臨記車仔麵 (已結業)

一直都好掛住臨記既車仔麵，今日有緣黎藍田，怎能錯過見你一面。今次黎唔使大排長龍，落單拎野食都快左好多～繼續我既自選之路。兩個人叫左$150 蚊，都好夠飽。今次繼續叫我最愛既傳統湯，不過店員有問我加唔加腩汁/沙嗲汁，加左腩汁既湯底夠濃夠正，配烏冬都好夠味。牛筋係我一直都念念不忘，佢係我食過最喜愛既牛筋，夠腍夠入味勁重膠質，無牙婆都食到。溏心蛋有拉麵店水準，食落非常軟滑同流心。鮮竹卷自家製，勁多饀好好食。今次試埋個鮮腐竹，索曬湯汁唔錯。朋友就叫左無加腩汁，湯底清好多。試左舊魚腐，唔知點解覺得有陣蠔豉味，唔知係咪個花菇既影響，好搞鬼。花菇蠔油味幾濃同入晒味，之後食番舊蘿白，份外爽甜。最後試埋個瑞士花香雞翼，果然食到淡淡桂花既香味，甜甜的配雞翼又幾有新鮮感，呢餐都算幾滿足。

冇乜商場會有車仔麵食，最多都係茶餐廳。不過好少茶餐廳會有車仔麵食，多數都係公仔麵，米線，米粉，河粉。呢間有好多種類款式俾我揀，連咖喱魷魚，陳皮魚蛋，牛孖根。。。呢啲有香港特色嘅大排檔款式都有得揀，值得一讚！然後湯底亦都有好多選擇。而我就揀咗牛腩汁！個湯底就一般，唔算好濃牛腩汁，可以再落多啲牛腩煲得入味啲。食車仔麵一定要識揀油麵！佢軟硬到適中，份量都夠吃！仲附送幾條菜注意事項⚠️熱水可以自行去斟，紙巾要比錢買（$2·5一包），食完要有手尾，拎去托盤收集站呀！

可以喺車仔麵店食到咁高質嘅糖心蛋🤤感覺一次拍幾粒唔成問題🤤如果唔怕膽固醇超標😂牛肚 蘿蔔 雲耳 雞肉又係推薦我今次嗌嘅全部都好食😍牛肚勁軟腍 似酒樓點心嗰種✨👍🏻蘿蔔清甜無渣 雲耳係有膠質嗰隻我唔鍾意脆口嗰種雲耳仔😖呢個係厚實有膠👏🏻雞肉好滑 有雞腿肉 大舊又多夠足料加$有番茄湯底 雖然就唔夠濃 有d淡但都食到番茄味同少少番茄肉(真係好少!!)呢度嘅配料係自己加 價錢$6-13唔算太貴而且份量夠多😙今次揀咗米粉同埋我以上嘅配料$49食到好滿足喔😋瑞士雞翼另外加 但超級不推薦😅上次嗌燒雞翼就好食 今次呢個瑞士雞翼都唔知整起咗幾耐......又凍又硬 嚇死寶寶了😥希望淨係今次嘅問題 因為我都幾鍾意食佢哋呢間嘅車仔麵配料下次都係嗌返燒雞翼🙌🏻

藍田依間車仔面開張到依加日日食飯時間都排哂隊，真係忍吾住要去試試價錢方面，非常貼地，我叫左2款小食再加2個4送面都係$151，吾似得好多店面企理既車仔面真係貴到離譜，而且服務態度吾錯，有笑容，有禮貌，乾淨就一定啦，剛開業冇耐先講啲傳統車仔面必食：蘿蔔，煮得好淋，又清甜，冇渣，屬於最上等而且我最欣賞既送。豬腸，好香，不過有小小煮過左，淋左啲啲，口感差左小小，不過香味就十足十。豬紅，入味，爽口。由魚，入味，新鮮，基本上都發揮得好好，但最驚艷都係蘿蔔另外一啲新派既小食，油炸鬼雞翼，真心好食，完全有油炸鬼既香口，再加上炸得好嫩既雞翼，重點係好多肉汁，好香，推薦大家一定要食。另一款花香雞翼，聞落會有陣陣既桂花味，但可惜食落就冇，而係好香既鹵水味。仲有一款孜然雞翼就係混合土匪做法同孜然粉，雞翼控一定要試整體來說，完全對得住咁多人黎排隊，平平地有咁既質素真係吾多，想食車仔面一定會諗起佢👍👍

