肯德基家鄉雞 (KFC)

营业中

休息中

行街想食小食， 因好耐無食過kfc, 便來懷緬一番。 兩個人點了十隻雙色雞翼，餐牌上說明是5隻香辣雞翼及5隻蒜香雞翼， $47可以試到兩款口味，價錢算ok 啦。 買完揾左陣位， 好多無人坐既枱面都有點污糟，根本無人抹枱，唯有自己用濕紙巾抹下， 坐下望一望雞翼， 十隻一樣顏色， 到底要怎樣區分兩個口味呢? 隨手揀了一隻， 是香辣雞翼， 肉厚嫩滑，外層鬆脆， 內裡充滿肉汁， 微微的辣味很惹味， 其實質素不錯。 滿懷期待地再揀一隻食， 希望是蒜蓉味， 怎麼又是香辣味？此時我倆開始覺得不妥， 結果吃完十隻都是香辣味…吃罷， 帶著懸念離開…對快餐點還是不要帶有期望。

第一次食以前細細個好恨到kfc食野不過家境嘛嘛 kfc d雞好貴宜加推出左白汁雞粒飯 賣得好平$20左右\雞粒微辣 辣得唔過份應該小朋友都食到 岩香港人口味記得之前食係脆的 加左汁變林左特別係面頭d汁都幾多下林得超快@@汁和飯搞埋一齊 證明個汁係唔夠D飯多到 分到2餐食 哈哈哈D飯比較乾硬再次證明kfc d米飯係唔靚的好平好抵食可以放入口 但唔太好食

之前見Facebook有電子優惠券一日之計在於晨，諗住去嘆番個靚早餐點知！！！先唔講食物質素，講下個職員嘅服務態度就用電話show比個職員睇，話要用依個卷買醬燒雞腿鮮茄湯通粉餐跟住再加個新出嘅綠茶鬆餅綠茶鬆餅跟餐加＄7，單售$8小學數學題: $23.9+$7 = $ 30.9但收銀機顯示$34.9於是我就再次重申要用呢張卷，個職員就話呢個係H2餐先可以用咁我就表示好疑惑啦！？問有咩唔同？點知個職員答都唔答，就話算啦，我減比你結果收咗我八達通$31.9咁我就好好奇點解，然後發現佢計左我下面張coupon，但食物又無錯我拎完嘢食，就返去同佢講返我係用上面$23.9果張喎佢竟然同我講話我唔知你呢張野係coupon囉！！！！唔知你又識減＄3俾我？？？之後就問我要退返幾多錢俾我，喺度叫我自己計囉！！！！

昨天facebook見有早晨優惠，今天早上特登走去試下，這麼平我都抱住食物水準會比較差的心態，走進店内第一時間拎電話内的優惠展示，佢睇吾到，隨即放下電話比佢慢慢睇，吾知佢趕時間還是忙，語氣我感覺像街市買菜一樣，買後堂食當芝士脆條拎上手是暖的很结實，開封咬了一口，非常脆食到中間位置是熱的，温度剛剛好，粟米通粉雖然湯底没有番茄味，味道像番茄醬加水，但感覺用$15食到早餐，而且食物和價錢加服務質素，感覺是抵食的！

是日阿豬的小妹DSE放榜，阿豬心情萬分緊張，連工都唔返，去陪佢。晨早流流等攞成績，攞到後好開心，成績不俗，放下心頭大石。於是一齊去附近的KFC 嘆個早餐。叫左以下呢個餐再加一碗雞湯通粉。薯餅非常油，咬落成嘴都係油。炒蛋真係好差，很乾身而且又“鞋”，自己再加鹽加胡椒配野飲先吞得落口。腸最正常的，來貨野食。惟一不錯的是雞扒，幾好味。通粉一定係發哂漲，同茶記果D一樣，預左既。但個雞湯非常淡，近乎無味，是水來的嗎？難怪早餐只坐左兩成人，食完就走了。

唔想日日包番公司食，行遠小小去KFC都係唔錯既選擇，大約朝早七點九，食客唔多，可以靜靜地嘆番個早餐先番工，就試下個早餐(烤香腸+香蜜鬆餅)，烤香腸個腸皮唔係脆，同普通雞肉腸無咩分別，不過就粗身d同無錦咸，香蜜鬆餅只有淡淡既蜜糖味，餅面脆口，唔錯，奶茶既奶味就唔多夠。靜靜地嘆番個早餐先番工好舒服！

自從上一次買到乾到un既薯格同無檸檬味既西檸雞之後，已經好耐無食過kfc今次見新出芝味濃脆，又貪得意去試下，叫咗個筒餐反去得3件芝士味，其他我要咗，辣味，原味同燒雞各一芝士味雖然唔濃，但都好過上次完全無味好多了！葡撻已經凍咗，啲蛋凹陷咗了. . .不過都香既. . .薯格今次好少少，起碼無甘乾同硬，但唔脆好似食脆漿甘. . . 無乜雞肉. . . 飯可能係比較好既一樣. . . 不過雞皇飯都係得兩小舊雞肉. . . 好彩啲汁撈飯都算不錯

早了很多出門，小巴又剛好上滿，起飛數分鐘便到運動場，於是下車買肯德基早餐。平日趕得冒汗，根本不夠時間先走來恒景廣場買早點。雞扒，冷酷無情，皮不算肥，扒不太厚，但仍可見油脂，有種醃了但不香的味道，雞扒肉質一絲一絲，毫不美味。炒蛋還好，算滑，份量較少，亦沒甚調味，較寡。鬆餅不錯，感覺以往小時候吃的像是較焦，這天早上這個較白，而且蜜糖很少，如果外皮較甜相信更為美味。幸好，鬆餅還挺鬆軟，不像麵包般乾涸，是肯德早餐的亮點。雖然店員禮貌款待及謝謝光臨，但回到公司進食時卻發現沒有餐具，幸好我自己有"餐豬"。但現今世代，可在九時未到的早上，找到有禮微笑的年輕男子，經已難能可貴。

