聚福樓 (已結業)

聚福樓出咗名係屯門數一數二嘅cafe對上兩次都特登搭車過去..今日都唔例外😀Order完冇耐..好快上咗個湯同額外加錢叫既薯條。薯條好明顯係番炸或者啲油唔夠熱就落，暗黃色微暖😶叫咗杯香蕉朱古力奶昔，如果以而家手機食先，杯奶昔個造型同埋內在太過⋯⋯太過平實。(奶昔其實可以杰色d..但確實係幾濃嘅香蕉味)最後叫咗佢嘅招牌All DAY BREAKFAST 雖然唔知道佢幾時由煙三文魚轉左Parma ham..但因為我唔食Parma ham..所以我望咗好耐以前啲食評究竟幾時由煙三文魚轉左Parma ham(個人有啲強迫性..決定餐廳之前會上網睇定有冇啲嘢係自己唔食嘅，以免見面影響心情及浪費) 其他都不過不失，起碼係熱嘅，唯獨是⋯⋯有啲朋友鍾意食蛋嘅，會覺得all day breakfast 嗰個炒蛋係靈魂..今日呢個炒得太水了。聚福樓一向價錢唔係話平，屬於中價嘅文青Cafe，有時一間餐廳裝修得幾靚都好，食物嘅質素確實好重要！係而家經濟唔好既環境，2021我第一個食評唔想寫到太差，不過確實尚有好大嘅進步空間，才對得住佢收嘅價錢。

早排星期日嘅中午相約左好姐妹一齊食晏因為要帶埋🐶🐶 所以要穩間可以坐户外嘅餐廳今次就相約係聚福樓一聚😎 第一次聽聚福樓以為係食中餐原來係食西餐架🤣🤣🤣.餐廳裝修同環境好舒服可以同朋友係呢個環境坐好耐 嘆下啡😎Brunch Menu 嘅食物有幾款選擇 而飲品有好多選擇😌聚福樓全日早餐 $148呢個All Day Breakfast 有好多樣嘢食❤️🥰 有香草炒滑蛋 煙肉 香腸 薯餅 多士 茄汁焗豆 焗蕃茄沙律 仲有一小樽嘅草莓乳酪 🍓🍓真係好豐富😋味道都唔錯香草汁煙三文魚扁意粉 $148個香草忌廉汁好Creamy 加上三文魚肉、同埋其他配料每食一啖意粉🍝都充滿醬汁同三文魚由於面頭再加埋少少沙律菜😋食落冇咁膩✨而且有點清新感Stawberry Yogurt Smoothie🍓跟餐有15%嘅折扣 唔算太甜 亦啱晒炎熱嘅天氣去飲🥰.食物質素算唔錯但係定價好似高左少少😥

入嚟屯門 見呢間店嘅評價都好高今次就試一試入到去個環境好靚 好岩影相打卡今次去到岩岩好唔使等位叫左兩份午餐 分別係All day breakfast仲有個意粉個意粉好食😋而All day breakfast就正常下次要試其他菜式可以再打咭

3年無來過，記得果時有下午茶黑醋包好好食，宜家可能因疫情無左啦， 我通常都係叫 Dirty Chai Latte, 都好好飲，個杯仲有個盤裝住，則邊有隻長頸鹿公仔幾得意。咁尋日突然想試下，睇menu 價錢同款式應該感覺幾好，點知一個字...伏！ 貴夾唔飽兼唔好食！叫左個肉眼扒扁意粉，好實，無乜扒味，又細份，其他扁意粉配菜果d都正常嘅，但唔係有驚喜果d，惟一比較好嘅係d菜比起扒房果d算多咁我都係叫左Dirty Chai Latte ,ok la, 但始終唔係幾年前果時嘅感覺。 埋單 lunch $196 , 真係好唔值， 真心好多餐廳仔$70-$90 咁上下好食過佢， 人地仲可能有湯同飽送，對比起呢度顯得好寡...明白疫情期間大家要將就下，但收得呢個價錢都無理由做很咁差，希望可以整得好d 啦

It's that awkward time after Christmas and before New Years. I'm looking for a new restaurant to check out and even though it's weekday, this restaurant is busy! I arrived just after 12 (when they open), there was only one other customer there, but the restaurant filled up very quickly and soon enough there was a short queue forming. What covid?To be honest I thought they would still be serving their breakfast menu since it's a weekday but I guess they serve their 'brunch' menu Monday to Sunday

