職人食事 (已搬遷) 新店位置

難食到一個點啲飯爛蓉蓉, 一拎起就散啲鰻魚連燒都無乜點燒過, 切到薄到一個點, 油甘魚又係散開晒全部刺身都係散或者薄到透光兩舊WASABI可以唔同色,咩料?仲要貴過爭鮮成倍仲要上面痴埋一堆埋一點點黑色我想知係咪買comment 買到有咁多高汁comment

早兩個禮拜同朋友到訪過，點知佢得一張枱，完全唔似有堂食，所以放棄⋯今日想食壽司丼，就打電話問，原來佢地真係冇堂食！好彩我都係想買外賣，去到叫左個角切魚生飯。驚喜嘅係，佢地個外賣袋上面印左個menu,, 方便下次想再嗌都有menu,, 又唔洗拎多張紙擺屋企！至於個飯，包裝得好靚，係好日式嘅外賣盒，不過可能叫左角切，通常係切頭尾肉，感覺唔夠新鮮，唔知堂食會唔會新鮮D呢⋯而個份量都對得住個價錢嘅！食完都夠飽！

話說過年前因大廈有多單確診同座部分單位要徹離至觀塘某隔離酒店14日口痕情況下, 上熊貓搜尋搵到呢間呢間一直想試好耐叫左個 三文魚油甘魚丼，另加一客三文魚刺身嚟到有驚喜，比預期中大份同厚切雖然每款魚得3塊，但呢3塊都好厚必等於出面5至6塊咁上下一客三文魚刺身，仲要俾晒腩位冇得彈。非常厚切，不過食落唔算好鮮甜正常質素呢兩樣野折實之後連運費$117我覺得有驚喜，再加埋呢間小店一向俾人話大份抵食估唔到因為要被隔離而試到

食左個$100嘅炭鰻魚飯，味ok因為有醬汁，但成舊炭咁，堅係燶左，希望大家唔好中伏……千祈唔好叫！三文魚好肥美好ok，都係$60👍👍店員態度好一般，問佢「雞翼」係咩雞翼，佢態度麻麻咁答「雞中翼」……其實都可以寫低係咩「雞翼」？例如炸雞翼、燒雞翼乜都好……店員咁都唔想答我無野好講😂😂咁雞翼就燒既，一啖無乜味一啖好咸，條邊又燶晒……$40 唔使叫🤗燒鯖魚都係冇乜味，有汁就好少少，$35，肚餓都可以叫下😂

轉入開源道，已經「人多多、re mi re mi do」來到駱駝漆大廈、最大嘅缺點等Lift！今日可能時間尚早，冇乜人嚟食飯！店員都好有禮貌！好快咁點左餐，不過今日用餐嘅體驗、我會比合格，但唔會比高分！今日小編叫咗個三文魚甜蝦飯！配角有玉子同埋蟹柳、蟹柳就比較普通不過都可以合格嘅！玉子都算唔錯嘅！最低限度都有少少蛋味！而三文魚就真係有啲普通啦！新鮮度就差少少，但未至於話太過分！不過都算厚切既！可以俾你勉強合格啦！至於甜蝦就不過不失！唔算太腥！不過白飯真係唔太得啦！醋味真係重左d！呢個要改善下！環境都算良好啦

今次繼續喺觀塘工廈尋覓美食🧡係駱駝漆大廈又發現一間壽司手作小店～💟 吞拿魚蓉丼 $80其實一開頭我係覺得唔值$80，因為堂食環境唔係好好（雖然我覺得外賣居多），但係翻到去發現包裝幾好睇，而且料都比得好足！而且質素都好👍🏻感覺吞拿魚都好新鮮，係有魚香甜味，食丼最忌就係食到最後得翻d飯，但係呢個就唔會😋😋我食到最後一淡都係有吞拿魚蓉送飯，超正。而且冇魚腥味，幾滿意🤪very tasty desu。

嚟到人煙稠密既觀塘區，大型商場一到食飯時間當然好難搵位食飯，慶幸觀塘區附近嘅工廈都好多食店林立，呢間絕對係平價經濟嘅日本餐。雖然絕對唔係優質嘅食材，但對於一眾平民來講，絕對係唔錯嘅黃店餐廳選擇。餐廳分開兩個位置，一邊係Take order下單區，另一邊係堂食區，堂食區座位唔多，而今次亦都唔需要等位。三文魚蟹籽飯$60三文魚油甘魚飯$80白飯正常，刺身較厚身，份量正常，價錢經濟。值得留意係佢開放時間可以去到凌晨，絕對可以深宵食用。

工廈中的日本美食小店刺身,串燒,炸物都唔錯 海膽 ,三文魚籽軍艦 一客2件 落單要留意包住軍艦既紫菜夠脆口, 三文魚籽油亮亮夠鮮味,口感卜卜脆 爆珠口感咸鮮魚籽香味係口中散發, 海膽軍艦放滿一層,日本海膽夠濃郁鮮甜入口即化玉子,帶子壽司 玉子蛋厚切夠甜 帶子大隻鮮味燒手羽,即雞翼 燒多春魚燒雞翼4隻 我鐘意食 個皮燒到好脆 咬開仲係啖啖肉有肉汁,好嫩滑觀塘開源道60號駱駝漆大廈3座6樓T室消費$180

