肥仔雲南小鍋米線

营业中

休息中

鍾意食米線嘅我知道九龍灣上星期新開左間雲南米線，不過聽聞好多人要等好耐，所以今個星期先試，基於安全當然係外賣返屋企食啦，為左避開多人所以早啲食，下午5:45就打電話落單，聽電話哥哥仔幾有禮貌又會覆單，不過佢覆得好快都未入到腦load呀~大約10分鐘就可以拎得啦，去到比錢已經有呀，現場環境唔算大，大約得7~8張枱左右，唔想排隊等食可能外賣會好少少，拎到返屋企又消毒下食物同衣服，搞掂都仲微暖拿拿聲開餐啦，一碗麻辣雞絲米線微辣，雞絲好多，而且係手撕冇皮果隻，唔係切及連皮果啲，唔係去皮都好浪費時間，麻辣吸哂雞絲味所以試唔真個湯底添，另一碗係酸辣蘿蔔紅薯粉小辣，呢間紅薯粉唔洗加錢當然叫啦~而且好有口感，蘿蔔有3件清甜冇渣，而個湯底我覺得有啲似星林x米線，我成日會去尖咀買外賣返黎食，依家有間似又近啲又平啲，對我黎講係好事啦~肥仔米線開黎九龍灣係正確嘅，嚮荃灣咁多米線/食店未必會去試，但呢區算少見所以會吃香啲，加上味道唔錯，下次可以再食不過我叫左走餐具最後都有比我，同埋希望下次做順左上左手後，我非繁忙時間黎自備米線碗會可以做到啦，大家為環保都出少少力~

初初開張好多人排隊，以為新屎坑幾日香，暫時人龍閒日要排半個鐘，但外賣就兩個字左右，即管叫了豬大腸豬紅腩肉小辣米線外賣自取，結果食後發現好食過港九好多分店既'雲桂xxxxxx線', 開蓋聞落去都已經香，入口口腔都充滿辣香味，三個餸都食落去感覺到有花心思，豬紅滑，豬大腸口感好，腩肉有醃製出色，湯底濃郁，中意食辣既會欣賞，米線尚算滑，掛到湯，雖然唔可以話係最好，但要諗下，要係九龍灣搵間除左譚仔之外既雲南正宗米線，此間莫屬！值得一試去