聯邦皇宮 (已結業)

這天突然兩點多的時候有點餓，就和家人到聯邦皇宮吃個下午茶。燒鵝瀨粉很喜歡瀨粉的口感，所以到酒樓常常都會叫一碗來解解饞。而和瀨粉最搭的一定是燒鵝了～燒鵝瀨粉不是每一次來都有，有時會賣光，所以今天算是幸運。燒鵝肉不錯，不會太硬，容易咬開。蠻好吃的～另外叫了兩個點心都是不過不失的感覺。以價錢來說，聯邦皇宮的CP值其實不算太高，不過東涌選擇本來就少，所以個人覺得還OK囉。而且環境比較明亮整潔，坐得比較舒服，適合和家人來。

冬至同家人團聚食晚飯，通常都唔會求其，事關一年都係一次，Budget上都唔會少，但又唔會大氣到離地，要配合到家人既taste,所以結論就係揀左東薈城呢間聯邦皇宮喇。入到去聯邦皇宮果刻，我覺得裏面既場景好華麗，上天花板佈置左bling bling水晶吊燈，富麗堂皇，充滿山寨皇宮的氣氛。同家人圍坐既時候，我覺得好溫暖同舒適，食野既時候，食得好自由同舒暢，由於地理位置既關係，你會發現隔離枱都充滿大陸人既普通話同外國人既英文，不過重點係食物既味道同質素，鮑魚圖就影到好似好大，實際上就係一口鮑既size，味道係罐頭鮑魚既味，另外，有兩碟都係綠色蔬菜既菜色，芝士汁龍蝦同石班都好食，埋單總共千六蚊盛惠。大時大節來講認真抵食。

今朝一早排起身入咗東涌，諗住行一轉。可能太早嘅關係都無乜食肆開門，行咗一個圈攰攰哋，好啦！咁入咗嚟東薈城嘅聯邦酒樓飲啖中式茶。 唯一可以讚嘅就係環境坐得幾舒服，唔會話好迫，尚算開揚。但係講到點心呢........... 價錢方面，佢唔係叫做好平，中等價錢啦。都係一般酒樓可以叫到嘅點心，無乜太突出。 最慘嘅係啲點心凍架。凍都唔夠經典，當中 “紅油抄手” 我真係想特別想 point out， 個皮又厚身，食落好粉咁，咪熟囉。 食哂咁多點心，都唔明呢間酒樓點解可以繼續經營。飲中式茶，“水滾茶靚” 係常識吧！！但係呢度完全apply唔到囉。 放喺枱面嘅熱水壺，裏面嘅水係溫水，想要熱水囉唔該。

一名穿部長級女士務態度差 問佢重有個點心未到 唔知有無落單 叫佢攞張單睇 回應態度欠佳 你等下啦 當時真係想起身閙佢 唔想做咪返屋企啦 重收12%服務費 問你囉單係想睇有無漏 上點心又無卡打印仔

去咗東涌行outlet ,行到攰攰地諗住食晚飯，記得之前有個foodcourt，點知原來一問之下food Court已經冇咗啦，再睇下有咩食，經過見到呢一間酒樓價錢合理，環境都幾舒服，就入咗去食啦。見到佢有晚市套餐，一個價錢就包三樣嘢，都幾抵食喎。叫咗燒味雙拼，燒汁野菌牛柳粒，金銀蛋浸菜苗，加埋都係$260 ，不過呢度要收茶錢，前菜，仲有12%服務費。加加埋埋就三百幾蚊啦。食物方面，質素都唔錯，最重要係上菜快，可以快啲食完野再去血拼。

今日又要入東涌一轉，就諗住不如大家一齊去飲茶，就經過見到有間聯邦就入咗去試。到去唔使等太耐就有位，但係侍應好耐都未比茶我哋，要搵左幾個侍應先至可以嚟到。之後我哋就叫咗少少點心，同埋一個炒河，就諗住大家一齊食。茶來到時茶味不多，可能茶葉不足，要叫待應再加，等左一陣點心才來到，整體食品嘅質素偏差，首先就係乾炒牛河，感覺上佢唔係偏凍，而且牛肉冇乜牛肉味，牛肉嘅份量亦都唔算多。之後再嗌左三個點心，燒賣感覺上冇乜豬肉嘅口感，而且蝦都唔算好新鮮。山竹牛肉，感覺上牛肉梳打粉整左好耐，所以口感同埋味道都係比較差。鮮竹卷，可能腐皮比較油身，所以整體都覺得點心偏油，而且入邊嘅材料唔算好多最後豆腐花甜品分量唔算十分多基評分: *味道(基基)**外貌*(基基基)*抵食(基基)**服務(基基基)*最後基言:價錢上來說，真的有點貴，覺得以這個價錢可以有更多選擇。

