聰嫂私房甜品 (已結業)

腐竹糖水係一道中式傳統甜品，用腐竹加入蓮子煮製而成，清香可口，秋冬滋補必食腐竹糖水口感爽滑，入口即化，甜度適中，解渴提神。煮得唔好，好易燶，所以都好考製作技巧。

講起聰嫂大家都絕對唔會陌生 佢哋嘅糖水一直係大家娛樂活動之後嘅後場，今次一試屋企樓下間聰嫂，睇吓咁多年係咪都能夠保持到個水準。可能因為今日係中秋節所以簡直係座無虛席已，都等左一陣嘅時間終於有位置了，我哋叫咗一個芒果椰果沙冰，同埋一個芒果椰汁西米露。芒果椰果沙冰略嫌椰果唔夠多，而且芒果有啲酸，所以令到個沙冰酸酸地，如果一個人食晒會過甜，兩個人食就應該差唔多。至於芒果西米露我就唔建議了，簡單來講就係喺椰汁西米露裏面加上芒果粒，亦都冇芒果醬，所以下次都可以唔使試。

同朋友係將軍澳打完波之後「被介紹」食呢間甜品店，聽講呢到啲糖水好食到就算幾遠都要用自己方法去食多次。佢真係冇講大話，原來食完真係一試難忘。龍眼冰：如果用一個字形容佢，我會用個＂嘩＂字，點解佢好食得嚟咁有層次，佢嘅雪白外表喺未食之前真係以為佢平平無奇，但當你食第一啖就知道，我和它可以相識得更早。每一啖都有濃濃的龍眼甜味，再加埋龍眼果肉及椰果，令到佢嘅口感更加豐富，而多重味覺感受，果然係聰嫂代表作之一。芒果冰：芒果冰比龍眼冰較易溶化，但佢嘅芒果味又係非常之濃而且唔會酸，面頭亦放了數塊大大芒果，夾埋一齊食真係好滿足，令個人好似置身芒果海一樣。真係好正，食完之後仲特登買咗碗龍眼冰返屋企。

（椰汁芋頭西米露）⋯⋯ 依碗極品，如果我唔係知道自己食緊糖水的話，仲以為係一碗落咗糖嘅肉碎粥🤬🤬🤬🤬🤬🤬，芋頭唔粉都不再講，咬落起渣嘅芋頭都係第一次見識過。甘拜下風

每次打完羽毛球之後，都會同波友一齊食甜品，今次也不例外，就選了附近的甜品屋~~聰嫂。這裡中西甜品都有，我們選了幾款，有桑寄生蛋茶，味道濃香，但不太甜。燉木瓜紅棗雪耳，十分清潤，夏天冬天都非常適合。 夏天時令生果首選是芒果，所以選了芒果西米露及芒果椰汁黑糯米，芒果甜美，椰汁香濃，兩款都非常透心涼。另一款時令生果，當然是榴槤及龍眼，今次選了榴槤龍眼冰，將龍眼與冰混和，像雪糕一樣，冰內還有龍眼肉粒，在上面再加上榴槤雪糕，非常消暑。

近年愛上了聰嫂甜品， 不論中式和西式甜品都好好味， 食完晚飯都會專登走去食下聰嫂甜品。 當晚在坑口村吃完晚飯， 順路又可以食我的至愛了， 叫了芝麻合桃露$26， 芒果奶昔雙皮奶$39。 芝麻合桃露的芝麻味濃又香， 合桃露健康有益，入口滑溜， 甜度適中。 芒果奶昔雙皮奶有三重不同的口感， 芒果香甜美味， 奶昔味道剛剛好不太甜，雙皮奶又滑又香， 這是我最喜愛的聰嫂甜品。聰嫂的甜品選擇多元化，味道保持水準， 凍或熱甜品都做得很出色。

🥭芒果椰果冰 聰嫂私房甜品🍧由中學食到依加 都keep到水準要食糖水時總會第一時間諗起🤔平時我中意食芒果奶昔雙皮奶奶香味濃 加埋啲奶昔 同芒果真係完美嘅配搭！今日食下其他甜品先今次食芒果椰果冰同龍眼椰果冰😍我中意佢地啲冰密度夠高夠綿每一啖都係濃濃芒果味 仲有啲細粒水晶珠咬落口有脆脆口感 加埋椰果🤤又有咬口 又夠冰凍 夏天食真係一流仲有龍眼椰果冰係招牌之一 好少地方有得食龍眼味甜品淡淡龍眼清香 加埋冰透心涼！

