老鍋台式火鍋 (京都廣場) (已結業)

今日朝早無咩胃口唔知食咩，朋友拉住我話大熱天時緊係要歎冷氣打邊爐(咩概念🤣)，拉左我去試京都廣場呢間台式火鍋店”老鍋”，向銅鑼灣c出口對面，好方便🫶🏻去到店員安排坐窗卡位位置非常闊落，我哋唔想諗，就直接揀咗個午市二人火鍋套餐($299)，首先要揀過湯底，我二話不說就揀”酸菜白肉鍋”，特別啲又比較開胃啲🫶🏻個火鍋嚟到我就即刻試兩啖湯底，夠晒酸甜，而湯底入邊啲材料十分豐富，有大量蔬菜同埋白肉🎉我哋首先試咗雪花肥牛，牛味好重又唔過肥，打邊爐一流👍🏻跟住試我最鍾意既手打魚，最愛墨丸魚皮餃，貢丸蛋餃都好食🥹打邊爐邊小得調味料，呢度有個調味吧，乾淨企理，首選一定係豉油辣椒同葱😁沙茶醬都唔小得👍🏻跟餐既五彩鮮菜盤原來係自家農場種，爽脆鮮甜，同湯底好夾👍🏻不過成個鍋最喜歡既就係湯底既紅薯粉，份量十足又吸哂酸味，好好食！而跟餐本身仲有米線或白飯，米線佢好細心俾個筲箕我地畢住去淥，吸哂湯底精華👍🏻餐廳環境好靚好特別，有好多天燈佈置，有台灣感覺，雖然我哋無另外叫飲品，店員都好細心俾左一壼熱水俾我哋自己慢慢斟，值得我地黎encore👍🏻

剛出糧當然是要吃豪一點！♨ 誰說午餐不可以用打邊爐 😆😆二人火鍋餐 $299❤ 膠原蛋白美人鍋二人餐有四種湯底可選，麻辣，酸菜，養生都很吸引，但見到膠原蛋白這四個字，是女生都很難拒絕吧！😆 湯中竟然有整隻，沒錯，是整隻烏雞，還有紅棗等養顏食材 😍 湯記得要先喝上喔！❤ 雪花肥牛沒想過份量這麼多，平均分佈的雪花，看著就覺得好吃，肉厚甘香，肥美油潤 👍❤ 墨魚丸 / 香菇貢丸 / 魚皮餃 / 台灣蛋餃 手打墨魚丸最好吃，內有粒粒墨魚肉，有咬口之餘，味道也特別鮮美 😋 其他都不錯，每人有四款丸餃類，份量很足夠！❤ 五彩鮮蔬盤小小一盤有齊五種蔬菜，每樣都好新鮮也很乾淨！❤ 米線 還可以選擇米飯或米線，米線提供了可愛的小篩網，不用等到米線煮爛了還在 "尋寶" 😆 很貼心！

呢間台式火鍋我都來過好多次，每次一班人來都讚不絕口，因為除咗嘢食好食之外，服務員態度亦都好好，坐得又舒服喎，所以每次同唔同嘅人來都一定會揀呢間食台式火鍋！今次食咗花膠椰青三黃鷄鍋，一眾女士都稱讚勁好食，唔少花膠，鷄仲要唔鞋同有鷄味，令到啲湯多夠清甜！個海鮮拼盤其實都好吸引，又新鮮，所以見到放低咗唔夠幾分鐘就已經俾人搶食晒！騸牯牛超級好食！　完全超越咗我嘅想像！如果好有牛味，顏色都好靚！ 呢個地方真心推介大家同朋友來聚舊。

今日天氣火辣火辣同朋友去挑戰極限打邊爐🔥去咗銅鑼灣地鐵站附近有間台式火鍋，呢間老鍋不嬲都好評如潮，但係我從來都未試過，所以今日午餐襯人少少就試吓。一入到去發現座位都好闊落，而且原來有天燈玩。叫咗個二人餐，肉揀咗肥牛、有一個丸餃拼盤、有一個蔬菜盤同埋米線，如果要醬汁自己可以出去攞🍀🍲湯底揀咗最traditional嘅養生鍋，入面有超多料，有我最鍾意食嘅蜂巢豆腐、冬菇同埋都有頗多人參，所以食落去個湯底本身已經好有味。🥩雪花肥牛肉嘅份量都幾多，每一卷都有兩塊，本身諗住再嗌啲肉，但係食完已經夠飽。🥟丸餃拼盤有貢丸、墨魚丸、蛋餃、魚皮餃，樣樣都幾好食。🥬蔬菜盤都幾多蔬菜，我最鍾意食菜。🍜米線都幾大碗，不過如果要淥熟佢嘅話就一定要用兜裝，如果唔係好易會散。結論係其實夏天開大冷氣打邊爐都幾爽🤣同埋呢個set只係$299，我自己覺得性價比都高。

