臨記車仔麵 (已結業)

去藍田探uncle，佢話未食lunch，隨隨便便落屋村商場食，佢話未試過，可以一試，於是入去左形式上有點似連鎖式快餐店，看水牌，先下落，等叫號，再自己取餐正當煩惱緊要精選配搭定自選時，我發現精選配搭抵好多，還可以加錢加餸，結果叫左兩碗再加小食湯底有四種可以揀：傳統湯，咖哩湯，麻辣湯，鮮茄湯除了傳統湯外，其餘三種要加$1而粉麵就有七種可以選擇：米線，米粉，粗麵，幼麵，油麵，河粉，仲有+$3可轉讚岐烏冬豬八戒-有豬皮、豬大腸、豆卜、腩肉、菜心，要了傳統湯和油麵，傳統湯清甜得黎有點中藥藥材味，配合煙韌油麵，best match牛魔王-有牛肚、牛腩、韮菜、蘿蔔、牛丸，配鮮茄湯和油麵，牛同茄係我的最愛，$40有齊曬，真係好滿足孜然燒雞翼（五隻）-外脆內嫩，外面孜然粉很好，好野味，內裏又好多肉汁油炸鬼豬扒-這店的特色小食，外面有層類似油炸鬼的粉漿，非常香脆，而內裡的豬扒很淋，又保持多汁鮮嫩菜心-嫩，無渣，都算幾大碗另外各加左+$7叫左杯野飲，整體都幾抵，好食又抵食，uncle話下次可以自己去

*滷蛋滷肉飯,從圖中可見佢既肉碎係大粒d,出面個d多數係碎d細粒好多,我覺得大粒d既口感食起黎有咬口d實在d。依碗飯只係20幾蚊,三十數有找,重有油菜伴下碟,諗真抵食。*佢既飯唔係珍珠米,但口感較軟較濕,依個真係好睇個人口味,正正我就鐘意煲出後偏軟既米飯口感。*個飯已經跟左滷蛋,但我就再加錢加左隻溏心蛋,流出黎既蛋汁伴飯真係一流。*依個麻辣酱佢寫係秘制既,個味又真係特別d,辣度黎講唔算辣。*蕃茄湯車仔麵,個蕃茄湯底淡湯好味,蕃茄味好濃,濃得黎唔會酸。*粗麵底,麵底份量多,好夠飽。*蠔油生菜,唔夠油淋面,食落有d乾,令我諗起減肥烚菜走油既口感。*新奇有趣,油炸鬼豬扒,兩者又幾夾,外脆內嫩。

成日經過都見佢排曬隊，所以近屋企都未試過xpp但今晚突然好想食車仔麵，特別係大腸，所以就搵左都係住係附近既brother一齊食；）除左車仔面，連滷肉飯都有得食！！當晚都係大隊長龍，好彩收銀姐姐都好快手，唔洗等好耐就已經到我地落單:）落左單就可以拎飛等嗌number出去拎野食呢到既職員個個都戴囇口罩手套同廚帽，感覺好衞生我要左自選既車仔麵，而好brother就要左個台式滷肉飯，我地仲要左一碟5隻既孜然雞翼一齊share :）孜然雞翼香口入味又嫩滑,正woooo!!! 白蘿蔔爽甜又無渣=]而個晚超想食既豬大腸都唔錯，入味又唔韌好brother既滷肉飯勁大碗，望落都幾吸引~~免費加配既特色辣醬都幾正，香料味幾出又唔會係死辣！加7蚊就可以配埋飲品(*^__^*)

今日去左搵朋友，佢住係藍田，咁搵佢一齊食個午餐，佢介紹我地去食《臨記車仔麵》，原來藍田都有分店，入去鋪頭前要拿落單紙，很多款餸選擇，睇岩就剔好就可以比錢，等叫號碼就出去拿。我們叫左A4 化骨龍$39，內有瑞士花香雞翼尖、秘製豬軟骨、自家製鮮竹卷、墨魚丸、唐生菜🥬、我選了豬骨湯同米線。雞翼尖有6隻，鹵得個味岩岩好，豬軟骨都好腍身，肉內有條軟骨，可補骨膠原，鮮竹卷都煎得好甘香脆口，墨魚丸都好彈牙爽口。A5牛魔王$39 內有牛腩、牛肚、牛丸、蘿蔔、韮菜，選了豬骨湯同粗麵；蘿蔔大大舊好好食因很清甜不帶苦澀味，牛腩牛肚都好腍身，好有牛味，真係食牛魔王既福音。😁 另外我地仲加左個脆味爽豚肉$13，個皮炸都好鬆脆，熱辣辣既豚肉又爽脆，真係好味道，仲叫埋油炸鬼雞翼（5隻）$28，食落口脆脆地，好像食緊油炸鬼，雞肉嫩又滑，真係一個新配搭！叫左碟唐生菜$15 ，用蠔油撈一撈個菜更加爽脆！另外加$8 叫左黑芝麻豆漿同原味豆腐各一杯，兩款豆漿都唔係太甜，適合現在愛健康人士飲用，豆味都好濃厚，唔錯！愛食車仔麵的朋友又多一個地方選擇啦！😋😋👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，

