老掌櫃東北菜館 (富達廣場)

营业中

休息中

西菁街間老掌櫃是我經常光顧既東北菜館 今晚帶埋個朋友去食飯 由於天氣開始轉涼 朋友又係羊肉發燒友 我地索性叫左個全羊宴🐑：孜然京蔥炒羊肉、羊腩煲、羊肉水餃👨🏻‍🍳孜然大蔥炒羊肉 $96非常推薦既一道菜 炒得十分惹味 無論係羊肉定配菜都好入味 廚師落足料 以大量大蔥、洋蔥、青蔥咁同羊肉一齊爆炒再配上適量既辣椒 令菜式味道簡直無得頂 如果係中意食蔥既朋友黎道菜一定要試下 而且餐廳所選用既都羊肉都係味道較濃既 即使加左大量配菜亦唔會掩蓋羊肉味道 反而令菜式味道更上一層樓 🍲東北黑山羊煲（小） $188冬天才有的限定菜式！這是我今個秋冬的第一煲😆 首先餐廳絕對不吝嗇 羊腩煲非常之足料 有大量的枝竹、冬菇、馬蹄同不少份量既羊肉（仲要全部大大嚿）而且羊肉本身質素好 羊味濃厚 肉質嫩口 再加上每舊都大大舊 食起上黎啖啖肉 但又夠腍 另外羊腩煲個汁底好濃郁 又是送飯一流 個底仲加了薯粉 所以細煲其實都夠3-4人食🥟京蔥羊肉餃（10隻） $56平實正常發揮的餃子 水餃咬開羊肉餡味道濃厚 肉汁豐富 可惜水餃皮略嫌較厚 否則會更理想其實我仲想食豆沙窩餅同高力豆沙 但係已經飽到要拎走餃子 所以都係要多啲人一齊

係元朗想食抵食既東北菜，一搵就係老掌櫃! 呢到價錢相宜，而且唔收加一! 晚餐時間到埗，好爆場，就知道真係好食! 去到見到接近每枱都有叫到北京填鴨~ 所以我地都叫左黎食。呢到可以簡一隻或者半隻，如果好似我地得2個人，叫半隻就岩岩好!北京填鴨 (半隻)半隻都唔洗$200，好抵食。鴨皮色澤紅潤，皮脆肉嫩。香氣夠，而且鴨肉肥而不膩的。配埋青瓜同京蔥絲食，絕對可以解膩。重點係佢既餅皮份量都好夠，有成20塊，唔會食到尾淨係得肉唔夠皮! 糖醋魚塊份量同樣好多，醬汁酸酸甜甜，好開胃。魚肉啖啖肉，外皮就算淋左醬汁，都好脆口!欖菜肉鬆炒飯欖菜唔會太鹹，飯炒得好乾身，配埋碎豬肉，每啖都好滿足。豆沙鍋餅最後一定要叫個甜品，豆沙鍋餅色澤金黃，外脆內軟，整體甜而不膩。

第二次幫襯外賣自取， 第一次 按時去到 已經等咗好耐， 今次去到該店直情漏单， 要現場等， 夠曬新鮮呀， 一定夠熱， 服務員一點 致歉 都沒有， 態度惡劣， 因為自取的是我老公， 我老公 知我想食 所以焗住要等， 但是今次外賣自取， 最想食嘅 片皮鴨沒有， 餃子沒有， 甚至連白飯 亦沒有得供應， 只可以選擇其他款式， 為何一間 東北菜館連 最基本的片皮鴨都沒有供應， 現在是疫情還是未能通關， 真的唔明白， 唔會再畀機會你一間菜館， 選擇權喺自己度， 唔會有第三次幫襯

年初三去試，約下午2:30，只得左手邊幾枱客，右邊全是吉枱，一入去冇人理你，正想到右邊找個位置坐，突然有個女人（估計是主管）大聲講：一位坐左邊路口個度！完全冇禮貌！落歺話要掃二維碼，先掃了一個客飯，之後正想再落些小食、菜，掃唔度，壞機，個女人叫個待應（好年輕哥仔）攞歺牌，個哥仔正想擺落黎，突然又比左第二枱！一句禮貌說話都冇！原來全間歺廳得3張歺牌！等左15 分鐘，哥仔才拿張歺牌來，但仍是冇言冇禮貌態度！我說：咁嘅服務，食唔落！唔再點！埋單，個女人仍是拿口拿面對住你！d出品麻麻，服務態度悪劣，這間食肆真係想唔做趕客去大陸！

