肯德基家鄉雞 (KFC)

营业中

休息中

今天去貼士買呢個芝士火腿包套餐有薯餅有可樂價錢是$20 另外額外加了兩個鬆餅🫡鬆餅熱辣辣幾好食🤤1個$6，都算幾抵食😋成個早餐好豐富，🤓現在應該有優惠，可以免費升級大可樂🫶🏻

之前食完四川麻辣炸雞，係我喺kfc食過最好食嘅炸雞。所以對呢個我未食過鹹蛋黃炸雞都好有期望，希望同麻辣炸雞有得比。不過食完之後，只可以講係不過不失。可能之前嘅麻辣炸雞真係太出色，所以呢個鹹蛋黃炸雞就比下去 。不過公道啲講，其實呢個鹹蛋黃炸雞隻鹹蛋黃味都幾濃郁，比普通炸雞係好食嘅。如果鍾意食鹹蛋黃炸雞嘅朋友，話唔定會食得好滋味。kfc定期就會推出的新味，不過我暫時最期待嘅都係佢再出返四川麻辣味。再出一定要食多幾隻

因為今日比較忙，遲咗叫外賣，所以就叫咗kfc 食。咁我今日叫嘅係狂惹香燒雞滋味盒，用咗優惠卷就54蚊。依個盒有2隻雞翼，2件燒雞，一個細蘑菇飯，同埋最重要嘅葡撻。..咁先講2隻雞翼，2隻雞中翼想像中整得好，唔會一d辣味都冇又或者太辣，辣度啱啱好可以刺激你嘅味蕾令你食其他野嘅時候更加感受到食物嘅滋味。2件燒雞都唔錯，唔會太鞋口或者太乾，但味道就偏鹹咗d。至於蘑菇飯就如我所料，d飯都係太濕，食落好似漿糊咁。最後就係成個餐嘅靈魂-葡撻，基本上係冇野可以挑剔到，可以連續20隻葡撻都冇問題。最後，成個餐嘅食物溫度都控制得好好，唔會話拎到返office就凍。..整體黎講10分滿分會比6.5分，食物溫度控制得好，食物質素亦都正正常常，係燒雞偏鹹咗d

由於是日落雨，唔想周圍走，所以就去食KFC快餐。呢間係曾經成日去嘅分店（因為以前疫情冇乜餐廳選擇，二來又近屋企），最近去幫襯發現食物質素差咗好多。。。我哋上到舖頭，已經見到前面有一位女士喺收銀機位排隊等落order，我哋就去攞咗位坐低先，之後再出返去收銀機仲見到果位女士，原來的職員去咗出餐位傾計（2個女職員、2個著便服的女生），最後有個男職員出嚟見到先叫其中一個女職員落單。店內買嘢既人唔多，所以出餐好快，啲食物拎回座位已即時打開進食，但就發現薯格已經唔熱，而且好硬好濃，應該翻炸左唔知幾多次🥲葡撻亦都係微暖，口感亦都唔覺脆口，只有麻辣雞翼比較有驚喜。食完之後我哋異口同聲都話後悔，早知行前少少去食Jolibee好過啦⋯⋯

呢個蒜蓉炸雞餐用K F C嘅程式去直接購買比喺門市嗰度購買更加平$5。我係入到舖頭嗰陣時先至發現呢個程式係有咁大嘅作用。事不宜遲即刻講下個味道係點樣。呢個係佢嘅生菜沙律，加咗好多嘅沙律醬落去平平無奇。份量亦都唔多。 KFC嘅汽水都係百事。我叫咗走冰冇乜汽。呢個蒜蓉炸雞真係不得了。蒜蓉醬喺嗰個雞皮上面鋪住一層，一咬落去成手就算係隔個手套都feel到蒜蓉嗰個熱油流咗出嚟，好入味。真正咬落去嘅嗰一刻即刻食到一種蒜油味。雞肉好滑。雞皮因為有一層蒜蓉嘅油喺上面堆積，所以食落去冇咁乾。相比之下佢送嘅嗰一隻家鄉雞真係平平無奇，冇乜味道。最後再食個葡撻，一餐熱氣又惹味嘅晚餐就咁樣完成✅。我覺得KFC嘅葡撻真係好食過雞。

