肥仔海南雞專門店 (開源道)

营业中

休息中

評分：- 味道：4.3/5- 份量：4.5/5- 性價比：4.6/5- 環境：3.8/5綜合評分：4.3/5 重點推介： 🍜 車仔麵最大賣點係佢哋用心熬製嘅雞湯底！唔少茶記都係用上粉沖，但執肥仔就堅持用新鮮雞骨熬製，湯底清甜有層次，完全冇味精嘅人工味。配料豐富：- 玻璃魷魚：鮮嫩爽滑- 牛雜：火候適中，入味唔會太韌可以揀麻辣同酸辣湯底，兩款都夠水準：- 麻辣湯底：香辣過癮，麻度適中- 酸辣湯底：酸味夠勁，開胃醒神 🍗 海南雞雞肉嫩滑多汁，皮爽肉滑！用料係新鮮嘅走地雞，肉質結實有韌性。特別係佢配埋嘅薑蓉，香辣夠味，配雞肉一流。個醬油都係自家調製，香甜唔會死鹹。 環境設施：典型茶餐廳格局，乾淨整潔。午市時段人流較多，建議避開繁忙時段。溫馨提示：- 午市時段建議提早到- 一人一碗先至夠飽- 要食海南雞建議早啲到，容易賣晒 執肥仔嘅車仔麵同海南雞，絕對係觀塘區嘅抵食之選。雖然環境冇咩特別，但勝在味道實在，價錢親民。特別係佢哋用心熬製嘅雞湯底，喺茶記中真係少有。想食到平靚正嘅車仔麵同海南雞，執肥仔絕對值得一試！ #觀塘美食 #茶餐廳推介 #車仔麵 #海南雞 #香港美食 #抵食推介

負責執外賣既遮遮服務態度勁差杯野飲都未飲曬就俾佢收左食完野想坐下都唔俾要即刻起身走仲要答我食完係要即刻走 你話好多人等緊位就話啫完全冇人等緊以後都唔會幫襯呢間野！

海南雞嫩滑，唔鞋，juicy，又俾左好多舊，而且都俾左唔少薑蓉，唔會吝嗇，仲配埋青瓜添。元蹄整得唔錯，唔會韌，入味，配上酸菜，好有風味。隨餐送甜豉油、酸辣汁，有D泰式醬汁feel ，幾好食。仲有冇味精嘅例湯送埋，質量並重。高CP值的一餐。

呢間車仔麵係最多人選擇的食物。可以自選自己喜歡的麵（粗／幼／油麵，米粉，米線，河粉，粉絲）同材料。今次我叫了瀨粉 ，牛筋，生菜，生筋，魚腐，芫西，酸辣湯。生菜爽口，牛筋夠淋，魚腐及生筋吸收唒湯底的味道湯底夠哂辣但完全無酸味。我食過最好味湯底都係腩汁加清湯

雞嫩但冇雞味，食返粉紅水門雞算，好食又平啲😂・・・・・・・・・・・・・・・・・・・・🐤 招牌無骨海南雞飯  HK$48・味道：冇乜雞味，雞皮都好厚，醬料搭夠。・口感：但雞真係好嫩滑的，而且好大份飽肚～・・・・・・・・・・・・・・・・・・・・🤰性價比：中～🤰9衝度：可試～🤰結論：平價食得過，不過有更平更好食咁解🤭・・・・・・・・・・・・・・・・・・・・分店：元朗、鰂魚涌、九龍灣、灣仔、觀塘都有多個分店(total 2間)IMG:3]

元蹄拼口水雞飯 $57雞肉好滑好嫩，個口水汁辣到飛起，但好頂癮，越食越想食海蜇雞飯 $51朋友叫嘅，佢話啲肉都好嫩，見佢果盒有雞翼元蹄飯 $48好多餸，好多皮，都幾肥，正正🤤，不過個汁有啲重口，都幾咸，一定要撈飯食油飯聞落好香，睇落都見到淺黃色，但食落去就唔太出味

平時肥仔招牌海南雞真係幾肥，以前都係喺巧明街外賣居多，今日咁啱行開開源道，見可以坐低食咪入去囉見到有花雕雞都想試一試，諗住食個晏啫咪無影相叫餐好快就到，唔駛2分鐘賣相可以，不過一入口，OMG得個鹹字，叫雞完全無花雕味，得啲碟入面食到酒未，啲雞皮好彩有啲脆，但雞堅無平時食開咁滑點解會咁㗎 ！仲收$55蚊唔包嘢飲下次嚟都係食番招牌比較穩陣

從來冇見過一間餐廳買10次錯8次，佢重覆你講嘅嘢，但係最後都錯，睇返張單就係個收銀打錯單，態度又差又黑面，以後都唔會幫襯又唔係好食，每次拎返去既外賣都有錯，電話打去有冇人聽

越嚟越難食 幫襯過幾次都越嚟越少人食 唔知係咪冬天啲雞又少又凍又韌又痴牙成日比雞翼位招牌難食海南雞得個飯熱冬瓜湯又難飲 唔知係燶咗定點個湯嘅味好怪整體難食到爆唯一車仔麵算好食啲