去年7月21日晚上，我到元朗站弔唁某段歷史，原以為在元朗站步行到吃印尼菜那裡也相當近，怎料到是很遠的，結果那家印尼店已休息，故改吃尼泊爾餐。當天步行很遠很遠，中途就是經過西菁街這兒。今日愚人節，碰巧是復活節後星期一，仍是公眾假期，我們到了元朗逛逛，並到了西茜街吃了個下午茶，是東北菜，那店舖名叫老掌櫃。😍🥰😇☺️😗告訴你們，可能東北人生活在嚴寒，吃的份量很大堆頭的，建議你們要空肚子到發出咕咕聲，才吃東北菜；另一方面，也建議店舖同時供應大份量和中份量，以適應不同胃口的客人。😂😂🤣😜🤪😝酸辣麵胡椒味較重，排骨炸得香口，韌度適中

未食過咁難食！片皮鴨要預先book都算啦，想食魚先發現咩魚都冇，團年飯想食吓魚都唔得，咁都算啦啲野食嗌咁多樣嘢，全部都唔熱嘅，淨係暖暖地，開頭嚟個萵筍，即刻食都係暖暖地都覺得奇怪，然後嚟嘅豬手又係暖嘅，跟住嗌左兩個炒飯，兩個炒飯都一樣係暖嘅，仲要係硬嘅，咩都好似整定晒咁，完全唔知食緊啲咩唯一食得落口就係啲餃子、辣子雞丁同埋高力豆沙，叫做係熱嘅先好處係勝價比幾高嘅，11個人食平均每日都係$120，但呢個價錢值得食更好囉真係唔推薦大家食呢間！

餐廳位置幾方便，內裡裝修簡單但有啲東北feel，啲擺設幾有鄉土氣息。地方唔算好大，但座位安排得幾舒服，服務員都好熱情，有親切感。菜單好豐富，基本上你諗到嘅東北名菜呢度都有，選擇真係非常之多，適合一大班人嚟聚餐，咁就可以試到好多唔同嘅菜式👍半隻片皮鴨好耐冇食過片皮鴨，可以加錢將鴨架煮成另一款菜式，片皮鴨皮脆肉嫩，唔會好肥，配埋薄薄嘅餅皮同甜醬，夾埋一齊食層次好豐富，半隻份量都已經好多松鼠魚 大條得黎又香又靚，魚肉炸到啱啱好，外脆內嫩，加埋酸酸甜甜嘅汁，一啖咬落去好滿足豆沙窩餅外皮夠香脆，帶少少焦香，入面嘅豆沙又唔會太甜，恰到好處仲有好多唔同嘅菜式都想試，下次要叫多啲人嚟一齊食先得😋

原來老掌櫃係元朗有分店，上次食過片皮鴨覺得好抵食，所以今次嚟元朗分店試吓。但今次想試其他菜式呢間嘅裝修更有東北感覺，手機落單亦都係好方便全部有圖天氣涼涼地，所以叫咗個「紅燒肉燉粉絲條」，同廣東紅燒肉味道有少少唔同，冇咁甜。粉絲係爽口款而且吸晒味，正！再嚟蔥爆羊肉，又係一個非常好送飯，份量足，京蔥和羊肉比例平均，京蔥有少少焦香，牛肉夠濃郁。當然唔少得甜品今次試吓豆沙窩餅，即叫即整係特別好食，因為夠薄脆就唔會滯了。

[✨元朗老掌櫃🥢]#老掌櫃東北菜館 #元朗🔸東北農家炒飯 $76炒飯粒粒分明好夠火侯，配料有蝦仁、粟米、青豆等等，味道平衡唔會好油膩，分量2個人食都足夠，好抵！🔸蒜蓉炒時菜(小棠菜) $68小棠菜清香爽脆，好健康🤤🔸韭菜豬肉餃子(10隻) $50餃子大大隻，餡料新鮮足料，咬落去爆哂汁，水準極高🤩💕🔸小雞燉蘑菇 $96雞肉滑嫩，燉得好入味，配上吸收哂醬汁味道嘅粉絲，好出色👍💯————————♡♡♡♡♡♡————————✨總結高CP值好高又正宗好食嘅東北菜館，水準一直都好穩定，環境亦好舒適寬敞，值得一再光顧🥰💗📍老掌櫃東北菜館🏠元朗西菁街23號富達廣場地下19-24號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #老掌櫃東北菜館

環境讓人彷彿置身於古老的胡同中。北京填鴨雖然味道尚可，但價格非常實惠，性價比高。真正讓人驚艷的是他們的羊肉餃子，餡料鮮美，羊肉味道濃郁，完全保留了地道的風味。每一口都能感受到羊肉的鮮嫩多汁，配上薄而有韌性的餃子皮，口感絕佳。這裡的羊肉餃子絕對是必點之選，讓人一試成主顧。🥟整體來說，這家餐廳不僅提供了經典的北京填鴨，還有令人難忘的羊肉餃子，是品味地道東北菜風味的好地方。