中午經常會去KFC食飯，以前食開KFC肉丸雞皇桶飯$27，後來肉丸雞皇桶飯消失了一段時間，後來再出現，見到價錢加到$30，試下轉食雞扒蘑菇桶飯$29。發覺雞扒蘑菇桶飯味道不錯，飯桶大大碗，蘑菇汁有點辣辣地，雞扒是炸得金黃色，炸粉外皮非常香脆，雞肉充滿肉汁，非常嫩滑，糧尾首選，難怪深受低下階層市民愛戴，見很多人選選食這個雞扒蘑菇桶飯，桶飯附送了飲品，可選蜜糖綠茶或可樂。

𝗸𝗳𝗰 𝗻𝗲𝘄 𝗰𝗵𝗶𝗰𝗸𝗲𝗻 𝗮𝗹𝗲𝗿𝘁! 𝗮𝗿𝗲 𝘁𝗵𝗲 𝗸𝗿𝗶𝘀𝗽𝘆 𝗰𝗵𝗶𝗰𝗸𝗲𝗻 𝗴𝗼𝗼𝗱?🚨 𝗺𝗼𝘂𝘁𝗵-𝘄𝗮𝘁𝗲𝗿𝗶𝗻𝗴 𝗰𝗿𝘂𝗻𝗰𝗵 𝗮𝗻𝗱 𝗷𝘂𝗶𝗰𝘆 𝗳𝗿𝗶𝗲𝗱 𝗰𝗵𝗶𝗰𝗸𝗲𝗻 𝗯𝘂𝗿𝘀𝘁𝗶𝗻𝗴 𝘄𝗶𝘁𝗵 𝘀𝘄𝗲𝗲𝘁 𝗰𝗵𝗶𝗹𝗶 𝗳𝗹𝗮𝘃𝗼𝗿 𝗮𝘁 𝗮𝗻 𝗮𝗳𝗳𝗼𝗿𝗱𝗮𝗯𝗹𝗲 𝗽𝗿𝗶𝗰𝗲, 𝗰𝗼𝘂𝗹𝗱𝗻'𝘁 𝗮𝘀𝗸 𝗳𝗼𝗿 𝗺𝗼𝗿𝗲!.KFC又有新嘢出，今次嘅爆脆雞即場人手上粉，外皮脆到爆、雞肉超嫩滑👅 今次仲有3款滋味沾醬任你揀，我就揀左美式甜辣醬，酸酸辣辣又有蒜香，配搭爆脆雞真係好夾！另外套餐仲會送 @collar.weare 成員個人應援手幅，一面團體照加一面成員個人照，唔同成員嘅應援手幅日子都唔同，遲啲仲有手機架送添，記得留意返 @kfchk 喇🍗

今日忽然好想食炸雞，又唔想出街，所以就叫了家鄉雞外賣回家吃，我點咗這個「超值二人套餐」只係 $60咋，這個餐需要用KFC 手機 App才能用這個價錢買倒，因為KFC 手機 App內有優惠券，超級抵食。這個「超值二人套餐」分別有🥢香辣脆雞 4件 (上脾2件及下脾2件）- 件件都炸至熱辣辣、外層色澤金黃香脆🥢蘑菇飯 (普通) x 1🥢家鄉雞皇飯 (普通) x1🥢格格脆薯塊 x1 - 没有炸得很脆，可能是外賣的關係，所以有啲淋咗🥢百事可樂 x2

懶煮飯,買外賣,落車之後行去KFC見到用銀聯APP支付減十蚊,用KFC APP內提供既60蚊4件雞優惠餐包2個細飯2可樂,4隻雞,而家唔想食炸雞,轉左燒雞燒雞唔洗食炸粉皮,微辣,啖啖肉,骨無咁硬,食落亦唔會好油膩減完10蚊,只要$50就有2人份量,實在抵食,窮人恩物同埋睇到膠碗換左做紙盒碗,份量不變,更環保都係好事黎既另外原來仲包一份薯格,放耐左軟淋左,無咁好食,不過成個套餐真係抵食既北角英皇道402-404號明苑中心1樓

好耐冇食肯德雞，之前因為食過下午茶set 有d 失望😢，今次因為 HKJC 送張coupon 請我食1人套餐😄，套餐有2件雞，蘑菇飯（普通size),葡撻，中汽水。公司附近既KFC 裝修完，環境好咗，lunch 時間都多人食。本身對家鄉雞冇乜期望，點知食落又唔同下午茶set，雞下髀果件size 細啲，香辣脆雞雞上髀食落juicy，雞肉仲係熱（之前食過係凍冰冰），黑椒蘑菇飯醬汁唔夠，但味道保持水準，葡撻就更加唔使講，一定必吃！希望下次HJC 再請我食喇

