肉浦團火鍋放題

营业中

休息中

今日好開心同一大班朋友出嚟會去咗一間旺角附近食一間唔限時嘅餐廳食放題，佢哋呢一間打邊爐食物嘅選擇非常多，好豐富， 分量十足，有豬肉，加入，海鮮類，餃子，面都有，可以任君選擇，真係啱晒我呀，而且呢一間放題上網好多人讚，所以有食物嘅保證，有水準，而且牛嘅質素都非常不錯，我都好推介佢哋嘅牛五花腩，美國安格斯牛板腱，仲有簿切峰門筆，仲有美國安格斯牛等等，每一款牛嘅味道都非常吸引，我哋最後揀咗個日式壽喜燒嘅湯底，因為呢個湯底配埋牛，同埋蔬菜真係非常夾同埋味道一流，仲有呢一度有唔同嘅凍飲，出面有啲茶包可以沖茶嚟飲，都係好香好好飲，而且呢度嘅雞髀肉，都非常滑，好鮮嫩，非常正，好好食，仲有呢度嘅一流手打稻庭烏冬，口感非常軟綿綿，有口感，所以一定要利是

{肉浦團火鍋放題set B - $298/人頭}最近工作壓力太大，打邊爐治療覆診次數要增加，朋友介紹下，原來旺角有間無限時，質素幾高，而且坐得舒服嘅邊爐治療公司都幾正！對於麻甩佬嚟講，最治癒莫過於個名「肉浦團火鍋放題」，肉食麻甩佬真係聽到個名都企唔穩！初來報到，冇叫到最勁嗰個餐，小試牛刀來個Set B! 唔錯喎，性價比很高！澳洲M5和牛肩胛、美國安格斯牛板腱、薄切封門柳！肉肉來得幾高質，任叫又好食！但令人驚喜嘅，呢度竟然仲可以任叫牛骨髓！真心少見！而且處理得好乾淨，搞到本麻甩勁開心！除咗現場仲有炸物同埋其他火鍋配料俾你出去任攞之外，今天必須推介嘅係，佢竟然有台灣嘅淡水阿給！！豆腐入面釀咗木耳、魚漿、肉燥！講真真係第一次用嚟打邊爐，實在令人回味無窮，真係有去咗台灣嘅感覺！美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #肉浦團火鍋放題 (旺角)旺角通菜街1A-1L號威達商業大廈2樓A號舖

呢間想試好耐 之前喺社交平台見好多人講🤣🤣一試真係不得了 3百幾蚊任食有咁既質素！最貴最貴和牛Set都係$368，完全唔似一般放題既平價牛肉！啲牛完全冇筋，重肉味，大大塊，超級高質！今次真係大推‼️仲包3款海鮮任食，有蠔、蝦、魚😋湯底都好多選擇，仲會有期間限定，今次試咗花膠雞湯&沙爹湯。另外最重要佢係真. 無限時，呢樣野真係好吸引，有陣時約埋成班fd出黎聚下，水都未吹夠，又比餐廳催住走，真係勁無癮😮‍💨，呢度完全唔會！真係食到關門都得，嘉士伯任飲，開番個吹水大會都仲得，夠哂盡興🫡🫡-湯底：今次試左花膠雞湯&沙爹湯，花膠雞超濃雞湯味，建議黎到之後，即刻飲番碗暖暖胃先！沙嗲味都好濃，好重沙茶醬味！攞嚟look牛肉真係ichiban呢！🤣個清酒卜卜蜆湯都好似好正，下次要再試埋其他湯底先！🤟🏻🤟🏻🥩肉類：🔺A4和牛肩胛肉眼肉&油脂的比例岩岩好，有啲似平時壽喜燒會食到嘅牛，超飽肚！口感彈牙有咬口，完全唔韌！勁鍾意呢款肉🥹🔺A4和牛胸片真係A4紙咁薄，放落去幾秒已經可以攞番起，入口個感覺好特別！🔺A4和牛後腿肉食落第一啖已經好重牛味，啖啖肉，鍾意重牛味既你必試！🔺牛背峰肉油脂分佈比較多，食落油香味都