幾個人最好嘅節目就係去打邊爐。今次嚟到銅鑼灣呢間台式火鍋店。聽講有一幅好靚嘅天燈畫。叫咗個膠原蛋白美人鍋就下女仕，估唔到又幾濃。三秒響鈴卷呢啲就必叫，咁先至可以索盡啲湯。特級美國安格斯雪花牛同埋新鮮脆鯇片我覺得真係幾好。感覺港式味道重過台式。(自己冇叫台式湯底😛)，其實佢個酸菜白玉鍋睇落都幾正，下次有機會再嚟試吓。環境佈置都幾靚，掛咗好多天燈喺天花板，有天燈壁畫之外，電視機都播緊啲天燈動畫添，有啲氣氛。

🚩 老鍋台式火鍋台式火鍋感覺比中式火鍋養生，啱晒夏天呢啲咁燥嘅天時食🤭〰️〰️〰️〰️〰️〰️〰️〰️〰️〰️〰️〰️〰️〰️〰️🌈鮮蝦海鮮拼盤牛肉同新鮮嘅蝦和石斑魚組成鮮蝦都幾大隻，鮮嫩🍤口感彈牙師傅已經幫忙將石斑魚起骨，肉質細嫩，夠鮮甜😆🌈三秒響鈴響鈴梗淥一淥就食得，新鮮炸起外圍吸滿湯汁，入面仲keep到微脆嘅口感🌈極上牛魔王超crazyyy🧡大魔王組合，咩牛肉部分都有牛舌爽嫩牛小排油脂好靚，肉質柔軟拼盤份量好大，食完真係超滿足

同屋企人都鍾意食台式火鍋，於是襯星期日嚟到呢度食午餐。餐廳環境古色古香。午市有火鍋套餐，價錢合理。午市二人火鍋套餐($299)老鍋秘製麻辣鍋湯底都幾足料，有滿滿既麻辣香料🌶️豆腐同鴨血，味道幾香幾惹味😝雪花肥牛雪花幾靚幾均勻，有牛香🐮丸餃拼盤拼盤包括:墨魚丸、香菇貢丸、魚皮餃同台灣蛋餃各兩件，食材都幾新鮮。丸類口感幾彈牙👄而餃類外皮厚薄適中，餡料都算飽滿~米線餐廳更會配埋煮米線用嘅小筲箕，呢方面幾細心，米線索晒湯嘅精華，會忍唔住一啖接一啖咁食😋五彩鮮蔬盤蔬菜都幾新鮮🥬而且處理得幾乾淨企理。餐廳更設有醬料區，可以自助配搭自己鍾意嘅火鍋醬💁🏻‍♀️

今日去了老鍋台式火鍋打邊爐。呢間餐廳真係好正，食得好開心呀😋夏天打邊爐都無問題！佢嘅招牌「三秒響鈴卷」真係好脆，叫得三秒響鈴，淥三秒就好啦！入口香脆，吸收了湯頭好入味！我仲試咗佢哋嘅台灣啤酒、花膠椰青三黃雞煲同時令海鮮拼盤等等，但我最鐘意嘅係花膠椰青三黃雞煲！佢嘅湯底好清爽，花膠好鮮味，椰青好清新，再加上三黃雞嘅肉質好嫩滑，真係太好食！台灣啤酒配打邊爐一絕！甘香的啤酒，放工最啱同三五知己啤一啤。海鮮拼盤好大盤，滿滿的魚蝦，淥一淥就食得，魚肉鮮甜，蝦肉爽口彈牙，帶子大大粒，加上肥美creamy的蠔😋老鍋台式火鍋真係一間必推嘅餐廳！打邊爐最緊要新鮮，這裡食材新鮮，環境通風，食完也不會一身味。老鍋台式火鍋 銅鑼灣駱克道491-499號京都廣場2樓

打邊爐不分冬天夏天✨♥ 午市二人火鍋套餐 $299去到見到有呢個二人火鍋套餐諗都唔使諗即刻嗌咗唔使煩🤣湯底揀咗美人鍋，做女人幾時都要滋補下keep住養顏🫣 湯底真係超足料有紅棗、桃膠仲有原隻烏雞超誇張‼️套餐肉類可以揀豬牛雞，我哋就揀咗雪花肥牛，雪花紋理均勻入口肉質鮮嫩牛肉味濃！另外仲有丸類拼盤每款各兩粒分別有蛋餃、魚皮餃、墨魚丸同豬肉丸🍡入口彈牙。 唔少得嘅梗係仲有蔬菜拼盤啦、講到健康包括有油麥菜、娃娃菜、金菇、鮮冬菇，我哋首先落咗少少蔬菜🥬黎食費事食到最後甘油膩，蔬菜爽口新鮮🥳 最後仲可以揀白飯或者米線✨

今日又同姐妹搵好嘢食，諗到女人要美顏養生，所以去食「膠原蛋白美人鍋」，齊齊keep住靚。🥰🥰午市二人火鍋優惠餐 $299 (原價$598）星期一至日（12:00-17:00） 🥘膠原蛋白美人鍋 ～ 烏雞全只、桃膠、黨參、淮山、杞子、紅棗、粟米，好足料好好飲👍🏻👍🏻 🐖美國梅花豬肉～細嫩柔軟，甘香多汁🥟丸餃拼盤（各2粒）～ 墨魚丸、貢丸、魚皮餃、蛋餃🥬五彩鮮蔬盤(細）～ 金菇、鮮冬菇、生菜、油麥菜 🍜米線用個app , 仲可以一邊打邊爐、一邊放天燈😆😆

