肥龍美食

营业中

休息中

放工去旺角買野食，見到依間鋪都唔少人買緊野，就係幾間小食入面揀左依間-🍗炸雞髀｜💰20勁大隻，搣開啲皮啲有汁泌哂出嚟又唔會話好油膩，炸得好香脆(｡･ω･｡）啲肉仲好嫩，好多肉，好滑，炸粉唔多真心超好食，令人回味！.魷魚就好爽口！好好食ε-(´∀｀; )估唔到都咁高質-而且啊姐超好人🌝見我夜收工驚我餓，又見我影左好多相咁買燒賣個時比左多左好多粒燒賣比我🤣燒賣就正正常常既魚肉燒賣，但唔會蒸到過熟，keep到咬口

肥龍美食嘅炸雞肶真係一試就愛上，炸粉唔算厚，而且一食落口，感覺到有一種好奇特嘅香味，但應該唔係籽然粉，淮鹽嘅份量落得啱啱好，如果想刺激D，仲可以叫阿姐加辣粉，真係幾辣，雞肶炸得外皮香脆，雞肉嫰滑肥，yummy！呢度除咗炸雞肶OK之外，其他嘅小食如煎釀三寶同碗仔翅、雞翼尖及雞中翼味道唔錯，咖喱魚蛋夠香辣，廚師腸仔當沾上咖喱汁嘅時候，又有另一番滋味，而且呢度一到深夜，更會設有堂食服務，阿姐會開枱櫈比光顧嘅食客用餐，幾好，幾好呀！