今日跟朋友嚟旺角打邊爐，跟佢介紹嚟到呢間肉浦團火鍋放題，最正嘅係可以無限時放題，食飽唞吓再食過，果然冇介紹錯！我哋嗌咗個set B ，麻辣同埋清酒鴛鴦湯底，湯底非常香濃，麻辣湯底麻中帶香，有啲辣椒碎，但唔會好辣，比起出邊其他火鍋店呢度嘅麻辣湯底非常之入味，食牛肉幾乎唔需要調味料都已經好好味，好推薦大家調味料嗰度可以落多啲花椒油，佢可以將麻辣嘅香味帶上另一個層次！清酒湯底好特別，清酒係有個樽裝住另上嘅，如果覺得清酒味太濃嘅可以自己調整落幾多！Set B 嘅牛肉全部都好吸引，其中我最推薦嘅係牛背峰同埋牛滑，細細塊嘅牛肉唔會好飽肚可以有多啲空間試多啲其他肉，同時牛味亦都非常出，放落火鍋淥5至10秒就啱啱好，牛肉非常之嫩滑，入口即溶！牛滑就要錄耐多少少，牛滑幾好咬口，同樣都係食得出好香濃嘅牛味，我哋都encore咗三round！各種丸類、蔬菜、飲品任飲一定有啦，唔使多講，最估佢唔到嘅竟然係仲有熟食，可以當係前菜，想食乜都有！最特別嘅係呢度竟然仲有黑啤提供，真係估佢唔到，我哋都忍唔住整返一罐！整體嚟講都係一間質素好高嘅火鍋放題，呢個價錢亦都咁高質嘅放題，非常抵食！

今日星期閒日同個friend去咗食打邊爐放題，坐得舒服，就算隔離2人位都好闊落，幾個朋友嚟食，一邊打邊爐一邊傾計就啱哂。呢度湯底有6款選擇，簡左清酒味噌卜卜蜆湯底，味道啱啱好，食得出味噌同蜆嘅海鮮味但又唔會太咸太濃味，湯底本身都有唔少蜆，小編同朋友仔每人都食左10幾隻。去到野食方面，丸類同蔬菜都係自己出去夾，想食咩就夾咩，啱哂心急人士，另外抵讚就係佢提供一人一個兜去裝野食，人多都唔使爭。基本嘅肉丸款都齊，而且質素唔錯。蔬菜除左有基本嘅娃娃菜，生菜同金針菇，萵筍。飲品方面有汽水飲品同幾款茶類飲品，而且仲有啲熱茶同茶包俾你自己沖，如果食肉得太飽，飲杯茶解下膩都係唔錯嘅選擇。叫得肉蒲團重點梗係食肉啦，今日係食set C嘅套餐，係可以任食A4和牛。封門柳係薄切所以一放落個鍋度5秒就食得，口感比較鬆軟，牛味唔太突出。A4牛肩胛比較厚身，纖維感比較明顯，有咬口但唔會好韌，好有食肉嘅滿足感。而A4牛胸片同後腿肉都係正常嘅和牛片，口感軟有油脂感。M5和牛睇落雖然啲雪花無咁靚，但食落都係軟嫩有油脂嘅香味。一讚個豬肉片口感軟熟小小爽口，唔會有奇怪嘅豬臭味，幾唔錯。海鮮方面，因為前面已經食到飽飽地，咁小編就

