聯發海鮮菜館 (已結業)

近排食太多五星級飯店，想接下地氣食啲地道野。經過見到呢間海鮮菜館，啲魚活潑游水好生猛，就去試下。見到個set D 幾抵，$228 有成條魚同牛柳粒。就叫佢啦。不過等咗成20分鐘都未有上菜...食下花生先解餓先...等咗成20分鐘，終於上魚了。簡單豉油就帶出隻魚的鮮味。好食。魚皮好滑，成隻魚都唔腥，食得出的新鮮。牛柳粒好有鑊氣，炒到好香，正。個豉油炒麵好大碗。夠兩個人食。其他菜式都唔貴的。好有特色的「揮春」。下？喺街邊菜館飲紅酒？好浪漫呀！呢到比較多人飲啤酒（menu 上大大支啤酒），所以見到咁優雅的紅酒杯，有點兒...個waiter 雖然粗聲粗氣（which is 正常 for 呢類菜館），但都好細心，幫我cover 住個袋。當然店內多非年輕人，不時都會講到「#?!#~*」。想要五星級的serve? 要要浪漫好靜的環境？不過，唔好咁高要求啦，來得呢到，你就預咗食小炒呀、大排檔的熱鬧氣氛。唔同餐廳有唔同體驗嘛。

早排上網見到有人介紹佐敦 #聯發海鮮菜館 ，話佢啲小菜平靚正，一於即刻約朋友試試佢！當日個侍應話：出面有嘅海解我哋有，出面無嘅，我哋都有！ 講到咁勁，我哋都叫咗兩樣海鮮，豉油皇蠔仔同椒鹽九肚魚，一擺上枱已經聞到好香，食落熱辣辣，又好有鮮味，正啊😚 其餘仲叫咗啫啫雞煲、鱔煲同西蘭花肉片，其實樣樣都好好食，只不過海鮮太出色😂 下次再試吓其它海鮮～

不常到佐敦區吃飯，但這是第二次到訪此地道菜館。這次終於試了這店出名的海鮮，一行4人點了上湯焗龍蝦伊麵、油鹽水浸黑瓜子斑、椒鹽九肚魚、和一個小菜 - 燒汁茄子牛仔骨。上湯焗龍蝦伊麵，好味！龍蝦肉爽口、厚身，啖啖肉油鹽水浸黑瓜子斑，第一次吃這種做法的海斑，感覺新鮮，很清甜！老闆果然好介紹椒鹽九肚魚，全部都炸到脹卜卜，這個好像是此店的招牌菜之一！用來送啤酒一流，可惜我不喝酒燒汁茄子牛仔骨，這個小菜有驚喜，我覺得好好味整體來說，是一間很不錯的小店，第二次吃，同樣有驚喜！而且價錢合理，所有海鮮的斤兩價錢全都貼在魚缸上，明碼實價，不須擔心會被騙

呢間小菜館已經食過N咁多次，每次我地都會打定電話留坐，仲要指定訂樓上位坐！今次一行十人當然照舊啦😂因爲我地同老世講全部係女人黎咖，肯定唔止三個墟費事騷擾到佢其他客人啦聯發嘅手撕雞係我必點嘅菜式，味道酸酸甜甜，雞肉好滑海哲又有咬口，仲要配埋蘿蔔超爽脆，勁正而班頭腩，椒鹽白飯魚同剁椒魚頭都係預早訂定嘅，唔係話一定要訂先有得食，而係預訂的話就可以叫老世留個大魚頭同埋大條白飯魚😁仲有奄仔蟹都係，最好訂定，好快無咖。當晚啲蟹超靚，啲膏多到暈，本來我地訂咗九隻，點知有兩隻動L咗老世話唔新鮮唔比我地食喎，今次埋單盛惠三仟蚊，最貴係蟹，七隻蟹千幾蚊抵唔抵食就見人見智，鍾意食蟹嘅可以一試

你以為舊式菜館一定好食？你錯了，呢間就咁睇，都左最少廿幾仨十年，舊式傳統香港地道食品，仲要屹立於油麻地，豉椒蒸鰻，鰻夠鮮味，肉質彈牙，本應不錯，但可惜豉椒太重味，咸左些少，蓋左鰻本來既鮮味，濃味本有理想，但唔應該對像係鮮味食品，蝦醬鮮魷通菜，蝦醬食品，臭中帶野味，正，但呢度既蝦醬竟然無麥味，少少都唔覺，失敗於此，通菜用上粗身通菜，水份較多，爽口鮮魷用上冰鮮，不影響肉質，還有些鮮味，鴿子，炸得唔夠時間，鴿無醃製過，唔夠味，肉質不算鮮，但還可接受！小食花生好正，點都要試

試過食幾次都唔錯但冇特別想寫，不過今次係轉左廚師定係放假，每樣菜式都偏鹹，連個燉湯都好鹹，真係想反應下，平時同朋友仔都會嚟呢度飲下啤酒食下小菜傾下計咁，d員工都有時幾玩得，又唔會逼我地d平民食貴野，所以久唔久都 會嚟，不過今次真係鹹得，希望下次唔會啦～如果係咁就bye bye la

星期五又到la~~又可以約埋朋友一齊相聚.平時食飯來來去去都係旺角食多…食放題等等今次特別少少.離開旺角,黎到佐敦食下小炒呢一間唔係第一次黎~點解會再黎食呢!!!原因係…因為之前都食過,大家都覺得唔錯好彩朋友對於食野要求都唔係好高, 所以就選擇左呢間食野la~有左上次經驗,所以一黎到就選擇左通菜炒牛肉,夠味,但係牛肉炒過火,老左d~海蜇拼手撕雞,夠味,冷盤真係唔錯,炸蜆蚧鯪魚球.真係好好味,鼓油皇鵝腸,爽口,椒鹽鮮魷.第一次試食油鹽水浸花甲.朋友果然無介紹錯,好鮮甜另一個餸都係第一次叫,哈哈…食野點少得食辣野呢!!!四川xx煮花螺….由於朋友都覺得佢辣左個個都唔夠膽食~所以基本上都係由我食晒~haha~反而另一個餸,炸大腸拼京都骨,就真係mama地~D大腸炸得太耐,又老又難食~~有d失望…雖然唔及平時去開個d咁干淨,但係起碼坐得舒服,同埋d侍應唔會好似成日都睇實你~d野都未食完就要收走d碗碗碟碟.趕住交檯比下一轉客人咁~~呢度就唔會有呢d問題出現,所以有機會都會再去~~

今天是和女朋友相識1週年的紀念日,諗住去廟街食,但爆哂,所以搵第2間,行行下到左呢條吳松街,發現好多食肆都未食過,跟住是但搵間食,就入左呢間野.咁就入去座啦,環境普通,侍應唔算有禮貌但係幾親切.牆上寫左好多小菜名,攪到我心大心細,再睇下menu,叫左3道菜,絲瓜鹽水蜆$68---蜆幾大隻下又有鮮味,d湯好正,d瓜又唔會太淋,唔錯手撕雞$48---幾惹味,好開胃咕嚕肉$48---酸甜適中,豬肉半肥瘦,炸得o岩o岩好,唔會油,呢個好正再叫多2個靚仔,咁就有一個完美的結局!下次試埋呢條街其他鋪先!