肥仔記麵家

营业中

休息中

呢間小編都食過好幾次，見證住雲吞由大變細，態度愈嚟愈差…有埋今次經歷之後，唔會再去架啦！Weekend座無虛席，見到姨姨們都好忙碌。餓扁嘅小編都盡量唔想麻煩到佢地，所以一落單，就默默地等咗15-20分鐘，繼豆漿、油菜後，墨丸雲吞麵終於送到。小編一見個麵，發現3粒墨丸同3粒雲吞細粒咗好多！但因為太肚餓啦，一啖咬落粒雲吞，就覺得口感有啲怪，之後睇下剩返嘅半粒雲吞，發現係生架！凍嘅，啲肉仲係透明，蝦麵係透明架….我即刻叫咗個姨姨過嚟同佢講啲雲吞係生嘅，佢話即係幫我處理，點知轉個頭去咗落單、執枱同收錢….小編再同姨姨有眼神接觸後，姨姨醒覺要幫我處理啦，仲好好咁問我照舊定轉其他，咁小編照舊啦。再等多10幾分鐘，新嘅墨丸雲吞麵送到！小編發現變咗2粒墨丸同4粒雲吞…食到最後一粒雲吞嘅時候，發現啲肉雖然有啲粉紅色，但啱啱熟，小編已經唔想再打攬姨姨們，食晒就走。

今時今日係香港旺區，旅遊區仲有d 質素常可同價錢平既店唔多嫁啦！ 要比like經開尖咀想平平地食個麵，見到呢間肥仔記就試下。叫左招牌雲吞麵單拼都係32蚊，加埋菜同豆漿都係多12蚊，最緊要係性價比高。44蚊有麵，有菜，有野飲真算係咁。雲吞蝦係爽既夠味，皮都薄，幼麵都夠彈牙既，湯底預期個隻正常味道啦，菜都係新鮮的，整體合格有突。環境比一般既粉麵店乾淨d，至少冇陣異味同埋個地唔會油淋淋，感覺都企理。

暫時食過最難食得麵家堿水面全部都堿水味勁重 雲吞100分難食 撈面好似食緊生既麵 d湯全部味精feel 但又無味 完全五知咩事唯一係有冷氣 然後吸引一堆大陸人食 嘈到爆炸全香港最難食 肥仔記面家大家小心d

我見佢有鵝腸,好想食. 點知入面全部都係內地人. 我叫左鵝腸湯河,成條勁長,又難咬開.放棄左冇食.加埋做套餐,菜又勁靭.唔係特別平. 個湯個味又怪怪. 絕對唔會再去。 同埋煮勁耐至有.

去尖沙咀做完運動想過去食吓啲魚蛋粉，咁岩搵咗呢間。一入到去我唔知道係咪因為有內地網紅介紹過？！入邊全部都係大陸旅客，仲要我一入餐廳，個店員已經好自動波同我講國語。。。選擇都係普通雲吞麵嗰啲，價錢，份量，味道，都係正正常常，唔係難食亦唔會有驚喜所以見到座無虛席我都幾驚訝，同埋入邊全部都係內地人，所以我都幾肯定佢哋係做咗廣告😂態度方面，可能太忙關係，啲阿姐十問九唔應，又要等咗一陣先肯行去櫃枱收錢，生意真係好好，所以我下次都唔會幫襯，留番啲位比有需要嘅人😀

今次就嗌咗鵝腸牛筋撈粗($54)、雲呑春卷撈粗($54)。價錢就唔算貴，但係就等咗好耐先上菜⏱️。最離奇係當向店員查詢「跟跟」張單時，店員明明喺面前抹緊枱，但竟然完全冇理到查詢😮，冇任何反應😨。一開頭仲以為聽唔明廣東話或者聽唔到🤯，但係問多次都係咁😱。之後又見到佢可以聽得明其他客人落單，真係百思不得其解🧐。覺得店員理唔理你真係好講緣份😂。鵝腸牛筋撈粗🌟🌟份量幾多，兩樣餸嘅數量都唔少😚。粗麵食落口有好重嘅鹼水味🙂，真係幾重下，而且食落偏硬🪨。鵝腸食落口幾爽脆，而且都洗得好乾淨，唔會有其他味道😋。而牛筋就一般般啦，食落口感唔夠腍或者彈牙。雲呑春卷撈粗🌟🌟雲吞同春卷係另上嘅，用湯浸住🍲。春卷只有烚過，所以外皮屬於腍身嗰款，食落味道正常，要比較嘅話，覺得南記嘅春卷出色啲😙。而雲吞有三粒，每一粒雲吞內餡都食到有兩三隻蝦🦐，味道口感都幾好🤤！呢間麵店仲係銅鑼灣、西營盤、土瓜灣有分店，大家有緣就入去試下啦💕！