開心星期五 🥳想搵個地方同朋友吹水食飯見呢間寫無限時火鍋放題!!! 🤩帶位入去前，要先揀好叫邊個Set同湯底一共分三個價位$248/298/368有七種口味湯底可以揀👅環境好大，枱之間都闊落坐得幾舒服牆身有好多港式電影的元素🇭🇰又有經典對白的LED燈🔆氣氛好好 十分有地道感前菜吧 有兩款小食：青瓜、木耳跟住仲有港式糖水：木瓜西米露熟食方面，好驚喜竟然有瑞士雞翼大量炸物，如燒賣/薯格/咖哩角等等飲品櫃任飲，花款都好多😍有黑啤，果汁，茶類，仲有紅豆薏米水店員仲會Keep住Refill，唔會怕無哂旁邊仲放左公仔麵任拎😛我揀左中間價Set B其實已經包括左7-8款牛肉 相當夠食唔同套餐包的肉類都係要用QR落單而普通丸類、蔬菜就可以去自助吧任夾😝上餸速度極快，點完無耐😮就一次過上哂咁多款牛肉啦份量都唔少架，一份都已經最少有四塊我地各款都點左一份黎試整體全部都好食，肉味好濃，完全唔韌😬我自己最鐘意係薄切封門柳同澳洲M5和牛牛肩胛封門柳個口感好柔軟好嫩👍🏻而牛肩胛就比較彈牙、咬落去爽D仲有一個好特別的餸叫「阿給」🫶🏻絕對要試，係出面小見腐皮入面包住豬肉, 魚漿, 粉絲同木耳用黎掛湯一流！！吸晒壽喜燒

這間餐廳以提供豪華的火鍋放題為主打,提供了多種優質食材和特色湯底,讓顧客可以充分享受火鍋的美味與樂趣。其中最受歡迎的就是他們的M5M8和牛套餐,主要包括:- 澳洲頂級M5和牛牛肩胛,肉質鮮嫩多汁- 美國安格斯牛板腱和牛背峰,肉質軟嫩多油花- 新鮮的生蠔和海蝦,提供豐富的海鮮選擇這些優質食材搭配上餐廳獨特的醉雞湯底,湯頭鮮美濃郁,能夠充分激發食材本身的美味。除了這套餐,餐廳還提供多種其他湯底和食材供客人選擇,如清湯、麻辣湯、番茄湯等,以及各種蔬菜、豆製品等配料,滿足不同顧客的口味喜好。餐廳的環境也頗為舒適,提供了寬敞明亮的用餐空間,並配備有個人火鍋爐,讓客人可以根據自己的喜好隨意調整火鍋的烹調方式。總的來說,「肉浦團火鍋放題專門店」是一家頗有特色的火鍋餐廳,無論是想品嚐頂級和牛還是新鮮海鮮,又或者只是單純享受火鍋的樂趣,這裡都是一個不錯的選擇。提前預訂可以確保有位置,與親朋好友一起來這裡共享美食定能創造難忘的回憶。

上星期去左隔離食大排檔既時候經過見到依間肉浦團火鍋放題見個名同價錢都幾吸引，即刻問frd有無興趣試試，結果今日就黎左食喇🤣點解我frd咁快應承既原因，就係依度有嘉士伯/黑啤任飲！真係唔多地方有，黎到之後除左飲品多選擇之外，火鍋配料都唔少🤔一大堆唔同款式既蔬菜/丸/菇，仲有幾款炸物，薯格/薯條/麥樂雞/咖哩角/炸燒賣，我都試左少少，味道可以，要新鮮炸起果陣拎！A4和牛牛胸片/後腿肉/肩胛肉眼🐮A4和牛保留牛肉原汁原味，牛味濃郁有嚼勁，好好味！👉🏻牛胸片，肉質鮮嫩多汁，配壽喜燒湯一流，牛肉細膩入味，口感豐富👉🏻後腿肉，肉質細膩，牛肉纖維緊密👉🏻牛肩胛肉眼既部位肉質豐潤，含有較多脂肪紋理，較重油脂味，口感滑身少少。牛背峰/牛板腱/封門柳/牛五花🐮👉🏻牛背峰肉眼筋膜切下既上蓋肉，油脂花紋分佈均勻👉🏻牛板腱肩胛上方既肉，中間有條透明既嫩筋，脂肪少肉質口感酥脆👉🏻封門柳係橫隔膜，空腹肉附近，稀少部位，肉質桀軟牛味較濃👉🏻牛五花油份較多，層次豐富，配合壽喜燒汁非常滿足。各種配菜都幾好食😁菜既款式基本都試哂，旺菜、生菜、菠菜、萵筍等等🥬全部索哂我最愛既壽喜燒汁，超級入味，食足全程一點都唔油膩，另外仲試

