肉搏食堂 (已結業)

.📍肉搏食堂 📍香港尖沙咀厚福街2A號地舖慢煮黑豚盛丼(98hkd)個人推薦這個，慢煮的豬肉很軟嫩，完全不會有鞋口的感覺，而且肉量充足，十塊八塊肉走唔甩😍上面有日式芝麻醬和乳酪醬，消滯得黎又增加味道的層次，飯底一樣有照燒汁，加上生蛋的蛋汁，配飯一流👍🏻香蔥頂級牛肉配鵝肝丼(128hkd)上面淋了照燒汁，醬汁充足，鵝肝份量剛好，太大舊會過分油膩，牛肉大約6、7成熟，外面比較焦香，裏面會比較粉嫩，不會乾柴難咬，cp值幾高🥰日本雞軟骨餃子(48hkd)外皮微焦微脆，裏面有雞軟碎骨增加口感，作為前菜小食不錯😗青瓜蘋果沙冰(58hkd)走清爽健康路線，青瓜+蘋果+薄荷完全是消暑良品，我frd不停話加埋vodka就是超正mojito😂不愧是酒鬼😂朱古力曲奇沙冰(58hkd)上面有好大坨cream，配上脆脆超療癒，冰沙甜度比較低，大概5-6分甜，不會有太大負罪感，所以夾埋cream飲就剛剛好，不會膩🥰#foodiblum日式

今日約左朋友嚟試下日式丼同刺身飯，餐廳位於美食雲集既尖沙咀厚福街，入面亦坐得幾舒服。火炙頂級牛肉配香辣粉雖然加左香辣粉，但食落就一啲都唔辣。薄薄一片既牛肉味道幾濃，四成熟，中間呈粉紅色。餐湯跟餐加$22會有埋餐湯同飲品。都幾大碗，味道濃郁。香煎西班牙黑豚配鵝肝丼鵝肝煎得幾香，充滿油脂。黑豚肉既份量都幾多，配飯一流。牡丹蝦三色刺身丼三色刺身分別有三文魚、帶子同埋三文魚籽，帶子大粒得嚟好鮮甜，三文魚亦好肥美。青瓜青蘋果沙冰酸得嚟非常開胃，鐘意啲比較fresh 既飲品叫呢杯就啱哂。朱古力曲奇沙冰個杯既公仔表情夠哂盞鬼，朱古力味道偏濃。

收工落左尖沙咀的厚福街搵食，太多食店選擇，老友見到肉搏個名又幾趣緻下，望佢哋嘅餐牌都吸引，咁啱又有位，就進入去開餐囉。小食要了鹽燒三文魚頭，魚皮燒得香口又脆身，魚雲又豐富，調味適中，用嚟送啤酒🍻一流呀🌟。🐟角切魚生丼，食材新鮮粒粒都美味。有魚香重的油甘魚、吞拿魚同三文魚，蟹籽搭埋牛油果🥑，食落有脆又軟的效果，撈勻隻雞蛋🥚一併食，好捧啊☺️。🫰香煎頂級牛肉配海膽丼，有齊我至喜歡的海膽同牛肉，重有隻美味溫泉蛋，認真不得了，海膽很新鮮又creamy，牛肉堆到成坐山咁，足夠同朋友2份食，牛個樣好靚呈現粉紅色，見到都很開心🥳，牛味香濃肉質有嚼勁😋😋，喜歡😘。🍹芒果🥭熱情果梳打跟🍹藍莓🫐青檸梳打，非常之清爽解渴。飲落唔太甜感覺清新。

成日經個厚福街都好想食，但次次都有人龍，今次早左，晤洗等位，終於有機會食😋❤️慢煮頂級牛肉盛丼 150g/$88 200g$108頂級慢煮半生熟牛肉 牛味重 入口爽滑 加上秘制 燒汁 同忌廉 絕對係我杯茶 加埋日本生雞蛋 簡直係白飯殺手 好味 必食呀👍🏻👍🏻❤️海膽牡丹蝦雜錦刺身丼 $148一食個海膽就知新鮮 味道濃厚 三文魚 油甘魚 吞拿魚 都係厚切 有鮮味 牡丹蝦 好大食 。三文魚子粒粒卜卜脆 配埋日本新鮮雞蛋 撈飯一絕 秒清！❤️紫薯鮮奶 $58重重既紫薯味 加上鮮奶 好飲 無論賣樣 味道都一流 打卡無得輸❤️青瓜青蘋果沙冰$58青瓜配青蘋果好清新既味道 飲落好醒胃 值得一試肉搏食堂 (尖沙咀)尖沙咀厚福街2A號地舖

