥🐥兩支大啤🍺，真係爽🍻🍺爽爽

價錢實惠，水煮牛肉入口即溶，菜式好靚😋😋！囗水雞口感不像香港冰鮮雞，用料真實，才料靚👍👍🎉🎉樟茶鴨味香，肉軟，酸菜魚，酸酸甜甜，酸菜爽口彈牙👍👍

因為應酬關係，近年來都要學吃辣東西，已經開始接受，由四川菜到普通麻辣米線都開始適應了，今次是北方客人，我便帶了他到附近的店鋪食四川菜的，此店的地點在一條橫街窄巷叫吳松街，店裏只有10張枱都數得晒，我們六點到達，有位可以吃，一路一路放工時間開始陸續多人，差不多全店坐滿人了，我們點了以下食物：王牌必點酸菜生魚片他有三種煮法水煮、泡椒及酸菜泡椒鳳爪辣度有得選擇小小辣到麻辣韭菜豬肉餃八隻可以選擇湯上或淨上餃子手拍青瓜最好味川北涼粉爽口小木耳紅油豬耳飲品：藍妹啤酒

鍾意食辣野嘅朋友真係唔可以錯過呢間老川皇經常成日聽好多外國人亦都會慕名去食，之前去過歐美廣場旺角嗰間分店而家去返佢嘅總店佐敦吳松街。佐敦呢間通常晚晚爆人，由於我朋友唔太食得辣。所以我哋幾個都點啲唔係太辣的菜試，首先叫咗個清炒萵筍絲，熱辣辣，青BB，晶瑩透亮一條條的，賞心悅目，乜嘢都無添加嗰種味道最真實。另外亦都叫咗幾隻韭菜豬肉餃，呢度都幾平，每隻都係幾蚊，食落去韭菜個味道好出！真係有一大堆韭菜係味你個口湧出。當然就要試吓佢哋呢度嘅地道嘢食，雖然我朋友唔太食得辣，但係都叫咗個水煮牛肉，其實佢哋呢度仲有水煮魚、同埋酸菜魚平時啲客都係鍾意叫水煮魚多，因為貪佢夠香口，煮得夠地道發現呢度嘅水煮牛肉原來都唔錯，尤其是啲芽菜！竟然煮得咁爽咁脆口，另外也可以因應個人口味調節辣度。另外酸蘿蔔炒豬肚竟然辣過水煮牛肉，酸蘿蔔嘅數目都多，咬落去酸到牙仔都軟，豬肚都洗得幾乾淨，而且煮得幾好食。

老川皇係我常去既地方因為實在又平又好食今日好晏先做完野老川皇收得遲 2am岩哂食宵夜我地簡左酸菜魚干鍋黃鱔酸菜魚極嫩滑份量好多而且每一片都好大塊唔似有時食過係比較碎酸菜味好出色同魚肉好夾干鍋黃鱔仲正唔係到到有得食佢用個火爐跟上仲keep住佢熱辣辣一上檯就聞到香噴噴食落口好惹味黃鱔處理得好好乾身又唔太油而且肉質彈牙又辛辣又鹹香用黎送飯一流所以一直都好鐘意去老川皇食飯食物質素一定有保證我會再帶朋友黎食