肆悅 (已結業)

晚餐想試下新野，是晚就叫了肆悅外賣速遞，就煮餐到送餐都係15分鐘左右十分快速，可能係6點叫晚餐廚房還未太忙吧。自己點了肉醬意粉，賣相就一般啦，條菜可能因為盒住所以已變黑。肉醬味道偏鹹偏酸，非常杰身。意粉還不錯，有咬口。屋企人叫的蒜香雜菌炒意，同樣較重口味，雜菌亦不多。另一份就點了肆悅香煎雞扒配火腿薯菜，雞扒係煎得香嘅，很大塊，但薯菜失了蹤，完全不夠飽。雞扒個醬汁揀左黑椒汁，鹹到一個點就無加落去份扒到食了。餐飲叫了熱檸茶×2同熱奶茶，檸茶又苦又澀……哈哈，深色都咁都知唔簡單，奶茶正常。仲加左小食香脆蝦多士同薯仔絲炸蝦，呢兩樣幾好食。作為同路人當然會支持，但食物實在有待改進。聽聞最近餐廳改了名，也有了新餐牌？搵日再比多次機會佢啦，期待下一篇食評。

黎到元朗原先想食拉麵不過拉麵店未開餃子舖又勁多人唔想等見對面間餐廳有位就入左去試下舖頭門口同入面裝修都係好普通睇得出都係做街坊生意多餐牌原條日本鰻魚炒蛋紫菜飯鰻魚好乾炒蛋好老d汁好咸老實唔係幾好食芝士鮮牛肉漢堡配沙律呢個水準差好遠好食好多七十八蚊份量都叫足料一個人基本上食唔曬不過都等左成十五分鐘先上菜有d耐除左漢堡扒之外仲有煙肉奇怪係個醬有少少黑松露味唔算特別好食但以小店水準黎講唔差不過餐廳嘅侍應水準有待改善落錯單之餘賣曬嘅野響冇通知之下轉左第二樣上黎

強推哩個有驚喜嘅意粉，意外地超好味!!!(忌廉滑+西椒香 =原來甘夾)，份量夠多可以分兩餐，爆足料外賣自取有折，$5X哩個質素好抵,不妨一試哩間新店第二次試咪外賣西冷配薯菜外表味道,繁忙中食到甘嘅外賣好

Dinner可以食到10點啦👻今次都係 #黃店 推介！元朗雞地真係有一堆黃店圍住，呢間地方細細，但食物絕不馬虎，又平，又坐得耐，我坐左3個鐘都有🤣🤣芝士鮮牛肉漢堡配沙筆🍔拿拿拿，牛肉要juicy係基本，但醬汁可以再多啲🧀我最想講既係薯條🍟好好食！幼身既，炸到脆一脆，有啲似m記個脆薯圈咁，但呢個好食好食😍😍😍 食肉獸既我就無食沙律了原條鰻魚炒蛋紫菜飯🍚坦白講呢個係朋友既，為免交換口水唔覺意中武肺，我係無食既🤨 但原條鰻魚就貨真價實，炒飯望落都唔差，朋友都清左碟飯，大家可以去試吓☺️店名：肆悅地址：元朗建業街80號聯發洋樓地下4號舖

我好少寫食評，但今次真係忍唔住要寫，同我平時一定會相機食先，但呢次相機都唔想食先。而賣相真係同其他食評post 的差唔多。話說男友媽媽話想幫襯黃店，就揀左呢間餐廳。叫左四個餐，餐湯麵包都麻麻地，不過呢啲唔多講，反而想知點解叫漢堡包餐有湯無餐包，雖然個包都唔太好食，但都覺得好奇怪叫包餐無餐包。🙃叫左兩個意粉，一個黑松露意大利飯，一個牛肉漢堡包。一個意粉係蒜香蜆肉意粉，都算係簡單易煮的。讚係份量係大份的，但係...第一啖食個蒜蓉味，係似用李x記嗰啲蒜頭，二係啲蜆肉有雪味，三係啲意粉”淋”左啲同意粉本身質素都一般。如果收費係40-50 蚊，以上三點係無問題，但如果我俾108蚊(唔知有無加一，點解唔知？係後面有講) 我就覺得好唔值。😌我食左兩啖無食。另一個意粉係青口意粉(HK$128) 我食左一啖就無食，都係咁啦，好咸，完。鮮唔鮮味唔多講啦。🙃到我叫嗰個芝士牛肉漢堡(hk$98), 個包一般，無咩特別評價，但我記得包唔係熱的。🙄 但我唔想同麵包好食嗰啲比較，所以跳去個肉到講，個肉係無牛肉味，同又係好咸。🤭 唉...而我食得最多係幼薯條，唔係因為好食，係我鐘意食香口食物。做得唔好個位係炸到好乾厚

