聰嫂私房甜品 (已結業)

很久沒有吃聰嫂，以往都是在銅鑼灣買外賣的！今次就方便一些去灣仔店買了椰汁芋頭西米露  &  椰汁涼粉西米露外賣。哇，一向係聰嫂椰汁芋頭西米露嘅fans...今次真係失望到極點，以往香濃入口即溶嘅啖啖芋頭，而家變了水汪汪的椰汁芋頭得幾粒。之前的半芋頭溶已經不復再而我老公點嘅椰汁涼粉西米露，原本想加龍眼（因為見佢有龍眼冰）佢竟然加錢都唔比加....咁算，但我老公話啲涼粉苦嘅....我地兩碗野都食淨大半，我相信我唔會再泥，應該執都唔奇！

今日下午無無聊聊既時候突然想食甜品、同事都贊成，所以即刻睇ubereats有冇中式糖水賣。好彩搵到間聰嫂，好過冇啦，否則可能又要叫珍珠奶茶之類既hea嘢。我地3個人叫左3個甜品再加一個芒果班戟，唔夠30分鐘就到啦，確實快過網上外賣平台好多既。抵👍🏼讚我叫左杏仁蛋白茶、質素👌🏽，唔太甜，最鍾意佢夠多蛋白，冇話稀lau lau咁我同事叫左龍眼雪梨、都係非常滋潤既。唔錯。另外同事叫左佢次次都必點既椰汁芋頭西米露，佢都話水準keep到反而最令我地意想不到既係個芒果班戟，正到呢！個芒果超級甜、成舊芒果絕冇欺場！塊皮又薄但又冇漏左d cream出黎，又冇話芒果出水搞到快皮濕左既情況，總言而之就係非常正啦！真係好味過o係西貢食滿x呀！

一細碗外賣龍眼冰$46！？嗌左先知價錢，唔好意思唔要，極度無奈。無一個同事估到要成$46蚊，最多咪價$30，$35？！個個都笑話俾人尹笨！！雖然味道正常，但憑乜收人$46？！不如買思樂冰？一次貴過一次，名過其實隔離起幾棟所謂豪宅，就搞到食碗糖水都咁貴，想逼死人？$46，成本洗唔洗$5？！以後唔會再幫襯

講到甜品又點可以唔睇聰嫂呢？銅鑼灣嗰間分店嘅人流，好多通常都要排好耐隊先可以入到左。但係灣仔呢間就唔使排咁耐，通常一去到就可以直入。我地到訪當日點嘅係蜜瓜冰、芒果冰、龍眼冰、同埋士多啤梨冰。蜜瓜冰係咁多種冰入面最清爽，龍眼冰就有龍眼肉同小爆珠，好清爽同埋好Fresh，夏天食就啱曬。我哋一行四人就share左四個冰黎食，但係份量都好似冇以前咁多，同埋我哋果次食嘅時候嗰時時令唔係好啱，啲水果未夠新鮮，所以有少少失望，希望可以keep到個水準啦!

復活節假期午餐後想吃甜品，想起這店，專門慕名而來，在短短的大王東街由頭到尾走一遍都看不見，終於在Openrice找出門牌才發現隱藏在另一食店旁。點了餐牌上自命為皇牌之一的楊枝甘露，賣相和材料都不過不失，稍為過甜，沒有驚喜，可是吃到一半，裡面有一小片透明膠紙，可能是某種材料的包裝脫落部分，沒有和店方交涉，付款離開，撇除有加料膠紙不談，味道和甜度都不值$45，也不知用什麼糖調味，之後一段時間口腔都不舒服，同樣感覺只會出現在吃過極重味精之後，未試過吃完糖水會如此，總之是失望，名過其實

之前同男朋友行街街，為左補償之前元宵冇一齊過，決定夜晚一齊去食甜品補返~ 咁咁附近有聰嫂甜品，於是就黎左了。嗰陣九點左右，有好多人等緊位，等左大概二十分鐘先有位坐。我就第一次食聰嫂，男朋友就食過幾次，佢推介話呢度d龍眼冰好食。於是，佢就叫左個龍眼椰果冰($45)，我就叫左個龍眼豆腐花($36)加西米。我嗰個其實唔係好似豆腐花，不過佢真係有粒粒龍眼肉好足料，所以都幾好食，價錢就ok la，都值得去試的。

应该算是光顾最多的一家甜品店了，但原因不是对他家多满意，觉得多好吃，纯粹只是离得近。这家店开业应该有两年多了，地处湾仔大王东街，离湾仔著名地标the pawn不远，门面有点小，不注意看的话很容易错过。他们家主打的中式糖水吃的比较多的杨枝甘露，芒果，草莓西米露等都还可以吧，感觉他们家冷饮总体上来讲比热饮味道好。来香港如果想吃中式糖水，在他家打卡一下还是挺好的选择。周末晚上可能会排队。最后要吐槽一下服务，真心太差了，偌大一个店服务员不多而且都不太理人的，一个个懒懒散散，估计推行的是苦瓜脸服务吧。

Ordered 杏仁茶燉蛋白 for afternoon tea. When I received the delivery, it was still quite warm! The almond tea was very smooth without any solids while there was quite a lot of egg white! It was not overly sweet either. Yummy ! 

