聲哥厨房

营业中

休息中

我和家人去到聲哥廚房吃父親節晚餐，父親比較喜歡品嚐了一些懷舊菜式。這店裝修簡㓗，大堂地方較寬敞，冷氣十足夠。價錢合理，服務很好。窩貼大明蝦 –賣相吸引，顏色討人，令人垂涎欲滴。蝦多士炸得恰到好處，大蝦爽口彈牙。使口感十分好清蒸東星斑 –東星斑蒸之時間十分合適，因此飾肉質滑溜玖瑰豉油雞 –用瓦罉玖瑰豉油雞十分好味，十分配合的得恰到好處翡翠炒龍躉球 –龍躉同西昔蘭花配合好好花膠浸時蔬 –花膠配合時蔬十分健康蛋白炒飯 –蛋白十分滑，飯一粒一粒十分乾爽精美甜點 –美中一點甜

奉勸大家如果做節去呢度食就免啦! 佢地根本就唔夠人手, 但係又接咁多單, 去到好似食法國餐咁, 等了又等, 前後等左三小時多先嚟齊, 仲要不時更改菜單, 降晒級又無得say, 食到恰眼訓, 食物質素又唔係好。只得兩個長者招呼幾台客, 鄧佢地辛苦之餘又冇得吹佢快D。總之就食到一肚氣。。。無下次(已black list!!)

打個電話去訂枱, 果位啊姐用急口令講左一大堆名菜, 然後話要預訂才有！大佬呀你講到咁快, 叫你重覆就悔悔氣氣。問你open rice有無得睇菜牌,“我唔知喎我都未上過open rice", 呢D態度認真趕客羅, 唔知佢係咪咁對老板呢！

去到這家店嘅時候，我根本唔知道自己嘅口腹之慾可以咁無底線。🍽️ 由頭盤到甜品，每一款魚類烹調都好似為我嘅味蕾激出新天地。第一啖嘗試嘅麒麟龍躉皮，厚身得嚟富有彈性，啖啖都感受到嗰種層次分明嘅滑潤。一碟七彩炒龍躉柳等於一場視覺同味覺嘅盛宴，龍躉嘅新鮮度好過百搭嘅襯衫，做得好精緻，簡直靚到喊！而家講起嚟，我個腦海中仲浮現住嗰幾片西芹紅椒間嘅鮮美色澤。喺呢度食嘢，似乎冇乜意外，每一款菜式預咗都正。不過，真正讓我狂讚嘅係嗰盤「冬瓜一帆風順」。嗰個冬瓜舟好似載住咗我所有嘅味覺遐想，唔止可以食到燉過嘅細緻龍躉柳，仲有底部嘅粉絲同翠綠菜芯，完美吸收咗湯汁嘅精華。😋結實嘅吃貨都會知道，咁多好嘢仲要留位做尾聲。最後呢個合桃包，好過唱K嗰刻揀中心位嘅爽快。外皮鬆軟，入口即溶，而且合桃嘅香氣做得啱啱好，唔會過於突出。即使滿腹之下，都會忍唔住想再多嚟一啖！總而言之，聲哥嘅廚藝唔只滿足到我，連家人都讚好，真係一場美味嘅發現之旅！👨‍🍳🎉

第一次來到北角聲哥廚房吃晚飯，品嚐了一些懷舊和較特別的菜式。這店裝修簡㓗，大堂地方較寬敞，冷氣較足。貴賓房內的枱較擠迫而樓底又較矮如果多賓客的話，嘈雜聲較顯。～窩貼大明蝦賣相吸引，顏色討人，令人垂涎欲滴。蝦多士炸得恰到好處，金黃麵包底脆口，大蝦爽口彈牙。大蝦中間的蟹子粒更添色彩和口感。～發財好市新年頭指定菜式沒有令人失望，蠔豉甘香，完全不會乾或硬，烹調時間掌握得很好。伴著菜苗來吃，令人滿足。～發財螺頭湯螺頭、淮山、瘦肉煲的老火湯，滋潤健脾，容易入口。～麒麟龍躉皮龍躉皮厚，比美花膠，骨膠原豐富。喜歡吃魚的人便會説一點也不腥，味鮮滋補。～一帆風順賣相一絕！用冬瓜作小龍船、菜芯作划槳；船上載滿白雪白龍躉肉片，船底鋪滿了粉絲牙菜。啖啖肉的龍躉片，一點也不腥。粉絲冬瓜吸收了魚的精華，也絕對不能放過。～生財八寶鴨較少地方做的懷舊菜在這店吃到了，真是滿足。八寶鴨的餡料豐富，入口綿軟，味道適中，填滿了整隻鴨子。鴨肉亦煮得淋淋，鴨皮滑滑，烹調時間掌握得非常好。～臘味糯米飯糯米入口不硬，又有咬口。臘味粒的味道較突出，又不會肥膩。～鮑魚汁炆伊麵伊麵質感不錯，可惜鮑魚汁很淡味。～陳皮紅豆沙紅豆沙一般，吃到陳皮