肉浦團 （旺角） 打邊爐一向係香港人最愛。今次黎到旺角呢間打邊爐放題試一試，重點係佢有成120分鐘，時間夠長就食得盡興好多。 M5M8和牛Set （$368） 佢一共有八款湯底可以選擇，鍾意食辣嘅我當然係選擇咗佢嘅秘製麻辣湯，唔算非常辣，可以大膽挑戰一下。個set既重點當然係佢既澳洲M5和牛牛肩胛同澳洲M8臀腰肉心，但除咗佢哋之外，呢度其他牛肉嘅部位都幾好，例如係封門柳同牛背脊肉，都係肉味十足。除此之外，其實仲有好多配菜，可以用QR code落單，又或者喺吧枱自己夾，細食嘅我就淨係試左呢啲。臨尾唔好唔記得佢仲有個雪糕！完美！

今日朋友發辦帶我去食呢間肉蒲團火鍋放題， 香港佢啲火鍋湯底同埋配菜都幾有特色，所以試一試佢湯底我哋揀咗藥膳雞鍋同埋胡椒湯，兩個湯底都幾夠味，拍得住出邊幾百蚊一個嗰啲湯底✅✅食之前可以出邊攞啲小食有青瓜木耳同埋唔同嘅炸物肉類選擇，非常充足，牛肉方面，大力推介牛頸脊同埋封門樓，除咗有牛味之外仲非常軟滑✅✅蔬菜會選擇多非常多，打邊爐最緊要食多啲菜✅✅✅另外講吓服務方面，服務非常唔錯，會主動加湯，同埋會主動介紹食物同埋湯底，而且出邊食物冇咗嘅時候refill速度都好快

一年四季都要打邊爐，夏天開住冷氣食住熱辣辣既火鍋真係特別爽皮🤭朋友仔平時好鐘意食放題，佢推介左旺角呢間火鍋放題，一於試試佢😋湯底揀左胡椒豬肚湯，小小辛辣既胡椒味好突出，愈飲愈暖，吾錯呀👍🏻M5M8和牛set限時120分鐘，可以任食澳洲M5和牛牛肩胛、澳洲M8臀腰肉心、美國安格斯牛板腱、牛頸脊、牛背峰、封門柳等部位，食肉獸一定會好滿足👅海鮮有廣島蠔、石班魚片、越南虎蝦、原隻魷魚仔🦑🦐自助區仲有吾少既熟食、飲品、丸類、蔬菜、調咪料，款式真係好多👍🏻

呢晚約左個朋友黎撐枱腳打邊爐湯底叫左清酒味噌卜卜蜆湯入面勁勁勁多隻蜆 隻隻都好鮮味豉油既配料勁多而我最在意就係芫茜 俾個特寫佢先前菜真係夠曬塞飽你…連咖哩角都有菜類都是自助的一d豆腐類既食物都可以自取令我感動是，有辛辣麵…超正茶包都有，真係唔洗再呻得唔健康既凍飲無熱飲佢牛肉質素是非常不錯的至少任食放題黎講，我會俾佢好高評價講緊食我地食緊set c有和牛既高質肉仲有我愛既牛骨髓，係食佢既質地而唔是味道！一條果個是牛滑，蝦滑墨魚滑就食得多，牛滑幾新奇同埋幾喜歡呢到既氣氛，真係談心一流

