肯德基家鄉雞 (KFC)

营业中

休息中

我平常都不食kfc 的，但難得今次去食，就試吓佢既新款哥基pat pat 葡撻。首先個葡撻外型好可愛，味道比較甜，裡面有朱古力但味道都唔濃，葡撻既蛋味都唔太濃。雞塊與麥當勞的麥樂雞無異。百事可樂走冰少甜，所以睇起上嚟份量好多。最後，kfc最抵食一定係筒飯餐，呢個係白汁雞皇醬配炸雞排，塊雞排都算滑，但啲炸皮太粉，唔脆的，可以撕左佢落嚟先食。

KFC北角健威花園KFC優質服務態度值得加許，如果你想心情好走去KFC食雞跟住比店員恐嚇跟住報警拉顧客，咁就去多啲食多啲，等住比店員處置啦。今日去北角健威花園KFC叫餐，打算去收銀個度叫餐+比錢，跟住有兩個店員同我講，只可以去門口用自助機叫（收銀話唔收錢，唔可以收錢，只可以去門口叫，呃我話唔可以收錢逼我出去）。OK，跟住去門口叫餐，叫餐機係壞的，比visa比幾次，部機不斷declined，然後又冇職員，全部職員唔知匿埋左係邊度蛇緊，係門口搞左5分鐘，一個人都冇。之後入返去，佢又同我講可以，完完全全係玩弄客人。跟住個疑似經理嘅人出嚟話唔好係度搞事，我真係諗唔明佢個有冇做過野，全日匿咗喺間房度蛇王唔知頭唔知路仲出嚟講嘢。自己老點人出去又話只收現金又點，依家部機又收唔到錢，又話收唔到可以搵職員幫手。呢個經理匿左係間房仔蛇王。然後佢又同我爭論話有人幫手又話又話只可以收現金，轉個頭另一個職員又肯收我信用卡。呢個時候個人才經理已經繼續匿係間房到蛇，之後仲要報警話我係度搞事👍🏿KFC，食雞仲要送公安套餐。大家想俾人食餐飯都有公安保護，去KFC啦，非常安全。啲經理動不動就會報公安㗎啦。都係嘅，佢全日都

平時出餐已經經常出錯，今日堂食，錯漏百出，又唔對單，同個職員講返，俾漏咗嘢，其實我哋心諗：補返d嘢俾我哋咪算囉個職員又話我哋講嘢大聲，之後補嘢俾我哋時喺我哋面前發晒脾氣好唔憤氣咁補返d嘢俾我哋，Bing Bing bang bang咁，俾人感覺已經好唔舒服拎完嗰份完整嘅餐返埋位同小朋友食嘢，咁小朋友食嘢時一定會講嘢，自問都算係正常音量唔算好大聲嗰隻，嗰位職員走嚟話我哋小朋友好嘈，其實想問吓去KFC食嘢係咪連講嘢都唔俾㗎？平日嗌外賣，出餐又慢，又俾錯晒d嘢，都算啦，今日堂食，點知d職員咁嘅態度，令人用餐用得好唔愉快！早排去堂食，有位負責清潔嘅職員，望落似係有d特殊需要嘅人士，雖然我哋用餐時，佢會有d唔太恰當嘅社交行為，但至少令人仲感受到佢嘅善意，反觀今日，對住一班正常嘅職員，真係好大落差！好唔友善，態度又差…其實出錯咗，漏咗嘢，補返俾個客，絕大部分人係明事理嘅，但佢哋做嘅行為真係令大人＆小朋友都好唔舒服！今日嘅體驗非常之差，希望佢哋能夠改善吓啦！

特選Yuu會員早餐勁抵食 【 芝心火腿脆卷餐 配奶茶 】 $10幾鐘意食依個芝心火腿卷墨西哥餅皮 包住芝士&火腿熱辣辣 脆卜卜有時早餐唔想食太多份量 依個就岩岩好平時要$22，Yuu會員只需$10就連埋野飲，超抵！KFC周圍都有，之前食過幾次，啲質素都好參次。依個早餐系列既芝心火腿脆卷，我食過幾次，水準都keep到一樣，所以先上黎寫下食評。推介下比大家知。今次我幫襯既時間係大約10:30am，所以都好多位，坐得舒服。十蚊可以有得食有得飲，又比你慢慢坐，真係性價比極高！所以我會比滿分！完！

