聯邦皇宮

营业中

休息中

母親節到聯邦食晚飯，book咗8點15分，點咗四個餸，其中一條多寶魚差唔多20分鐘先到，黎齊餸都已經差唔多8點45分，點知食飯食到一半，大約9點15分，幾個侍應已經喺隔離係咁望住我哋啲碟，一食完就即刻收，去到大約9點25分，開始熄燈熄冷氣，我哋嗰時仲有少少餸準備清埋佢，但佢哋嘅態度好似已經趕緊客，拿拿林食埋9點半準時走人。臨走時問佢係咪收9點半，佢哋竟然答我唔係，只不過啲客人自己走，即刻火都嚟埋，呢啲唔係叫客人自己走，而係你哋趕客囉好唔好？！呢間嘢啲夥計簡直同老闆倒米，咁樣趕客法仲想人哋下次去幫襯？！我都知你哋唔憂做，但麻煩保持返最基本嘅服務態度先！

：有無甜品或糖水嗰啲送呀？：甜品就無，糖水就有（侍應行開後）：又幾好喎呢間，好過以前去熊貓酒店嗰間酒樓要另外叫，幾十蚊得唔知兩粒定三粒湯丸🙄***食完個餐後***：唔該可以上糖水：咩糖水？：話有糖水送嘛：無架喎我哋…：吓？頭先個人話有，講得好清楚架喎，我問佢有無甜品或糖水送，佢話甜品就無，糖水就有！：無，我做咗幾年，呢度從來無糖水送！：我唔理幾多年啦，係頭先嗰個侍應話有得送！最後當然係無啦，搵笨嘅！

生日快樂😀家人聚會，屯門湖翠路啟豐園「聯邦皇宮酒樓」享受晚餐😊 時間尚早，客人不多，酒樓環境闊落，坐得舒服菠蘿生炒骨 $88青椒 菠蘿 酸酸甜甜，醒神開胃骨香脆可口北菇紅燒豆腐 $80菜心、厚身菇，啖啖肉 .. 嫩滑豆腐豉油皇煎蝦 $88噢！冇味，可能廚師👨‍🍳忘記放豉油😀美國桶蠔 $178選擇 薑蔥焗，香噴噴、鮮嫩 惹味好吃😋最後 ： 甜品 🤗香芒布甸 $25加啲花奶，😋味道唔錯碰巧臨近父親節，免費送 小小壽包兩個 👏

疫情下去飲茶食点心；無論係午市；下午茶，乜点心都話冇！咁營業嚟做乜？ 叫人飲水飽咩？ 要競爭就要做好啲；做多啲優惠；款式要有得揀先得架！ 唔係叫人入咗嚟先知冇嘢食就係貨不對辦啦！

天氣暖暖的星期六 ，出去走動 行路，曬太陽，當做運動吧，邊行邊看看周圍的人、風景、、，到了碼頭，找個地方坐坐 下午茶😀聯邦皇宮酒樓，環境寬敞舒適，客人不多，坐得舒服飲杯中國茶，食個飽、點心、、山竹牛肉球，特別鍾意食塊腐皮叉燒飽，欠汁太多，偏甜，嗰飽細細個原籠馬拉糕，大大個，軟綿綿，夠飽家鄕煎薄撐，嘩！薄薄 好大塊，金黃色 煎得香，脆邊，食咗三塊，滿足😋叉燒瀨粉，瘦瘦叉燒，味道不錯，菜心，滑滑瀬粉Ok 吃飽啦，坐車回家

好耐無飲過茶啦！難得今日放假，同奶奶去飲個下午茶☕️之前去開明星，因為近屋企多d但真係唔好食....今日放假，就行下啦，去聯邦飲咸水角又凍又厚皮，難食薄餅就即煎，都香口， 岩晒小朋友其他蒸既點心都好味😋好耐無食過蒸蘿蔔糕，竟然呢度有熱辣辣，好好食叉燒包足料好味其他點心不過不失，整體好食過明星酒樓既