成班朋友聚會最重要就係坐得舒服，傾計又可以傾得盡興，任食火鍋一直都係我地既first choice ，但係好多任食火鍋都係限時兩個鐘，傾到興起就夠鐘要走人，難得地搵到呢間任食火鍋係無限時，太正喇😆任食火鍋有3個plan，要食得盡興緊係要揀最貴果個！ 每位$368有3款A4 和牛🤤 之後要再加單，都只係$128一碟，另外有澳洲M5和牛肩胛、薄切封門柳、美國安格斯牛板鍵等任食，簡直係牛魔王精選🤩 除左肉類可以透過手機落單外，餐廳亦設置了長長的自助區，有熱食，有飲品，仲有好多款式既蔬菜、丸類、牛栢葉、豬紅等可以任夾，應有盡有👍🏻火鍋湯底我地揀左胡椒豬肚湯，湯底好濃味，而且有好多豬肚，煲到夠哂林☺️ 每人先飲左一碗胡椒豬肚湯，然後肉類就上枱了😋A4 和牛肩胛肉眼係和牛肩膊既位置，肌肉結實有彈性，肉味較濃，雪花分布平均，夠哂嫩👍🏻A4和牛牛胸肉肋骨前胸既肉，A4和牛霜降令瘦肉和脂肪重疊，肉質較紮實A4和牛後腿肉和牛後腿內側，因A4霜降分布平均，口感細緻，油而不膩澳洲M5和牛肩胛牛肩是牛隻經常活動到的部位，牛筋及牛筋膜較多就是其一大特色，口感比真他部位都更為結實有彈性。比起日本和牛，澳洲和牛勝在脂肪

今晚心血來潮想打邊爐，正在旺角，搵到呢間肉浦團火鍋放題，睇menu 幾正價錢又合理就去了，可能因為天熱關係，吾算等好耐就有得食了。佢有3 款價錢可以揀，menu 上愈貴就愈多野食，不過我揀set b都已經好夠了，想食豪d揀set c價錢都不是貴，仲有自助區都好多野食揀，各種丸類腸類，菜丫，菇，牛拍葉，豬紅，玉子豆腐等，仲有熟食就有薯條，咖哩角，冷盤青瓜，云耳，仲有糖水木瓜西米露都有，正啊。我地揀左醉雞湯底，欣賞佢上爐時仲另外有一鍋仔花雕酒，話可以比我地自己加多d落去。肉類就係自己scan qr code點的，質素勁高，喜歡佢每碟仲會加返個紙仔寫係乜肉，因為有時一次過點，到上碟時搞吾清，佢有紙仔就吾怕了，好食可以再睇住嚟嗌，very good😃推薦薄切封門柳，牛味濃，而且肥瘦適中，脂肪分佈好，睇樣都知新鮮靚貨，另外特別的仲有牛骨髓，都係第一次食，仲有少有嘅雞子，朋友很喜歡，海鮮就蝦是要讚的，大大隻又新鮮彈牙，吾錯。整體價錢，環境，服務都好，食物質素更好，會帶朋友再來。

成日食任食邊爐但係因為限時次次都食得好急所以平日放工想搵一間可以任坐任食嘅邊爐 可以慢慢同朋友傾偈chill下 今次就揀咗位於旺角嘅肉浦團火鍋放題👍🏻肉蒲團嘅地理位置都算方便喺市中心旺角入面～入面嘅座位都算闊落 而且餐廳嘅裝修都幾有特色一入座就可以用QR code去落單叫牛同海鮮今次叫咗$298嘅餐 叫咗沙嗲湯底✨有好多牛可以選擇餐廳有兩款肉係限定一份A4和牛肩胛肉眼A4和牛後腿肉💖兩款肉汁都好出色另外其他牛肉可以任叫比較推薦牛背峰肉質比較係嫩😍👍🏻另外推介嘅係越南虎蝦好大隻 而且每一支已經有竹籤穿起食起上嚟好方便！👍🏻另外亦都有多款蔬菜同丸類可以自己拎取😎 超多選擇～亦都有熱嘅炸物 例如炸燒賣、炸薯格 全部都熱辣辣勁惹味🥰飲品方面都有唔少選擇有甜又唔甜鍾意飲唔甜嘅嘢建議可以揀返茶食到最後 員工仲會送上甜品🍮今日嘅甜品係蛋糕有朱古力同埋綠茶口味🥰食完鹹嘢再食甜嘢 真係更加好食🤣最後坐咗三個鐘先離開 呢個價錢可以任坐任食真係超抵🤣如果想任食牛 又唔想食得咁趕咁急慢慢同朋友傾偈💬推薦可以食呢一間無限時火鍋👍🏻