I have been to this KFC branch multiple times already. Every time has been extremely disappointing and very unprofessional. The service is very poor, the food came out late almost every time sometimes I even have to ask them where the rest of the food is because they actually just forget about it. There was one time where I ordered a Zinger burger and the manager just told me they didn't have it and didn't do anything about it. Another time, I ordered from them online in foodpanda and they pushe

通常過黎買早餐醬燒雞腿包係幾好味 ，＄24 蚊左右個包我要炒蛋牛餐肉包，一打開唔見左隻炒蛋。原本諗住有個 good morning 嫁嘛，一打開好嬲即刻打比店舖，好彩佢地話如果真係咁樣既，第二日可以比番一個我。睇真 d 係有既，所以當然無去拎個新啦。但個比例真係好少，所以配咁大塊厚餐肉真係好鹹至於服務真係好慢，企係 counter 可以企成分鐘都無人黎落單，但counter 係有職員，已經幾次係咁。落左單後負責執餐既店員係可以唔旭住，睇黎呢間分店係行休閒路線，唔適合番工趕時間既你！

自己作為一個炸雞嘅粉絲當然唔會錯過任何一間有得食炸雞嘅店雖然KFC已經喺香港有一段好耐嘅時間但係每當有新開一間嘅時候通常都可以試吓嗰度嘅味道可唔可以繼續傳承嗰種味道而自己就住喺距離北角唔遠嘅地方所以當佢新開左一段時間之後都要試吓新地方有冇新味道 所以就要試吓最經典嘅M1餐，溫度保持得幾好再加上可能因為新開張冇幾耐所以每一盤嘅炸雞數量並唔多咁樣嘅優點就係保持任何時候買到嘅雞都唔會係泰萊對食客來講都係幾重要

#為食妹日記 #瑩瑩周圍食.好耐冇食過炸雞🐥啦！！口痕痕所以去左KFC一解嘴饞😋。新出左鹹蛋黃金脆雞、鹹蛋黃金之翼同流沙黃金新地，有新野梗喺要試下啦😏！！.鹹蛋黃金脆雞🍗同鹹蛋黃金之翼上面鋪滿一層黃金色💛嘅鹹蛋，飄來陣陣香濃鹹蛋味，食落又唔會好咸，反而因為多左咸香味仲吸引💕，炸雞外脆內嫩真係好正呀👍！！！.流沙黃金新地🍦估唔到咁夾，鹹蛋🥚同雪糕奶味香香甜甜微微帶d 鹹蛋味，味道層次提升左👍，顏值仲唔錯添🤣。.今次真係大滿足啊💓！不過去到夜晚已經掛住仲想再食🙊，睇嚟好快又走去再食多一餐😆。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 肯德基家鄉雞 (KFC) (北角)📍 北角英皇道560號健威坊地下低層L9號舖

本公子是日心情一般，決定慳錢頹食！行到北角，路過見到有肯德基！！！竟然比我唔小心睇到一個超級勁嘅優惠：😳🤭【KFC】黑鑽松露點脆鷄二人餐肯德基家鄉雞 (KFC)https://s.openrice.com/Qrbx09Nu100你睇上面條link 都話要賣HK$80！！！但我發現竟然😯只要用某款信用卡付款（為咗唔賣廣告就唔講名喇），即刻再減HK$30!!!所以最後，只需要HK$50，就食到呢個餐！

見呢間新開既KFC咪來試下買啲小食嘆下！間野新開既，都見佢幾多客架，以舖既大細來講座位算夠而且感覺都寬敞舒適。設備有電子感應洗手同出抹手紙，亦有得斟熱水。今次買咗3件炸雞同埋半打葡撻。KFC就大家都食唔少，不過講到質素真係間間唔同。呢次健威呢間就令我喜出望外啦因為以連鎖快餐炸雞質素來講，佢真係整得好好味，好味過晒之前食過既其他KFC。件炸雞外賣返到(5分鐘)屋企，都仲係熱辣辣，脆卜卜，皮真係炸到薄脆油香既感覺，肉唔會瘀黑晒而家啖啖肉唔會乾柴，完全唔係呃人。比起之前食，通常都骨多肉鞋皮就成尺厚咁，真係好大對比，好好味添呀！如果次次都咁樣一定成日幫襯呢間！至於葡撻就無咩特別同平時一樣，如果外層既皮再酥啲就好啦！不過價錢來講都滿意，因為而家出去買件蛋撻都咁上下，所以而家咁方便，差唔多價錢既話買半打葡撻就仲開心！另外唔知會唔會因為佢岩岩開既關係，人流比較多，等外賣時候都比較長，等果少少野都等咗10分鐘咁上下就有點點耐啦。