聚興樓

营业中

休息中

喺外賣平台落單手撕雞飯，到達之後發現俾錯咗麵。本身趕住返工，到咗之後打返俾餐廳，餐廳話唔可以全數退，退都淨係會退10幾蚊。我又唔食公仔麵的，更何況佢個公仔麵又乾又硬好似媽咪面咁…咁即係我要完全空肚返工…唔知道係老闆定係員工聽電話，態度極之惡劣。佢話:「我依家退唔退俾你都好，你都係冇得食㗎啦，咁我唔退俾你都得係咪咁話？」聽到真係不知所謂，餐廳只承認佢哋出錯餐，但係唔會有任何補償，咁一句對唔住，請問有咩用呢？不停反覆嗌咗呢間好多次，之前都試過俾錯嘢，都係一句「對唔住，你照食啦」就算，真係唔會再有下次…

呢間茶餐廳嘅手撕雞飯真係好正啊！雞肉去骨脆身又多汁，再配上啲醬汁，味道鮮美，如果個飯可以有啲汁撈飯就更好囉最啱飲一杯紅棗熱茶，味道濃郁又清甜，令我感到十分放鬆和舒適。不論係早餐定午餐，都好啖，一定要推介啊！

今日係foodpanda 揾嘢食，佢pop out出嚟嗰啲限時優惠有佢份，所以就叫咗佢，平時係沙田食開普通手撕雞覺得都幾好食，今次就叫咗日式螺肉 $29、日式八爪魚🐙 $29同Wasabi手撕雞 $130試吓💁🏻‍♀️ 螺肉同八爪魚同平時食嗰啲差唔多，但係Wasabi手撕雞真係麻麻地，之前係屋企都用mayonnaise、wasabi同海蜇整過仲好食過呢嗰😕 完全冇Wasabi味😕 普通手撕雞就okay嘅，wasabi真係不了😅

平民價錢，質素不錯，夠飽肚 ！附近比較少好食又平既餐廳，呢間叫做抵食，當然要求不能太高，當小食或晚餐都不錯 。款式算多，出名是手撕雞，也可買一隻都是 $90 ，半隻 $50，十分便宜 ，員工也會問你要不要辣，夠細心 亦有湯水賣，30多元一包，仲幫你整埋熱，也可自己返去整熱，呢點真心方便 ，就連大牌品賣湯水都做不到 ！呢點對於想飲湯但又唔想煲既人來說，可以解決一時之急，味道就對得起呢個價錢，熱度十足 ！自己買左兩次，店員算唔錯態度，又NICE，又會解釋比你知，唯一唔好就係有部分職員廣東話口音重，有機會有時聽唔清楚，不過問題不大最重要是食物 ！

服務態度差，嗌咗個手撕雞飯，佢比雞尖雞髀雞爪，再加幾條手撕雞就當係手撕雞飯，打去舖頭同佢講得幾條手撕雞肉，其他都係骨，之前幫襯過幾次都唔係咁，佢就捉字虱話我點嘅係手撕雞飯，唔係啖啖肉手撕雞飯，個職員仲要大聲夾惡話返你轉頭係自己點錯，明明前嗰幾次都係咁嗌完全唔係呢個情況經過今次唔會再幫襯

長青村附近選擇真是很少，不過大部分餐廳價錢貼地，一個午餐可以$30左右！這個手撕雞撈麵幾大份，雞肉撕得大小夠均勻，加了小辣，味道又夠，雞肉質地亦鮮嫩，撈麵一般，配飯較好吃。

今日太熱不想外出，用外賣應用程式點了聚興樓三個小菜，15分鐘就送到，效率驚人，新鮮熱辣。麻辣手撕雞是餐廳的招牌菜，十分足料，滿滿一大盒，味道不會很辣，也沒有很麻，不過很夠味，有點偏鹹，要配飯才好吃。梅菜扣肉的扣肉偏薄，也很碎，沒有大口吃肉的滿足感。調味不錯，不會太鹹太甜，但肉真的太細碎了。獅子頭足料，竟然有四顆大肉球，味道不會很咸，當然也沒有很重豬肉味。菜燉得軟淋，幾好。總體而言幾滿意，有下次👍

今晚七點幾去到聚興樓買釀涼瓜飯外賣, 之前食過很多次都正常, 但今次真係好唔掂, 啲涼瓜諗到冇牙都食到, 中間啲肉黑兼乾, 以前啲肉鮮色啲, 佢話係啲汁嘅顏色, 唔係囉！係唔新鮮, 因為啲餸係一包包預熱, 如果冇乜人買, 浸得耐啲餸會諗晒兼隔夜, 至於隔幾多日真係冇人知, 而家肺炎肆虐, 真係唔敢食, 但最討厭係啲員工堅持話新鮮, 最難接受, 叫佢自己食下咪知囉！加咗價仲差咗, 難怪越來越少人幫襯。