膠得喜 (已結業)

早兩星期在佐敦給這間新食店膠得起吸引著，膠代表花膠。今日和朋友路經此地， 所以即刻和女性朋友一起試試，大家襯午餐補一補午餐和下午茶時段都有不同的套餐可選擇。店長還給我們介紹 他們的花膠不是隨處可買到的，是他們精心細選後再配合花膠的大小，質感來決定配上什麼食材。我們點選了幾樣有花膠的餸菜，首先是限定花膠燉湯 用料充足，有圓肉，瘦肉，無花果， 海底椰，當然還有主角花膠啦！ 燉湯非常之清潤，完全沒有味精，散發陣陣膠味， 飲完咀咀已經膠了花膠濃湯雞煲雞肉厚身嫩滑， 雞湯雖有點油，但濃郁青雞湯味，沒有味精的。首創鹽酥花膠鹽酥花膠真的第一次聽， 這個小食有三重口味，首先鹽酥味香口，第二層炸粉不太厚， 第三層是主角花膠薄薄鬆軟，有少少黏口， 很獨特一定要試金箔三色花膠撈菠菜麵三款不同口感的花膠拌菠菜麵， 質感咬感和黏度都不同， 一碟餸品嚐到三款不同的花膠真是物超所值 下次路經佐敦的白加士街一定要試試啊！

個日行過見到間新開既餐廳, 門口好大個膠字, 以為佢係玩味鋪頭啦, 睇真d原來係花膠做主題既餐廳, 貪靚女士如我一見到就覺得好吸引, 又特別喎未見過, 所以今日約埋朋友黎吸收下骨膠原鋪頭環境乾淨企理, 除左主餐牌之外原來仲有lunch set同tea set, 豐儉由人。lunch/tea set五六十蚊就有花膠餐食, 連埋花膠雞湯同埋飲品, 係快餐店食個lunch都要50蚊既環境下, 依個真係好抵食!花膠雞湯餐廳煲煮幾小時, 湯料既精華全部迫哂出黎, 味道濃郁螺頭准山杞子花膠燉雞湯店員話餐廳既湯標榜無味精, 真材實料, 燉湯每日供應量有限, 因為需要一定既時間同放燉湯既空間。我地就叫左個黎試下, 同用煲煮方式既花膠雞湯不同, 花膠雞湯濃郁, 而依個燉湯則非常清甜, 店員話佢地一點味精一點鹽都無放既, 所以提議我地如果想吊下味可以落少少鹽, 但我同朋友都中意原味無味精, 健康既同時又可以飲到燉湯既原始清甜。首創鹽酥花膠咁大個人都未食過鹽酥花膠, 好特別! 花膠切成細細粒, 反而口感好好, 因為細細粒所以炸粉係好薄好薄, 微脆之下係煙煙韌韌既口感, 好得意! 金箔三色花膠撈麵賣相一流,

佐敦開剛了一間「膠得喜」，可以稱為首間在香港用花膠做主題的食肆，非常創新，而且仲非常專業。「膠得喜」搞搞新意思，竟然自創鹽酥花膠，外面炸的酥香，內面花膠煙韌仲帶膠質，非常惹味，好食到一口接一口。另一創意小食，花膠黑松露炒蛋厚多士。真心好食，個人已經超喜歡黑松露加炒蛋，加埋花膠更有三層口感，一次過感受到花膠的嚼口、炒蛋的滑溜感再加厚多士的酥脆香口，一定要趁熱食，這個小食十足邪惡。呢個花膠濃湯雞煲只係$98，加20蚊就有埋隻雞脾， 性價比高。 煲足4小時，夠曬火喉，入口黏質十足， 膠原滿滿，非常滋潤，雖然有一層雞油在湯表面，但不感油膩，雞湯味濃厚甜美，超正!金箔三色花膠撈麵，有三種不同品種的花膠，花膠是按季節已定，所以可能下次去就會提供另一種花膠。味道方面，三種花膠口感不同， 紐西蘭的比較大塊厚身有咬口， 扎膠比較細不太厚身質感淋身，另一隻花膠比較薄但膠質十足。並且配上蝦子麵作麵底，非常夾花膠的味道，麵好掛汁，微微黏口，愈食愈滋味。花膠肉燥烤雞飯，烤雞厚肉香口，肉燥好香濃不油膩，加上花膠的膠質，令到整個飯提升更豐富嘅營養，價錢相當合理，整體上愛花膠的人必定要嚟幫襯，包你滿意。