一行四人食飽飯去食糖水上一上 OpenRice 先知原來灣仔區都有分店以前淨係去開銅鑼灣以為灣仔區人少啲，原來都好多人喎！龍眼椰果冰 ($45)一向係我第一選擇！質素無變，都係咁好食啲冰充滿住淡淡嘅龍眼味其中一位朋友第一次食，都讚好味椰汁芒果西米露 ($32)好多椰汁，亦有不少果肉無特別大驚喜，勝在穩陣，一定唔會伏薑汁鮮奶燉蛋白 ($35)依個一上枱真係嚇一跳，發現好似水咁稀但原來上面係薑汁奶不過老實講，雖然食落唔錯，但比例真係嚇親薑汁奶 : 蛋白 係 1:1 嘅比例如果多返少少蛋白就好啲

聰嫂已經同便利店一樣，開到總有一間喺你附近😂 銅鑼灣果間就去得多，而且次次去都排哂長龍。今晚去灣仔利東街食野，先無意中發現灣仔都有聰嫂分店，重點係唔洗排隊！！！叫左一碗芝麻碗同一碗生磨合桃露，兩碗都夠哂香濃，份量亦好足夠，喺凍冰冰既天氣食完碗熱辣辣既中式糖水，個人都霎時踏實左👏🏻👍🏻 喺呢個食碗糖水閒閒地都三十幾四十蚊起跳既香港，聰嫂仲收緊每碗$24呢個價錢，難怪咁多人幫襯，係抵佢越開越多既！

今日一行四人黎到灣仔，食完晚飯行左陣又口淡淡想食下野，一於就黎聞名不如見面既聰嫂，睇下係未好似大家咁講咁好食啦！由於黎到時間尚早，大概8點多啲，雖然都係滿座，但都好快有位！龍眼椰果冰：無得頂，好好味，味道好清新，唔止好重龍眼味，係直情有龍眼肉，好好咬口，正芒果奶昔雙皮奶： 芒沖果清甜，雙皮奶亦都好滑口，兩樣配搭一齊又幾match！平時好少食奶類製品既我試左一啖都覺得幾好！蜜瓜椰果冰： 龍眼冰以外既另一選擇，蜜瓜清甜，加埋啲冰，食完係開心同滿足既

天氣開始又有少少凍，今晚係灣仔食完晚飯後，去左附近的聰嫂食碗甜品暖暖胃。等了差不多十五分鐘，終於有位啦！見到有張promotion餐牌，又有鍾意既糖水，於是好快就決定叫咩！杏仁茶燉蛋白 ᴴᴷ$34同平時食開有點不同，這裏的蛋白是先燉好，然後上面放上燙滾的杏仁茶。杏仁味很香，蛋白尤其順滑，味道不俗！👍🏻👍🏻薑湯湯丸（芝麻口味）兩碗甜品加ᴴᴷ$10升級芝麻味濃，不過並不突出，薑湯不錯，入口薑味微辛帶甜，吞下立刻感到暖笠笠，可以驅寒！😋😋

晚上11:40去到，嗰個好似老板喺度數緊錢，我同佢講話唔該想買外賣，佢粒聲唔出行埋去收銀度用個背脊得住我。咁我就同佢講想要一碗番薯糖水。佢話冇晒熱野，我話唔係12點先閂門咩，佢話11點半熱野就截單，態度非常惡劣。咁我唯有走啦，佢又冇牌寫明11點半就冇熱野，你估我係神仙會預知咩

聰嫂，每次朋友一聽就話「唔去，費事排隊」但其實灣仔呢間係少d人，仲要係中午時間，今日就同家人食個飯後甜品。由於病病地，所以食個熱椰汁芋頭西米露，無乜特別，當然，我期望係有芋蓉⋯但係無囉家人點了榴連冰及生果涼粉，生果涼粉大大碗都係$48，都有唔少生果，而且都新鮮及清甜。由於我唔食榴連，所以評價唔到喇

同完一班老友記係灣仔傾偈食飯，但大家都意猶未盡，呢個moment梗係食番個糖水再聚多陣先啦。但係由於時間有d夜，好多店舖都收左。一直行到大王東街，見到有勁多人排隊，原來係聰嫂星級甜品呀。以前係銅鑼灣就有食過，勁懷念佢個龍眼椰果冰，但未試過係灣仔食，所以決定同frd等位食。間舖個scale同銅鑼灣個間差唔多，但因為我地有6個人，要等大枱，所以都等左差唔多20分鐘先有位。 咁係等位既時候，個侍應俾左個menu我地睇,睇完之後樣樣都想食。不過經過一輪掙扎之後，大家就決定叫龍眼椰果冰(x3)，芒果椰果冰(x2)同埋芒果奶昔雙皮奶。龍眼冰率先登場， 龍眼肉滿滿地融入係d冰，一放入口即溶，味道略帶微甜，有種清新既感覺。再加上椰果西米，成個甜品真係筆墨都難以形容，難怪佢係聰嫂甜品既signature dish。 芒果椰果冰都不比龍眼冰遜色。芒果又香又甜，口感都係入口即溶，但唔同既就係濃濃郁郁既芒果味係個口裏面不斷迴轉。至於個芒果奶昔雙皮奶，個口感又香又滑，奶味比較濃，個感覺好新鮮。