聰嫂‧原素 (已搬遷) 新店位置

☝🏻其實我係想比四粒半星星先比大家睇張大合照先，之後我會續一去講。晚餐時間經常路過都見坐滿客人，一直都好想入去試試，有時星期六或日門口仲要排晒長龍，係香港做飲食唔容易，仲要係素食店真係難上難啊基本上有朋友試過話掂，我先大膽於約埋朋友一行8人去試下先！多啲人去就可以試更多唔同菜式我都係睇定Openrice 有咩推薦及食評先點菜，希望無伏。☝🏻菜式平均$60-70 需要白飯就另+$10同行7人都點中湯，清清地應該無落味精唔飲中湯朋友可以選擇檸茶、檸水、奶茶、咖啡類飲品，凍飲+$2☝🏻問下侍應姐姐有咩好推薦？佢推薦咗呢碟「椒鹽素鮮魷」大家見到個樣真係麻麻？加返啲椰菜伴下碟都好，不過味道真係唔錯，超級香口碟野好快被清！ ☝🏻「古法南乳齋煲」同行朋友一人點一餸，鐘意南乳嘅人會好鐘意，送白飯真係無得頂☝🏻「沙爺芥蘭炒素牛肉」我同行嘅朋友話素牛肉質感好正我就鐘意啲香脆芥蘭！（記得落單時必叫少油，可能炒嘅關係用油會較多）☝🏻呢個不得了！又靚又好食「沙拉奇妙豆腐」呢碟餸一上枱就哇哇聲「靚」外面香脆，裡面有軟豆腐！口感十足，配埋佢啲醬汁好想偷偷食多粒。☝🏻呢個係睇Openrice網友推薦「黑松露炒雜菌」真

今晚黎新光戲院睇大迷信3....因為要睇7點半嘅關係......所以未夠鍾...要搵地方食嘢....點知行行下見到有一間幾有特色嘅素食店.....一於走入去試一試先淨係睇個門面....都覺得呢間素食店幾有新意而且都算係新派不過好唔好味就要試過先知原來佢哋都有早餐....午餐同下午茶....而且價錢都好平而且仲好西式添適合好多鍾意素食嘅年輕朋友....我自己就叫咗個.....蘿蔔枝竹素羊腩冬菇煲望落去完全唔似齋佢哋個素羊腩真係好有質感冬菇亦都整得好爽口一個人食都係70元左右...都幾好味。

Lunch同同事黎食呢間之前食過一次 焗豬好酸 但同事話未食過唯有陪下佢之前有另外嘅同事覺得唔錯所以比多次機會佢入黎食多次啦諗住門口先睇下餐牌跟住先醒起門口冇餐牌不過都照入去架喇 大致上都知道幾錢一個餐門面冇餐牌係爭啲 都唔知有咩食咁即刻比大家參考下餐牌先啦都係啲素菜一黎到個白汁意粉賣相幾靚 仲有啲黑松露係面 個同事仲問黑色個啲咩黎啲汁比較稀 搞到好水咁意粉已經發漲 但個味ok嘅但個意米粉比較甜重甜味到我差唔多食完佢都未到咁滯要催佢好混亂咁呀佢地最後黎咗碟咁嘅嘢因為見到佢地一齊炒 同隔離遲過我地好多入黎乽大係黎碟咁嘅嘢份量少 賣相差同事食咗 話都有少少味咁但佢叫我比劣評啦唔駛諗所以冇計啦Lunch太混亂 質素唔掂

「聰嫂私房甜品」一向有名，說它是是港式甜品名店之一，絕對當之無愧。但原來，它已不止限於開甜品店，就連素食店也有，名為「聰嫂原素」，店址就在北角英皇道。這一天，又是個隨流飄蕩，任意東西的日子，來到北角，碰巧見到這間「聰嫂原素」，返它的素食早餐吸引之下，便入內幫襯。 店中有一款特別推介早餐，是「素魚柳黑松露炒蛋多士配沙律菜」（$33），看來是幾吸引的，於是我便在店中其他四款素食早餐和一款素食其六早餐以外，點來一試。 這早餐雖說特別，其實不太特別，與一般的茶餐廳早餐相比，無非是在炒蛋的基礎上加上黑松露和魚柳是素肉而已。素魚柳倒還是好的，口感相似，味道也適中，但炒蛋雖滑，黑松露卻下得太少，不夠慷慨，味道顯得太淡。至於多士與沙律菜，中規中矩的，就不用多提了。 值得提的則是奶茶，這天的沖得絕對不夠好，我覺得還大有改善空間。聰嫂的甜品雖然有名，不過素食可能還是新嘗試，水準與甜品相比可能還有一段距離呢！