今天行完東薈城，六點零鐘去食晚飯，就近去咗呢間聯邦皇宮，可能時間尚早，不用等位，三個人坐張五人枱，其間服務員招呼幾好，有笑容，這裡地方寛濶，樓上還有一層，枱與枱之間不會覺得擠迫。點了四個小菜；粟米班塊/脆皮燒腩仔/海味一品煲/西芹腰果蝦仁，送下啤酒。栗米班塊 ok 好食，有魚鮮味脆皮燒腩仔、都得，皮脆肉滑而且份量算多。海味一品煲，麻麻，蝦同魚肉都冇乜鮮味，唔得。西芹腰果炒蝦仁，外觀靚，但蝦仁唔得，冇鮮味，急凍嘢。另外D腰果唔香脆，稔咗！送甜品，有紅豆沙，綠豆沙選擇。呢碗糖水唔錯，唔太甜，啱食！

初三【赤口】拜完大佛行吓逛吓咁就一日！出到東涌都晚黑8點左右，呀仔要返呀爺屋企食飯，我地得返7大1小，大家都諗住食埋晚飯就各自歸家，亦唔想再行，我揀左聯邦食飯，一黎近，二黎因爲多年前我都響某間聯邦做過短時間，知道（相信）佢地食物品質唔太差！今日我早午餐兩餐都唔愉快，斷估唔會接二連三掛！如果係的話，以後初三我絕唔出街！幸好～呢餐晚餐挽救番我對食既心情！過年出街食飯都一定要等位，都等左20分鐘左右，響門外等候期間我都醒目啦！拿拿林睇定晒菜單，已經點晒菜填晒號碼，一入枱就即時落單，呢餐點左六個菜，上菜時間都算快，當8:20pm入座，我9:20pm埋單，都只係食左1個鐘頭，可能亦都因為大家都已經好攰，想快啲食完返屋企瞓教休息吧⋯⋯同屋企人呢餐開年晚飯，係今日最好既一餐⋯⋯⋯媽呀！我仲有好多篇飯後報告未寫呀！不過都係隨心吧！有時間就寫，記得就寫⋯⋯🤪好多人話【開飯喇】好多打手做枚！人地既野我唔知道亦唔理會，我只係記低寫低自己食過既每一間每一餐！好就讚！唔好就門+小

喺度飲下午茶都幾relax，樓底高，天然採光，可以沐浴喺陽光下歎茶。【瑤柱貴妃雞湯瀨粉$36】貴妃雞非常高質，肉質嫩滑鮮雞味濃，仲要件數多，每件都多肉。$36嚟講性價比認真高。【鳯凰煎年糕（中）】年糕炒蛋，年糕煎得一啲都唔香口，感覺好似只係整熱佢咁，蛋漿亦冇好均勻地鋪滿年糕，好似hea整咁。【芋絲炸春卷（中）】只係微溫，好在仲係皮脆，入面餡料足，真係有香芋味。【南翔小籠包（中）】差，皮厚，零湯汁，穿咗皮都冇肉汁滴出。最多只可以叫肉餃，根本唔係小籠包嚟。【必食人氣流沙包（中）】真係有流心，奶王漿夠多，不錯。整體食物水準參差。

Family day 想飲茶，東涌選擇唔多，聯邦係最好食同多野揀。所以嚟到都要等一陣先有位😂唔緊要啦~~要等下位先有飲茶feel ga ma 😂叉燒蒸腸粉皮薄餡靚喔蒜蓉炸春卷好味道~~咖喱魷魚少辣惹味！有蓮藕做配菜必食流沙包入面係奶皇餡流心狀，好滋味，小朋友一定好愛佢鳳爪份量少左d喔，又係蓮藕做配菜，我鐘意豆卜蘿白or薯仔多d姐😂豬手多皮小肉，味道OK 綿花雞倆大舊綿花😍😍😍雞超滑北菇螺片炒麵麵超級脆身，吸哂醬汁既味好好食🙌螺片同冬菇份量不少喔