環境唔錯,木質椅子古色古香風格野食方面有質素得黎抵食雙併河粉(鮮蝦雲吞,柱候牛腩)$40鮮蝦雲吞入面概鮮蝦夠新鮮彈牙肉質豐滿柱候牛腩好大嚿而且夠淋夠入味河粉就大路野不過同埋牛腩汁一齊食就好好味肥仔記麵家地址 :尖沙咀加拿分道6B號集友大廈地舖電話號碼:23382108營業時間:星期一至日11:00 - 22:00

昨天晚上下班回住宿的地方附近的找吃，想到上次在肥仔吃过羊腩饭不错，今次试试粉面呗。七点多不是很多人，有好多位置选择，我找了近出餐位的角落坐下，然后点了个墨鱼丸拼云吞河粉$40。当吃第一口，被墨鱼丸惊喜到了，原来墨鱼丸里有墨粒，非常爽口弹牙，云吞里虾🦐爽口弹牙又大只，河粉柔软香滑，简单！所以决定点多一碗鹅肠拼鲮鱼球粗面，因为很少粉面店有鹅肠，鹅肠非常爽口新鲜份量又多，鲮鱼球差点，不弹牙有点软，幸好挺大粒又有鱼味，不是冷藏交货的是手工的，粗面柔软滑，但没有蛋味，只可以说合格水平！

今晚下班出了西铁后发觉肚子饿及天气突然间寒冷了很多，想起好友鬼王哥哥经常说这间在住处附近的粉面店有饭吃，而且味道不错😋😋😋，打算顺便去试一下，在门口看到有🐏腩饭立刻马上去试吃。$78🐏腩饭+$16升级做套餐有豆浆及灼油菜一碟合共$94元，🐏腩超级好吃😋😋😋又入味入软滑连支竹、香菇等配菜都好吃，简直就是同酒楼不相上下，在外面吃🐏腩煲最便宜都百几块以上，一字形容：正呀但最大缺点：座位又窄又细，如果想去吃的人要做定心理准备随时要拼桌子的！

平日放午餐想食雲吞麵（最近電視廣告），路過門口睇到單併雲吞麵只要32元覺得平就入去試下，最後點左雲吞牛腩粗，雲吞內蝦肉彈牙，牛腩有筋好唸，粗面爽口，只要40蚊吾細碗，很滿意！

首先個價錢已經唔算好吸引 又唔包嘢飲 本身以為啲嘢食會對得住個價錢啦 點知牛腩好似擦膠咁硬 真係咬咗好耐先吞得落肚 啲腩汁亦都有陣怪味 一直食落去都唔舒服雞髀都似喺便利店買返嚟叮嗰隻 份量仲要少之後講服務態度 食到一半我同朋友都想要紙巾 就問店裏面有冇啦 點知兩個店員只係顧住傾偈冇理我哋 明明都冇乜客人 但係我喺落單同埋食緊嘢嘅時候都叫咗佢差唔多1分鐘先至應我 走嗰陣收錢都等咗好耐以後唔會再食呢間嘢 唔該喺得繁忙地帶開舖頭就做好啲

而家收工食個飯好似難咗好多舊時尖東係收工後chill吓嘅hub而家都真係收工就返屋企食外賣今日經過肥仔記咁就順手買咗個鰻魚球牛肚麵仲送埋自製辣油等男朋友同我一路staycation一路送酒今時今日做餐飲業真係好困難除咗地舖交租唔係人咁品之外仲有一啲突然出現嘅事故導致一啲準備好嘅食材都無法serve俾客先唔講生計好多好似肥仔記呢啲平民飯堂真係可以話係食得一日得一日要用心去珍惜佢不過有口碑有實力嘅話風雨過後總會有晴天！要堅持落去就無問題