老樹旗艦店 (已結業)

上兩個星期去咗新加坡，本來想去買貓山王，但嗰度嘅鋪頭都冇開到。所以只可返香港，試吓搵貓山王食。朋友介紹有間係佐敦嘅**老樹**旗艦店，係以食榴槤好出名嘅。我特登走去搵。鋪頭係戰前唐樓建築，整座建築就是甜品店。內裏裝修非常優雅，非常寧靜。呢度好適合朋友嚟去傾心事。我叫咗杯榴槤沙冰，貓山王嘅香味非常濃郁，而且佢加咗奶，非常creamy。$50。之後叫咗佢間餐廳嘅招牌窩夫，已釋放佢嘅窩夫做緊半價，所以非常抵食。大家估下呢舊係咩黎嘅？初頭我以為係榴槤肉，但點知原來係一舊牛油🧈。窩夫裏面仲有珍珠，好有質感。餐廳內仲有不少甜品看供選擇，鍾意榴槤嘅人一定非常興奮。大家有時間如果行過佐敦，都可以黎試吓呢一間嘅甜品店。

香港人愛榴槤者必點之選！在佐敦的小店，竟然是榴槤甜品店，我這個支持香港的當然要品嚐啦！不是好大的店，但乾淨服務又友善，親切服務招呼客人，耐心解釋，好好呀！甜品櫃好靚好吸引，除了榴槤，更有其他選擇。但我當然必食榴槤啦，點了榴槤芝士撻，好香滑凍凍芝士，中間包著絲絲濃郁馬來西亞榴槤肉，餅底又脆口好味，好吸收好回味！蛋糕櫃也好吸引，造型可愛蛋糕，小小的好精緻；更有沙冰及飲品，也有榴槤雪糕選擇，大家一家要來試試。現在更有優惠！

是專為榴槤愛好者而開的榴槤甜品專門店! 一看甜品櫥窗, 便看到多款以貓山王榴槤製造的甜品, 還有榴槤軟雪糕呢！要先點甜品, 然後再上2樓慢慢享用。點了三款榴槤甜品和朋友分享。“柑橘樹” - 主要成份有杏仁、柚子、蜜柑 。是一個較為清新的甜品, 吃完不會覺得太過甜膩。“芒果榴星樹”的賣相非常特別呢! 上面是一個榴槤造型的蛋糕, 裏面有芒果、貓山王的成份。底層的蛋糕軟綿綿, 幾有口感的。貓山王芝士撻 - 外層鬆脆, 帶一點牛油香味。它的榴槤味非常突出, 食一啖已經感受到榴槤的濃味。

之前聽過老樹食榴槤好出名今日喺佐敦經過呢間鋪頭見到有好多好靚嘅蛋糕所以就吸引左入去買揀完俾錢嘅時候店員就問我堂食定拎走原來有得堂食 如果唔係店員問都唔知因為要入鋪頭入邊嘅樓梯先上到去成條樓梯都精心佈置 牆壁全部都畫左動物同榴槤影相一流上到樓上好似去咗第二個地方感覺好舒服 好適合留一個下晝喺度Hea我嗌左三件蛋糕同一杯野飲每一件蛋糕都超精緻 手工蛋糕呢個價錢算唔貴賣相真係超靚但重點係平時我唔太鍾意食榴槤副產品因為好怕嗰啲假榴槤味但係呢度餡料全部都係新鮮榴槤肉整成真係色香味俱全 超香濃榴槤特別最鍾意個杯野飲非常值得推介俾大家

自9月生日party食過老樹cake後， 就對佢念念不忘， 今日出開佐敦食飯， 當然要去老樹encore啦～ 原來除左cake，老樹還有榴槤雪糕、榴槤沙冰等，我地一人叫左一個cake去樓上雅座食。🍰貓山王芝士撻 $25 撻底好香脆，半熟流心芝士配上貓山王，食落好creamy。🍰貓山王芝士蛋糕 $55這個蛋糕真係幾可亂真， 以為係一件芝士，其實係芝士外型榴槤餡的蛋糕， 大滿足。🍰榴星樹 $55榴槤控被它的外型吸引了， 食落軟綿綿，啖啖榴槤肉， 真係齒頰留香。