12月聖誕搵藉口一班同事食下飯， 因為有會員制， 比較容易有位， 平時中午飲茶小菜比較多， 今日晚餐時間要大大班友。食物基本上keep 倒水準， 扣龍躉皮， 玫瑰豉油雞都ok。招呼都到位， 姐姐個個都好有禮同耐心👍。抽獎嘈到拆天多多包涵。😊今日第一次食呢度個蝦多士， 熱辣辣好香口， 餸酒一流。最後都係加啲普通炒飯炒食飽飽， 甜品椰汁紅豆糕同桂花糕唔太甜， 感恩滿足嘅一餐。全晚唔多街客， 人流小， 食飯比較放心， 又方便傾計， 地方食物都唔錯嘅地方。😊

開完會六點多，感覺餓，先吃了晚飯才回家。中秋迎月晚，餐廳全滿。還好他們給我在工作室門外加開一桌。點了焗生蠔，糖醋排骨，椒鹽豆腐，蝦球面，再加了一碗白粥。都很好，特別喜歡椒鹽豆腐，皮脆肉嫩，白粥也是我最喜歡，綿綿的白粥，很香米味。價錢合理，服務很好。

有同事離別在即，請大家食飯，之前未食過。食物質素不予置評。其中，比較想說的是甜品——杏仁茶，其質感猶如鼻涕，感覺比較創新。。。主菜方面，想說說蘿蔔牛腩煲，其鍋十分大，即器皿非常大，但裏面的牛腩，比較碎濕濕、鞋柴柴，不太好吃。另外，有幾道菜是炸物，但炸物外表比較黑，所以感覺應該有點熱氣。幸好，餐廳員工的服務態度，還算可以。環境也環算可以。但時，食物質素完全比下去了。所以，總括來說，只有一次，沒有下次。

聖誕日约左個有會員證既friend去聲哥廚房飲茶，順便參觀下雋悅（富貴長者屋），點知飲到一肚氣，乜心情都無。點心都係一般般，最驚嚇就係個碟「脆皮海皇腸」，食到最後一件腸粉居然包住塊膠片。即刻叫個女經理過黎，佢二話不說，連對唔住都無講，攞起個有膠片既碗話入去同廚房講。過左一陣，佢攞過一套新碗碟過黎，話同我地除消碟腸粉。其實我地吾滿意係佢既態度，同埋係個度食野既大多數係長者，如果俾佢地誤吞左塊膠片，後果真係不堪設想😡我見個經理用九秒九既時間攞走碟膠片腸粉，可能已經習以為常，呢個情形經常發生，希望佢地檢討一下，真係一次意外，足以致命。

還記得上次去吃銀絲游龍這度菜，魚肉鮮嫰，今晚抱著希望再去試其他菜式， 結果令人極度失望。 我們叫了以下的菜式：椒鹽白飯魚 脆漿加了雞蛋，炸出來顏色非常金黃美麗， 條條分明香脆，很惹人垂涎。豉椒炒鵝腸洗得乾淨，炒得中規中矩，味道也可接受。南乳粗齋煲材料齊全，也見到傳統的用料包括甜腐竹 ，味道偏鹹， 但欠缺南乳味。 鎮江骨黑醋酸味欠缺，骨頭多。聲哥小炒王材料偏少，欠缺鑊氣，當中的煎魚餅也沒有魚味， 蝦乾也欠奉。紅燒龍躉翅主角終於出場，本著滿懷希望是撥水翅，結果係龍躉邊， 先味不用講，像柴皮一樣， 有少許鹹魚味， 好像急凍了很久， 而且找不到肉吃， 魚肉很少也很乾硬， 後來我們向女負責人反影吃不下去了， 結果她說可換一條涼瓜炆東星斑給我們，可惜， 端出來的是一條西星斑， 結帳的時候還跟我們說沒有多收你價錢， 取消了紅燒龍躉翅，但東星斑和西星斑的價錢是有別， 只求結帳走了，沒有和她再爭拗下去。生炒糯米飯拿出來的已是微溫，一點臘味的香味也沒有。總括來說，真的不可接受，定價與質素不成正比，有點欺騙食客，不會再來了。