餐廳：聯邦皇宮 (屯門)地區：屯門地址：屯門湖翠路138號啟豐園1樓87號舖日期：26/9/2020 時間：11:00人數：3人等位：30 mins 價錢：$225今日朝早同屋企人去左間以前成日去嘅聯邦到飲茶，叫咗老豆先去攞位，等咗大約30分鐘先有位。我哋有啲肚餓，所以叫4碟點心+1碟飯，有沙律明蝦角、蓮蓉包、糯米雞、煎薄撐，4樣嘢食都中規中矩，正常普通茶樓水準，飯就嗌咗碟福建炒飯，非常難食，啲汁稀到無乜味，飯又唔香同有少少爛，非常之唔推薦，下次都係叫多碟點心食就算。3個人連茶錢總共食咗大約$225，因為叫咗碟飯所以價錢貴啲。不過碟飯實在太唔好食，所以覺得唔太抵食。

近一兩個月不斷有酒樓暫停營業及結業的消息飲茶選擇越來越小大量飲食從業員失業及放無薪假希望這情況快點好轉吧講返食評,今次去了聯邦飲茶坐檯位置寬敞不會感覺密密麻麻點心方面不過不失臘腸飽都幾好味,最重要似係即整即蒸不只是加熱腐皮卷的蝦仁不算大隻但煎得尚算脆口然後叫了個優惠孖寶一碟海皇炒飯加一碟炒什菜炒飯份量都幾大,不過材料少了點,味道淡了點什菜OK的下次再試其他

第1次酒樓晚餐任食小菜，任食價錢2款選擇，一個比高級每人有佛跳牆，龍蝦但覺得不值，價錢昂貴，我們選了普通的任食。我們看完餐牌食物很適合，於是機不可失，就進入一試.經理都很細心介紹菜式，亦清楚不能浪費，我們完全同意。第1轉我在紙上選了幾款香煎殼飼牛柳豬腳薑片皮鴨鮑汁鳳瓜南乳豬手花彫醉海蝦豉油皇煎海蝦椒鹽海蝦脆皮妙齡乳鴿一口燒腩仔金銀蛋時菜鹽灼毛豆臘腸卷芒果布甸經理應該被我們2人食量嚇一嚇，幫我落單後回來，說怕我們吃不完，建議主菜臘腸卷，等食完小菜才落單，甜品都吃完咸先點，感覺都有道理，所以同意。片皮鴨是必食的，雖然不是原隻面前片，不過水準可以接受，有6片應該按人頭吧， 有青瓜，京蔥，熱辣辣薄餅，自己包。 片皮鴨都飽肚，所以不能吃太多。豬腳薑老婆吃的，她很喜歡。殼飼牛柳我的，入口嫩綿綿，有牛味。醉海蝦比豉油皇椒鹽好吃，每款3隻好奇怪數目。追加醉海蝦1次。 醉海蝦主要食到蝦的鮮甜味道而且彈牙南乳豬手 沒有貨鮑汁鳳爪 沒有貨連續2次打擊有點失望不開心當脆皮妙齡乳鴿 出現就非常滿意，堅即叫即炸，皮脆肉嫩有汁，嘩！ 驚喜一口脆皮燒腩都很出色，4件太少所以再追加1次金銀蛋時菜都很有水準最後當然要吃臘

親戚已經七十多歳，跟他們慶祝一番開左2圍，叫左圍餸再+薑蔥焗本灣肉蟹好耐無食過脆皮乳豬，吾太肥，有點肉地薑蔥焗本灣肉蟹，鍾意食蟹既我岩曬，啖啖肉仲有膏，😍😍清蒸沙巴金花班，蒸得岩岩好，魚肉好滑.又唔會有魚腥味蛋黃大蟠桃...簡直是成晚晚焦點，一出個個都嘩....嘩....嘩....聲，因為跟我的手差不多大，入面仲有大半隻蛋黃

出去小食亭叫三式煎糕，煎野個位阿嬸叫我轉頭再黎拎，咁我10分中再出去，佢仲係繼續煎緊薄餐，一個接一個咁煎，完全視我如無物，我再問佢其實有定無?煎定唔煎?，佢話煎糕要洗個pan, 佢又係咁繼續煎佢既薄餐，之後我返入位，同個所謂經理講，諗住佢會幫到我，最後佢同我講，煎糕係要去小食亭order..証明個經理係容許個煎野阿嬸視客人如無物，服務九流