啊太星期日出開觀塘，又隨意搵個地方食早餐，趕住11點早餐尾就入左呢間肥仔喇知佢做開海南雞，其實都冇乜期望，諗住簡簡單單蛋牛治烘底，凍檸茶走甜就算誰知埋單要$42，睇返先知凍飲加$5驚訝左都睇下比咩我食啦件多士幾厚同烘得幾香，不過隻蛋就薄同埋overcooked，都真係失望杯$5凍檸茶就係比平時大杯，不過觀塘茶餐廳加$5，個人就覺得進取左啲利申先，佢餐牌有寫，但係啊太冇睇清楚姐！伏左，回頭就難啲喇！

本身想食前面個間但無開，見呀姐係咁宣傳就入去食坐低先見到每個早餐都$40起，凍飲仲要加$5，真係未見過同區茶餐廳會有呢個價叫左個沙嗲牛面配腸仔蛋，多士，熱奶茶，朋友叫左個咸牛肉蛋治，凍奶茶要叫左，收左錢先上菜等緊上菜先發現隔離枱有另一張餐牌寫住優惠早餐，同一樣，沙嗲牛麵，煎蛋，多士，$35！仲要冷熱飲同價！我地張枱就得正價嘅餐單，出去叫個陣，個收銀又唔提架喎，一條腸仔咁就值$5🙂到上左菜，個沙嗲牛完全無味，個湯有色架，但真係無沙嗲味，個麵係鞋口個啲麵質，最後真係食唔晒，其實唔大碗架，但太難食，多士腸仔蛋就正常味，最正係熱奶茶，完全唔熱，暖架，仲要好難飲，淡茶重奶，飲左3啖真係放棄唔熱嘅程度係，隔離枱個呀叔問呀姐可唔可以俾杯熱嘅水佢，呀姐同收錢都話水自助，自己倒啦，有保溫壺，呀叔話：你連上個杯熱飲都唔熱，出面個壺真係夠熱？但兩位呀姐都無視左佢😂而朋友個咸牛蛋治，蛋就好多，啲牛，真係粒粒咁，又細粒又少，仲要連個包都唔好食，凍奶茶都係得個奶味絕對絕對唔會有下次，同區真係大把茶餐廳，價錢同質素一定好過呢間好多

星期日，官塘茶餐廳一般都唔 full, 圓檯卡位都有吉，一入餐廳，樓面姐姐緊張地要我2位坐圓檯及搭檯，仲要限坐4份1枱面，試問2個人點坐，樓面姐姐似乎好緊張每位食客坐位的安排，我感覺真的不太良好食物方面-香茅豬扒及醉雞都好味的粗麵湯底都可以，但麵底太少雖然食物OK, 但坐得唔舒服等於趕客，又不是打工仔食飯時間，餐廳又有咁多位，何必要咁安排呢？食完都快快離開，幾好食都係假，無下次😒無下次🙄真係唔再幫襯

本次為一次中伏體驗。五知點解有排戚起條海南雞飯癮，想叫外賣，睇呢間野平平地五十蚊，某外賣平台上評分都幾高，點知就中左伏🤧🤧一打開個飯盒，真係好似讀書時期既學生餐既氣味(大家食過都知)d雞睇相都知有幾鞋，一d都唔滑，雞肉又唔香，飯又無雞油香，姜蓉真係一舊姜刨成左蓉就叫姜蓉，汁係酸酸地既羅望子(?)汁，完全同雞唔夾，唯一令人安慰既係有湯飲，但杯湯其實都係普普通通貨色。我見朋友的牛腩飯都唔掂，呢個價錢雖然唔貴，都係不如去食白切雞飯盒好過😓😓😓味道:2.5/10性價比:5/10

外賣$46 海南雞飯+湯味道一般 ~ 可能係少左個豉油🤔 (我平時最中意3款醬汁一齊點,個豉油用黎撈d椰香雞油飯會好正)個湯夠味,但就有d咸 - 所以要搵多支飲品解下喝😅

我一直都係海南雞飯愛好者，尤其鐘意食香噴噴嘅油飯。呢間喺觀塘嘅海南雞專門店係我成日都會幫襯嘅餐廳，我食開嘅係海南雞飯轉雞髀。呢度雞件嘅份量好多，雞肉嫩滑， 雞皮又夠肥；油飯有雞油味，乜都唔點都好香，食過好多次飯都煲得幾好，唔會溶溶爛爛咁，配搭雞肉嘅醬料有兩款，一款係酸酸辣辣嘅汁，個汁好勁蒜味，啱晒我呢啲重口味人士。而另一款係薑蓉，雖然佢係薑蓉，但唔係真係好勁薑味，反而係咸咸哋咁，好好送飯，連我呢個好抗拒薑嘅人都好鐘意。成個飯嘅份量幾多，女仔嚟講可能食唔哂，$50有呢個份量同質素嘅雞飯絕對係無得彈！