餐廳林立嘅厚福街絕對係美食集中地🍽✨花多眼亂心大心細唔知食乜好之際，遇上呢間餐廳嘅店員推廣，原來佢地會不定時推出折扣優惠，晚市可享有9折或85折架🤩店員介紹呢度任何一款丼飯加$22就可以升級套餐，包餐湯同飲品一杯，加$16更可配返杯特飲！🐂慢煮頂級牛肉盛丼 200g ($108)一上枱見到牛肉堆到成座山咁高🤩呢度嘅丼飯有得揀份量幾貼心🫶🏻牛肉要咗重量級200g，而樓下黑豚就要咗標準級150g，一大一細同朋友share嚟食😆慢煮烹調令牛肉保持嫩滑，鎖住肉汁非常juicy😍撈埋生雞蛋食，再配搭自家調製嘅酸忌廉同秘製醬汁，送飯一流！🐖慢煮黑豚盛丼 150g ($98)黑豚肉份量相對牛肉就嗌得少啲，但其實都好滋味架🤣豚肉食落肉質鮮嫩，豚肉丼上嘅胡麻醬、酸忌廉、生雞蛋、蔥花，成個配搭非常開胃☺️又係好快KO成碗飯，大滿足😍🐟鹽燒三文魚頭 ($58)呢個魚頭份量相當大，有魚頭同魚鰭兩個部分，外層煎得香脆，魚肉嫩滑無比😍鹽燒嘅味道一啲都唔鹹，反而令魚油香氣更突出😋呢款小食性價比幾高，鍾意食魚嘅朋友唔好錯過！🍪朱古力曲奇沙冰 (+$16; 原價$58)杯身造型非常吸睛🤩帶點民族風，打卡一流📸曲奇味道濃郁

那一個晚上去尖沙咀整頭髮，之後同另一半在尖沙咀搵飯食位於尖沙咀厚福街一間叫「肉博飯堂」有菜單放在店舖門口的確很清晰令我們亳不猶豫進入了餐廳先點了「鵝肝牛肉飯」$1xx最緊重有燒鵝肝批牛肉👍👍餐廳用珍珠米煮😋😋200g 《燒牛肉》$1xx本人覺得味道幾好價錢合理，生熟程度不錯啤酒🍻有推廣價「燒三文魚頭」份量幾多，有1-2 個魚頭而且有啖啖肉，灸燒過的味道幾惹味不太貴，可以再點👍刺身餐廳環境有幾張高枱在餐廳門口附近有播音樂可惜格離位講嘢太大聲…..

餐廳位於尖沙咀美食大街-厚福街門口已經見到menu 主打唔同款式既丼飯賣相都幾靚幾吸引慢煮黑豚盛丼 $98慢煮豚肉肉質更軟嫩上面仲有個生蛋黃可以撈埋個蛋漿一齊食都幾好食香煎頂級牛肉配鵝肝丼 $128滿滿既牛肉同醬汁牛肉仲好粉嫩上面仲有一塊煎香咗表面既鵝肝鵝肝好焦香醬汁甜甜地本家製日式豚肉餃子 $58另外仲叫咗一份餃子一份有5隻啲皮唔厚都多料 唔錯朱古力曲奇沙冰 +$16紫薯牛奶 +$16飲品選擇都正常全部既賣相都好靚曲奇沙冰味道淡少少紫薯牛奶味道ok 仲有啲紫薯粒係底📍 肉搏食堂 尖沙咀尖沙咀厚福街2A號地舖#肉搏食堂 #尖沙咀 #尖沙咀美食 #丼飯 #日式