初初不知道花膠專門餐館的菜譜是怎樣。到了這裡才知道。這是一家好特別的餐館，有不同選擇的花膠菜式，又有其他有創意的菜式。花膠撈麵、鮑魚撈麵等等，真材實料，都好美味。喜歡這種cuisine的人，一定要來試試。地點方便就腳，service 有禮。正！

花膠相信大家也不會陌生 主題餐廳又聽過嗎?在佐敦裡面有一家花膠主題餐廳 當然以''膠''為主這次去到的時候是晚市之前 所以未算太多人老闆也很熱情地招待每一位進來的客人😏他介紹了菜式後我們也點單😋 花膠有誰不愛?·即日限定花膠燉湯 HKD$78 每天限量的湯品 由於燉湯需時所以產量有限竟然還有可以給我飲到😋 裡面的材料有很多當然不少得主角--花膠❤ 味道很鮮甜可口·首創鹽酥花膠 HKD$88 鹽酥雞就食得多 花膠就第一次食 很創新的感覺很欣賞老闆大膽創新的創作 令到我們食到美食食起上來很煙韌 食到很多骨膠原入我的身體🥰·金箔三式花膠魚蓉麵 HKD$108 這個菜式未免太特別了吧 竟然有三種不同種類由淡味到濃味地食 不同品質的花膠一次食到令人賞心悅目 配合麵食食到很飽挻滿足的一餐·花膠肉燥稻庭烏冬 HKD$60這個也是首創菜式 花膠被切到細細粒混合肉燥可以增加咬感 又食到骨膠原去我的肚子😋好像還有飯選擇 但我是比較喜歡食烏冬呢這次是在中秋與家人食飯 雖然今年在街上食飯但食到如此驚喜又創新的食物 食到很飽飽呢

今天和老公經過廟街，看到這一間以花膠為主題的餐廳，喜歡試新野的我當然要試一試餐廳不大，但是裝潢乾淨企理，也不會很迫健談的店主會主動推介食物，向我們介紹不同餸菜用不同的花膠鹽酥花膠 - 鹽酥花膠真是第一次吃，花膠炸得非常香脆可口，每一口花膠亦有膠力的口感，令人一口接一口地吃！非常適合作飯前小吃螺頭淮山杞子花膠燉雞 - 作為無飯夫婦的我們，看到自家製燉湯是必點的！燉湯沒有落鹽，以金華火腿和乾瑤柱調味，真是十分健康材料亦十分足料，花膠不是很小塊的，此湯喝完很有養生的感覺膠得喜撈麵 - 是餐廳招牌菜，厚厚的花膠再配上鮑汁，味道十分夾！而蝦子麵亦吸取了醬汁，令人吃不停口花膠濃湯雞煲 - 賣相很吸睛，金黃色的湯足以感受到湯底的濃郁這個花膠是黃花膠筒，比較厚身和有咬口！另一驚喜是雞肉，肉質非常嫩滑，再配上濃郁雞湯，這道菜瞬間給我們秒殺這一間餐廳真是十分令我們驚喜，以平民的價錢可以吃到如此高質的花膠，性價比十分高！下次必定再來！

經過見到門面個「膠」字，即時心心眼！點解？因為自己好少整花膠食，由挑選正材至烹調方式都唔識的情況下，又想滋補一下，無理由唔去食！仲要係花膠專門店食肆！勁！👏🏻(大大塊牌寫住送花膠雞湯，好吸引呢！) 一心嚟食，當然要食得矜貴！🤭🍝金箔三式花膠撈麵嘩！整碟麵都被花膠重重蓋住！另一吸睛之處是金箔！靚呀！從左至右：花紋膠，紐西蘭肚，扎膠食盡三種口感，由硬身至淋身，滿口都是橡膠！粗身蝦子麵爽口，醬汁鮮甜，仲有粒大冬菇，超值！來碗即日限定花膠燉湯：沙參玉竹海底椰瘦肉燉花膠湯😋真材實料，料又足，燉出鮮味！再來多碗螺頭淮山杞子花膠燉雞好大片的花膠，大大舊螺頭，仲有金華火腿，瑤柱，咁足料，唔使再講都諗到夠洒香甜！從未食過鹽酥花膠，新鮮香脆唔油，好有o趙口又唔溜，必食！一定會回頭的食膠專門店，超讚喔！

