影片
以上资料只供参考，请与餐厅确认详情
食物好味，即叫即整煲仔飯夠新鮮。湯夠份量足料好味又多款係舖仔細細坐得麻麻，同埋夏日炎炎應推一些消暑湯水吧？當日人𣎴多生意唔算好，希望佢捱得住，因為實在好食價錢合理
继续阅读
又見此店獲得好評，即管一試。果然名不虛傳！一行四人，叫了......1. 花旗蔘椰子雞湯：好甜又好味，D雞骨也被煮得綿綿的，GOOD!2.XX 羅漢果老鴨湯(唔記得全名)：十分足料，仲有甘草，勁生津開胃。3. 四寶飯X2：有蝦乾、流油咸蛋、雞柳同黑椒豬手，好好味，D雞柳好滑，不過就鹹0左小小。4. 梅菜花腩飯(又好似叫梅菜頭腩飯)：勁好味，加上甜豉油，一流！5. 黑椒豬手飯：足料，豬手入味，但對食量少的人來說，可能會覺得多肉得滯。但嗜豬手者，值得一試，真的是啖啖肉！6. 佛山熏蹄：好味，比在酒樓的更好！7. 菜芯：不油，甜！同行的四人中，老爺一向不愛出街吃飯，而且小小味精他也吃得出，但今晚的這餐他也很滿意，因他都覺得沒有味精。而且我們也相信，每鍋飯都是即叫即煮，愛吃飯焦者，必試！但唯一美中不足是店面太細，有點迫。還有值得讚的是服務，以及所奉上的茶，雖不為上品，但是也不差，感受到店主想用心做好餐廳的誠意。值得試試同支持！註：趕時間就不好吃此店，因D飯真的是即叫即製。
继续阅读
半年來很懷念老廣的靚湯及鐵鍋飯於是特登入元朗食返餐好！ 順便睇下可唔可以keep住咁既水準到達老廣之後果然是滿座…看姨姨手一指才見到有3張空枱橫排在稍遠的位置（因為要留位俾人行）也不算太遠啦 寫紙落單岩哂我地呢d鍾意自己慢慢諗既人！寫好野之後姨姨會再覆一次以免落錯單等了5~10分鐘左右 第一個來的是湯！ 蟲草花山珍菇菌燉湯 $38 (原價$42)喜歡喝湯的我馬上撈下有咩湯料 有很多紅棗、龍眼乾，茶樹菇倒是少了點，不過一樣好飲！飲完湯先有第兩樣上菜～ 佛山燻蹄 $28$28~這樣的份量已經很不錯！有好多果凍狀物體～超好食！又食完～又有飯食 臘腸臘肉飯 $40賣相唔錯！仍然係成個鍋底都係飯焦！過多陣終於到我既北菇雞飯！$36同上次唯一唔同既係 菜心變左做翠玉瓜 仍然keep住半年前水準！即場係手機搵返上次張相黎對照 份量冇乜分別不過今次忍唔到手落豉油 甜既豉油+飯 好食！就食完果陣有2位女士黎搭枱，佢地嫌點菜紙d字細得滯(唔太禮貌既語氣…)姨姨就請佢地睇返餐單，親身幫佢地落單。真係唔錯…今次值得一讚既係，雖然坐係出面，但係完全冇被忽視既感覺！(係連鎖食店總係會有d無視位…)當我地諗緊要點埋單既時候，只係兩個人望左望入面，轉個頭（真係個頭轉返去）個姨姨就出左黎問我地係咪有咩需要！順利埋單，$142 I will be back!
继续阅读
今日再去老廣食...舖頭真係好細...冇位呀要係舖外食...舖頭外面有5張枱都坐滿哂..睇黎佢要開間大d既舖la.....不過係外面食都有另一番既風味...老闆娘好熱心好快手咁拎食具同茶比我地..同相公睇左一陣就諗到食咩la..人蔘烏雞湯 lee個係相公飲我冇飲因為我咳..但佢話好好味...燉到隻雞連d骨都食得...靈芝唔知咩湯..真係唔記得左...我只係知入面好多料..冇味精...好正~~~黑椒豬手飯..上次都食過..今次食仍然係咁好味...豉椒排骨飯...都好多排骨..加埋d豉油真係一流~~~lee間野d湯真係冇味精飲完唔會口渴同埋真係燉出黎...越黎越鐘意lee間野...d煲仔飯又好食..d飲焦又岩岩好唔會太硬同太燶...雖然價錢比較貴..但係都算物有所值!!希望繼續keep得住水準^^
继续阅读
經常OT的日子，晚餐一般是簡單在家中炒烏冬、煮麵就算，不過偶爾也會與老公出街吃點健康的，最近去了老廣靚湯覺得不錯。隱身於正記大排檔外，老廣只是小小的一片店，不過人氣度一點不低，差不多九時仍然全店爆滿，早到的老公要等了三數分鐘，才安排到與人合坐一張四人座位。還好坐下十分鐘左右，食客漸散，店方又安排我們搬到另一空桌，坐得舒服了才有心情欣賞店內裝潢。其實也有一些食家拍過了，不過還是被掛牆的財鹿吸引了，覺得十分逗人呢!講回食物，是次特為養生靚湯而來，當然要幫襯一下，原來湯水選擇相當之多，共分蟲草花系列、男士適合、女士適合、男女老少、四季皆宜，等等等，定價大多較實惠，比鴻福堂要抵些。本來鎖定目標為靈芝羅漢果老鴨燉湯($36)，不知是否太晚已經無貨，又改要了花旗參椰子雞燉湯($35)，其味不如奶奶煲的濃郁，然而成品清潤不油、份量又足也可收貨了。店內又供應多款招牌鐵鍋飯($35起)，老公鱔癮起，點了最貴的豉汁白鱔飯($52)，落單後要等約15分鐘上檯。白鱔相當肥美，滿有濃香豆豉滋味，又帶絲絲陳皮香氣，味道挺不錯的；而且近似煲仔飯的鐵鍋飯煮功一流，白飯粒粒分明，軟硬有致，靠邊的飯粒因熱力形成香脆飯焦，但一點沒有變燶；再加上較濃稠味香甜的豉油，連不喜吃飯的我也一口接一口的吃呢!另一個選擇是黑椒咸豬手飯($38)，當中所用豬手肥瘦合宜、肉質鮮香咸味適中，略帶惹味黑椒風味，也是十分好吃。另外兩款鐵鍋飯均拌以清爽翠玉瓜，增加健康清新感，不錯。而鐵鍋飯還可選擇加配料如腊腸、潤腸、蝦乾、咸蛋，彈性幾大的。與老公也要了碟芥蘭($12)同吃，成品幾青綠又新鮮，不過吃食到一半竟有隻飛蟲飛出來...幾乎嚇死我!! 向店員講明情況下，也有換一碟新的，不過就留了餘悸沒有多吃了。最後一提這裡幾先進，是以bar code落單計數付款的，當然收的只是現金。是次晚餐盛惠$137，不算便宜，不過食物味道不錯，又挾著健康賣點，我與老公都折服，客似雲來也是正常的，當然能再將衛生度再提升一點就更好啦!
继续阅读