影片
相关文章
上网睇到元朗Yoho Mall 新开咗美食广场Foodeli，而咁啱今日三点三有些肚饿，所以去左Foodeli睇下有乜野食。因为怕食得太多，食唔落晚饭，所以到最后拣左食肉饼哥。肉饼哥个名就成日听，但食就真系今日第一次食，叫左外卖肉饼哥汉堡包配薯角，等左15分钟左右，可能是因为Foodeli新开张关系，所以堂食好多人，坐满晒，想揾个位坐下都好难。汉堡包及薯角用纸盒包装，然后再放入纸袋。茄汁用纸杯装住，包装咁好难怪外卖要加$2啦。隔左15分钟先打开食，包及薯角仲热既，肉饼厚身，有肉汁，唔会太干身，可能因为肉饼先系主角，所以其他馅料不多，而薯角就不过不失，正常都不会太难食。因为罐装汽水都加$5，觉得唔抵饮，反正都是外卖，所以就无叫饮品。总括来讲，肉饼系好味既，但$60食一个肉饼汉堡及薯角，有点贵，不太抵食，一样的价钱，食其他野食，巳经好饱了。
继续阅读
以为好出名嘅肉饼哥，吃完只有两个字:失望😔$68一份金沙蛋黄煎肉饼，菜饭+$3,饮品+$5唔明点解咁可以咁干咁硬😣，同平时吃开的菜饭完全系两回事。肉饼上面有点咸蛋黄碎，食落都几香，但肉饼就好唔掂，太咸，捞埋饭一齐吃就又咸又干，肉应该系机器剁，所以好霉无咬口，唐X的章鱼肉饼好味好多。😥😥
继续阅读
最主要都系因为啲饭好难好难好难食, 啲肉饼都唔知用咩肉做, 又硬又唔松化, 真系同阿妈整𠮶啲肉饼唔知点解有好大分别, 可能因为机器大量生产, 真系仲衰过工厂区饭堂𠮶啲肉饼饭，佢哋呢几年生意差咗好多, 乐华村𠮶间已经静鸡鸡执咗, 最主要都系因为啲饭好难好难好难食，而家仲加入埋做埋小炒，已经偏离咗做肉饼主流菜式，佢个名应该要改为小炒哥, 佢已经可能唔识得做肉饼, 无谓嘥脚骨力去佢𠮶度食, 噉嘅价钱我去太兴食好过，起码人哋多款式，地方又好坐
继续阅读
男友是肉饼爱好者，除左屋企成日煮之外，连出去觅食都要食肉饼。知道元朗yoho mall开左肉饼哥，所以专程去试一试个肉饼出唔出色。叫左一个金沙蛋黄煎肉饼，肉饼厚肉，蛋黄味浓，唔需要加豉油都好够味。男友一个人食份量岩岩好。另一个叫左芝士肉饼。芝士肉饼系中间夹左芝士，面头亦放左半块芝士，相当邪恶🙈 但肉质相对冇蛋黄肉饼松软。对女仔黎讲，食到一半就已经饱。每个餐加埋汽水要70几蚊，唔算抵食，而且个餐冇菜做配菜，好容易食滞。
继续阅读
形点food court开左一段时间，呢日落雨湿湿唔想离开商场，终于的起心肝黎试下。听闻呢档肉饼哥喺荃湾几出名，虽然朋友话无本店咁好食，试过椒盐肉饼偏干，但反正都要谂食乜就俾次机会佢啦以肉饼饭黎讲价钱偏贵，元朗茶记都系三四十，呢个饭唔包野饮盛惠$68，菜饭再加$3个饭麻麻地，无米香，啲菜有啲老。肉饼份量一般，口感正如朋友讲偏干身，但胜在无乜肥膏之余唔会鞋口。除左面头果片芝士之外，肉饼中间都夹左溶化芝士，食落带咸香，估唔到又几夹。肉饼其实唔差，但对上价钱同声势以言就有啲言过其实值得一赞系店员服务态度几好。
继续阅读