KFC出左新包，作為炸雞控當然要第一時間沖去試😂。試左A2辣椒仔蜜糖香脆雞腿包豐盛套餐，除左有個新包之外，仲有多1件雞(原味/辣味/燒雞)，仲有健康嘅菜絲沙律同飲品。先講個新包，麵包牛油味香濃，夾住外脆內嫩同juicy嘅脆雞、惹味bacon、紅洋蔥同酸瓜等配料，加埋酸酸辣辣嘅Tabasco醬汁同香甜蜜糖中和返個辣味，有多重味覺享受同豐富層次口感。至於跟餐個經典KFC菜絲沙律，食落幾fresh，酸酸甜甜，岩哂食完炸野解吓熱氣同罪惡感😂。#KFCHK #KFCxTABASCO #辣椒仔脆辣雞 #辣椒仔蜜糖香脆雞腿包

好耐無食KFC啦，剛好行街行到食飯時間經過KFC，見到新出的脆脆朱古力葡撻，就不自覺地走進去試食。淨係食葡撻又點夠飽，桃桃另外叫咗個 C2重量巨盒套餐，有包有雞有飯，仲可以試埋脆濃之魅系列另一個新出品脆脆朱古力鬆餅。脆脆朱古力葡撻同鬆餅都是以雀巢®KIT KAT®製造。食完辣辣的雞同蘑菇飯，食返甜甜的葡撻同鬆餅就可以平衡味道。桃桃很喜歡這個新葡撻，裡面還有朱古力漿，加上朱古力碎在面，加強了脆脆的口感。搵好位後用KFC app點餐，就可以安坐位上等待叫號碼，不用排隊，直接去拎就得，快捷又輕鬆。

見到餐廳有告示版寫住登記會員有嘢送， 我就試吓下載個app啦，又真係好抵喎！一開就收到好多優惠券，包括$60.2人餐$72二人餐等，可以留返下次用自己同細路都有啲熱氣就淨係食兩個飯啦，下次先食炸雞🥣蘑菇飯～經典嘅蘑菇飯，黑椒味嘅醬汁依然咁好食，係略嫌佢今次煮得杰少少🥣白汁雞皇飯～材料有紅蘿蔔薯仔雞肉，同埋白汁，呢個飯就比較適合小朋友，因為冇咩黑椒味，雞肉係用咗雞胸肉黎煮，冇咩脂肪非常好👍🍦今次所有會員都有送牛乳雪糕，值得一讚👍🌟俾個攻畋大家，叫店員個飯多汁，唔止會多汁，仲會多好多料添😆

如果咁多間快餐店要揀食早餐我必選肯德基，原本對鬆餅冇乜興趣嘅我食過肯德基嘅鬆餅之後就一試愛上。係幾年前其實佢就已經推出左一個火腿芝士卷餅一直都好想試，但係奈何屋企附近冇肯德基，嗰時轉左新公司之後一見到肯德基就成日早餐都去食。今次叫咗個火腿芝士卷餅+1個鬆餅，一拎起芝士卷餅又熱芝士流心非常好食，而鬆餅都係一如既往熱辣辣面頭有少少蜜糖，外脆內軟，真係除咗葡撻以外肯德基我最愛嘅嘢食就係鬆餅啦。同埋以早餐價錢來講咁多間快餐店肯德基真係算又抵食又好食可惜咁多年來品牌都好似平平無奇希望佢仲有一日喺香港可以再彈起啦

最近大家都忙於抗疫 亦都多數響屋企用餐 都想抖下 出下嚟食嘢平日都成日去食開嘅炸雞食下抖一抖氣 我到達時間係24/2 中午十二點幾冇乜食客 跟著買咗個二人餐同媽咪分享 剛好原味炸雞沽淸 就等左十分鐘食到新鮮炸起既原味炸雞喇好耐未食過剛炸起香脆可口原味炸雞既味道亦最佳👍🏻完餐後便返工去當晚晚上睇到網絡新聞發現指北角分店有店員確診個案心打個突🙄🙄大鑊啦今日晏晝食過😰。。。。。。。。。。。。其實近期都成日懷疑自己會唔會有中招既一日今次到真係距離這麼近喇唯有自己安慰自己啦（叫雞）中招 的話 抵啦🤪今次疫症時期每天都有確診個案暫時未知幾時可以有好轉既日子所以更要珍惜現在健康嘅身體同時大家近期盡量要保持距離减少聚会 希望以后能再聚多些各行各業大部份人士也現正在難關當中 也集氣祝大家能順利渡過