服務質素非常差。服務現在差了還不道歉！以後不會再來！！！明明在11:30之前落單轉過頭服務員話已過是他們用自己餐廳的時間作準硬要把餐桌上的上午唔得咪菜單的菜單交換午飯時間菜單。這做法非常差！如果時間過了，為什麼他們不换菜單？顧客手錶的時間還在11點半前，他們卻以他們的餐廳時間為準，責任是在他們身上，過了時間為什麼他們不更新桌上菜單？

心情不佳的週日下午，無聊的八號風球過後，午飯沒吃，肚子餓了，要吃點東西，反正，事情發生了，要內疚要肉痛也改變不來已發生的事情。往茗茶，叫些點心，週日的下午茶時段，價錢只比正常時段稍平。叫了壽眉，聯邦的茶，就只是得個苦字。點心，吃了叉燒包、燒賣、牛肉和牛肉腸，全都一般水準，一如以往沒有驚喜。吃不飽，再來一個炒粉麵類，「滑蛋蝦仁帶子炒河」，滑蛋掛上河粉，使河粉也滑溜起來，帶子只四隻，但做到八分熟，鮮甜，不錯吃，蝦仁爽口彈牙，只欠了點蝦味，但整體上，這碟炒河有意思！為黎生的心情調好了一點。

去完昂坪露營🏕， 出到嚟東薈城， 搵間酒樓食個晏先。 我哋一行六人，大概兩點鐘去到，唔洗等位喎。 裡面裝修幾靚 ，入到去兩邊係卡位，每枱可以坐到六個人， 跟住轉入去， 樓底好高! 仲掛咗好靚嘅燈， 落地大玻璃， 環境真係唔錯 但.......好可惜， 可能呢幾日真係太熱喇， 成三十幾度， 就算落埋窗簾， 都係勁熱， 要不停用餐牌撥涼六個人嗌咗七碟點心， 一個蒸飯。 最特別係個粗糧燕麥糕， 喺出面未食過， 煙煙靭靭。 其他點心都有水準。個鮮荷葉籠仔蒸飯，揀咗鳳爪排骨，(我地尋晚露營先蒸完土魷肉餅，唔揀了) 好多餸，佢唔似一般荷葉飯上枱嗰陣時要打開啲荷葉，佢嘅荷葉只係鋪喺底 ，或者係咁樣 ，唔係幾覺有荷葉味。 我留意到點心紙註明要加12 %服務費喎

中午一點九入座，开茶，喝一口，畫點心。然后伙記話過了兩㸃鍾，現在下午茶時間，有幾張點心紙不能點；但是你們兩點前入座也不能點下午茶。我頂！有什麼可以點？佢話你可以點正常那些或菜牌上的。我入座時又唔講，激死！

暑假去貝澳宿營前，先去東涌飲茶，去到要等15分鐘先有位！比咁長方形枱，比較迫（我哋3大3小）地方光猛乾淨！落單食物好快到！原隻鮮蝦腸：長方形碟，實際只得兩條！腸粉滑，蝦爽口！甜豉油好味！水晶鮮蝦餃：蝦肉爽口，外皮煙韌彈牙！好味潮州蒸粉果：外面煙韌，沙葛粒爽口！好味！旺菜牛肉球：牛肉滑，馬蹄爽口，喼汁提味！好味！安蝦鹹水角：外皮先脆再煙韌，餡料唔多，鹹香幾好味！香煎滑腸粉：腸粉彈牙幾滑，不過味道就唔夠鹹！豉油王唔夠味！椒鹽脆皮魷魚鬚：脆卜卜，魷魚彈牙有咬口，唔使點喼汁都夠味！應該係炸漿夠味！海蜇拌燻蹄：海蜇有咬口彈牙！微鹹好味！燻蹄比較硬！田園涼瓜海獅餃：我唔食涼瓜！家姐食！必食人氣流沙包：餡料好少，流心唔流！雖然包鬆軟，奶黃味道又唔錯！豉汁蒸鳳爪：顏色賣相唔錯，可惜完全無味道！難食！酸菜（2份）（$10）只係雜錦花生，而且只比一碟但收兩份錢！茶位（$10個）茶夠熱！店員爽手，闊嘢加收碟都好爽！食物唔算樣樣好味！