經開藍田港鐵站既啟田商場，唔知食咩個陣，見到有間主打比較新開的臨記車仔麵，加上由中學時期，真的好耐無食過車仔麵，所以就決定食了~見臨記車仔麵都好多人排隊食，證明真的有一定的人氣，在餐牌上，見到好多不同款式嘅湯底，有咖喱，番茄同麻辣同埋清湯。餸配料方面有接近40款，真的令人唔知點選擇幸好貼心地，餐廳有多種不同的主打車仔麵套餐，SET好曬餸，仲有好抵死的名字，真的引人想食~之後點了一個牛魔王，要油麵加麻辣湯底，加左豬大腸同埋糖心旦，另外加埋小食油炸鬼雞翼，同埋檸檬可樂，上到菜，真的好大碗，份量也足夠，糖心旦做到流心效果，無想過在車仔麵都可以食到哈哈油炸鬼雞翼，真的食一口，有種食左油炸鬼的感覺，真的好邪惡，豬大腸好入味，份量都好足，雖然是車仔麵，但食完整碗，真的有種好滿足的感覺，我都想我屋企有一間~下次有機會要再來食LUNCH先哈哈

係啟田商場二樓有條街特別多野食，有間叫〈臨記車仔麵〉唔好聽個名簡簡單單 d野食好有質素!我叫了一碗牛魔王，朋友要豬八戒，碗麵用料十足，有牛腩、牛肚、牛丸、蘿蔔、韭菜，湯底揀了豬骨湯加腩汁和米線；朋友就揀左豬骨湯和粗麵。車仔麵即叫即整，熱辣辣，香味四溢，賣相又好，非常吸引。食落去就更加幸福，豬骨湯底加腩汁味道濃厚，米線軟硬適中。牛腩、牛肚炆得好腍，蘿蔔十分入味，吸收湯精華，而豬八戒有豬皮、豬大腸、豆卜、腩肉、菜心，傳統湯非常清甜、仲帶點中藥藥材味，豬皮、豬大腸清潔得好徹底，入口不會有臭味，而且炆得好腍，好好味另外我地都叫左一d小食，有韭菜豬紅大腸，呢碟很特別又搭得好好，滷水汁大腸加豬紅韭菜，豬紅新鮮，滷水腸好腍好好味，仲有韭菜配搭，又抵又好食👍🏻 豚爽肉真係令人好驚喜，薄薄地，肉汁豐富，又唔會好油，十分香口。仲有瑞士汁花香雞翼，呢個雞翼加了花瓣碎，上桌已經嗅到桂花的香味，賣相十分吸引！食落亦都好夠味，淡淡的花香加上濃郁瑞士汁味，非常出色。請到油炸鬼豬扒，一開始都冇諗住揀，後來見到係店的特色小食，就即管試些，只係$15就有大大碟，外層非常香脆，內裡的豬扒白雪雪多汁鮮嫩，果然係好推薦！

第一次踏進藍田，就是為了油炸鬼雞翼。一出地鐵站，走大約10分鐘便到達茶餐廳。餐廳的面積很大，乾淨企理，設有自助餐具專區。這裡的車仔麵可以自選，有不少特色配料，例如溏心蛋、鮮竹卷等，也可以選擇牛魔王（吃牛）、唐三藏（吃素）、豬八戒（吃豬）等。⭐️油炸鬼雞翼$19一聽名字已經很吸引了！以油炸鬼包裹雞翼下鍋油炸，炸得香噴噴。咬一口，非常香脆，有油炸鬼獨有的油味，雞肉也很嫩滑，令我一口接一口地吃！既邪惡又美味就是這樣了。⭐️自選車仔麵麵底$9、回味豬大腸$8、咖喱魚蛋$7、芽菜$6、鮮茄湯$1三餸車仔麵已經很豐富了。鮮茄湯底有不少番茄，酸酸甜甜的，很開胃。最好吃是回味豬大腸，軟軟又略帶嚼勁的豬大腸很惹味啊！芽菜也很新鮮。魚蛋不似平時吃的那般彈牙，但也不錯。