每個星期都去藍田教補習，都唔知呢到開咗間車仔麵舖。其實我幾中意食車仔麵，因為有好多款湯底、麵底同配料選擇，自行配搭一碗屬於自己口味嘅麵，有一種獨一無二嘅感覺今日又黎補習，就一於試試呢間新野。唐三藏（$35）呢個係素食set，有鮮腐竹、豆卜、銀芽、雲耳、蘿蔔、菜心。我本身好中意食腐竹，見到塊腐竹超大塊，仲要唔只一塊，勁開心另外白蘿蔔都好甜好好味，其他配料就正常普通啦，但份量都唔少，$35真係超抵，值得一讚！溏心蛋（$10）初初一眼望碗麵以為佢比漏咗，原來寶物尋歸底！呢到嘅溏心蛋算係幾唔錯，夠入味，半生熟又剛好做到流心嘅效果！不過我覺得溏心蛋放面好d，好易爛架嘛自製鮮竹卷（$10）腐竹迷當然要試埋鮮竹卷一碗有三大舊，餡料係爽口嘅蔬菜，所以好有口感，味道都唔錯秘製豬軟骨（$8）我會大力推薦呢個豬軟骨好軟好滑好入味，仲要食到有膠質架

係啟田商場入面開左間車仔麵店，成日都好多人排隊今日見得閒啲都排隊試下是自助式，在門口櫃臺點完餐後，在bar檯上取相關用具然後等叫號碼取餐🔢我們2個人叫左以下份量已經好飽🔶牛魔王 $39 （咖哩湯底+$1）入面會有牛丸、牛腩、牛肚、蘿蔔、韭菜牛丸普通，都彈牙架；牛腩入口淋；牛肚好似金錢肚，一格格的，新鮮；蘿蔔多汁鮮甜最特別的是咖喱湯底，估你唔到又幾夾，食到停唔到口🔶化骨龍 $39 （麻辣湯底+$1）入面會有自製鮮竹卷、豬軟骨、墨魚丸、雞翼尖、生菜鮮竹卷是重點，因為出面好少有鮮竹卷，果然好味新鮮有咬口；豬軟骨好淋好味，但得一舊比較少；墨魚丸普通；雞翼尖燜到好淋，入口骨肉分離，好易食到！麻辣湯同其他餐廳比不太辣，比較咸，但是好味的！🔶油炸鬼豬扒 $15 👍🏻$15有咁大件豬扒真係好抵！而且外面個層整到好似油炸鬼，好惹味，而且豬扒肉質鮮嫩，易咬開🔶瑞士汁花香雞翼 $19因為已經叫了油炸鬼豬扒，所以雞翼唔叫油炸鬼雞翼啦，改叫呢個瑞士雞翼，食落都好夠味，而且有淡淡的花香味，因為佢係表面沈了一些花瓣碎🔶韭菜豬紅大腸 $28大腸是滷水豬大腸，好惹味；豬紅新鮮，入口有陣陣鮮甜味，抵食好食👍🏻總括來說，好

上次黎食啱啱開業淨係開中午，而家終於開埋夜晚🤩，而且速度仲快左。好多餸都好想食，所以最後都係自選。✨好鍾意佢個傳統湯配烏冬，湯底夠濃，烏冬煙煙韌韌又好入味，不過就要加$3~✨牛筋真係必食好好味，超腍好重膠質入晒味。鮮竹卷自家制超多料，好好食👍🏻。陳皮魚蛋細細粒，陳皮味唔會太搶，所以唔鍾意食陳皮既我都覺得幾香。✨溏心蛋都係令我念念不忘🤩，水準拍得住拉麵店。個蛋好軟滑入味，勁流心。✨佢既豬軟骨同樣係炆得超腍，d 骨好似牛筋咁腍👍🏻👍🏻👍🏻好香好入味。✨黑豆漿唔會太甜，感覺幾健康。✨酸齋（$15): 呢個真係幾酸🤣，不過腍得黎幾有彈性。✨孜然燒雞翼（$19/3隻）： 結合譚仔香草+土匪雞翼嘅感覺，食落又幾香幾唔錯。

