肥仔記麵家

营业中

休息中

我帶住兩個小朋友去食，他們兩個各自叫了三餸麵，哥哥跟豆漿，細佬唔飲野，我本人無胃口唔食，咁我唸住細佬個餐跟一杯紅豆冰，佢地話唔得，要原價，因為我地三個人，我無叫野食，都唔緊要。後來哥的豆漿黎到，細佬飲左一啖見係室温不太凍，又想叫一杯，咁我就話跟餐加多一杯豆漿，但原本跟餐飲野加$4，佢話這杯加$7，我又問佢點解哥的加$4，另一杯是加$7，佢地又話因為我地三個人，除非我唔坐係到，即是要我離開，另一杯野飲就是加$4😱😱😱連對面坐的阿叔都話佢地趕客，我同我兩個小朋友講，我先回家沖涼，叫他們食完自己回家。$3我係點都唔會比佢地😡😡😡於是我比埋錢就走，仲大大聲聲話冇下次。我行緊番屋企，再whatsapp哥哥，叫佢哋無論如何唔好再比錢，我怕人地陣間又話加$7唔係加$4，呃佢地細路仔唔識野，我仲叫哥哥如果人地要佢地加錢即刻打電話比我😡😡😡

原本諗住同 BB 去中山紀念公園玩，但時間就得唔好，啱啱中午，個太陽太曬，就不如去食個午飯先，中山公園泊好車，行到去德輔道西，東邊街交界，唔知食乜問 BB，BB 就指我哋入去皇后大道，行入去見到條街都幾多嘢食，滷水店好多，又有燒味，又有日式料理拉麵咁，兜咗個圈，發現呢間肥仔記個門口飄咗一陣蝦子味，好香，同埋佢有一種我以前喺澳門珠記水餃嘅回憶，所以就入咗去啦。唔知間舖本身係唔係食肥牛嘅呢？佢好似有好多牛嘅菜單，但入咗去就唔諗，叫咗個水餃雲吞麵，我老婆見到有魚肉春卷就嗌咗個春卷墨丸米，茶水唔講啦，其實呢啲舖頭都冇乜特別㗎喇，街坊生意舖頭仔你想佢鑲金咩？咁就講吓啲水餃雲吞，水餃嘅大小唔錯，都夠大隻嘅，每粒都包住差唔多要爆出嚟嘅餡，入邊有木耳、蝦同豬肉，豬肉好味，蝦新鮮，木耳爽口，個麵係鹼水麵，不過就冇乜鹼水味啦，鹼水味我麻麻，反而覺得幾好，個湯好香有好濃郁蝦子味，但冇蝦子喎，真係唔知佢點整，飲咗兩三啖都唔覺口乾應該冇味精。而佢啲雲吞都好大粒嘅，不過水餃同雲吞除咗個皮有分別同埋冇咗木耳之外，就真係唔知有咩分別。我嗌雙拼嘅，有兩粒水餃三粒雲吞，份量都幾好又啱價。而我老婆嗰碗春卷墨丸米，係鯪魚春卷

今時今日想喺香港食碗$2x嘅麵，一定無可能？唔係！2023年都仲有$2x嘅魚蛋河、雲吞麵，呢個價錢其實真係無野可以彈㗎啦，基本上只要份量唔係細到2啖食完、啲味道唔係咸到入唔到口嘅話，已經係無敵！我當日係收工，大約6:15pm入去食，食客唔算多(5成左右)；環境四正企理；麵檔位置靠近皇后大道西，煮麵過程一覽無遺，透明度極高。出品快，落單唔使5分鐘即到。味道不過不失，正常雲吞正常魚蛋；不過雖然講到咁好，間鋪都有少少野唔係咁理想：就係啲阿姐幾有性格，如果你想問佢攞杯水，佢係唔會show你，所以：你一係自己出去拎、一係就唔好飲。整體而言，肥仔記麵家係一家平到爆嘅抵食中式粉麵檔，追求價錢大於質素嘅朋友可以一試！喺今日日本拉麵郁下就要100蚊嘅市道，對比返肥仔記嘅價單，我覺得真係要多多支持返本地麵食！

今天，我和朋友去吃雲吞春捲河粉，一進門兩位服務員正在包雲吞，我們點了餐之後，我的餐上來了，一口咬開大驚失色，蝦是青色，肉是生的，我拿給其中端盤子的服務員看，她說熟了，我說你仔細看？！明明是生的，這時那個煮雲吞的人也堅持熟了，馬上拿了一個新的給我。我很生氣，問他們是不是換了老闆？她們說開了很多年，我說我之前一直幫襯你們，從來沒有這種情況。你們有這麼寶貴的招牌竟然給客人上一個生雲吞？還堅持已經熟了。雖然繼續吃，但是我越想越覺得不合適，我走到煮飯台跟煮雲吞的人說你覺得我在無理取鬧嗎？是我看錯了嗎？我確實對剛才的事情感到無法理解，我覺得非常不開心，我不知道該怎麼繼續吃下去。她說我幫你換兩個雲吞，就算我錯了，給你道歉。我說OK，那我可以接受你的道歉和兩個新的熟了的雲吞。在餐廳服務的另一個服務員態度很不尊重人，她全程在嘟囔，我也顧不上跟她理論。總之這一頓飯吃得低於預期，以後可能不會去幫襯了。希望店家好自為之，別砸了自己的招牌。

