肯德基家鄉雞 (KFC)

营业中

休息中

二人餐用app勁抵食，$69蚊有四隻雞、兩杯可樂、兩碗飯同一個薯條。今次我哋點嘅狂野香燒雞，個雞胸細到好似迷你雞咁！我用二包蕃茄醬拼埋一齊，一樣size,笑左。好嚴重發育不良，而且好嚡，無肉汁，唔好食！至於薯條，真係唔好食！勁硬身，微暖唔係熱辣辣，唔算脆。搞到我寧願食薯蓉算。果秒真心灰，好彩佢地啲飯都仲保持到水準，如果唔係今餐我食空氣走咁！依個優惠再加依個份量，會同其他快餐店比下去，如果kfc 二隻雞件都唔夠其他快餐店一隻雞咁大，就會變相睇落優惠實際無乜咁抵。

嗱嗱嗱，話你知，今次終於搵到間店可以食埋煙韌嘅雞版“Peking twister”，真係正！忍唔住要同大家分享吓！第一口咬落去，個餅皮比想像中厚身同有咬口，啲脆脆嘅青瓜同香蔥搭配得般配，咸鮮得嚟唔會膩口，嗰陣塊雞肉啵滋啵滋，入口即溶，咁滑咁嫩，真係揭唔甩口𠻹。🤤至於幫襯嘅薯蓉就更加值得讚一讚，勁滑嘅質地夾埋嗰濃郁啲嘅汁醬，個味道真係幾夠水準，一啖薯蓉，啱啱好嘅綿密感直接暖入心房，食到我呢個大老粗都忍唔住要話聲：「正呀！」👍😋換嚟嘅炸雞唔止一塊，仲得閒畀你換成兩隻雞翼添，但我係嗜肉如命，當然選塊雞肉啦。脆皮吱吱聲，紮實嘅肉質一啲都唔肥膩，呢個選擇真係一流！😍今次嘅食評就到呢度，下次再搜羅更多隱世美食同大家分享。記住啊，搵美食唔難，重點係享受嗰份簡單嘅快樂！

噹啷一聲踏入「KFC」，啲食物香氣立刻籠罩住我，個肚已經開始嗌交。⏰第一擊係紅豆冰下午茶，選擇咗狂惹香燒雞下髀加葡撻，小編我食完咁話你知啦，簡直係正到爆燈💥！紅豆冰甜嗲嗲，紅豆腍得好腍，入口即化，湊埋清甜綿密既雪花冰，實在係夏天解暑必備啊！跟住試咗爆款五層大盛巨盒，個「A4」組合一諗起都流口水🤤，巴辣雞粒鮮香嘅又有啖啖肉，每啖都夾雜住香辣唔絕口，真係啱晒啲鍾意食辣嘅食客。快食好多時乾巴巴，但「KFC」嘅狂惹香燒雞外層焦香，肉質嫩滑多汁，新鮮感爆燈！而家個粟米唔再串棍，反而係一杯粟米粒，可能喪失咗少少玩味，但每粒粟米都咁甜，簡直係貼心改良。總括黎講，得閑想食啲夠晒平民嘅快餐，「KFC」確實洗得任食嘅選擇，份量夠、肚皮滿滿哋！🍗🌽🍮#平民盛宴 #狂惹野食">#紅豆冰涼快#大盛得嚟又惹味

已經好耐冇去過肯德基家鄉雞食早餐，今朝早心血來潮好想去食。見到呢個套餐好似幾啱食，有醬燒雞扒、腸、炒蛋、焗鬆餅、番茄通粉同一杯咖啡或奶茶。問佢拎牛油，佢話鬆餅冇牛油跟，要就要加一元。雞扒都大件，味道唔錯，肉質好嫩滑，炒蛋唔夠滑，茄通得啲番茄湯同幾粒粟米，味道一般！

兩盒雞皇飯，得三粒雞粒，咁仲叫雞皇飯，簡直離譜啊！！而且係成個將軍澳，新都城依家係最差㗎成日執漏嘢員工態度唔好，尤其是肥佬店長，叫嘢食返白眼🙄️真係離晒譜，離晒譜！

疫情關係差唔多一日三餐都喺屋企食今日午餐唔想再自己煮就落街買外賣返嚟食近近地又方便就去左KFC買左幾個餐🍗🍗蘑菇飯多汁又好味😋雞皇飯有啲黑椒味，雞肉唔會‘鞋‘葡撻有蛋香味，撻皮超脆，值得一讚👍🏻👍🏻格格脆薯塊比較’林‘，如果脆啲會好食好多家鄉雞皮脆肉滑都keep得住👍🏻😋

近幾年鹹蛋黃口味簡直係風靡全港，前幾年都曾經出過鹹蛋系列炸雞嘅KFC今年又再推出，但今次只可以話唔係特別驚喜燒雞&鹹蛋黃金脆雞～～其實係KFC咁多口味入面我最鍾意食嘅係燒雞保持到肉汁鮮美又唔會太熱氣而鹹蛋黃金脆雞我個人覺得一般，第一啖咬落去其實都唔係好有鹹蛋黃味，到第二啖先食到個皮有鹹蛋黃味，啲粉撒得唔夠均勻搞到中間有個位好濃味但我覺得鹹蛋黃同炸雞真係唔係太夾，下次都係會揀返辣味～脆薯格&炸雞塊今次想講嘅係炸雞塊，配嘅係bbq醬，個醬本身幾好味但雞塊好乾，唔合格葡撻一如既往嘅出色，唔知點解KFC嘅葡撻真係特別好食