明明頭先食完鐵板燒話勁飽，我地行左陣廟街，諗住去坐小巴，見到老樹，勁想食雪糕囉 !! 最後就梗係失手啦 ~~ 我地仲買左兩件撻上樓坐慢慢食，突然覺得自己好黑洞 !! 榴槤既味道都真係好難忍架 ~~~唔知係咪夜呢，冇咩人，我地幾次行過都好多人 !! 今日岩岩好 ~ 又唔駛等位同排隊 !! 點完餐就上樓，沿樓梯好似去左森林咁，好意思，不停聽到有雀聲。雅座好舒服，有水俾你飲下，都係一個好好 HEA 既地方 !!嘩 !!! 個貓山王軟雪糕放左入口都真係嘩出黎，好好好好味呀 !!!! 勁香濃，其實食唔出有牛奶味，好似只係貓山王咁，但當然我冇咁天真啦 ... 係榴槤味道強勁蓋哂啫 !! 哈哈 ~~ 但堅正 !! 呢個見到都有都真係唔好錯過，本來我諗住買佢一杯杯既雪糕，但店員推介軟雪糕，果然冇介紹錯 !我仲叫左個 芒果榴星樹 同埋 芝士撻，嘩 ~~ 個芝士撻又真係大愛，入面都好多果蓉 !! 芝士味又唔會俾個榴槤蓋住，呢個暖暖地 !! 唔錯呀 ~~ 但芒果榴星樹就食唔到芒果味，但值得一選係佢地個撻皮同埋入面個蛋糕做得好好，蛋糕蛋味濃，一路食都有蛋香。個撻皮唔會散哂，牛油味夠 !! 唔錯 ~~

聽人講呢間蛋糕好精緻因為所有蛋糕都係全人手做平均都要4-50蚊一個雖然唔係話好平但就睇得又食得味道唔錯，好好味咁啱開party想買啲靚靚蛋糕所以黎揀咗幾款真係唔錯下次要試吓最出名嘅榴連先

剛食完蒸海鮮，朋友提議去食甜品，榴槤控既我第一時間就諗住附近既老樹 。見9點時間尚早，一於喺尖沙咀行過去食啦！咦... 搶手貨已經所剩無幾，買左4件上樓上雅座慢慢嘆，哈.... 包場啊！ 貓山杯 $45 係貓山王戚風蛋糕，大大杯，蛋糕鬆軟，cream好細滑，每啖充滿榴槤香味。貓山王芝士撻 $25 (左)餅底鬆脆，半熟芝士加榴槤肉，口感一流，芝士榴槤控必食。貓山芝士蛋糕 $55 (右)蛋糕像真度高，榴槤加芝士好邪惡，味道出奇地好夾。椰子貓 $55像真度極高，椰子殼以朱古力造的，包住軟綿綿的椰子奶凍及香濃貓山王，口感豐富。另外: 樓上雅座有室內及室外，環境優美。

同仔仔食甜品，我地㨂左：’原味榴連瑞左卷‘同’抺茶榴連慕士‘😋真心勁正！.瑞士卷嘅榴連味係濃郁一啲，而且仲啖啖榴連肉，鐘意食榴連嘅人，絕對要食呢個！👍🏻👍🏻 (1條$195/1件$48).個人覺得慕士嘅抺茶味會搶左個榴連味，但都不失係個好選擇！因為淨係個樣都靚過人啦！點可以整得咁入型入格，像真度咁高！☝🏼💡提意食左呢個先食瑞士卷，咁食落個濃度就啱啱好！($68/1件）.仔仔就㨂左佢至愛嘅cheese🧀啦唔駛問🙊‘黑白麻薯芝士撻‘。個撻脆卜卜，夾埋麻薯個口感好豐富，有咬口！婆婆都覺得好特別！($25/1件）.仔仔又點會放過你，只㨂一個甜品咁少呢？佢仲點左個好可愛嘅’桃粉菲菲‘軟綿綿嘅糕底再加上mousse 同桃肉粒粒，好清甜又食到好多層次！($45/1件).呢到有2層可以比客人慢慢享受甜品，如果你想吹下自然風，又可以㨂向露台到嘆美食！不得不提，我地一家都好欣賞沿途行上樓梯牆身上畫滿好多動物畫。仔仔都欣賞左好耐又叫我同佢地影相！.呢到仲有榴連雪糕食同榴連蛋糕可以訂架！