近排中了招，唔可以出街😢我的他對我好好，冒住病毒嘅危險買嘢嚟俾我食，超級感動🥺他怕我無胃口，買咗碗雙拼米粉俾我，係我鍾意嘅雙牛併（牛丸、牛腩）🥰呢度嘅牛腩太瘦了，同埋都有啲「鞋」😅不過好彩就唔韌，同埋都幾多牛腩😚牛丸唔係好有味嗰類，不過都可以啦，因為都係爽口彈牙嗰類😌湯底都係濃濃牛腩湯，都唔錯的，無鹼水味，米粉口感適中，不會過硬或過腍👍$32就唔算貴，但呢個質素亦唔算話抵食🤣題外話，我自己個人唔鍾意發泡膠盒，覺得用透明膠盒會比較無咁唔健康😅

呢度係一間手工麵店,好多食材都係親自製作不用來貨 味道特別出色最平一款麵廿幾蚊就有交易先試佢招牌手打鯪魚丸同雲吞 仲有炆牛腩 柱侯牛腩味濃入味,牛腩炆到好軟淋,一咬就撕得開,完全無筋 入口軟滑 手工雲吞包了肥肉和蝦肉,鮮甜爽甜口仲夠大粒手工鯪魚球打了蔥花等食材,入口鮮甜香氣重,魚肉非常彈牙美味 最後加埋碟菜都係50蚊有找,又平又有水準通菜夠脆綠爽口好味平均消費$50評分8/10西環西營盤皇后大道西273號地舖

我食過呢間好多次，因為真係好抵，雲吞麵先$20，份量都ok、對得住個價錢，雲吞嘅蝦都足料。堂食嘅話員工服務態度普通，外賣嘅話好似好啲，都係正常。呢間係糧尾或者窮人恩物，唔錯

平時都幾鍾意食車仔麵，加上見到咁平同入面個環境都算舒服，所以就拉埋朋友入去食。餸嘅選擇係幾多，但嗰服務態度真係麻麻，冇咩禮貌，啲牛腩仲要真係幾唔好食吓。。。之後諗住俾多次機會佢，嗌外賣啦，服務態度比上次仲差，真係即刻唔想嗌，搞到以後唔想再去食啦！價錢係真係平，份量都OK，但味道真係不敢恭維。個湯唔好味又有少少奇怪，啲餸又唔係話好食，雖然真係平，但咁嘅服務態度加埋咁差的食物質素，就算再想食車仔麵都未必會再去了😅😅不過價錢係真係平嘅，同個環境都係坐得幾舒服，張枱好大張，但如非必要都係唔好去食啦！

This shop got excellent noodles and beef with a very good price. It is conveniently located in Sai Ying Pun and we can get there easily by all kinds of transportation. The staff saw us struggling while ordering and she kindly gave us some suggestions. Some may think that the attitudes of the waitresses may not be very good. I can understand that, considering how long they work and they are usually friendly anyway.

我明明叫雙拼片頭牛筋，說明一點牛筋係要另加$2，佢俾左3塊牛腩，1塊牛筋，我就係唔食腩先叫筋，我知道牛筋係另加錢，所以問阿姐，佢俾一塊我，係收我叧加？佢回覆係筋腩嘛，加錢唔緊要，不過要俾我叫嘅野囉，咁你餐牌就唔使分開寫牛筋，牛腩喇.....咁嚟呃錢，應該唔會有下次囉...叧外依家唔係規定咗一張枱應該係坐兩人，佢話圍咗版就可以坐4個喎⋯我其實唔太明白

又便宜又好味的牛什麵，云吞面，已經越見越少，在無意之間在西灣食到呀！睇過餐牌每碗$29元，有冇睇錯呀？咁以為會好細碗啦，點知嚇我一跳，你哋睇相就會明白啦！食完先知d間舖原來好出名㗎！

呢間餐廳嘅服務態度好差😡有職員趕住我哋落單😕唔落單就鬧我地🤬今時今日咁嘅服務態度真係好唔掂👎🏻而且佢好晦氣🤬我哋坐低咗一陣都未諗好食咩,就趕住我哋落單,好唔Make sense😤雖然係平，但係碗野好細碗，又冇料，咩都冇，好快就食完，完全唔夠飽😑唔抵食👎🏻其他餐廳嘅車仔麵比佢多料好多，而且服務態度都唔會咁差，真係接受唔到😤加上知道佢係藍店之後，以後都唔會再幫襯😤同路人都睇清楚呢間店，唔好幫襯👎🏻

昨天下午，路過，入去叫了牛根雲吞河和炸魚皮，牛根唔夠味，炆得未夠時間，仍然有些實，雲吞夠鮮，只是用雲吞皮包住些蝦及豬肉，沒有大地魚味，唔好味味味！炸魚皮，唔脆，無湯跟上……唯一優點係唔貴！

藍店果然服務差😡有一次去幫襯佢，岩岩坐低就有個啊姐過嚟問我地食咩，我地未諗好就諗住睇下餐牌再決定食咩，點知過左一分鐘都無個啊姐又走翻過嚟問我地食咩，我地話未諗好，等多一陣，個啊姐就開始鬧我地🌚話：「你地諗咁耐㗎，我去完第張台落完單翻嚟，你地仲未諗好，快啲啦！」佢嘅語氣勁差，不停趕我地落單，搞到我地成肚火😡個陣蠢左，應該鬧翻佢轉頭，唔落單就走😡第一次見啲服務咁差嘅鋪頭🌚佢啲車仔麵平就平，不過服務態度太差，加上係藍店，以後都唔會再幫襯！

I passed by the restaurant tonight and ordered brisket and beef. I'm going to give 5 out of ten good side is it‘s really large portion size but there's too much salt and soy sauce… the beef ball was not bouncy and the meat was not chewy either sorry…