係中環坐完船仔去TST 又黎到最多餐廳既厚福街 肉搏食堂既餐牌好吸引都有好多選擇😆🐮慢煮頂級牛肉盛丼200𝗴 𝗦𝗹𝗼𝘄 𝗖𝗼𝗼𝗸 𝗣𝗿𝗶𝗺𝗲 𝗕𝗲𝗲𝗳 𝗥𝗶𝗰𝗲 𝗕𝗼𝘄𝗹 200𝗴 $108慢煮牛肉以薄片呈現，表面依然透紅，一片片牛肉堆到成座山咁高，將隻日本蛋黃 撈埋一齊係幾好食，連埋甜甜鹹鹹地既燒汁同埋酸忌廉汁原來都好夾🐷慢煮黑豚盛丼 $98選用伊比利亞黑豚肉配上流心蛋豚肉肉質柔軟細膩，日本珍珠米粒粒分明🤣，配搭柔軟細膩的豚肉，令口感更豐富😍🥠本家製日豚肉餃子 （5隻）$58餃子皮係薄皮嘅口感😃 連碟都係熱上 細細隻好juicy😝😝菜肉餃配醋汁 簡直是絕配✨🫐藍莓青檸梳打（+$16）由打蓉既藍莓製成又唔會太甜～🥭芒果熱情果梳打 （+$16）呢杯係小清新薄荷風格🌿簡直涼透心😝😝解渴必選✨

想要更多食物推介 follow me on openrice/instagram👉🏻@joyceous.tummy 👈🏻 🪑係厚福街 係熱門搵食地點 星期日lunch去到都唔洗排隊 唔會坐得好迫🤑價錢約ard $100 唔會太貴Ⓙ親子丼 $88呢個味道正常 無話特別好/差 同餐牌個圖有少少出入🤣有三文魚、三文魚籽同牛油果Ⓙ慢煮頂級牛肉丼 $88當然要試吓佢ge主打 — 牛肉可以揀要大份（$108）/細份ge牛肉 （$88）呢個比起親子丼有驚喜 牛肉幾嫩幾淋再且份量好足 放滿哂係飯上面佢個醬汁亦配得幾好👍🏻

去到厚福街本來想食DORAYA，但幾乎出唔到電梯！太多人等！咁食其他啦。。。落到街成36-7度！個人都差唔多容咁滯！見到有間都係食丼飯又有啤酒飲，咁去試下啦。唔使等位，一坐低就感覺到冷氣唔夠！算！有生啤消暑都OK 。生啤味道OK好飲，但店員話Happy hour 但都要$7x 一杯？唔知正價幾錢！？之後點左個「鵝肝慢煮牛飯」$14x 黎到果下賣相係幾好0既。但一食落去就出事！鵝肝好薄！牛肉韌到呢。。。。。！雖然牛肉味係有0既！！飯～食落口就散晒！係扮日本米0既形狀圓潤。非常唔OK！飯有汁，有D似慢魚汁但味道就好濃同比較咸！PS：個女服務員有禮貌，但個肥仔就唔係咁好！講野倔擂槌禮貌一般！！希望佢睇到會有所改善！因為都幾趕客！仲有就係問佢地店員，Menu 內有吞拿魚刺身，是那一種吞拿魚時。。佢地0既回答：「係從日本黎嘅！」我馬上暈左唔再出聲喇！整體黎講，唔算太過太過差！但我諗我唔會再食多次。

同朋友喺尖沙咀搵食行行下發現咗呢間嘢裝修都幾靚仔好似好多後生仔去食請問靠近車門侍應好落力喺門口sell. 睇完Menu個樣好似幾吸引又入去試吓入到去見到原來啲座位都幾迫.慢煮牛肉飯個樣最靚仔最正常牛肉都幼嫩嘅唔錯幾好食朋友嘅燒牛肉加鵝肝個樣就麻麻哋啦牛肉遍靭，我個都好似有啲overall cooked海膽就好似個樣好冇誠意就咁兩篤 因為都係燒牛肉所以都係遍靭. 嘢飲都靚仔好味嘅攞嚟打卡一流其實食物都OK嘅不過如果一個返$150 大約仲要加杯嘢飲$40到加埋1× $200食個牛肉飯就唔係咁抵啦