去咗銅鑼灣呢間火鍋店，餐廳環境舒適，台式嘅裝修，而且非常乾淨衛生企理，食得放心又開心午市套餐幾抵食， $399 ，湯底可選有四款可選，我哋揀咗烏雞養生湯底，個湯底落咗整整一隻烏雞，超誇張！仲有其他養生配料，例如紅棗、藍棗、冬菇，個湯底超鮮甜，根本係用雞湯打邊爐！食完個湯底，基本上都飽咗一半😝牛肉牛肉肥瘦適中，好有牛嘅鮮味，好食！最重要係淥完之後湯底都唔會油笠笠手打丸、餃子🥟絕對唔係冷藏丸，係手打的，彈牙又新鮮！魚皮餃同蛋餃都好好食，唔會太重味精，係高級嘅餃蔬菜籃蔬菜新鮮，而且份量多

夏日炎炎嘆住冷氣食火鍋，整間店都係用天燈做裝飾充滿着台色彩同埋落完單等食時可以掃個code幫自己或親人朋友隔空放下天燈許願自助醬酒區～整整齊齊任由自己配搭，啲香菜好嫩2人美人鍋套餐$299（半價優惠中）👍🏻膠原蛋白鍋～有成一隻烏雞及多款藥材十分滋補養生啲湯重好好飲，可惜鹹咗少少配料：蛋餃、貢丸、魚皮餃、墨魚丸、豚肉卷米線及五色蔬菜，整個套餐都好平均先講講食物貢丸彈牙又爽口，手工墨丸好吸引但失了水準有啲酸，其餘食材水準不錯

和朋友約了在銅鑼灣逛街，行到駱克道京都廣場，見到這間火鍋店主打台式火鍋。餐廳掛滿天燈，氣氛甚佳。有不少肉類、蔬菜、海鮮可以選擇，大滿足!!豐儉由人~兩個人食都好夠飽!!湯底選了老鍋秘製麻辣鍋。還原台式麻辣鍋，裏面有麻辣鴨血和麻辣豆腐等材料，辣味香濃，麻辣好惹味!!特別推薦️台灣水蓮菜，健康爽脆，菜的份量很多!!感到很滿足。朋友推薦打邊爐食水蓮~感覺不錯!!新鮮脆骨腩都是必食!!魚肉滑溜爽脆!!食材新鮮美味。

♡♡♡📍 老鍋台式火鍋 (京都廣場) (銅鑼灣)銅鑼灣駱克道491-499號京都廣場2樓都唔記得幾耐冇試過晏晝打邊爐😂😂，見呢間靚靚哋價錢又OK又唔係好貴咁就試吓啦🤣🤣～🍽️午市二人火鍋套餐套餐可以自選湯底，配埋蔬菜丸類嗰啲，仲有最重要嘅牛肉，所以絕對夠食🤣！而且我覺得每樣嘢都幾精美🥰，真係令食慾大大提升呀🤭🤭～🍽️精選手切牛骨肉手切牛骨肉超好食🥹，好鍾意呢種牛肉嘅質感，又唔會太肥🤤！覺得肥瘦都幾均勻🤩，色澤亦都好鮮艷。🍼冷泡白桃烏龍茶冷泡白桃烏龍茶口感清新，飲落口有淡淡的白桃香味，飲起上嚟超舒服😝😝。而且白桃味唔會太膩🤤，白桃同烏龍茶配合得啱啱好，覺得超適合夏天飲😚！而且個膠樽亦都有設計過，外型上都真係唔錯🤭～🍼老鍋原味手功奶茶估唔到打邊爐都會有得飲奶茶🤤🤤！覺得個奶茶味道啱啱好唔會太甜😝，飲落好口感都幾順滑，而且色澤上都幾靚～仲可以打吓卡tim😝！

呢間台式火鍋店夜晚係打邊爐，晏晝都有啲性價比幾高嘅一人火鍋或者米線套餐，我係附近返工嘅人，今日就約咗個同事黎試吓老鍋秘制麻辣鍋(午市一人火鍋套餐) $78午市一人火鍋，呢個價錢絕對對得住良心，湯等揀咗秘製麻辣，食得好過癮，濃郁得來唔會過鹹，辣度都幾有層次，食完唔會口渴！最鍾意個湯底嘅金菇同豐稠豆腐吸晒湯底嘅味道。肉類叫咗梅花豬肉，唔會un養生花枝丸魚皮餃王子面 $58藥膳湯底好重料，濃厚嘅藥材味，唔怪得咁養生，感覺上對女仔好好！有四粒花枝丸，三粒魚皮餃，份量都幾多，面底用咗王子麵，係台灣嘅國民公仔麵😂建議快啲食，如果唔係淋晒就唔好食