朋友推介藍田的啟田商場新開了一間好抵食的車仔麵，一碗價錢在三十幾蚊左右，今晚放工就同朋友過黎食下。新開業期間客人已經好多，差唔多坐满。餐廳採用自助模式，先在門口櫃檯落單付款，再在餐廳入面自取食物，搵座位坐低。我今晚叫咗多個餸，魷魚，雞翼，豬紅，豬皮，蘿蔔，菜心，溏心蛋等，平均每個餸$10左右，自由組合，麵底揀咗粗底。湯底熱辣辣，係清甜的牛腩湯味，顏色較深，豬紅嫩滑軟稔，入口即溶，雞翼肉質入味，鮮甜可口，而粗麵係食車仔麵的最佳配搭，入口軟滑有嚼勁。小食，雞軟⻣，炸得卜卜脆，入口爽脆惹味。

香港人諗起街頭食物，車仔麵一定係其中一樣啦。車仔麵好嘅地方係可以揀餸，又可以揀面，仲可以揀埋個湯底添。知道藍田開咗間新嘅車仔麵，就打算收工黎食下。黎都見到門口排晒隊落單，就知道唔伏啦。我最鍾意食酸酸甜甜嘅嘢嫁啦，所以湯底揀咗鮮茄湯(+$1)。麵我揀咗幼麵，落單時阿姐特別再同我Double-confirm係幼麵唔係油麵，呢下野真係非常之有香港特色架，因為我去到邊度食車仔麵落單個阿姐都係會咁樣同我confirm，真係即刻好有feel呀。呢度配菜真係超多啊，睇到眼花撩亂。配菜揀咗咖喱魷魚($13)、牛根($13)、牛柏葉($10)、豬軟骨($8)、唐生菜($7)。另外再叫咗菜心($15)，同埋油炸鬼豬扒($15)。朋友叫咗溏心蛋($10)、鮮冬菇($7)、自家製鮮竹卷($10)、魚皮餃($7)、墨魚丸($7)。落完單，聽到叫號碼竟然要等30碗咁多啊，原來呢度都幾受歡迎喎。最咪等左10分鐘左右先至攞到。麗都就即刻起筷啦，蕃茄湯底果然冇令我失望，夠晒甜呀。除咗牛筋有啲太林之外，所有配菜都非常之好啊。豬扒炸到個面好似油炸鬼咁，好特別。有時夜晚想清清地，黎呢度都唔錯啊。

今晚一個人去藍田行街順便解決埋晚餐先返屋企， 見呢間車仔麵keep住有人排隊就決定一試😁叫咗個五送嘅傳統湯底車仔麵，配咖哩魷魚，溏心蛋，蘿蔔，豬皮，菜心，另外加咗個油炸鬼雞翼～個湯底好香， 香得黎清清地，一飲就知道真材實料完全唔係味精，食完完全唔口渴👍👍咖哩魷魚煮得啱啱好多中，個咖哩幾惹味溏心蛋好有驚喜！！估唔到一間車仔麵店可以整到咁溏心嘅溏心蛋😱 可以fight低好多日本餐廳👏👏蘿蔔好甜，又淋，完全冇渣😁個雞翼係即叫即炸嘅，店員叫我坐低食住麵先，個雞翼中陣間送過嚟畀我，好貼心😚 雞翼大大隻，個皮好薄但係勁脆！裏面既雞肉好滑，非常不錯😋😋餐廳座位好闊落， 廚房嘅店員又會帶住口罩，好衛生👍 希望可以保持呢個水準開多啲分店😝

這天又到了朋友藍田的家，朋友忙於照顧小朋友，也沒有空間和我吃飯，當然找他之前先吃點東西，這次我再次光臨了這家連鎖式的車仔麵，沒想到又有驚喜發生。餐廳裝橫方面，同樣以木系為主調，配合半自助式的餐飲服務，令到這個購買過程更加爽快，方便。餐廳更提供電子屏幕菜單，因此無須和傳統的車仔麵檔一樣畫紙仔。食物選擇方面，我依舊選擇了我最愛的車仔麵，配搭喜愛的餸，味道當然沒有失水準，一樣保持高水平。 這次我點選的是化骨龍，另外還加配料陳皮魚蛋， 最近從報紙得知陳皮魚蛋不再由香港製造，有點可惜失望，因此回顧一番。吃飽了，又是時間找他了。