食完母親節飯，聰嫂門口開始出現人龍，因為媽媽好想食甜品，所以去咗聰嫂。好耐冇食個榴槤西米露，依然保持到水準，榴槤好香，西米露甜到啱啱好。入口即溶嘅感覺一再回味。

聰嫂甜品真係有一種魔力 令人久唔久就想去食下呢度嘅龍眼冰同埋榴槤椰果冰 都係好出名嘅甜品 龍眼冰比較清食曬成碗都唔覺得好甜榴槤冰就好真材實料上面有一嚿榴槤肉 非常之好味除咗呢兩樣之外士多啤梨椰果冰同埋蜜瓜椰果冰係本人嘅最愛除咗冰之外呢度仲有好多其他嘅選擇例如有pancake涼粉豆腐花同埋各樣中式甜品 例如合桃露芝麻糊湯圓等等……如果想飯後食下甜品或者三五知己想搵個地方傾下偈食下嘢呢度都係一個不錯嘅選擇 值得推介

曾經的將軍澳有好多糖水店 現在剩下來就只有幾間聰嫂算厲害 由寶林坑口開到港九都有有感開了分店在其他地區後 整體味道有變 所以始終還是喜歡光顧將軍澳的店且有加價但不會像市區價錢偏貴=榴槤水晶珠=比起以前一大堆的榴槤蓉 現在一小磚的榴槤味道是没有太大分別 也是滿滿的榴槤味 但感覺以前比較多卜卜脆水晶珠跟以住一樣大大提升口感=椰汁香芋西米露=椰汁挺香的 香芋分量不會少 有口感且香芋味出雖然是星期一 但坑口店外賣定堂食都不有少人流

《聰嫂呢個名你地應該好熟悉》😂#芒果豆腐花💰35見個名覺得芒果同豆腐花都唔係好夾，但芒果控表示點都要試試佢😏上層係🥭芒果沙冰，個面有少量芒果同細細粒爆爆珠，下層係豆腐花。芒果冰好濃好結身，好濃芒果🥭再溝好甜芒果醬既味，呢隻沙冰幾正，唔會話好快溶，相機食幾耐先都無問題😏個面既芒果粒幾甜，最怕食到酸既芒果👍🥭豆腐花食得出係山水豆腐花質感同味道，但配埋個芒果沙冰食就有啲怪🤭分開食會好食啲😂

老顧客～只望不要再加價，就黎食唔起喇陰公😭😪照舊叫左香芋西米露、龍眼椰果冰、同埋糖不甩～～糖不甩下次唔會再叫～因為唔好食，啲糖粉得一匙，完全唔夠，咩叫糖不甩？你估我淨係要個味咩？

同朋友食完放題慶生，我地個胃竟然仲有位置放糖水，由將軍澳行左過坑口食聰嫂😂。不過衣間聰嫂都幾細間，得好少位，又有啲迫，又多人等位，啲待應忙到都唔得閒理我地，態度又唔係好喎。仲要今晚落雨囉，門口都無瓦遮頭，要我地開住遮等位。入到去睇餐牌，好似衣間啲款式少過其他分店咁。最後我地有個熱血青年唔怕凍，叫左芒果椰果冰。見佢個賣相又ok 喎，好似好吸引，面頭有深橙色既芒果粒好似好甜咁，又有大西米，下面係芒果沙冰😋。我就覺得好天寒地凍喇，叫左個薑汁湯丸暖下身，但啲薑湯都幾辣，食到標晒汗。但啲湯丸個皮都幾香糯米味，裡面啲芝麻都好香同滑，湯丸唔錯。仲有人叫左杏仁露加湯丸，聞到好香杏仁味👍🏻。

我在晚上大概11:30的時間去食當時人不算太多但舉手多次都冇人理會我，過左一陣有個員工走過黎落單，但佢根本唔係聽緊我講，行左過去落外賣單，過左一陣，我叫後面個枱遲過我都有得食，我就追單，先發現佢冇落。真系個日明明有咁多空枱，又冇人出面排隊，三個樓面都咁，唔知多人忙既時候會發生咩事，其實其他人叫佢地都要叫好耐先行過去問人咩事，食過咁多次，真係令我越來越失望😞，其實一直都覺得聰嫂私房甜品係食得過，但宜家真係要睇多幾次再衡量下

甜品永遠有第2個胃! 食完飯有時會走去食個甜品開心下。我見佢通常都做蜜瓜，士多啤梨同芒果呢3隻生果，唔知有冇咩特別原因呢？我自己覺得芒果唔岩時候食會易d難食，所以叫左蜜瓜同士多啤梨各一。佢d西米係另上好搞笑。一啖西米加一啖冰，慢慢享受~我覺得蜜瓜味好食d,,,清淡d冇咁甜，士多啤梨都幾甜下，同行朋友食唔晒成碗話太甜。個冰都幾綿，夏天食就最岩，下次會想試其他主打甜品，但我覺得兩個冰絕對唔錯，不過都易溶要快手食