聰嫂‧原素 (已搬遷) 新店位置

兩年幾前食過幾次lunch，覺得幾好味，今晚同老婆經過突然醒起呢間嘢，即刻走入去。點菜時職員講解菜式講得有啲唔清唔楚，之後推介我地今晚有咩燉湯(燉湯48元)，我地嗌完兩款小菜加兩盅燉湯之後，再發現餐牌上寫住嗌小菜送嘢飲或者例湯，我再問職員係咪有飲品送，佢話依家得例湯送，嘢飲要加錢，我同佢講咁個餐牌係咪有問題，佢答我「個餐牌未改」，我O咗咀，之後我係佢面前影低個餐牌，擺到明會投訴寫佢，聽到另一個職員講「由得佢影」…呢啲態度，真係祝君好運🤬

一個含有卡通片名稱的標題，就已經出賣了版主大約的年齡🤣，「六神合體」嘛，現時2X歲或以下的讀者，應該不知道是甚麼來的。當然，貼文中的「六神合體」，並不是指機械人也來撐聰嫂，機械人是不吃素也不吃肉的嘛🤭。所謂「六神合體」，是指6位為食的食神👫👭👭，合埋一圍，一齊去剛重開的聰嫂原素支持💪一下啫。以下是當晚我們品嚐的其中一些食品1️⃣炸物系列 🥳椒鹽脆茄子一塊又一塊互相「依偎」着的茄子🍆，乍看之下都有些似厚薯片的🤣。不過佢地比薯片更吸引，因為薯片的賣點係「脆」，而這菜式是「外脆內軟」，多一重享受😋。🥳素蠔仔餅「少食多滋味，多吃壞肚皮」的食品。如果只是一個人光顧，除非自問食力是天賦異稟，胃量有如無底黑洞🕳，否則請不要「單挑」蠔餅🙊。版主之前就是試過，起初吃着很美味，到最後卻是吃得肚子也撐了，所以都是和朋友一起吃較好。今次6位朋友一起分享蠔餅，感覺剛剛好💕，不會吃不消，一人一片，感覺有些似在吃着「中式pizza」🍕。蠔餅口感甚脆，素蠔仔亦頗彈牙，是值得和朋友們一起「蠔食」的推介。🥳黑椒蜜汁叉燒可選黑椒或欖角，今次選了黑椒，黑椒味道不算很突出，但叉燒總體來說焦香脆口，值得「炸物控」朋友來品嚐。2️⃣黑松露

今天和朋友到了這間餐廳食個午餐：一咖喱薯仔素牛腩飯 - 咖喱味做得恰到好處芝士白汁西蘭花素蝦丸焗飯 - 西蘭花好新鮮，素蝦丸好有特色魚香茄子素肉飯 - 魚香味好濃，茄子好新鮮豉椒三菇炒河 - 有冬菇、香菇和雞髀菇，豉椒汁就得好有豉椒味星洲炒米 - 顏色做得好靚，不過唔夠辣。因為衛生問題，所有飲品用紙包代替。整體食物都做得唔錯，下次會再來。

今天辦完工作吃午飯，想起吃素便到好一段時間没有去的聰嫂原素。點了午市套餐，乾炒素三絲烏冬配熱檸檬水。乾炒三絲烏冬炒得夠火候。原本餐牌上寫的烏冬卻來了似油面般的麵條，吃落也可以故也沒有揚聲更換。三絲有芽菜、芹菜絲、紅蘿蔔絲再加有素火腿絲，素火腿軟滑有點像魚蛋條。配菜份量足，和麺一起吃整體味道適中，口感亦不錯。熱檸檬水，檸檬有數片故不會没有檸味，可助消除炒麵的油膩。這個套餐$47，不用加一。今天吃得滿意。

這間素食一開店之初已經來吃過，之後有時侯想吃素食都會想起這間，因為這間的素食無論色香味都非常的不錯很多菜式也試過，這次便吃了店裡新推出的菜式：龍筋木耳萵筍炒蓮藕、七層塔，另加一個雪裡紅豆腐，一如既往，味道和口感特別好，個人也十分喜歡吃爽口的食物。通常跟朋友一起來吃，我都會特別說明叫小菜是會送一碗湯的，湯真材實料，沒有味精，飲完都不會口渴店裏的侍應也很好禮貌，服務態度不錯，有時不知道食什麼都可以問問。

今日下午茶在北角這家素食店吃，點了下午茶餐豉椒牛肉炒河配檸檬水$42。食客不太多，堂食的食客可以聽到廚房傳出的火爐及炒鑊聲，增加食慾。豉椒牛肉炒河，素牛肉切成一片片，這裡的素牛肉質感有異於以前在別的素食店曾吃過非常與牛肉相近的素牛肉，所以吃得稍覺失望。雖然紅青椒爽口清甜河粉新鮮，可惜豉汁芡則味道淡淡像忘記下鹽，亦未能夠帶出豆豉的香氣。若是打分就只是一般吧。檸檬水共有四片檸檬，有檸檬味道亦不用加糖。