今晚食車仔麵，這家店好似TVB節目介紹過，之前已經很想吃。餐廳座位很多有自選車仔麵，自選配料和湯底，我不想麻煩，直接點了化骨龍。⭐️化骨龍$39配料很豐富，有瑞士花香雞翼尖、秘製豬軟骨、自家製鮮竹卷、墨魚丸、唐生菜，我要咖喱湯$1。湯底咖喱味不算好濃郁，淡淡地。豬軟骨很厚很軟，很好吃。最好吃是瑞士花香雞翼尖，醃得很入味，啃起來很滋味！有機會要再吃！鮮竹卷也很出色，整體來說不少特色又好吃的配料。檸檬可樂特飲$17菜心$15

今日阿媽約左朋友去街，唔想阿爸做孤獨老人，所以就同老婆去阿爸屋企附近，簡簡單單食個車仔麵。估唔到車仔麵都咁多人，排晒長龍好在入面都好多位，而且都好乾淨自助形式，餐具同醬料都要出去拎。位置夠乾淨，老婆無〈炸型〉講返野食先，都有好多餸可以選擇，湯底都有4款，好有誠意如果唔想慢慢揀餸，可以揀佢地既車仔麵套餐，另外仲有多款小食，好多選擇我地揀左脆味豚爽肉同鹽酥雞軟骨。卜卜脆，香口又惹味，爽！！阿爸叫左傳統湯底幼麵，配牛腩，秘制牛孖根同豬皮。🐮🐷牛根同牛腩好入味，炆得淋滑得來但仲保持到好咬口，唔會話淋pat pat散晒，高質高質我就叫左小辣麻辣湯米粉，配鮮竹卷，腩肉，炸醬同溏心蛋。特別推介鮮竹卷，好爽口又足料溏心蛋絕對係必食的首選！！我同老婆都各自叫了一隻，正到吖老婆係食草怪兔，所以點了爽口的雲耳同清甜無根既蘿蔔，佢都話Good！！另外佢話烏冬好彈牙爽口，下次都會點。

臨記就在樓下商場，與家人吃過一次，味道不錯，感覺製作用心。周日家中沒煮飯，便再次光臨。📍必食脆味豚爽肉，秘製豬軟骨，糖心蛋，芝士腸，讚岐烏冬，番茄湯，原味豆漿（$52+$8飲品）臨記新出品-脆味豚爽肉🐖，外面脆炸，非常香口，想不到車仔麵的配料也會定時推出新菜色🙌🏻。雖然豬軟骨的水準未能媲美神級牛筋🐂，不過味道和口感上也算是不錯👍🏻。糖心蛋保持高水準發揮🐣，溏心感十足。芝士腸正常，讚岐烏冬有彈性，麵質煙韌又入味又煙韌，配上健康番茄湯🍅，正！📍秘制牛孖筋，自家製鮮竹卷，糖心蛋，牛丸，讚岐烏冬，番茄湯，原味豆漿（$53+$8飲品）果然是秘制牛孖筋，不但份量多夠大件🐂，而且牛筋入口即化，可說是融在口裏，充滿骨膠原，價錢平民但質素高😍。鮮竹卷是自家製產品，吸收了蕃茄湯的精華，夠入味。特別要提及一下「真」番茄湯，湯內有番茄蓉🍅，味道天然溫和。📍油炸鬼雞翼（$19/3隻）第二次吃油炸鬼雞翼🐔，這次廚師控制火喉的技術有所進步，油膩感變輕了，雞肉也嫩滑Juicy，正❤️！

簡簡單單去樓下商場，食返碗車仔麵醫下個肚仔先🤤！📍秘制牛孖筋，豬皮，糖心蛋，鮮腐皮，魚皮胶，粗麵，小麻辣汁，原味豆漿（$55+$8飲品）牛孖筋是必吃，抵食味道一流。鮮腐皮豆味香濃，溏心蛋非常入味🥚，流心度滿分💯。粗麵份量很多，抵食又飽肚👍🏻。📍惹味咖厘魷魚，豬皮，秘製豬軟骨，豬红，九菜，粗麵，中麻辣汁，原味豆漿（$53+$8飲品）豬皮爽口有質感，秘製豬軟骨半筋半肉，筋膜位置軟腍入味，人氣惹味咖喱魷魚非常彈牙，帶點微辣🦑，其他配料發揮正常。湯底選擇加入了中麻辣醬汁🌶，辣辣地令人更開胃😋！粗麵份量慷慨，食完大滿足！🍴油炸鬼豬扒（$15）從沒有在其他地方見過，豬扒外層炸得鬆脆🐷，香口惹味。只是豬扒略乾，味道還好！餐牌如下

