聚寶廚坊 (已結業)

雖然點外大大個字寫住海南雞點好, 不過之可以講... 唔好隨便信廣告.首先入去的時候看到樓面阿姐黑臉, 好似話唔歡迎人個樣, 然後個待應唔叫都唔遞水.叫了海南雞飯套餐, 看照片好似好好食, 不過食落去就係另外一回事, 雞好似係冰鮮雞...不過處理得都還好, 除了有很多雞毛同碎骨以外, 味道還算可以, 醬料就幾正, 而且幾南洋感覺.飯太硬, 雖然話係油飯, 不過雞油不夠所以加了一些食油, 感覺都幾... 難食.然後個湯就好淡完全唔掂, 太淡完全同熱水加鹽再加幾滴油的感覺一樣什麼味道都沒有.最不滿係個老闆成日要人凋位, 食到一半都要換位搞到食夜心情都無埋.飲品同個湯都幾類似, 有點稀. 難道他們健康就係少糖少鹽少味精少料?

我好耐之前搭車經過果時已經見到呢間餐廳~有一日放工約左fd行街..未夠鐘我就過去食個飯先叫左個佢地出名ge海南雞飯...我覺得d雞好滑..果三色醬都好正...個飯好香椰汁味..好開胃連我平時食唔多飯果日都食哂成個飯..仲有d唔夠喉添我本身好鍾意食雞ge~~我覺得呢個雞真係幾正我覺得呢間野比起其他茶餐廳坐得舒服~我會再去多一次...我自己推介個海南雞飯...p.s..不過我唔多鍾意一個短頭髮戴眼鏡ge樓面阿姐d態度唔係太好....

今日黎呢度食飯我個餐未黎之前，d店員已經叫我調兩次位令我覺得好煩，(調位其實頗煩頗影響進食心情)，(調第一次位時店員應該考慮到個位唔駛令個客要調第二次)，(我明白lunch多人黎，調一次位係可以接受，但兩次就‧‧‧)，(我全程都怕佢再調我幾次位)，畢竟間店既裝潢比茶餐廳好，我唔期待受到茶餐廳侍應級數既待遇再加上佢d海南雞冇味(雖然係滑)湯似稀水(可能係因為間o野標榜冇味精)，呢餐唔太愉快，我唔打算再去對想前往此店進食人士既建議 :1) 繁忙時間唔好隻身前往，易被人連環調位2) 海南雞飯冇咩味道，重口味者切勿前往3) 有送外賣既服務，如果你o係附近做o野/居住你可以叫佢送上黎

有3 次開餐記錄, 想食海南雞都會黎呢到, 唔係因為特別好食, 而係就腳也 今次都係晚餐都係海南雞餐$38 : 有碟頭飯 +餐湯+餐飲餐湯 : 聲稱無味精, 唔通唔加味精就真係要似水, 一下你就唔好標榜唔加味精仲好 ? 海南雞飯 : 三色 調教得係幾好, 雞亦算滑, 只是欠雞味, 可能大部份食店都係用雪雞, 除非係自己煮, 所以唔會執著啦, 個飯香香雞油味, 幾得 其實整體係幾好, 不過晚市靜過鬼, 老細都悸唸唸計喎 下午茶同份量收 $28 , 抵好多 !

每次搭巴士經過都見到呢度有「無味精」0野食, 今日終於0黎幫襯了. 見佢大大隻字話海南雞飯係招牌, 當然要試試啦 ($35; 凍飲加 $2).先0黎凍奶茶, 幾滑又好香茶味, 幾好飲! 可惜 d 冰幾多0下, 唯有自行走冰.送的例湯係西洋菜湯, 賣相好清, 飲落清潤, 亦果然無人造味精喎, 唔錯唔錯.Set lunch 的海南雞飯原來係碟頭上, 另外有分開上的黑醬油, 酸辣汁及薑茸. 先食雞, d 皮唔算薄又一般滑, 食落都爽口, 不過有好幾件有去唔清的雞毛, 都幾噁心; 肉算幾嫩, 雞皮下仲有一層骨膠原 jelly, 意料之外. 雖然佢話係「去骨」, 但明顯有去唔清的跡象, 不過既然無乜影響味道, 算啦; 油飯就麻麻0地, 雖然佢乾身, 幾0岩我口味, 不過食唔出係「油」飯, 只有淡淡的椰汁味, 唔係咁鍾意; d 醬汁亦麻麻0地, 薑茸唔夠味, 酸辣汁唔夠酸又唔夠辣 (連我都話唔辣, 嗜辣的千祈唔好試!), 黑醬油稀稀的, 不過甜甜0地, 味道都唔錯.環境係港式西餐廳格局, 都幾乾淨企理; 招呼亦係港式西餐廳招呼.埋單 $37, 好平, 不過感覺麻麻, 試過就算了. 下次都

逄星期一都會去灣仔返學, 每個星期都會去哩度食飯, 因為迷上哩度既海南雞飯!!大大話話都食0左五六次, 次次都覺得唔夠食同好好食。0係哩度食飯既人唔多, 但個個都會食哩個飯, 海南雞飯有分碟上同套餐,碟上: 一碟海南雞飯(雞油飯) + 三色醬油+ 例湯+ 凍/熱飲= $35 (凍飲加2蚊)套餐: 一碟海南雞飯(雞油飯) + 三色醬油+ 油菜+ 例湯+ 凍/熱飲= $45 (凍飲加2蚊)*外賣減5蚊我次次都會叫碟上, 因為我主要都係食海南雞飯而唔係食菜, 而且一個人都唔會食得到咁多野~ 我次次都會食晒0家!!其實佢已經比0左好多雞我, 但因為太好食, 次次都覺得意猶未盡~!! 最鐘意係佢個泰式醬同黑豉油, 點0左佢地d味真係出好多。由於次次都係一個人0黎食飯既關係, 好多時都會留意吓身邊既事物, 有時見到老闆仔同一個男人望住d客一陣, 又再細細聲講野, 又睇吓d位點擺都, 好驚佢會轉手(因為人客真係唔多)。所以一到灣仔都會食佢, 驚遲d冇得食~哈!

