老虎冰室

营业中

休息中

下午茶時段，5點幾，5個人過來食，但就覺得性價比唔好。其中我嗌左份腿蛋治跟T，$38，本來夏天想飲凍嘢，結果凍飲仲要+6蚊（比絕大部分茶記要貴），亦都可能開係Vcity商場裡邊所以舖租比地面G層要貴，味道嘅話過得去咯；小佬食嘅係公仔麵跟熱奶茶，味道都咁上下，最後埋單竟然差唔多成兩舊水

今日入來屯門, 試下依間茶記, 叫左假日常餐, 用QR code 落單, 想食酸酸地的蕃茄🍅, 要左蕃茄🍅餐肉🐽湯意粉, 火腿🐷炒蛋🍳, 唔要丹麥酥多士轉普通牛油厚多士🍞, 另外包一杯熱飲, 試下美祿, 好似未飲過😀, 等左一陣, 炒🥚蛋先到, 味道唔錯, 唔會炒到好老, 厚多士好大塊, 牛油好香, 不過淋左d, 之後意粉也到, 蕃茄酸酸地好味🍅😘, 午餐肉都比得好多, 意粉份量都唔少😍, 再飲美祿, 雖然凍左, 但都好好味, 都好濃👍😅, 招呼同服務就無, 不過vcity 算係經濟之選😋

今日去開屯門上堂，時間有少少趕所以lunch time諗住揀快餐店或者冰室快快脆脆食完就出發去上堂本身想食隔離店百芳，但實在太多人等位見到這間「老虎冰室」唔使等，就直接入去食我哋order咗兩個午餐：1）黑椒雞翼腸仔飯 $75這個都叫做頹飯，要$75真係好貴，但係味道質素好普通，飯好硬好乾個黑椒汁有啲偏酸🥹不過雞翼係OK好味嘅⋯2）XO醬雞絲炒河呢個炒河居然等咗我哋大半個鐘😞誇張嘅程度係⋯另一個餐都差唔多食完先至上枱有圖有真相😕😕

週日來到，search v city 美食，這家冰室好評不少，就試試，點知極度失望。三個人點了兩個下午茶餐，一個炸雞脾唔夠熱氣，肉少又柴；一個牛肉蛋吐司，食完都唔知食咗咩⋯⋯

今日午餐時段，叫左個W2 XO醬乾炒豬頸肉河，好難食，味道好奇怪，由於肚餓都捱左三份一，但最後都係放棄左。經歷過依過個河粉嘅洗禮，面對嗰個目無表情、粒聲唔出嘅收銀，都可以淡然處之，擺低$69走人。

去開V City，見到這店個名特別，入去試試。茶餐廳食下午茶，離不開雞髀薯條，三文治，熱奶茶/鴛鴦，雞髀炸得好脆，薯條夠熱，腿蛋三文治不過不失，個蛋都夠厚，熱奶茶及熱鴛鴦就有點失望，送上來時唔夠熱，相信遲咗送上嚟！見到有個提示，不好亂咁轉位坐，就親眼見到，職員有D火滾，因為D單上亂晒（因為是QR code落單的）。地方清潔，整體來說，不過不失。

今晚夜收工 搭西鐵回到屯門已經差不多八點 因為真的很餓 所以到了最就腳的vcity 買外賣看見老虎冰室沒有人等位 堂食顧客也不算太多 就打算叫它 應該會比較快吧點了一個三眼仔雞扒飯 和 避風塘海鮮炒麵 下單以後就在店門外等 本身知道炒粉麵飯是要等一下 但由下單到拿到外賣等了差不多25分鐘才有 也真的是太久了 畢竟餐廳不是坐滿客人 不明白為何要這麼久 然後拿到的外賣也不算熱的 只能說是暖 不知道到底是廚房還是樓面出問題了三眼仔雞扒飯的蛋味道算是不錯 但雞扒無味 只靠豉油帶出鹹味 飯也偏乾 算是比較一般但炒麵真的不行 太鹹 也沒有避風塘的味道 海鮮都是炸的 整體很油膩總括而言 外賣體驗不太好 下次有機會試一下堂食吧 （雖然我應該不會再光顧它了）

成日都見好多人係門口排隊早上一心去試一下個早餐點知極唔抵食💥💥💥食質素咪又係同一般茶餐廳冇異但份量同服務我覺得茶餐廳仲好過呢度個人覺得餐廳早市侍應人數不足導致等了又等才下到單🌟沙嗲牛肉麵拼炒蛋腸仔多士沙嗲牛肉太硬煮得太耐，但湯底味道是不錯麪的生硬度適中，但碟炒蛋就細得可憐從未食過個早餐份炒蛋份量仲細過隻煎蛋太失望！而且又煮得太過熟～超難食！

嗌咗個常餐沙嗲牛肉麵 加杯凍奶茶 點知食完就嘔 嘔咗幾轉 好心杯野飲整好啲啦 仲要又貴又唔好食 一個常餐成70蚊 凍飲係都要貴過人 貴啲又搞到人肚嘔 都唔知廚房有冇做好啲嘢食 嘔到無停過 真係第一次有間茶餐廳可唔通以收貴啲又搞到啲客人唔舒服 唔該檢討下啲衞生 杯奶茶究竟係咪擺咗10幾日 飲完先嘔 真係搵客笨 做好啲功課先開鋪啦 上菜快又咩用 屯門咁多好嘢 都唔知點開到呢間野出啲 大家唔好再中伏 真係完全唔好食 價錢又貴 最重要係可以搞到人唔舒服