今日得閒，見好耐都無去藍田，所以就同家人落去行吓。諗住食飽飽先至行，發覺有d餐廳無咗，原本諗住食意八，但又係要等好耐，所以就試咗佢對面呢間新開無耐嘅車仔麵。地方大，尚算易搵位，收銀姐姐亦態度和藹，我哋都係叫咗麻辣湯少辣，食物亦好好味，個人覺得最好味係䐁爽肉，唯獨酸齋麻麻地。下次再去藍田，都會再試

呢日三點幾先去教班，反工之前又同女皇大人去屋企附近食個晏先係唔知食咩好既時侯就話去返食車仔麵，話唔想食飯咁飽濟我地12點左右落到去，學生未放lunch所以無平時見到既咁多人，係我地食完既時候就爆場咁濟兼且有唔少人等外賣添平時黎親都係食麵，見到佢地新出左個“滷肉飯”HKd$29都幾吸引咁啵，一於試下新野先估唔碗滷肉飯係咁大碗！！！飯量起碼有兩個飯碗既飯兩個人share都仲得，仲要添埋滷水蛋同油菜添滷水蛋都幾入味，除左飯量唔少，肉燥都有反咁上下份量，惹味既肉燥香得黎唔算太油膩，撈飯食真係無得輸食住碗台式既滷肉飯，如果配埋杯珍珠奶茶就正啦，不過呢度暫時都未有，咁就加7蚊飲住杯港式既凍奶茶頂住先啦當然唔少得每次都會叫一份黎食既“美味甜酸齋”HKd$15啦依舊係夠酸醒胃夾大件，正而女皇大人就食返車仔麵，偷食左佢一舊“自製鮮竹卷”HKd$10，味道都唔錯啵女皇話平時都食開既溏心蛋同豬大腸就保持水準，唔錯唔錯愛辣既女皇話加埋呢度既特色辣醬一齊食就仲正添

今日難得來到藍田啟田商場, 見到呢一間臨記車仔麵店鋪門面燈火通明，環境好企理，一於入嚟試下。首先去望下個板有啲乜嘢想食先：唐三藏、豬八戒、牛魔王、大隻佬...？哈哈，啲車仔麵菜式名好有創意！不過又俾我望到側邊塊板，車仔麵店居然有滷肉飯可以食！咁就叫一個台式滷肉飯加油炸鬼雞翼，再加一杯檸茶啦。比咗錢之後等嗌號碼，好快就已經有得取！個雞翼因為即叫即炸所以要等多一陣。拿食物回到桌上途中，順手去自助餐具處取餐具。想不到29元的滷肉飯居然這麼大碗！相信有兩大碗飯的飯量。這裏的滷肉飯是用豬腩肉，所以入口很滑，味道不會太鹹很不錯，還附送一整隻鹵蛋。不多久油炸鬼雞翼也可以拿取了，這個雞翼炸出來真的很像油炸鬼，等炸起放涼一會兒再吃，更加脆口美味！😋食物質素不錯，性價比高，下次再來試下車仔麵！

經過見到呢間臨記，見到MENU都幾多選擇😳呢到除左有得自選車仔面之外，仲有幾款套餐，岩哂有選擇困難症既我🤣我叫左個化骨龍套餐，入面有炸鮮竹卷，瑞士花香雞翼尖，豬軟骨，墨魚丸同埋生菜，好豐富呀！面底就叫左油面，配香濃原味湯底，一試第一啖既湯底覺得好香好濃味，但又唔會太咸同好勁味精，食完唔會覺得口乾。瑞士花香雞翼尖隻味好特別，有別於平時既瑞士汁，真係帶點清甜既花香味！豬軟骨煮得非常淋身，一咬落去好軟滑，仲煮到入哂味，好食！另外仲叫左豌讚歧烏冬配豬大腸，脆味豚爽肉，炸鮮竹卷，仲加左特色辣醬，辣醬既味好香，配埋碗烏冬好惹味，豬大腸煮到入哂味，咬落彈牙脆味豚爽肉其實係炸豬頸肉，咬落好juicy唔會好乾身，最鐘意就係個鮮竹卷，非常足料，加埋香脆既皮浸落湯底到好似平時打邊爐食炸魚皮既口感咁，好好食！最後仲加左份孜然新彊燒雞翼，好香孜然味，咬落好多汁，肉質嫩滑，唔錯既小食😋😋