2008年3月12日下午12:30 世界上最好人既老細話唔想日日都係果間, 要轉下口味, 我SEARCH羅! 今次認下呢間!大家推介係海南雞飯同豬飯, 好啦! 就兩呢樣:1) 海雞- 我要左海雞白雞, 因為怕肥, 我同事要左海雞油飯, 雞係雪雞, 無咩特別2) 豬–我有偷老細豬試下, 不過不失, 好似油汁, 無咩特別大家一致裁定…呢個價錢= 呢個質素而已!無驚喜, 所以無下次! 下次想食雞都係去番蛇王二算啦!

公司附近開了家吃雞的, 自然有興建試試. 就趁文迪要加班練歌的晚上自己一個人來試.根據店方所講, 這裡用的係黃油雞, 並起了骨. 至於香矛雞油飯, 係廚師用上新鮮雞油爆香薑, 蔥, 蒜頭, 香矛再加上鮮椰汁, 材料豐富. 即管看看係怎樣.海南雞飯套餐$47: 8分, 包老火靚湯, 一碟雞, 香矛油飯, 油菜同埋咖啡/茶. 當然附上三種醬汁: 泰式酸辣汁, 秘製薑蔥茸, 同埋野味黑豉油. 是晚的老火靚湯係合掌瓜煲豬骨, 應該沒有味精了, 清清的, 不錯. 這裡的雞油飯, 果然係有陣椰香味, 也吃到點雞油味的, 係幾香口的. 雞肉方面, 始終比較喜歡黑肉, 是晚吃到的, 差不多都係白肉, 肉質也比較實. 油菜幾新鮮的, 但係個套餐實在太大份量了, 吃不下幾多菜.碗飯都幾有水準的, 晚市來講都幾抵食, 可以一試.

又平又好味..真係好難搵...我終於搵到..尋日我同男友去左呢度食左個2人餐,連埋2杯好大杯既凍0賓都係122蚊呀!!!

豬脾切到很碎的條狀, 肥的地方(近皮位) 入口即溶, 反而瘦肉十分"鞋", 我選擇不食, 有一小碟魚露醋汁(點越南檬那種), 豬脾肉底有些鹹酸菜, 我就是靠它吃完些飯(因為我沒有吃那些瘦肉)。中式例湯勝在淡口, 今天才注意到牆上有張通告說全部成品不含味精。我的同事說這裡的凍檸茶也不太甜。

銅鑼灣時代附近又有大量空位，入去前都俾左少少勇氣。兩個人叫左個海南雞飯，同埋咖喱魚飯。無骨的海南雞幾好味，不過我其實好驚，因為總覺得去骨時，總是給師父落手落腳，唔多衛生；咖喱就偏咸左少少。總括來說都是不錯的選擇，主要係價錢同唔使等。服務幾好，可能因為無乜客，職員都無野好做。

三種醬料也好, 鼓油雖然稀, 但不太鹹和不含太多味精, 雞肉滑, 但飯不多似油飯, 較為美中不足。枱 面那樽XO 醬也很不錯。lunch set 還有很多其他選擇, 如日本大碗飯, 焗飯, 咖喱, 要去多幾天試齊它。還約了同事放工一同去試試小菜和泰式冰。

這裡前身是賣辣的，現在變了另一間茶餐廳樣子的食店。我來，只有一個原因，就是其自稱拿手的招牌菜~海南雞飯。平日晚上十時許到來，門外排隊搭巴士的人多，但店內吃東西的客人，就得我一個。餐牌的第一頁，就是介紹鎮店之寶的海南雞飯，當然不作他選，要了有湯有油菜的套餐選擇，盛惠43蚊，幾相宜。先來的是例湯，是豬骨菜乾湯。出乎意料地，是有點火侯，作為套餐附送的例湯，是稱職的了；油菜是通菜，幾鮮嫩，但那些又杰又鹹的腐乳一真的多得嚇人，如果可以另外盛在一個小碟中，就更好；主角上場，先吃雞飯。乾身，沒有雞油香，但就椰香味十足，還透出淡淡的香茅味。這個飯，靠近東南亞的，其實也做得不錯，所以雖然份量不算少，也都努力的全碟吃清。不過個人而言，當然是欣賞正宗的雞油飯多一點；雞肉全去骨，啖啖肉，其實有骨的也一點不介意。雞肉嫩滑，生熟程度剛剛好。當然如果知道海南雞的製作法，便不會以廣東人吃白切雞的標準來評海南雞，這裡的雞，不錯。可惜的是附上的「三色醬」甚不濟，黑醬油稀稀的，味道過甜，似蒸魚豉油多一點。辣薑油不辣，與薑油一般也沒有味道，需知海南雞的「三色醬」也是取分項目，這裡的是乏善可陳。幾位店員服務不錯，要什麼也會很快

昨晚叫了個海鮮石頭鍋飯+ 熱華田。Ｄ食物排列得好似Menu上一樣咁精美，石頭真係勁熱，小心辣親！仲有Ｄ飯蕉又脆又香，唔似煲仔飯咁'loon'晒。一個字：正！