肥仔海南雞專門店 (海光苑)

营业中

休息中

海南雞質素不錯  買了兩次海南雞飯 要白飯職員都給我油飯…. 明明收據是寫白飯懂不懂減肥是不能吃油飯管理層應檢討員工培訓確保同類事情不再發生才能留住客人………………..

呢日好攰唔想出街食飯,決定買外賣返屋企食,醒起平時經過開肥仔海南雞Lunch時間好多人排隊,今日決定試一試佢我買咗招牌無骨海南雞飯個飯嘅份量超多雞肉夠厚同滑,雞皮唔算厚雞油飯唔會好油配埋薑蓉,黑豉油&泰式酸辣汁跟餐有埋元貝冬瓜清雞湯個湯好清甜車仔麵秘制滷水豬腸 枝竹 雞翼尖 油麵秘制香辣汁(小辣)湯同麵係分開裝,唔怕浸到索晒水👍🏻不過叫咗小辣我仍然覺得好辣🥵#hkfoodie#openrice#肥仔海南雞專門店

店舖是間只提供外賣食肆，一向賣開海南雞飯，最近岀了雞湯底車仔麵。店舖自稱車仔麵以鮮雞湯做湯底，雞湯底材料為一斤雞三碗湯原滴鮮熬。我今天點了河源米粉（$12）作麵底，選擇了兩個餸： 牛筋和金錢肚（各$15）。加入少許店舖嘅秘製香辣汁。也加入店舖提供的所有配菜：蔥花、香蒜、芫荽和辣菜譜（免費的）外賣盒x2 （$2）合共$44整體來說食物有90分：米粉有咬口，牛筋和金錢肚炆得好焾、入味。秘製辣汁唔錯，各樣配菜也很新鮮，另成碗米粉香氣滿溢。只是湯底不太吃出雞湯味道，下次再食吾加辣汁，可能雞湯味會岀來😅

最近覺得幾好食既雞飯肥仔海南雞飯（鰂魚涌）點左海南雞飯轉白飯要雞髀55hkd 佢地胖既米粒粒分明（比較肥短，似珍珠米），配左黑豉油同泰式汁，佢既雞髀都幾大隻，而且切得唔錯，雞肉都幾嫩滑有鮮味，雖然我唔會講佢係新鮮雞整，但佢既雞有油香又滑又有肉汁，應該用左靚既雞先做到，而且件件都肥大肉厚😀或墊左幾件醃青瓜🥒好清新，我自己比較鐘意佢泰式酸辣汁，比較開胃，黑豉油偏甜所以多數唔要。另外加左15蚊要左個湯浸娃娃菜，都幾大碗夠二個人食。以一個70hld 有湯有菜有大大雞髀又有靚米食既外賣黎講，,唔排除有更平選擇，但唔貴又性價比高既外賣，我覺得可以無限encore😎#eatwithvava #eatwithvava_takeaway#eatwithvava_quarrybay #chickenrice #海南雞飯

呢間只提供外賣嘅海南雞飯性價比十足無骨海南雞飯 $49 (外賣盒+$2) 如要轉雞脾可再另加$6可選白飯/油飯/冷麵(+$5)今次無轉到 要咗個最普通嘅無骨海南雞飯 (油飯)附送元貝冬瓜清雞湯 醬汁有海南雞醬油及酸辣汁油飯粒粒分明 食落並無油膩感之餘更有淡淡椰香味而雞份量都唔少 包咗一part雞胸肉 雞翼及雞翼尖底部仲有幾塊爽口青瓜 可以中和肉嘅膩感不過畢竟係雞胸 脂肪比例少 相對上絕對會比較韌身少少下次會轉雞脾試試至於附送嘅湯都同樣出色 無味精感

Lunch成日唔知食咩好，前後又夾咗啲會，想食啲快靚正嘅嘢呢，我多數就會揀呢間肥仔海南雞！咁佢專做外賣，成日都有好多人排隊㗎，佢去人龍都去得好快，亦都好有條理，咁多數等大概5至10分鐘都可以拎走！咁我今次就叫咗個海蜇雞麻醬冷麵，其實我之前都食過㗎，不過海蜇嘅份量就比而家圖入邊多好多啦，而家就得返少少，咁其實都唔會再食呢個㗎喇下次！咁佢啲海南雞全部都去骨嘅，雞嘅肉質都係好嫩滑嘅，冷麵都配有番茄啦，花生啦，青瓜啦，撈埋嚟食呢係好開胃好好食嘅！但下次可能淨係轉嗌海南雞冷麵就會性價比高少少啦，因為佢海蜇份量真係太少….