每次經過厚福街，都見到有個店員好落力係店外推廣，今日決定黎試下！👉🏻香煎頂級牛肉配海膽丼 $148係餐牌一見到海膽真係難以抗拒！完全無失望，好creamy唔會腥，真係好好味！牛肉都有7,8塊，全部粉嫩色，肉質香濃唔鞋口！👉🏻角切魚生丼 $88有三文魚、吞拿魚、油甘魚、蟹子、牛油果，顏色鮮艷，魚生好鮮味，我覺得加左牛油果個口感好得意！撈埋日本雞蛋食，真係好滿足！👉🏻鹽燒三文魚骨 $48三大塊，燒得香脆但又唔會好乾身，超香口！👉🏻抹茶鮮奶 +$16賣相好吸引，抹茶味濃，鮮奶滑！👉🏻茉莉花鮮奶+$16夢幻的藍色太吸睛，仲有小乾花點綴，花香好清新，加厚鮮奶好夾！整體黎講，裝修簡約，坐得舒適，食得開心！

📍肉搏食堂厚福街出左名多食店，行過肉搏食堂門口有位職員介紹特色丼飯都好吸引，牛肉講到係慢煮應該會特別淋，所以決定入去試下。👅慢煮牛肉飯 $88慢煮牛肉表面依然透紅，一片片牛肉堆到成座山咁高，食入口好鮮嫩，牛肉味好重，加埋面頭既雞蛋黃令到牛肉片更加嫩滑，連埋燒汁同埋酸忌廉汁就愈食愈開胃。👅海膽牡丹蝦雜錦刺身丼 $148刺身用料好豐富，有海膽、三文魚、吞拿魚、油甘魚、牡丹蝦同埋三文魚子。所以刺身都好新鮮，海膽既份量都好多。壽司飯再加埋蛋黃既汁食真係好滿足。👅朱古力曲奇沙冰 $58呢杯沙冰隻杯好得意，一放落枱就忍唔住即刻打卡，朱古力沙冰唔會太甜，上面仲有兩條黑白配既曲奇，加埋忌廉一齊食都唔會太膩。👅玫瑰荔枝梳打 $58呢杯梳打既粉紅色真係好吸精，每啖都飲到荔枝既甜味，味道好清新，梳打好夠汽好清爽。

有時行開尖沙咀又諗唔到食咩時，都會黎厚福街搵食～ 今次試咗呢間日式丼飯，有肉有刺身，選擇幾多元化～ 我嘅角切刺身飯有三文魚、吞拿魚、油甘魚同蟹子～ 刺身細細粒同d飯撈埋一齊食，加d wasabi同埋日本雞蛋，真係oishii呢～朋友嘅海膽牛肉丼都好正，我試咗少少海膽同牛肉，海膽好鮮甜唔會腥，牛肉唔會太熟唔鞋口～另外叫咗碟煎餃子share食，煎得幾香脆，好難唔好食！😚 套餐可加配特飲，賣相夠晒igable，飲落亦好爽～ 藍莓青檸梳打味道清新、唔會太甜～ 青瓜青蘋果沙冰好冰涼解渴，而且蘋果味香甜可口～

放工出尖沙咀拎口罩，之後係厚福街到搵食， 見到 Meat Fight 個餐牌都幾吸引就入去食。我地一人叫左一個丼和一杯特飲🔽🔽🔽🔯 慢煮頂級牛肉盛丼150g ～ 見到已經開心， 中間有個立立令的蛋黃， 成個碗都係慢煮頂級牛肉， 薄薄一片，左超多片，先吉穿蛋黃汁隨心拌勻連同牛肉和飯一啖過好有質感。🔯 海膽牡丹蝦雜錦刺身丼 ～ 整體來說成碗刺身都好新鮮， 大大隻牡丹蝦多膏爽甜，三文魚都幾厚身，海膽份量如果多返d 就100分， 謙謙食得超滋味。🍹 朱古力曲奇沙冰 ～ 入口濃郁的朱古力味，小朋友見到呢杯會 bling bling 眼，因為上層有一層 cream 和兩條朱古力脆棒。🍹 青瓜青蘋果沙冰 ～ 我太口渴忍唔住叫左呢杯咁fresh 的沙冰幫我降溫，呢d 天真係好岩飲。