我同好友都係超級榴槤控，是夜特登約左出佐敦晚飯，飯後到專門食榴槤既老樹旗艦店，主打採用馬來西亞自家果園種植的榴槤所製作的榴槤主題甜品！店面有個甜品櫃，每款創新既新派榴槤甜品都好精緻好吸引！老樹除左係外賣店，仲設有樓上雅座，沿樓梯上見到畫有不同榴槤、動物既玩味塗鴉。堂食位置空間感十足，梳化卡位寬敞又舒適。椰子貓 HK$55椰子殼其實係朱古力，上面有粒粒椰子奶凍，內裡係軟綿幼滑既椰子奶凍，再包裹著椰子慕絲及甘甜無比榴槤蓉，椰子味香濃，榴槤蓉嫩滑細緻～貓山王極品雪糕杯 HK$45HK$120有3杯，好適合外賣回家享用。雪糕充滿奶香，味道甘甜，濃味撲鼻，濃郁的榴槤味滲透齒頰，回味無窮！原味榴槤瑞士卷HK $45/件．HK $195/條瑞士卷口感鬆軟濕潤，質感幼細綿滑。榴槤餡極濃郁，入口即化，口感豐富！

早前開party，朋友訂咗老樹嘅蛋糕 ，一試難忘，食到停唔到口。朋友話我知老樹嘅旗艦店喺佐敦，樓上仲有瓦雅座可以慢慢歎蛋糕 ，所以趁住自己就嚟生日，帶囡囡去朝聖，食蛋糕慶祝。舖面蛋糕櫃裝滿色彩繽紛嘅蛋糕，深深吸引著我們。我同囡囡揀咗椰子貓，紅粉緋緋同埋及蘋果樹 。椰子貓嘅賣相超級可愛，成個椰子殼咁，面頭仲有好多奶凍粒粒，外殼係朱古力 ，裏面有一層椰子奶凍。底層係慕絲同埋榴槤蓉 。鍾意食椰子同埋榴槤嘅朋友，一定唔可以錯過。蘋果樹都好得意，成個紅蘋果咁，面頭嘅慕絲帶點焦糖味，包著香甜嘅蘋果粒，底層仲係朱古力曲奇脆脆。至於紅粉菲菲，係香桃味mousse包裹著甜甜嘅蜜桃粒粒，底層係海綿蛋糕。我哋仲上咗去樓上坐，有好多大自然動物嘅圖案，仲有花牆，環境好舒服，打卡一流!

話說每個夏天，甚至乎任何去旅行既地方有榴槤食，我都一定要食返夠本😆 今個夏天留返喺香港都要搵返個有榴槤食既地方，聽講佐敦有間樓高三層主打精緻榴槤甜品專門店，所以一於就去試試食返夠本啦~·舖頭備有多款靚靚造型榴槤甜品及蛋糕，花多撩亂，搞到我心大心細，貪心豬既我揀左三款try try佢，一於食左先講…·☆貓山王軟雪糕 HKD$60店員話軟雪糕逢星期六日先有，就咁睇個價錢都略貴，60蚊食杯軟雪糕值唔值⁉️ 我想話俾你知，簡直物超所值，完全值回票價！店舖選用精選 貓山王榴槤肉 X 日本北海鮮牛乳 製作而成，雪糕外表平平無奇，估唔到咁有驚喜🤩🤩 雪糕質感幼滑，口感極似純用榴槤打成既忌廉果蓉😋 就好似食緊啖啖打溶左既榴槤果醬，勁濃郁既榴槤味道，香甜creamy，超級好味💕 ·☆ 貓山芝士撻 HKD$25芝士撻含兩種不同口感，上層係咸香既半熟芝士，而下層係濃郁既貓山王果肉。外層同底部既撻批夠鬆脆，芝士同絲絲榴槤肉二合為一，濃上加濃😋 啱哂我哩個芝士X榴槤控😆👍·☆ 伯爵茶榴槤慕絲 HKD$58蛋糕造型十分kawaii🤩 成個破開左既榴槤bb咁，榴槤既外殼係由伯爵茶忌廉整成，而內層係軟綿既海綿蛋糕