好味指數😋😋回頭指數 ⭐️開心指數🤗同朋友響屯門 V city 搵食，行完整個飲食樓層，覺得呢間冰室環境相對坐得舒服，可以一路食一路傾偈，就入去試吓。🍴香燒羊架餐（$128）呢個係 under 吱吱又喳喳系列（即係鐵板燒），朋友個撈丁都已經食完好耐先出現，滿心期待，點知。。。我係用咗10 幾秒影咗一張相先倒個燒汁，一倒，跌咗一 pat 勁傑撻撻嘅汁落舊厚切番茄上面，之後嘅汁先相對正常，跟住發現鐵板完全一絲輕煙都冇，都唔好講發出吱吱喳喳聲！我勇者無懼上身，用手摸塊鐵板，！竟然只係微暖！！！佢唔單止個汁放咗好耐先會形成一開始嗰舊半凝固嘅汁，連個鐵板都唔熱，咁我叫個鐵板餐嘅意義何在？？？真心係人生首次遇上呢個情況！（我IG 有片，呢度食評暫時只有相片，大家未必感受到～）羊架有3舊，個味道其實唔差，但其中一舊非常難咬開，落手食都攪佢唔掂，薯條係暖嘅，口感有D 硬，似擺咗好耐。成份鐵板餐嘅食物只係微暖，仲要個汁都係凍，我都有留意其他食客嘅鐵板餐情況一樣，冇煙冇聲氣～🍴老虎乸辣雞翼（$62）雞翼有5隻，本質上係微溫到接近凍嘅狀態，個味有90%係瑞士雞翼，10%辣味，雞翼個味唔錯都幾入味嘅～🍴二世祖撈

樓面成8個人，電子落單唔知做乜要咁多人，見d樓面成日喺度傾計，出餐又慢，叫個炒飯催左2次等左30分鐘，又貴，蟹籽蝦仁雞粒炒飯，出黎又唔好食，淡味不特止，蟹籽雞肉蝦仁又少，都唔緊要，食個炒飯連蛋都冇乜咁！最離譜埋單時問下想用埋新鴻基The Point既分比錢，佢同我講唔用得！入座前已經問左話可以我先入去食，食完先反口話唔用趕，搞到我坐左45分鐘，浪費時間，又唔好食，服務又差，仲咁多人排隊！冇下次，狗也不吃！

好少入到屯門，原來都係美食天堂。就算喺V City，都可以搵到一間”老虎冰室”。原本想食超邪惡西多，但諗諗吓都係食影相嘅”二世祖西多” 😂。另外，鰻魚蛋包飯都只係70有多，平過絕大部份嘅Cafe。芝士蝦多士熱辣辣，非常惹味。

清明假期行經屯門V City想食返一啲茶餐廳食物發現呢度原來得一間老虎冰室冇特別留意價錢就入去食下叫咗兩份常餐 不過一份都要69蚊以一般冰室嚟講價錢會比較高蕃茄濃湯豬扒通粉豬扒比較薄 味道都叫正常發揮 唔會太鹹蕃茄湯蕃茄味亦都比較濃厚飲完都唔會覺得好鹹蔥油叉燒撈粗麵比較失望叉燒好乾蔥油嘅味道亦都比較淡要自行再加啲醬油同埋醋先比較好食而且份量都好少丹麥方包同炒蛋丹麥方包幾厚 但係牛油味比較淡炒蛋係呢個常餐最好食嘅食物炒得恰到好處餐湯正常發揮 冇乜味精即磨咖啡 整體嚟講算係一般呢個價錢唔係好抵

係到睇YouTube見到一集講西多士，嘩~邪惡到呀！即刻叫老公上網睇下，喺我哋區附近有冇值得去食嘅西多士。都search咗好幾間嘢，有敏華冰室、民華餐廳、老虎冰室，因為民華餐廳距離屋企有啲遠，所以揀咗去最近📍v city嘅老虎冰室，加上可以車充電😂。一坐低咩都唔使講，掃QR code落單，等左5分鐘左右就上枱。牛油係啱啱好夠晒成塊西多士嘅面，西多士好厚🧇，糖漿另上，佢俾一支你自己鍾意落幾多就落幾多，我自己就鍾意食好多花生餡，因為夠香，西多士一定要多花生餡，我食過幾間餐廳嘅西多士，中間嘅花生餡都好小氣🥹老虎冰室嘅花生西多士，算係好闊佬，值得比🌟🌟🌟至少每一啖都食到花生🥜good👍🏻暫時佢餐廳入面嘅其他食物，我係未食過嘅。法蘭西多士嚟講推介指數: 🦦🦦🦦🦦🦦 哇

一座下，看下午茶餐牌，見到有超邪惡西多(雙層花生醬)，當然要order，👀吓如何超邪惡🤔，還有鹹牛肉蔥花炒蛋吐司👇🏼👿超邪惡西多(雙層花生醬+煉奶)$45，嘩，雙層花生醬已經好邪惡，再加埋一塊鮮牛油🧈和煉奶，果然犀利，邪惡非常，但我們就是愛這麼邪惡🫶👇🏼3層厚身西多加鮮牛油，漂亮✨👇🏼如此邪惡的西多，好掂呀，花生醬裏有粗粒花生的質感，整份沒有油益味，也不覺吃到嘴裏油冧冧。比起某一次牛x冰室有油益味的西多好吃👇🏼鹹牛肉蔥花炒蛋吐司🥪$45，鹹牛肉味道不錯，沒有過鹹，可能是自家調製過或本身這鹹牛肉不偏鹹我們已約定下次光顧，吃其他的特式小食🍗🍞🍜🥪☕️