本身我和朋友早上10點幾諗住搵間良心店食早餐🥣點知間間都無咁早開，發現原來呢間聚福樓 @joyfoodlounge 係開8:00，太好了！其實想試呢間屯門置樂嘅良心cafe好耐💛平時見佢IG啲相都好靚，今日整定我要來懲罰下佢！咁啱食到！好開心🥳.雖然佢位置喺屯門置樂入面少少隔涉，但係響市中心行過嚟都唔算好耐，而且離遠就望到佢個綠色招牌和紅色閘勁搶眼，入到去佢個樓底勁高，裝修和環境真心chill ，仲有一種大自然舒服恬靜嘅感覺，咁正嘅環境啱晒我呢d吹水佬同朋友大吹特吹😜.佢嘅早餐供應時間係朝頭早8點到11點，我哋10:30去到都仲叫得切早餐，我哋齊齊都想叫All day breakfast, 不過見到佢有個lite,以為會好少，點知份量都好多，可想而知如果佢係唔lite嘅話應該仲大份😛.講真呢份lite嘅All day breakfast真係幾豐富，有沙律菜，薯餅，麵包，炒滑蛋，煙肉，豬肉腸，茄汁豆，煙三文魚同芝士，講堅，樣樣野都好食😋我最鍾意就係佢個炒滑蛋，係！堅！滑！👍另外我嗌左一杯熱嘅Americano, 如圖所見你見到個拉花拉得真心靚👍，而且杯咖啡仲好香好醒神呀，除左環境舒服😌估

近屯門置樂一帶，佈滿車房，縱橫交錯嘅街道間，街角有一間裝修好特別✨用色鮮艷💖又充滿植物🌿嘅小店。入到去，有小小行左入熱帶雨林嘅感覺，店員嘅親切態度，為客人們帶嚟滿滿嘅溫暖🔆😋食咗乜：淨喺睇餐牌，都感受到店主好有創意，所有餐飲名都好特別✨蝦我！炒咗你！媽媽叫我蒜啦！ HKD$158😊🦐🦐其實喺香蒜大蝦扁意粉，用鐵板鑊仔上菜，令意粉保持到溫度，食到尾都仲喺熱辣辣💦仲有小小焦香。意粉彈牙，蒜香味濃，大蝦都煮得岩岩好👍🏽水準之作🙈但喺份量比較少估你唔到的一盤野 HKD$148😊小食拼盤：炸蝦+蕃薯條+炸雞+炸餃子+沙律🥗一盤翻熱食物🔥正常發揮，價錢略貴😖

話說前排因為工作關係出到去大西北🐂，難得一場黎到，就緊係要搵下附近有咩好食啦🤤正值中午兩三點，就會想搵間Cafe嘆返個brunch，靜靜地咁坐下做下野🌞初初見到聚福樓依個名咁中式，真係估唔到佢係一間Cafe黎🤯望落仲有啲森林feel，同佢個名真係扯唔上關係咁🤣• 大啡菇班尼迪蛋 $128班尼迪蛋以酸種多士做底，烘得幾脆，大啡菇好多汁💦中間夾住Superfood羽衣甘藍，不過切起上黎就會費力一啲🤭水波蛋中心蛋黃既生熟度岩岩好，緩緩流出既蛋液混合埋微酸既荷蘭醬，為多士帶黎一份濕潤感，同時又唔會影響多士脆脆既口感，一口咬下，幸福感滿滿💛作為一個brunch份量岩岩好👍🏻• 凍薄荷朱古力 （凍飲+$8）套餐已經包埋一杯飲品，款式都幾特別幾多選擇😳可惜依杯薄荷朱古力只有淡淡嘅薄荷味，朱古力同奶味亦都唔出😥

💛黃店🔱今次要介紹嘅食物就係位於屯門！📜”聚福樓 (屯門)📌 地址: 屯門青善街28號康景花園地下1號舖果然冰室 🕐營業時間: 1200-2000🍽分店地區: 屯門📝評價💬📢1️⃣All day Breakfast $138最豐富嘅早餐😍有十樣配料😛最鍾意就係佢大大塊嘅薯餅仲有乳酪🤪🤪🤪全部配料都係大大份😍😍只能說真係食到好飽好飽同埋好飽💕環境都好正感覺好舒適😌2️⃣鮮蝦長通粉配柚子汁$148蝦好彈牙❤️柚子汁呢個配搭非常清新😳好少何出面有呢個味道🧡🧡所以真係正😋😋喺呢個環境底下食呢個意粉完全係 perfect match💛💛 KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅 👅👅🏵抵食指數：💰💰💰🏵回購指數:❤️❤️❤️❤️

一直都好想嚟試，唔係門口排晒長龍就係時間唔啱，今日好LUCKY喺LUNCH TIME時段一嚟到就有位。今日點咗All Day Breakfast同埋Burger。All DayBreakfast好豐富，多士同個炒蛋好味。Burger塊漢堡扒厚身但都Keep到Juicy，而且仲有勁多芝士。個漢堡麵包同All Day Breakfast嘅麵包都一樣好Good。可惜嘅係今日唔好彩，無蕃薯條轉咗薯條,不過薯條都炸得好香脆。咖啡Drink list估唔到有咁多口味嘅Latte，最後我簡咗杯Chai Tea Latte。飲落果然好有泰式風情，無得去旅行飲杯嘢望吓餐廳內外嘅裝潢當去咗啦。

香草三文魚忌廉意粉 $148本身想嗌burger既但去到果陣已經賣曬，所以最尾嗌左呢個意粉。雖然價錢係少貴，但食物質素其實相當唔錯。特別想讚下個忌廉汁真係好creamy，配埋好軟身既意粉簡直係perfect池，而三文魚係有好多粒，味道亦都唔錯。 Iced Hazelnut latte $49初初少驚hazelnut latte會過甜，但end up係甜中帶澀，第一啖係hazelnut既甜（係acceptable既甜），之後咖啡果種澀味慢慢出黎，唔會有搶味。（記住要攪勻，唔係既話兩種味就blend唔到）