好耐冇食片皮鴨喇😋今晚喺元朗西菁街，見到呢間川菜有片皮鴨食，就入去試吓，又OK喎，唔使特登走去酒樓，幾方便叫咗半隻片皮鴨，大大碟，兩個人食差啲食唔晒，加埋青瓜、京蔥，仲有啲醬料，係我想要嘅味道，真係好耐冇食😁😍😋另外仲叫咗個辣子雞，不過我就覺得如果再辣啲就好，出面天氣都幾凍，食辣啲會暖胃啲🌶️又係大大碟，啲雞脆卜卜另外嗌咗個津白炒木耳，清清淡淡，本身見到乾煸四季豆，但驚一次過食幾樣會上火🤭😜睇到餐牌有幾款餃子， $50有10粒，下次晏晝要過嚟試吓先

老掌櫃東北菜館 (富達廣場) (元朗)元朗西菁街23號富達廣場地下19-24號舖酸辣湯 - 呢碗酸辣湯，酸辣適中，湯底濃郁，每一口都充滿了濃厚的風味。配上滑嫩嘅豆腐同新鮮嘅蔬菜，每一口都係極致嘅享受。麻辣海蜇頭 - 香麻辣嘅海蜇頭，口感爽脆，配上濃郁嘅麻辣醬汁，每一口都係味覺嘅衝擊，令人食過返尋味。白菜豬肉餃（10隻） - 鮮嫩嘅白菜同豬肉餡料，包裹住薄薄嘅餃子皮，每一口都係豐富嘅口感同味道，絕對係一個無法抗拒嘅美味。拔絲蘋果 - 這款拔絲蘋果外皮脆口，內裡蘋果甜美多汁，每一口都係甜蜜嘅享受。加上拔絲嘅香甜滋味，令人一試難忘。

近排天氣凍左，好耐冇食過暖笠笠嘅上海菜今日特登來到📍老掌櫃東北菜館♨️［食後感］📝1. 北京填鴨半隻（跟一份摩摩皮）鴨肉外皮酥脆，肉質鮮嫩，香氣四溢。摩摩皮的Q彈口感更為整體增添了趣味與豐富的口感。2. 韭菜豬肉餃餃子皮薄而韌，包裹著鮮美的韭菜和豬肉餡，肉汁飽滿。韭菜的清香與豬肉的鮮味完美融合，蒸煮後的餃子口感滑順。3. 家常餅餅外酥內嫩，蔥香撲鼻。每一口都能感受到蔥與油的完美結合，層次分明，口感極佳。這些菜品各具風味，無論是鮮香、清爽還是酥脆，都能讓人感受到豐富的美食享受。正呀🫶🏻

今日同朋友去元朗行街，朋友帶我去富達廣場嘅老掌櫃食午餐。入去坐低，可能天氣涼咗，覺得冷氣太凍。見有午市超值套餐，款式都好多，有湯麵和餃子，還有即叫即炒嘅客飯。我哋叫咗兩個客飯孜然大蔥牛肉$54即叫即炒，孜然味道重，牛肉份量都幾多，大蔥和洋蔥炒得非常惹味。梅菜扣肉$54這道菜雖然邪惡，偶爾食一次，梅菜和扣肉幾好味，唔錯。小食：雞絲粉皮（+$18）粉皮煙韌，雞絲和青瓜絲，配上香濃麻醬，入口爽脆。高力豆沙$13有點像沙翁，內裡有豆沙餡，食落軟綿香滑。

#鼠尾草食飲玩 #sagefoodiehk平價😍 × 填鴨💗 × 油香✨今次鼠尾草🌱嚟到嘅呢間中菜館，喺2024年嘅物價，兩位嘅茶位都總共只係$10❣️而且呢度其他中菜嘅菜式，價錢都超級平，啱晒一家人嚟呢度食餐又抵食又滿足嘅中菜🔥。北京填鴨半隻都只係$168 ，而且鴨肉嘅份量超級多，可以包到超級多份，一家人嚟食都綽綽有餘💗。仲可以加購鴨兩食，今次就揀咗茄子炒鴨，份量完全冇手軟，加埋醬汁炒出嚟好香口又入味🥰，而且鴨肉嘅肉質好正，夠晒軟腍。呢度嘅酸辣湯都夠晒惹味，調味啱啱好，好開胃🙂‍↕️。💰北京填鴨(半隻$168)💰酸辣湯($64)💰鴨兩食茄子炒(半隻$60)