身為花膠控的我竟然在佐敦發現全港唯一一間花膠專門店！這間首創花膠主題餐廳推出多款創新花膠菜式，由小吃、燉湯、粉麵、扒以至甜品都加入矜貴花膠。老闆親切友善，用心介紹菜式。原來他們嚴選多種不同品種的上等花膠烹調，包括非洲大黃花膠、鴛鴦巴西扎膠等，極之講究。最重要是價錢竟然非常平民，確實超值！原隻金箔扣花膠果然像扒一樣大隻，完全可用刀叉切開慢慢品嚐。花膠扒選用非洲黃花膠，經半小時烹煮，十分軟腍又不失彈性，骨膠原感十足，而且吸滿美味醬汁非常入味，每一口都是享受。螺頭淮山杞子花膠燉雞湯，材料非常豐富，足料得幾乎塞滿整個燉盅，難得的是毫無味精，味道卻是濃郁無比，啖啖精華的感覺，好滋補，絕對是真材實料，竟然只需$68，確實超值。膠得喜撈麵可選配蝦子麵、魚蓉麵或菠菜麵，花膠好大塊，軟腍得來帶爽口，蝦子麵也很彈牙，配合豐富醬汁非常入味。首創鹽酥花膠甚有創意，份量驚人，每一粒都炸得酥脆可口，又夠乾身不會好油，花膠帶點煙韌，外脆內軟，好有口感。

夜媽媽就黎十二點，同埋個朋友係佐敦搵宵夜食，古語有云:唔食飽邊有力訓教差唔多十一點九，見到膠得喜收十一點五十九分......不過老闆話唔緊要，做埋你生意先收工宵夜食花膠都算食得招積餐廳走輕工業風格，店鋪大約有二十個位置左右，全店簡約乾淨膠得喜主要係用花膠做題材，有花膠撈麵，花膠燉湯，仲有花膠甜品同小食添坐低左之後店主簡略介紹距地既花膠係來自南非，膠質較重......我地两個嗌左两個唔同口味既花膠撈麵首先依個係花膠撈麵，個撈麵汁係類似蠔皇汁甘，啲花膠幾淋同都算幾大塊我嗌左個咖喱花膠撈麵，有薯角做配菜個薯角炸得幾香口，好脆咖喱汁唔辣既，都幾香啲花膠撈埋啲咖喱汁好似隱左形甘不過份量其實同另外果個撈麵差唔多既两杯凍要散嗌，其實21蚊杯都幾貴同埋個麵份量都幾細，男仔食應該就未必夠飽

佐敦有食店新開張，專賣花膠的菜式😋！同事們二話不說就幫襯吓支持吓。我們一行11人準時12:45到達目的地。由於提前已經落哂單，所以一坐低很快有湯飲了。新張期內逢點餐都奉送花膠雞湯一碗。很可惜只有湯水，花膠卻欠奉⋯ 不過味道就十分滿意，唔會好油，很濃厚，飲完湯兩片嘴唇黏黏的，充滿膠質的感覺。我點了膠得喜撈麵，配魚蓉麵。同事們都口味好一致咁點了撈麵～ 上菜時看到每份撈麵的花膠的份量很大出入。身旁的同事，撈菠菜麵，那塊花膠好大片，平躺在撈麵上，幾乎覆蓋全部麵。而我那份就縮埋一小綴，兩小條。好失望。味道係ok 嘅，但份量嘅分配有待改善。將心比己，調轉頭若果我同事被派到一份花膠很縮水的那碟，同時看到我的花膠大塊咁多，都會有微言啦