作為屯門友，竟然一直都冇食過呢間，以前聽個名，以為係酒樓嚟😂點知係食西餐為主，位置係比較隱蔽，非屯門人最快都要喺西鐵站轉巴士，再行一陣先到。環境唔係好大，我哋係即日book位，夜晚得返outside位，不過outside位都幾有風味，小店裝修設計都幾有特色，menu嘅嘢食名好搞笑好有性格，有啲要睇返英文先知係食乜。整體嚟講係好食，特別啱鍾意食濃味嘢嘅朋友，價錢係貴架，兩個人都食咗差唔多700蚊，不過間唔中一次半次喺咁chill嘅環境食好西係一種享受嚟，呢間都係食得過～📍算啦！加油啦！海鮮 $248呢個海鮮餐有蝦、帶子、青口，樣樣都大大份，啖啖肉！白酒味重，啲麵包應該擺埋海鮮一齊食最好，就咁齋食包會好寡好乾，食埋啲菜，口感更豐富📍意大利佬講故仔 $138 其實係卡邦尼意粉，上面鋪咗好厚嘅芝士，重度芝士控會鍾意，不過我哋食落去就覺得芝士太多，個意粉啲汁濃得嚟有啲漏📍你個心太軟啦！ $108呢個擺明係心太軟～ 呢間嘅心太軟真係數一數二好食，朱古力醬好濃好多，另外個雪糕球係有茶味但唔似係綠茶（？📍洛神花小麥啤 $68佢有幾款罐裝手工啤，menu有清楚介紹佢哋

終於拎起心肝嚟食呢間小店啦，由於佢位置比較隱蔽。好彩今次兩點幾去唔使排隊小店嘅裝修非常之漂亮，雖然小店嘅面積唔係好大不過入面非常之有風格嘅裝修，好適合女仔打卡之用由於唔係太肚餓嘅關係所以叫咗一個漢堡包同埋一個沙律，佢價錢上面已經包左嘢飲，可以再加錢叫啲特別啲嘅味道嘅呢個漢堡包嘅薯條份量非常之多，仲係用比較特別嘅番薯條，勁好食，其實係偷望到隔離枱都係叫依啲見到個樣又靚又好似好好食所以跟隊一齊叫😂😂沙律嘅擺盤都非常之漂亮，佢係用咗泡菜汁，不過個人認為個汁太多，有d濟，不過如果鍾意食多汁嘅人應該會好開心，炸雞就普普通通，咖啡一如既往都係有拉花同幾好飲總括嚟講，呢間小店都比我有非常之多嘅驚喜，本身諗緊係咪得個靚字其實係唔好食，因為有好多咖啡店買嘅價錢同佢一樣但係比嘅嘢食質素非常之一般同差，點知依間非常之好超乎我預期雖然地點有啲唔方便不過都推薦人哋嚟

開頭聽個名以為係酒樓但其實係一間裝修好靚,好有個性既食西餐小店我地早到左門口有得坐住等坐左0係入面以為自己去左旅行全部野好食整到好香青口好有白酒味隻雞入面有飯同埋唔會整到好乾好鞋beef wellington塊片唔會碎晒,不過冇問我想幾多成熟,但最後都好好味,有7成熟海鮮拼盤最有驚喜,好香,食落口唔會成口油整體好滿意洗手間乾淨staff好主動加水又有禮貌只係個份量以呢個價錢來講細左少少同埋個走廊少少窄(好多香港少店都係咁既>_<")下次會再來食

前排晚市未開，同朋友約親都係下午，想傾耐啲又坐得舒服，cafe都係不二之選☕️今次就揀左呢間响屯門置樂既聚福樓試下😀位置唔算方便，但星期日一點到都要等左半個鐘先有位.Menu 每日都會有啲唔同，不過睇網民話唔all day breakfast值得試，我同朋友就分別點左All day breakfast 同黑松露鮮蝦意粉😋飲品就叫左Dirty Green Tea Latte 同 Jasmine LatteAll day breakfast ($148) All day breakfast入面有齊炒滑蛋、茄汁焗豆、多士、薯餅、沙律、煙肉同香腸，仲有一個小樽裝住既草莓脆脆乳酪🍓整體質素正常，份量都合理，不過以呢個價錢黎講驚喜欠奉，只屬於正常發揮黑松露鮮蝦意粉($148)黑松露鮮蝦意粉一上枱就好香松露味，鮮蝦份量正常，都算大隻同爽口🍤扁身既意粉都頗有口感，整體黎講算係唔錯Dirty Green Tea Latte & Jasmine Latte兩杯飲品都係跟上面兩個主菜加8蚊就有啦，飲品款式都幾多，花多眼亂👀最後我揀左Dirty Green Tea Latte，都幾好飲，茶味頗濃👍🏻至於朋友既J