今天五一假期, 不敢外出怕多人, 因此草草在KFC吃罷早餐便買餸回家, 寧願留家煲劇、打機......叫了份慣常在吃的Deluxe早餐, 有燒雞扒、炒蛋、香腸 及 香蜜鬆餅, 配埋蜂蜜綠茶咁就為知Very good啦~明顯的, 此店出品並沒有金鐘分店的佳；炒蛋有奶味但是口感就帶幾分嚡、香腸究竟是焗過還是烚過, 乾乾的肉質並沒有保存住一點水份、燒雞扒是皮與肉連在一起, 中間沒有油脂, 肉雖然沒有像家鄉雞的炸過般乾, 但口感總是「嫩不是, 柴皮又未到」這種境界, 完全表達不到「燒烤」這層次的肉質、鬆餅好硬, 至少我要用綠茶去送...內心滴咕、滴咕地牢騷著味道的不美, 忽然朋友whatsapps了我一段短片....嘻嘻哈哈, 我吃飽了

脆皮炸雞的表面有一層牛油味的粉末, 粉末越多牛油味就越重；牛油雞件的銷量可能不佳, 因為我那兩件雞件都是凍的, 以致雞油在口實在膩‧膩‧膩, 不過雞肉嫩滑格格薯脆脆, 薯蓉軟軟, 味道並非燶到乾；巴辣雞粒竟然會有肉汁, 粒粒辣辣一啖一粒食到慶合合

蜂蜜脆雞套餐 $38.50 : 2件蜂蜜脆雞 + 家鄉雞皇飯 (大) + 葡撻1隻 + 汽水1杯家鄉雞皇飯 ... 雞肉只得兩粒, 其餘都是雜菜, 白汁是麵粉糊忌廉湯那種質地, 味道可算得過且過。蜂蜜脆雞只得面層某些地方帶蜜蜜, 粟米片亦沒有廣告圖片所顯示般密密, 幸好雞肉嫩滑帶汁；吃啖就感覺味道複雜, 因為雞肉外皮是蜂蜜, 內裏是鹹鹹雞肉, 一半一半, 模棱兩可!葡撻的酥皮很油很油, 但是很鬆脆 燉蛋甜甜, 奶味亦濃, 全餐至滿意的選擇

雞扒早餐：　有雞扒，　鬆餅，炒蛋，香腸和　熱奶茶, 雞扒：, 細細塊,　皮塗上蜜糖烤，脆脆地，　甜甜地，　雞肉嫩滑,　沒有雪味，味道好。鬆餅：太細，　又是在皮塗上蜜糖烤，　有少牛油味，　暖暖的，　好味道。, 炒蛋：　淡淡雞蛋味，　麥記好吃得多。香腸：　皮脆，　ＯＫ。奶茶：　夠熱，有茶味，　比麥記的好。

餐附送 :6 件家鄉雞或辣味脆雞 ;2 個細磨古飯 , 1 個白汁雞飯 ;1 個細盒巴辣雞粒 ;3 件萄撻 及 1 盒脆薯格 ;3 杯汽水 , 轉 2 支要另加錢 。呢間服務態度算唔錯 , 我都經常去買外賣一桶雞自取 ! 有一次我叫一桶餐佢問我要咩雞 ? 要唔要狂惹香燒雞? 因為我以為$155 餐先可以選擇狂惹香燒雞 , 因為小弟比較喜歡呢隻雞多D !有時炸雞會過左火變好乾 , 同埋好易好快喉嚨痛 !基本上我都滿意KFC 雞類出品 , 但飯類真係唔多掂 , D飯好硬好難食 !薯格有時厭唔夠食我都會加多個大薯格 , 哈哈萄撻本人就唔多真係話好鍾意 , 但都覺得 OK 的 。終結以上論 , 除左飯唔得之外其他都OK係值得比個GOOD呢間分店 。

肯德基今期推豉油西餐, 睇住廣告嘅图片就真係口水流, 去到門市睇清楚, 套餐價錢幾貴吓兩件雞加餐包加羅宋湯及飲品己经索價35個大洋幸好餐包可免费轉薯蓉, 嗯嗯~瑞士雞應該是香濃甜口味, 以豉油、香料、冰糖製成的甜滷水來煮雞, 可惜此分店竟可把瑞士雞煮到超鹹超入味而且雞件是超熟唔滑 加$5配件咖啡葡撻, 咖啡味重, 葡撻底油分多, 煙韌焦起, 甜蜜成焦糖狀...己经是全餐裡的最滋味, 感恩~從没飲過完全得辣味的羅宋湯, 口腔被辣味圍攻着, 竞可連應有的羅宋湯茄汁味都不大能喝出來如何可以把這般美味的美食來弄得這麼糟?? 幕後一定功不可沒

這一間KFC 分店是我食這麼久最差的一間﹐那天大約是8:30PM 左右﹐一入到去客人已經不多﹐叫了一個106桶餐﹐職員說沒有葡撻﹐用粟米代替﹐但我見餐牌價錢差幾遠﹐當然是粟米平啦﹐我們要了全部都要原味家鄉雞﹐誰知.. 回家一看﹐全部都是黑色的﹐燶燶的﹐吃了一口﹐是很乾和凍的﹐這樣的食物質素﹐真的很差﹐我以後都不會再去這間KFC....