今日係公眾假期，一家人難得齊人，所以就齊齊去飲茶。我地一行五人，叫左10個點心加一個炒飯。可能因為今日人多既關係，食物質素好似比之前差dd。先有叉燒腸同蝦米腸，d腸粉好黏同埋散，不過味道還好既。仲叫左蘿蔔糕，本身諗住係煎既，點知係蒸既，不過食落都幾好食，清清地。另有兩款包，都正正常常不過不失。有蒸排骨，份量比較少，d排骨有d肥。山竹牛肉都好食。咖喱土魷冇咩特別。仲有煎堆同埋小籠包，不過我冇食 XD最後有楊州炒飯，呢個一般，d飯都黏黏地，亦冇咩穫氣，但感覺健康唔油膩，份量好多下！ 五個人食左四百蚊，唔太平，但又唔叫好貴既，始終係假日，價錢質素都會有d唔同。

今日難得放假，所以就陪阿媽嚟咗呢度飲茶，但真係非常之失望😐😐😐😐😐環境：會入嚟呢間茶樓飲茶最主要都係俾佢嘅環境吸引住，呢度嘅裝修好高級，而且錯落都好舒服。樓底高枱與枱之間亦都唔迫，感覺上好舒適食物：但係呢度嘅食物絕對係一大嘅敗筆！😐😐😐我哋今日叫咗三個點心，而且亦都係好基本茶樓嘅點心！蝦餃鳳爪同埋流沙奶黃包。呢度嘅蝦餃睇起上嚟確實地係好大粒，可惜佢嘅皮實在太厚，而且入面嘅蝦肉係完全冇味，唔單止冇鮮味連最基本嘅味道都冇😐😐呢度嘅鳳爪味道上合格，但係佢啲汁實在太杰身，感覺上嗰醬汁就好似漿糊咁樣🤮🤮🤮🤮🤮而且鳳爪亦都唔算好淋！！！最後佢嘅流沙奶黃包簡直係我食過人生中最難食嘅奶皇包🤮🤮🤮🤮🤮🤮🤮佢個奶皇包入面嘅流沙，一食就知道係假嘅味道，唔單止甜味假，仲會帶點好似平時食緊假朱古力嘅甜味，實在太失望！

平時常常同都是去另一個商場的酒樓，見這間比較少去就過來試試，去到等了一會就入得去，坐位比較迫左少少但都可以接受，我叫了一個普洱但茶底真係差少少，似茶根感覺，而食物方面我地叫左四個點心，價錢都合理，等了約十分鐘食物開始來到，首先來的是薄餐餅，沒想到竟然是凍，只可講食落去口感不錯。熱食的雞卷的腸粉皮堅厚身而入面的材料味道偏淡冇咩味，幸好還有一些豉油味道。我最喜愛的千層糕不是每間都有，好開心這裡有得食當然叫返一個啦，好開心沒有失望，味道甜了少少但都可接受，食落去每層都足料幾好味。因為我地只得二人到有點心併盤都不錯，蝦餃，粉果。

適逢父親大人六十大壽，特登揀左近近地既酒樓擺翻一圍等老人家開心下，預訂時經理好詳細同細心為我地設計好餐單，每一道菜都度身訂造有別於一般生日飯，我地食左個蛋糕先開席。侍應踴躍幫忙分蛋糕，但一個好靚既壽包蛋糕比佢分到好核突，十舊乜乜咁，都幾嬲，仲瀨我地個蛋糕溶哂。大佬十幾度天氣生果蛋糕溶乜鬼。之後上菜每一道菜其實都好食，特別係龍蝦伊麵，但經理為我地預留既新鮮運到生猛龍蝦同加底伊麵，個個都嗌正。仲有最後特大壽包，兩個人先食到一個。整體食物係高分，係侍應奇怪，叫佢轉電視台佢教翻我地去摸電視啲制。我地自己傾計又撘咀呻平時遇到既西客，總之得啖笑，唔係態度差既，係行為古怪。