本來想食牛腩的，但見寫着海南雞尊門店，理應食雞是最拿手的，但感覺雞算可以，但若要比較我覺得金記的海南雞飯比較好食，只算是一般的海南雞飯，而且最重點的油飯變了白飯，名稱很好聽的元貝冬瓜湯又變了紙包綠茶， 可以一試但不要抱太大期望。

肥仔海南雞分店有咁多唔係浪得虛名！價錢公道味道又好，落雨食lunch 嘅好選擇！我揀左無骨海南雞，仲加左$5轉左冷麵。但個冷麵好夠汁，基本上唔駛要餸都可以食得哂，加左麻醬，配埋青瓜，就咁當佢係冷麵，夏天食真係唔錯！不過唯一唔好就係份量不算多，有時肚餓起上黎都唔夠。點餐時，店員都會問你要不要加$6轉雞髀，我今次就無轉，不過雞髀就會滑少少，我有啲朋友就好堅持要髀。無轉髀就會係雞胸同雞翼，份量都對得住價錢！

冇錯🤣🤣又係燒後欄嘅日子了呢間野同本大爺撞朵💣又係叫肥仔🐽又係好野嚟😎先唔講佢肯加辣佢本身係一個海南雞專門站嚟嘅😂而我返工附近呢認真地成區最滑嘅雞係佢嫁喇雞皮又厚又有彈性又滑又夠黃之餘個雞肉夠熟又會夠滑夠香夠雞味個飯都係認真油飯嚟再加埋😂誘人嘅辣醬又麻又辣好似仲有啲薑喺入面食完飲返個佢地嘅老火冬瓜湯滿足呀😎👍🏻平時海南雞飯 50 蚊呢個都係52蚊炸多雞到食濟你都仲得掂呀🐓🐓🐓🐓🐔🐔🐔🐔🐔🐣🐣🐣🐣🐤🐤🐤🐤

食飯時間同幾個同事一齊落去叫外賣. 由於譚仔太多人，見到肥仔唔多人，就排隊叫飯. 其實之前都食過幾次，感覺良好. 大約排咗5分鐘，就到我哋. 基本上覺得幾岩女仔食，有唔同嘅飯量選擇. 今日做嘢太攰，加咗$6叫咗雞髀+海哲飯，有四款免費嘢飲揀. 比起平時普通海南雞飯，雞髀嘅肉量明顯係大件啲、好食啲. 個海蜇撈飯都唔錯. 服務方面，可能午市關係，態度麻麻地，而且叫號碼嘅時候，其實唔係好聽到. 由落單去到拎飯，大概等10分鐘左右，都算快手. 整體唔錯，叫做鰂魚涌有個正常飯食.

明明係電話落單要口水雞，點知去拎個陣俾海南雞我，仲要死爭議話我講錯，落錯單，無下次。完全係唔禮貌既態度，仲要黑哂面，係咩玩法!?完全係唔知咩事，第一次買亦係最後一次

懶，是夜加餸，叫咗一個例牌的海南雞(純雞冇飯$60)，大概有¼隻雞，可以分兩餐食。回家用新買的靚靚餐具擺好，這裏大概一半的份量。除了三款經典醬汁：薑蓉、黑醬油、泰式酸辣汁之外，仲有醃青瓜八條，份量十足。醃青瓜大大件，醃得入味又爽脆，不錯。雞已經徹底去骨，去骨去得很乾淨，很適合懶人！這個價錢當然不會期待雞是新鮮雞，但雞肉的品質選擇得不錯，嫩滑有雞味，美中不足是有點太油，我估計這裏選擇的是比較高一級的三黃雞，貪其雞味濃郁，香味比較足，缺點是油份會比較多。不過反正是外賣在家裏吃，當然可以選擇自己去油不吃雞皮。三款醬汁，薑蓉一如既往地最夾雞肉，黑醬油比較甜，個性不足，泰式酸辣汁香辣惹味但點得多會有點掩蓋雞味。3款中我還是最喜歡薑蓉。

真心良心海南雞 所有材料都係真材實料雞肥美嫩滑試過就知正！青瓜醬料絕對不孤寒👍🏻 希望開到新界區造福人群午餐精選 ！正呀 太好食的海南雞雞飯捧場客 下次試海蜇雞飯先 同埋咖喱牛腩

見佢開左一段時間，諗住今日終於有機會試吓啦😟平時行過經過都見到有幾多人買，都對佢嘅海南雞飯都有啲期望點知。。。換來嘅係一片失望，同後悔😫😣早知我食另一間啦。。。唉。。。。。🥺先講佢啲雞肉，肉質鞋，而且仲要有雪味嘅！連我認為係海南雞飯嘅精髓之一嘅油飯，味道都淡貿貿，質地又唔知點咁，總之就係唔得！完全唔好食😒唯獨係個醬汁叫做幾好，可以夾硬撈埋d飯填飽個肚😔講真，以咁樣嘅價錢，確實又唔係平，真係無下次！😠

今日行去太古坊後面搵間餐廳買午餐，唔覺意見到間新開嘅海南雞專門店。睇佢menu仲有好多其他嘅選擇：咖哩雞扒、口水雞、咖哩腩、狀元蹄，仲有啲炸蝦餅咁嘅小食。感覺唔錯下次都可以去試下嘅～今次就先試下佢個招牌無骨海南雞飯，話晒人哋都係海南雞專門店嚟。姐姐好好人咁比咗個髀我😋仲有例湯跟比我。飯係油飯嚟，仲係珍珠米，所有食落個人都覺得香嘅。雞因為佢去咗骨所以食得好方便，但係今次隻雞麻麻...比較多肥脂，皮都比較肥。總體嚟講，都叫係過得去啦，呢個價位有髀又有例湯跟，同大家樂都有得揮啦。