5月27號去左聲哥食，諗住評價4粒星都好穩陣，有d伏。~蘋果焞湯係幾清甜。要預訂嘅蟹盒每舊$50，用两塊白雲吞皮包住d類似蟹肉(極少)嘅野，值與否就見人見智。蘿蔔牛腩，清湯蘿蔔(冇味)，牛腩幾舊同埋炆唔夠。南乳齋煲， 芡汁一 patpat。炒麵有微溫，已向店員反映及要求退回廚房炒熱，結果係似微波爐返熱。總括嚟講冇下次。

4月7日朋友上openrice查看北角美食, 看到 "聲哥廚房", 剛巧與我們這晚約會的其中一位朋友昇哥的名字同音, 於是我們決定光顧這飯店。來這裡晚飯有意外的驚喜, 食物的味道和質量很好, 價錢合理, 老闆非常友善和健談, 與我們一見如故, 他在飲食界是大師傅, 曾多次獲獎。員工的服務也很好。除了食物美味, 這更是一間有人情味的飯店, 值得推介, 下次我們一定會再光顧。註(1) : 鍋貼大明蝦入口鬆化, 蝦肉鮮爽; 豉油雞熱食香而入味, 瓜子班肉質鮮嫰, 鎮江骨香口惹味, 鮑魚粥香綿下火。下次想試沒有糯米的八寶鴨(記得預訂)。壓軸來多6個合桃造形的合桃包, 餡料豐富, 好味到朋友要多買幾個回家。呢註(2) : 日間也有點心茶市 (11:00-3:00)註(3) : 假日人多記得先訂枱

聽朋友介紹「聲哥廚房」，據說其中午點心和晚飯菜式很有水準，今天和老伴聯袂前往一試。點了六個點心，按上桌序如下：菜苗鮮蝦餃金醬蒸鳳爪家鄉鹹水角豬腳薑雪山叉燒包韭黃鮮蝦腸總的來說，水準中上，值得一試。菜苗鮮蝦餃上桌時，我們忘記了先餵手機，到差不多食完鳳爪才記起。服務方面不過不失，招呼有禮，點菜結帳也反應很快。唯壽眉茶葉質量稍欠理想。要彈的是地方不好找。我們按地址經琴行街到北角丹拿道8號，原來餐廳不在那裡。職員指點下，通過對面馬路的一個小巷盡頭才到達。回頭一看，原來這個大廈就在書局街尾。早知不用走那麼多冤枉路。

大良炒鮮奶炒得又咸又唔滑，只食蛋白味食唔到鮮奶味掌奕毛多冇味燒賣一般，炸蝦卷朋友覺得不錯，我覺得里面所加的香草令味道很怪，食落一般反而煲仔飯不錯，食落又香又好味

之前因為疫情，唔敢同朋友出嚟見面，宜家有好轉，開始約朋友見面，當然離不開飲飲食食同吹水今次嚟到位於北角丹拿山雋悦富貴長者屋內嘅「聲哥廚房」🍵長者屋入面嘅環境唔錯至於酒樓裏面，可能因為樓面低，非常嘈吵，如果想同朋友安靜咁傾計就🙅‍♀️呢度基本点心如蝦餃、燒賣、腸粉、飽等都有。較為特別嘅有磨菇包同核桃包做到成粒菇咁，好軟熟，咬落似食緊粒大綿花糖咁，雜菌幾多，敗筆之處係個包太甜，同埋食完好滯成粒核桃一樣嘅核桃包咬開裡面有核桃碎，核挑香甜，包皮煙靭，甜味可以接受，甚得長者歡心原本点菜乾猪骨粥，食落竟然有皮旦同瘦肉。嘩相差兩蚊吖，貨不真價不實祇係普通鮮竹卷，黑松露欠奉，一般無芝士，祇得蝦，炸得頗脆，幾香口首先，雲吞得两粒，魚肚雖有多塊但好硬，似猪皮多啲，湯不鮮好鹹，差点心之中，菜苗餃比較好，有菜有蝦，食味可以味清，甜度適中無記錯，呢處應該係17年營業，初期点心唔錯，廚房幾有心思同誠意，連盛碟器皿都骨子。半年唔到，点心價格上升一至兩蚊，質素下降，誠意都唔見咗。