約了朋友於北角食飯聚舊，入到呢間聰嫂.原素，剛開口想點個飲品，店員第一句回應：我哋唔係茶餐廳呀！ok fine，你成功地趕走我哋三個人了。六點正，坦白想請問，究竟係嫌我人少定係入去得太早呢定係叫飲品係唔可以？唯有祝呢間店在新一年行人止步，壽終正寢！可能小弟膚淺，以為素食店不會似出名嘅食店咁囂張，原來撻住個聰嫂朵就了不起！若真的那麼巴閉，請在店門貼上提示，該消費滿多少錢才可內進，或少於多少人數不招呼，等普羅大眾量力而為，唔好入去坐低先俾人趕咁無癮。

今日黎到聰嫂食素先平時見佢呢間野都幾多人門口都好多人等位呀今日LUNCH去到聰嫂食間野仲有好多位可能因為我地早到既關係我第一次去呢間野食齋黎到見到有大約9款左右既LUNCH SET既咁我呢就點咗個焗素豬扒飯既價錢都唔算貴既個焗飯要等佢焗都唔算等好耐咁就黎咗啦個賣相都幾靚呀好多芝士咁但食落真係好多芝士呀好膩呀 好滯呀因為佢落芝士好重手呀同埋個飯好酸應該係個番茄汁太酸啦又滯又酸咁好失望但朋友話佢之前食冇咁多芝士同埋冇咁酸但今次真係多芝士同埋真係好酸另外有位朋友食窩蛋素免治牛肉飯佢得一句評語好甜喎有餐茶一杯價錢中等既都係50蚊落到樓既但個焗飯係唔掂既

在記念性的特別日子...食素食的家人提出去素食餐廳，放工時間到了店內好多人，但感覺幾舒服...睇下餐牌先人數：5位地點：北角英皇道地舖環境：大自然氣息、光猛、位置舒適服務：屋企Feel食物：4碟餸菜、兩碟飯面、4客中湯中式燉湯（附送）足料又濃郁，好飲干煎虎皮尖椒竹粒 ＄62即炒即上即食，好好食，尖椒有驚喜，我食左好多沙拉奇妙豆腐 ＄65大大舊，炸得好香口，硬硬脆脆的，裡面豆腐滑到不得了，好多沙拉醬干炒素肉片河  ＄48沒有感到失望，炒得好干身，味道夠，份量足鬆化芋頭魚 ＄45唔會油油的，好好食，五個人分享差不多了黑松露醬野菌炒飯 ＄55為了填飽，點都要叫下飯落肚，好濃黑松露的味道松露醬木耳毛茄炒淮山 ＄68好豐富的全素小菜，木耳、毛茄、淮山，加點調下味整體黎講食物質素好好小炒類的味道會差不多，最好叫下特別煮法的小菜，或者叫飯面下次再光顧吧

今次唔叫 ALL DAY BREAKFAST，一於試下第二D款式，最後決定食呢個西多士碎蛋沙律餐。西多士碎蛋沙律 TEA SET：有四件四方花生醬西多士（配牛油及獨立未開封的金黃楓糖漿），同埋一杯子滿滿的碎蛋沙律，連餐飲盛惠＄３２。西多士內餡夠多，而且煎香得來有D "火農" 邊，正！要讚嘅係個碎蛋沙律撈得好好食，首先個醬唔太酸唔太膩，食材細細粒相互混和，一D都唔馬虎，食得出係用心造出來，唔似平時坊間食開果D！

看過今期温暖人間，報道一間素食店。點咗窩蛋免治素牛肉飯。加杯熱奶茶總價$42。本人唸佛後已有十多年沒有食牛肉。這碟窩蛋免治素牛肉飯，入口好清爽。個免治牛肉好重牛肉味。但原來是素牛肉。單看賣相，非常好看。將個窩蛋同個素牛肉混入白飯。非常好食。杯熱奶茶好香濃。入口清新。值此推介給素食人士。