聽聞佐敦有間榴槤貓山王甜品 即刻拉埋朋友去試下先~ 原來有3層樓 上面2層可以有舒適的座位 樓梯牆上有好有森林色彩的壁畫蘋果樹 $45賣相相當精緻，Apple的樣子非常像，整個Apple是焦糖味道的慕絲，中心裡面就是蘋果果肉，蘋果底部是由杏仁餅，做成的小木碟，非常硬，都是甜甜的，像曲奇一樣的口感。椰子貓 $55樣子像一顆小椰子。內層是朱古力，底層是椰子奶凍，不會太甜，椰子味香。外部有椰凍包裹著貓山王果肉、蛋糕。一切開，貓山王的味道即時出現了。果肉香濃，與椰子味道是夾的。貓山芝士蛋糕 $55榴槤加芝士簡直是將兩件邪惡之物擺埋一齊。味道好搭配。 📍老樹旗艦店 佐敦白加士街105號地舖

  自從上次開party, 同朋友們一齊訂咗老樹嘅蛋糕之後，係朋友圈就經常講起下次要去試下老樹馳名嘅榴槤甜品；咁啱今日約咗朋友行街，經開附近，就決定嚟試下，估唔到店內有兩層，樓下銷售，樓上雅座可以好舒適咁嘆Cake😍我哋叫咗椰子貓  今次係我第一次食榴槤味嘅甜品，😂椰子貓造型好可愛，外面朱古力脆皮，唔會太甜，所以無搶走貓山王嘅香甜味，切開裡面可以見到貓山王超足料，入口溶化😍加埋椰子奶凍，口感好有層次，好豐富👍芒果榴星樹朋友係榴槤愛好者，見到芒果榴星樹造型即刻心心眼，話好靚好可愛😆，又讚師傅好有心機，味道榴槤味香滑，同芒果好夾❤️蘋果樹相對味道較淡，可能因為我哋食咗兩個濃味嘅😅下次應該食清淡嘅先，入面有蘋果肉，蘋果處理得幾好，無帶酸味，蛋糕好鬆軟，餅底脆身可口，小清新感覺☘️

<榴槤店別有洞天>👍🏻專食榴槤既老樹 外表睇落去係外賣蛋糕店 原來上面仲有兩層雅座別有洞天 , 客人可以喺樓下點完各式榴槤食物 例如雪糕。 蛋糕， 窩夫 後 就上去等👍🏻🍴椰子貓蛋糕 55 蚊🍰上面放住椰子奶凍 🥥 用朱古力包住蛋糕 入面仲有椰子奶凍 同 榴槤肉 👍🏻首先佢外殼個朱古力 個厚度適中 椰子奶凍都幾 q彈 椰子味幾甜 入面個蛋糕都幾軟熟 最正係佢個榴槤肉係成舊塞喺入面 味道香濃😍 將椰子味同榴槤合埋一齊都好 match🍴芒果榴星樹 55 蚊🥭外表好得意 蛋糕整到好似榴甘樣 入面充滿住 cream同芒果 mousse口感都幾軟熟 加埋新發爛咋既貓山王榴蓮肉 芒果 mousse同榴槤合而為一🥭 夠哂好味 👍🏻🍴貓山王極品雪糕杯 45 蚊🍦榴槤雪糕帶有少少奶香 食落去口感密度好高 充滿住榴槤肉 味道香濃 落足料 都十分唔錯#榴槤 #貓山王 #芒果 #蛋糕 #椰子 #奶凍 Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for