五一放假既前夕，陪老媽子覆診，之後就話肚餓要食野，我就帶佢到附近的啟田商場揾食。走到臨記車仔麵時，有人龍排隊中就拉媽子去食。原來是有下午茶優惠，想好了就排隊下單。入內位子十分寬敞，而冷氣亦夠凍，最怕食熱麵食到身水身汗的。麵餸點了好入味的豬腸，流心既糖心蛋，還有自制鮮竹卷且十分足量，內涵十足，比點心店吃到的更好吃湯底是鮮蕃茄湯，鮮甜帶點酸，配上讚岐烏冬，十分美味。瑞士花香雞翼  有桂花在上，入口有淡淡的桂花味道，十分清幽，而瑞士雞翼味道濃郁，令人一試難忘油炸鬼豬扒十分脆口的豬扒，而且肉質嫩，值得點來食最後以檸樂來作完結，十分完美。

位於藍田啟田商場2樓226-227號舖的臨記車仔麵，主打港式車仔麵。曾經吃過沙田分店，味道頗不錯，今次和住在藍田的朋友用餐。餐廳的環境光猛潔淨，職員不時會清潔桌子和收餐盤，用餐完畢後也可以把餐盤自行放到收集處。點了一客牛魔王，當中有牛腩、牛肚、牛丸、蘿蔔、韭菜，選了咖哩湯和幼麵。車仔麵熱騰騰，咖哩香味四溢，材料豐富。湯底咖哩味濃厚，令軟硬適中的幼麵增添了一份咖哩味。個人最喜愛牛肚，有嚼勁得來又不會太韌，牛腩也炆得十分入味。額外加了配菜：豬大腸和溏心蛋，豬大腸清潔得頗徹底，入口不會有臭味，而且炆的時間足夠，不會過韌。溏心蛋是這裡的招牌，上次在沙田分店吃過，念念不忘。裡面的蛋黃仍然是半凝固狀態，慢慢在流動，味道鹹香，微微漿住口腔。外面蛋白口感彈滑，嘗到淡淡的滷水味。檸檬可樂是整罐來到的，檸檬片份量充足，口感冰爽。點了三隻瑞士花香雞翼，剛上桌已經嗅到桂花的香味，吃一口，雞翼十分入味，充滿了瑞士汁的鹹香，之後就會嘗到花蜜的甜味，味道豐富。美味酸齋是一款不錯的小食，味道酸酸的，頗開胃，質感又不會過硬，而且份量十足。朋友點了一客香脆炸魚皮，把魚皮浸在湯中數秒，既能吃到魚皮微脆的質感，又能嚐到湯中的

•臨記車仔麵•藍田啟田道50號啟田商場2樓226-227號舖蠔油菜心瑞士汁雞亦,好入味,有得選擇買3隻或5隻!!!"脆味豬爽肉,豬爽肉即豬頭肉,食起上黎跟豬頸肉有得揮,同樣擁有特別軟滑爽彈的口感!!!淨餸走湯底,因為佢依到既秘制麻辣醬好野味好好味,所以我鐘意就咁將d餸沾醬食,如果有湯底就溝淡左個醬!!!車仔餸"蘿白+溏沁蛋+豆卜+腸仔+陳皮魚蛋+瑞士汁雞亦尖"陳皮魚蛋幾特別,個陣陳皮味嗅落已經好出味,食落重更出味!!!瑞士汁雞亦尖,真係車仔餸必點之一,做到較硬適中好好吮,又入味!!!"店内有個位置設了自助枱,上面放滿碗筷杯子,各種調味,最欣賞係有免費任飲清水提供!!!簡單總結: 環境衛生 員工友善 食物美味 價錢經濟實惠

依家港式車仔麵真係買少見少， 最近轉咗新工，公司附近開了一檔新的車仔麵，即刻同同事一齊去試試佢。我地點左唔同嘅餸同湯底，脆味豚爽肉炸得十分爽脆，鮮竹卷肉味濃，酸齋味道偏酸，秘製豬軟骨既入味又燘得軟糯，但數量只得一舊，牛孖根咬落就知充滿骨膠原，鮮腐竹係吸湯嘅最佳選擇。清湯係豬骨淆製，味道濃郁，蕃茄湯有少許酸味，十分開胃，麻辣湯小辣亦很搶喉，令人一啖接一啖!整體嚟講，算係非常好味又飽肚， 同事都讚我今次嘅介紹非常之好！