咁岩行開去北角附近，喺大街度一路行一路睇下有咩好食。以前其實就唔會特登去食素，但見到呢間素食餐廳，好似有d印象唔記得喺電視定報紙雜誌見過，又咁岩係Green Monday，咁就一於唔食肉健康下。餐廳唔算大，所以座位就比逼少少。Menu上面既選擇都唔少，睇左一輪，雖然見隔離枱個炒烏冬都唔錯，但就想試下魚香茄子飯。個飯上到黎，真係完全睇唔出係素既魚香茄子飯。當然魚香茄子本身就唔係多肉既送，但面頭都會有肉碎同咸魚粒。呢張相俾朋友睇，個個都問碟飯有咩特別要影，之後話係素食佢地都話睇唔出。個飯上到枱熱辣辣，聞落都好香。一食，發覺佢竟然都有唔係素既魚香茄子既果種咸香味，確實幾神奇。茄子整得好食，肉碎既口感都唔錯，成個汁唔止色水似，味道都幾似平時既魚香茄子。所以，整體黎講都幾好食。我覺得呢間餐廳其中一個好既地方係佢既價錢同平時喺茶記食既碟頭飯差唔多，甚至仲平d。素食既價錢不嬲同材料冇太大既關係，就算佢唔落魚唔落肉，普遍都比唔係素食仲要貴。但呢個飯只係要四十幾蚊，仲有埋野飲，真係幾抵食。

經常吃素的朋友都知道，要吃素集中地就是銅鑼灣和北角，而北角可能因為粵劇中心，所以素食餐廳林立，但稍近一點鰂魚涌就想搵間都難。來到聰嫂，雖然已過茶餐時間，但晚餐都不貴，且會附上中湯，而湯也很足料，其湯料也好好吃，建議就別order白飯，因為小菜份量也很多，會吃剩的🤢。小炒很有鑊氣，竹筍蓮藕等材料也好新鮮，且少鹽，原本也怕太咸要送飯，但幸好齋食也沒問題不過反而是煲仔菜感覺抵d，豆腐扒也好有咬感，感覺像肉🤤

服務態度奇差員工黑口黑面唔想做生意就唔好做啦！！野食又咸又多味精炒烏冬好多油豬扒飯啲豬扒又乾又硬我黎消費仲要受你氣外賣盒仲要收2蚊傻的嗎？！請我都唔會再黎！！！

晚餐時間路過北角友人話帶我去食素，咁就去咗「聰嫂、原素」多多少少因爲甜品店的名氣。晚餐時間點了兩個小菜，小菜跟個例湯但白飯要$12碗，跟酒樓差不多價，不過個「合掌瓜黃豆湯」好濃好好飲😋「松露醬木耳毛茄炒淮山」松露醬好香，一放上檯就急不及待要大快朵頤，開頭幾口很美味但多吃幾口就覺得很咸，要多爬幾口飯才中和到味道，想減肥的我就唔係好想囉🙄接著就係「蘿白枝竹素羊腩冬菇煲」，蘿白很入味，但素羊肉好鞋口沒吃完，枝竹又唔夠淋，早知叫其他試試。總括來說有點失望，名過於實，也可能是我點錯食物，下次有機會再試試其他

早上十時匆匆在聰嫂原素外賣早餐，因湯粉等走着不太方便吃，最後要了一份素三文治早餐，選了番茄及素火腿白麵包和熱檸水，共$28。店內人不多，等了約十分鐘左右，三文治做好入袋。三文治麵包軟孰，所以不用焊底，最怕吃到又硬又實的方包三文治。番茄新鮮有水份微酸帶甜，素火腿一大片，咬落一絲絲的，好似咬哽肉絲般，味道則像午餐肉。整體來說素三文治有其賣點，不妨試試。

🍽 英式早餐 HK$50.素腸、紫薯餅、蘑菇、蕃茄、茄汁豆、沙律菜、炒蛋、多士。基本上都係AllDayBreakfast可以見到嘅材料，比較特別係素腸，口感真係幾似腸仔，但味道似珍寶腸。🤣 個人幾鐘意紫薯餅，紫薯甜甜地，可以balance反咁多嘅鹹食。.📌 供應時間: 11:30-5:30

朋友今晚忽然想食素清淡啲，於是我哋就去咗最多素食店嘅北角揾食。友人介绍，我哋嚟咗聰嫂食素啦，嚟到先知係間新派嘅素食館， 地方不大 ，座位有限 。友人話呢度啲小菜幾掂，睇餐牌，選擇唔算好多，見隔離枱一對男女叫咗個菠蘿咕嚕素肉，顏色好搶眼，問味道如何，個女話好好食，就叫咗呢個小菜一小菜送例湯，但另計，收12蚊一碗。湯水正，味道好我哋再叫碟黑松露醬野菌炒飯呢度食物夠份量，無加一，無茶錢，價錢都ok嘅，地点也容易揾，回家上網才知道有食家推薦芋頭魚，要下次嚟試試

每次想食素菜，都一定諗起聰嫂杏汁黃耳竹笙燉湯（$48）十足十杏仁茶，杏仁味好香，竹笙好爽口，非常滋潤姬松茸靈芝菇黃耳和燉湯（$48）明明沒有肉，但味道有點像肉湯，好味羅漢齋炒麵（$51）麵條炒得好香脆香煎芙蓉鮮竹（$68）以前這個是菜式有好多鮮竹、好香口，但今次卻比較多芽菜蘿蔔枝竹素羊腩冬菇煲（$63）味道不似羊腩煲，是清淡之選咖喱薯仔雜菜蛋飯（$61）每次必定order，煎薯仔好香口，咖喱汁配荷包蛋送飯一流

今日工作經過北角，又諗住食下素健康d。於是試下聰素這間素食快餐。原本他們的糖水舖很出名，我也是慕名而來的，試試他們的素食店。他們的午市套餐，通常都是＄5-60樓下，仲包一杯餐飲添。北角區午飯的價錢算係抵食。小妹試了他們的麻婆豆腐飯，看得出食物係有用心做，而且價錢亦十分合理。現在素食十分流行､有時食下素，身體比較健康｡如果晚上經開北角，我想下他們的晚餐。