久仰聰嫂大名已經好耐啦-由當年甜品發展到今日估係唔到既素食。記得當年，去銅鑼灣食聰嫂甜品，之後一班同學仔唔識路….但行行下巧遇「聰哥」本人、友善親切咁帶我地去鋪頭。今日終於有機會到聰嫂原素一試，雖然距離開業已經有一段時間，但心情依然期待~尤其當自然身為素食者既時侯。天氣炎熱、大家都想食得清清地。見到英式早餐一項就心生暗喜、覺得一定係食硬佢。點知原來只供應到下午5:30….相當失望。既然呢個早餐供應到咁晏、何不全日供應索性改名做all day breakfast呢?宜家11:30-5:30pm供應,時候可謂「到喉唔到肺」。所以唯有簡晚餐食，無套餐、只可以加錢配飯或者散叫。晚餐餐牌七道菜入面着左四道同粉絲有關，粉絲幾時變左素食者的心頭好？我又好想試番茄、又好想試素爆醬丸。最後都屈服在素爆醬丸之下。上菜了，津白粉絲素爆醬丸煲望落真係好清同好住家菜。味道自由唔做作，份量仲真係好似有呀媽煮既咁大碟。雖然賣相唔多出眾，但湯底真係幾清甜。而且津白入味之餘仍保持爽口既口感，粉絲反而真係做左配角。而最特別莫過於個爆醬丸，我喺出面從來未食過。個皮象真似貢丸唔在講，入面個醬有幾分台灣肉燥、非常滋味。我朋友傻

打电話來話冇得訂枱。6点半來到排隊walkin 排隊, 但見很多人入去都是話訂枱的。等咗半個鐘頭全身汗先至有位。跟住到我地時問都不問客人介不介意搭枱。mud嘢心情都無曬啦! 重要見到隔離張枱係吉的(又係預訂)。叫餸都要等好耐!下次唔使錢都唔來啦!

有時候食得肉類太多，都會想試吓素食。今日難得放假，所以就去左一個素食早餐店。聽朋友講呢度既價錢都算平，$29-$35,有沙嗲牛麵配煎蛋多士，火腿通粉配煎蛋多士等等。估唔到味道都唔錯，其實素食早餐同平時食嘅差唔多，有時候轉下口味都幾好，如果係純素食者記住要走蛋呀！

因為朋友係素食者嘅關係，所以我哋專誠來到北角呢一間素食餐廳試過早餐。早餐價錢唔貴，大約二十幾到三十幾就有交易。早餐係港式嘅風味，有沙嗲牛肉配煎蛋多士，火腿通粉配煎蛋多士，又或者黑松露炒蛋配牛油多士。餐牌寫得好清楚，有啲含有蛋，所以如果係純素食者嘅朋友記得就係佢走牛油，走蛋。早餐份量都算大 我同朋友分別叫咗沙嗲牛肉套餐同火腿通粉套餐。沙嗲牛肉麵唔錯，素煙肉都幾好味。我好欣賞嘅係佢杯熱咖啡，好濃郁嘅咖啡香味。火腿通粉都唔錯，整體來講能夠用＄30既價錢食咗個早餐，係香港已經算難揾。

平日放工，多數都想簡簡單單食就算。今日，我同朋友就揀左一間食素嘅餐廳——聰嫂·原素。我地點左荷香雲耳蒸素雞、鮮竹銀杏百合浸菜苗同兩碗白飯。落完單先知就原來點餸送野飲/例湯👍🏻荷香雲耳蒸素雞 - 有大量冬菇片、猴頭菇片同雲耳，但素雞數量好少，得三舊。整體味道一般。鮮竹銀杏百合浸菜苗 - 好少見素菜館會落銀杏百合落湯浸菜。有大量白合同銀杏，非常足料。我可能係第一次食佢地，覺得有啲苦。整體味道不錯，湯夠清甜，菜唔會煲過龍，鮮竹夠冧！

「聰嫂」耍家甜品，糖水店早幾年周不時大排長龍。它最近開了新一瓣，新店專門提供素食。其實素食近年漸成趨勢，很多新派素食店都洗去舊日影子。畢竟，今時今日，因為健康、環保，大家食素的理由愈來愈多元化。 餐廳走親民路線，小菜平均幾十蚊一碟，包送例湯，價格定位不高。沒有豪華的裝橫，看上去感覺像 trendy 的快餐店。因為賣素食，所以亦選取了簡約清新風格，大多佈置以至招牌都用了木質材料，色調以白色、綠色為主，感覺也舒服。 「聰嫂‧原素」的賣點是食物的原汁原味，烹調中少糖少鹽少油無味精，調味方面崇尚天然，香菇粉是調味的主要一員，比較「有營」。先來「黑松露炒雜菌」$68 配料不少，有淮山、秋葵、青椒、紅椒、冬菇、雲耳和鮑魚菇等，賣相也夠色彩斑爛。菜式設計上是聰明地運用黑松露，使之成為主要調味來源，引出其他蔬菜食材較淡的的味道，又有豐富的效果，變得更立體。當中以秋葵最明顯，完全吸收了黑松露醬味。「古法南乳粗齋煲」$58 這個煲在素食界很常見，賣相一般，像家庭小菜。味道方面不會太鹹，南乳味夠香且突出，汁不油膩，愛吃汁的朋友必點，好送飯。另一個重點是：粉絲索哂汁，好得！每點一個菜，有碗中湯送，今天是