行駱駝漆行耐咗就直接喺度食埋野😛又揀咗間未食過嘅試吓先😙·✨刺身魚生飯 $100刺身有海膽、帶子、甜蝦、三文魚、油甘魚、赤貝、八爪魚，仲有蟹籽、蟹柳同玉子認真講，呢個刺身飯唔係所有刺身都係我鍾意嘅，例如赤貝、八爪魚😌但$100有咁多款唔同刺身，又有海膽、帶子等等，都係算抵食嘅🤪飯量有超多，多到我地兩個都食唔哂，質素正常啦·🌟廚房/收銀同座位係分開兩邊，買完會有店員送過嚟😂🤣·🙊Btw我好衰笑呢間個名真係好似「質人食x」💩

相信觀塘區既人都知，係lee 區食飯就好似打仗咁，人勁多，lunch 想搵個地方食飯都要爭😢又坐得好逼。今次就試左lee 間餐廳，佢好特別，order 位同堂食係分開舖位，落左單再入另一邊坐，d 位置非常寬敞，唔洗人逼人同趕住走人，確實係不錯。menu 除左有日式丼飯之外 仲有d西式意粉，加錢就有埋沙律同湯，選擇都幾多元化。今次我就叫左個三文魚甜蝦丼，份量適中，唔會過多或太少，甜蝦都新鮮食完好滿足，會搵多次去試埋佢地d 意粉😆

本身諗住剩係叫個丼食下, 但望落menu幅相啲料唔係好多, 咁我就另外再加多咗幾片刺身啦. 店員問我好無擺埋一齊, 咁我就話有位咪擺囉🙃 出嚟個效果又ok咼, 有迫爆嘅感覺! 三文魚厚切新鮮✨食到大半我已經飽, 早知頭先唔加刺身啦🥲#三文魚玉子蟹籽飯 ($60)#三文魚刺身($40)返食指數: 🥑🥑🥑🥑 (5🥑滿分)______________________________職人食事 (觀塘)📍觀塘開源道60號駱駝漆大廈3座6樓T室

🍴三文魚海膽飯 HKD190份量頗多 但係魚生睇上去都唔太新鮮 三文魚顏色較淡 欠缺油脂嘅光澤感 海膽就直頭好似屎綠色咁☹️海膽明礬好重 食落去苦澀同好大陣藥水味😖三文魚冇咩出錯 但係190蚊唔應該只係呢個質素🥲最後朋友要落好多豉油先食曬呢個飯😫🍴日式肥牛拉麵 HKD70味道似即食麵 湯底重味精味 麵都係似超市買返屋企個D🧐肥牛量多 但肥膏都好多 食到最後成口油咁😅味道冇出錯 但係都係個句70蚊唔應該只係呢個質素 呢個麵分分鐘👧🏿係屋企都煮到出來😅✾

今晚黎到食晚飯，全場好少人，分開兩間鋪。餐牌上有西式蛋糕、西式pasta 、魚生、日式拉麵、日式烏冬同埋日式飯，選擇幾多。我哋叫左一個日式牛扒飯同一個三文魚甜蝦飯，上菜都算幾快。 魚生味道不過不失， 但配既飯係超級硬同埋無味道。 牛扒都係凍、硬同埋無味道，配既飯都係超級硬、凍同埋無味道。兩份晚餐都係$70 ，坦白講有好大改善空間，唔值得，同埋唔會再有下一次。正常地鐵站既$30 日式便當都會比佢更加好食，非常失望。

呢間觀塘嘅黃色小店嘅壽司已經成為咗每次飯局嘅必點item。外賣盒精緻，食材新鮮。好怕帶子處理得唔好會有腥味，但佢完全冇。甜蝦壽司大大食，油甘魚係我嘅all time favourite。

有晚放工去觀塘駱駝漆搵野食見到呢間魚生飯都幾吸引🤤首先左邊鋪係落單同準備野食而堂食嘅話就要去返右邊鋪～因為位置唔多 又係晚飯時間都等左半個鐘左右先有位 好彩駱駝漆都多野行😂餐牌唔算非常多 但熱食小食燒物都會有👅當然主打都係刺身啦～叫咗個刺身魚生飯刺身好大塊好厚身🤤 超級足料平時魚生飯都係飯多魚生少今次食得好滿足🤤刺身有三文魚 帶子 刺身蝦等等 種類都幾多仲有海膽！海膽好鮮甜👍🏻 感覺都幾新鮮————————————————————————總結用餐區域因為始終唔係一般餐廳咁加上外賣店嘅包裝 環境同賣相略為失望少少不過店員都好nice好幫手 態度都好好價錢係工廠大廈黎講唔算平 但味道亦不比出面餐廳嘅魚生飯遜色值得一試👍🏻