元朗的假期間間餐廳都人山人海正當煩惱要吃什麼經過這家新開餐廳便想一試2點左右要等3張枱店員非常有禮為我們安排入座·午市套餐龍利柳好好食又滑個皮好脆口感特別有點意料之外😋個汁好夠味有洋蔥同菇🧅凍咖啡 加$2咖啡一般般偏酸同淡朋友試了凍奶茶說味道偏甜和茶味較淡當然不能跟茶餐廳的奶茶咖啡比較·是日餐湯忌廉蘑菇湯第一啖偏咸但飲落又吾會覺得咸覺得幾好飲重蘑菇味🍄會為了這個龍利柳飯再回來吃😁而且價錢也非常合理絕對夠飽🤪

坐得舒服，服務態度很好。同行的朋友很三心兩意，下了單過了5分鐘想再重新選擇改第二款食物，侍應也很禮貌接受。換轉是第二間餐廳，可能已經黑面了。薯條很特別，每一條都很幼，所以每一條也炸得很脆。看看你喜歡什麼口味，是很特別的，雖然味道始終都是原裝size比較好。食物不過不失，與朋友聚會談天很好。

元朗建業街新開左間餐廳，我老友識其中一個有份投資嘅人，send左俾我，所以我就去試下。嗱，最緊要係啲野好唔好食，唔掂照剷講定先，我叫左西冷牛扒配意粉，黑椒汁，餐湯係羅宋湯，飲凍檸茶$62疫症之下，政府對食肆有所限制，搭唔到枱，所以等左一陣先入到，可以理解黎左杯凍檸茶先，好貼心有埋杯墊。茶味淡左啲，啲檸檬可以，甜味尚可，合格羅宋湯，冇得揀。飲落甜酸味剛剛好，唔會話好稀，茄味夠，多雜菜，飲得過一上枱，好大碟，個碟好大擺得好靚仔，聞落都對板，唔會話擺到pat野咁，望落好有食慾塊蛋全熟，煎到個皮好脆，唔錯，我對熟蛋本來都冇咩好感，但呢個我ok 個意粉咬口偏硬，唔會好淋，個意粉應該炒過，出面茶記淥熟就上碟，但呢度會炒一炒香佢個牛扒呢就...西冷肉味濃嘅，有咬口，但唔係最頂級嗰啲，但呢六十幾蚊，諗一諗，絕對合格最後梗係食哂啦～總結就呢間餐廳可以一試，冇咩剷佢嘅地方，佢有漢堡嗰啲，下次我再去可以試埋

星期一元朗好多食肆都唔開🥺咁啱呢間新開嘅黃店唔休星期一🥳終於有機會試試佢🤍雙層漢堡同我部iphone7 plus差唔多高😳feel到佢d漢堡肉係鮮牛肉👍🏻超大舊肉😍唔會過熟好有肉汁💛勁高質🥰薯條加多8蚊可以加芝士～一開頭我以為芝士係淋上薯條面 但點知原來係分上🤣但反而仲有驚喜！自己本身都偏好呢款啡色有皮薯條多過m記個d🙊呢到可以點埋芝士超好味👍🏻唔洗點茄汁都好濃味😋芝士迷必加！另外佢而家dinner可以照叫lunch set😳好多都好抵食 大約$60左右有一個湯 main dish 野飲既set🤑叫左香煎西冷意粉配蒜蓉汁仲可以揀腸/蛋/火腿🍴塊扒係長既🤓都好軟身易咬😋唔會因為平價而比d難食野你😤整體份量真係好足🥳我同友人平日都係勁大食個d🤣但都食到捧住個肚走👍🏻少少不足係飲品偏淡味 但勁大杯 但如果平日飲開少甜既人應該ok🤓但好似我咁鍾意甜野既話可能要叫佢多少少糖🤍整體黎講高質抵食大份 一定有take two😍

高質茶餐廳! 雞扒 意粉 餐湯都非常好食好飲。 D雞扒豬扒全無臭味，少見。D丁麵送到黎果陣好有彈性，佢地識得淥到半生熟就起，湯分開上。凍檸水既糖水份量係足夠既，可以飲哂成杯。可樂係成罐比你，好。價錢相宜份量又足。一盒雞扒腸仔意真係食得飽一個人。