以前認為食花膠係一個非常奢侈嘅食品，最近去咗一間新開以花膠為主題嘅餐廳，感覺超爽，冇想過原來花膠都可以有甘多嘅菜式，而且花膠菜式很新颖，價格又大眾化，特别喜欢椒鹽花膠粒和花膠扒，不能不喝是那些花膠湯，太好喝了，養生又好味，還有花膠鮮奶，花膠啫喱等甜品，簡直是爽！食完唔知係咪心理作用，真係覺得整個人靚左精神左，皮膚多左好多骨膠原蛋白！值得一提的是老闆熱情又健談，感覺像回家吃飯一樣，認定這是我常去的飯堂！

大部分餐廳都係主打花膠撈麵同燉湯，鍾意食花膠嘅我其實好鐘意食原隻花膠但想食嘅時候又要發又要扣功夫多多，宜家終於可以嚟呢間餐廳食啦！先試佢哋首創嘅鹽酥花膠，好香口、好特別，然後當然要試巴西扎膠公（但要早一日預定），味道啱啱好，之後叫個花膠響螺燉雞湯，無味精又清甜再加個鮑魚撈麵，D麵好好味尤其係加咗佢哋自家製嘅麻辣醬更惹味，其實仲有其他菜式想試但真係好飽，下次先試，總括嚟講平民價錢高級食材，超讚👍🏻

平時食花膠，多數都係食甜品，煲湯、燉湯等。完全冇諗過原來花膠都可以成為正餐。約了幾位朋友去佐敦午膳，路經呢間專食花膠的餐廳，好奇入去一試。打開餐牌，原來有各式各樣的花膠美食，還有午市套餐。價錢合理。咖喱花膠牛肋條飯（$78）咖喱味花膠,第一次食,咖喱完全唔啦,味道非常香濃,還配有除薯條,非常惹味。花膠濃湯雞煲（$98）轉雞髀位（$20）完全冇味精的雞湯,花膠好大條，可以四個人分黎食，味道香濃,很滋補。鮑魚花膠撈麵（$78）成碟都有很濃的鮑魚汁味，會有鮑魚一隻及花膠，好抵食。吉列花膠扒（$88）上碟時，還以為叫錯吉列豬扒，因為很大塊，原來成塊都係花膠。好正。沙參肉粥海底椰燉花膠湯（$78）-即日限定很滋補的燉湯，沒有味精，用料充足，完全沒有偷工減料。

貪靚既既我知道佐敦開左間用花膠做主題既星餐廳，就即刻同朋友一齊去食。花膠有好多骨膠原，對皮膚好好，男女都岩食！估唔到花膠可以整到咁多款唔同既菜式，勁！我地叫左碗螺頭准山杞子花膠燉湯，好滋潤！我地仲叫左呢估金箔三式花膠撈麵，呢道菜用左三種唔同花膠黎整，每種都有唔同口感。麵就揀左蝦子麵。仲有呢個超特別既首創吉列花膠扒，原隻既大花膠拎左去炸，再點上沙律醬，好創新既食法！最後，仲有呢一大煲既花膠濃湯雞煲，花膠同雞真係perfect match,個雞煲勁香濃！

朋友推介新開張花膠麵食專門店, 香港都好少有同類食肆, 平時屋企都有自己整花膠食, 不過嫌功夫多又貴, 所以專登去試下。間舖都好易揾，佐敦站一出轉個彎過一個街口就到。到店後老闆好熱情咁招呼同推介, 花膠菜式選擇出奇地多, 不過都係貪心想試晒招牌花膠, 叫左個一碟三式花膠撈麵, 有三款唔同款花膠, 麵都有三款可以揀。約一舊水有三件花膠, 心諗都應該近似車仔麵個類下價花膠乸卸身軟綿綿要用千年油去炸成口油膱味, 點知上枱三件花膠都好有厚度又挺身, 應該係靚花膠公，用鮑汁煮食落好入味又有貴價花膠口感同膠質。麵食都煮得唔錯配花膠鮑汁，真係除覺得好抵食外, 個份精神滿足都好難在香港地用一舊水就換度。因為太專心食所以都唔記得影相, 除左好食抵食外, 老闆同店員都充滿正能量, 真係食得好有收獲同滿足