新都城二期既肯德基家鄉雞(KFC)是半開放式的設計，可以選擇坐裡面比較高私隱度，又可以坐外面。今日lunch發現有個超抵食的套餐，2件牛油粟米黃金雞，2件香辣脆雞，4件巴辣香雞翼，總共有8件雞 只需$49。牛油粟米黃金雞榨得剛好不會油淋淋，濃郁的牛油味夾雜着粟米香，超級脆口，肉汁豐富😋。

今日行行吓街肚餓，本來係想食乳酪雪糕，點知執鬼曬，逼於無奈唯有食Kfc嘅新地，無咗朱古力味已經好失望 唯有試吓紫薯味，就咁睇賣相，就覺得被騙，喊出黎。我喺新都城嘅kfc買咗紫薯白玉新地同曲奇新地，夾埋都成$32。貴都已經衰，大家睇吓圖，個size完全係隔離m記8蚊杯嘅新地，仲要m記嘅配料係多過曲奇新地，完全唔值咁貴囉望到佢個size，完全變得無胃口。誠言，紫薯新地好有紫薯味，但曲奇新地咪就係m記前排做懷舊優惠價2蚊杯果d新地囉，只係喺kfc賣到$14杯咁解。kfc，短時間內也不了。情願繼續建立黃圈。

上次講完附近新開嘅快樂蜂今日就食返寶琳嘅炸雞地頭蟲KFC見到佢哋推出左新口味嘅炸雞就急不及待叫咗黎試今次新口味係薯片脆辣雞一聽個名就知道同薯片有關一打開盒雞見到雞上面滿滿嘅調味粉就心感不妙貫徹KFC炸雞嘅傳統一咬落去皮肉分離一口就食咗好大啖炸粉 上面嘅炸粉相當鹹但識落真係同KFC賣緊嘅薯片味道相似好在嘅係今次個雞都炸得唔錯油份相當充足食落亦相當嫩口而KFC嘅葡撻一向都相當唔錯 保持到一貫嘅水準但令我最失望嘅係蘑菇飯 上邊嘅調味汁味道唔夠 而下面嘅飯有好奇怪嘅塑膠味 食落相當唔開胃~~~~~~~~~~~~~~~~~~~~~~~~~~~~~~ KFC 食物水準飄忽 時而好食 時而強差人意但今次真係令我太失望 下次都係去返樓下快樂蜂

Kfc食雞就多，食早餐真係第一次。原來都款式都ok喎。叫左個早餐，有英式鬆餅 炒蛋腸仔蜜汁雞扒 羅宋湯扭扭粉，我在加多塊薯餅。其實佢個餐 有啲似大家活 佢地咁。一個餐定咗 塊扒得返個包你可以轉鬆餅轉多士或者英式鬆餅。因為我哋今日兩個人食，可以就另外加多塊薯餅，薯餅炸到好乾身，可能真係好少人喺kfc食早餐😌聽到佢哋muffin係一個落order，後面廚房先一個整，所以muffin熱辣辣啱啱出爐好好味。雞扒 🥩比你喺大家活佢哋兩間餐廳，大塊好多，厚好多，咁就抵食好多喇🤣最特別嘅佢係點蘑菇汁👍🏻。 腸仔唔知係乜嘢 腸仔，只係覺得腸仔嘅皮好厚好硬，似係整好放喺度好耐。腸仔一啲都唔好食🤢。

KFC D 雞其實如果係新鮮滾熱辣咁食真係唔錯~ 但如果唔夠熱食真係浪費左個QUOTA~~~~所以食親KFC都唔好驚多人同要等,有齊多人同要等兩個因素先會食到夠熱既雞!!! 我最中意食佢個香辣脆雞, 無論叫咩餐最後都要攳哂做香辣脆雞! 寶琳呢間KFC 就做到夠多人同要等呢兩點, 雖然多人但其實都唔會要等好耐, 大約10分鐘都執到個餐俾你~! 仲要快過以前好多~~ D雞食得出夠熱, 又辣辣地真係好正!!!!!!!!!!!!

KFC下午茶一路都幾抵，今日叫左S2，舖頭唔多人，無人排隊，員工執餐真係有啲慢，可以改善。 芝士通粉可以多啲芝士醬會夠味啲，冇醬嘅冇咩味，薯蓉正常發揮，雞槌有啲失望，縮水咗好多，比較乾身，唔得唔得。

其實呢度嘅地方空間都夠，不過唔知點解好多枱上邊都有前一手或前兩手食過既餐盤係度Σ(￣。￣ﾉ)ﾉ，ಥ_ಥ食客又只係將餐盤搬嚟搬去，越積越多，完全冇人清潔...依度明明夠人手，人流唔多，但岀餐偏慢，等好耐都未有餐，餓住個肚等左好耐，點知揸到上手個餐都唔夠熱既(~_~;)效率好低，真係會等得唔耐煩...排隊等餐嘅人龍中場過等落單嘅人...希望係職員效率方面有改善啦加油！

Previously had the luncheon ham chicken bucket at Shun Tak's KFC which was damn good so decided to get it again at Metro City.The queues are long as usual but luckily they now have the self ordering kiosks but you do get some slow people who take ages.If this had been my first luncheon ham meal I wouldn't have liked it because the luncheon ham here is dry and overdone while the rice was soggy.The thing that made up for it were the chips which HONG KONG never had until now.PERHAPS THEY HAD IT BUT